استفسار عن شحن بريد عمان

[يونس حطاط]

السلام عليكم اخوتي

انا باغي اطلب من موقع علي اكسبرس بضاعة وهم كمية من بائع واحد ، الحين طلع لي انه الشحن مجاني ل عمان
بس بغيت اعرف هل بريد عمان راح ياخذ مني رسوم ع شحن حسب وزن البضاعة ولا كيف
لان قبل طلبت اشياء بسيطة واخذوا مني ريال ع كل شحنة بس هالمرة كمية تقريبا 10 حبات من الشنط ظهر واتوقع يكون عليهم شوية وزن.

وايضا اذا رحت وفتحت معاهم حساب بريد هل يكون نفس شي ياخذوا علي رسوم ع كل شحنات ولا ياخذوا رسوم تسجيل و تجديد اشتراك كل سنة او كيف؟

اتمنى تفيدوني !

[اعلى القمه]

@يونس حطاط

وعليكم السلام .. بخصوص بريد عمان جميع السلع تستلمها مجاناً بغض النظر عن وزنها او عددها بشرط يكون عندك صندوق بريد .. واذا ما عندك بتدفع لكل سلعه ريال ..

بالتوفيق

[SILVER STAR]

الأغراض تاخذهم مجانا اذا انت مشترك واذا خذوهم للجمارك فكل غرض تدفع ريال ، تجديد الاشتراك ١٠ ريالات سنويا للأفراد
وما عندي فكرة للمشتركين لأول مرة كم يدفعوا لأن البريد الي نستخدمه عندنا من قبل ما انولد

[مالي مثيل94]

استخدم صندوق اي احد من معارفك
بدل لا تدفع ريال لكل سلعة

البريد ما ياخذ شي منك اذا كان معك حساب

[ALKHAYARI]

[يونس حطاط]

مشكورين اخوتي ما قصرتوا

[آيكوتشي آيا]

في خدمةجديدةفي بريد عمان صندوق البريد الإلكتروني للأشخاص الي يطلبوااحس حلو

[مونستر]

بخصوص بريد عمان احس انه متلخبط
او من مكتب لمكتب له قوانين ��هههههه
او لموظف ع المزاج يشتغل

بشكل عام بريد عمان تعبان

هذا حواري مع موظف في مكتب لبريد!!

دايما لما اروح استلم شحنه من معهم يقولي الموظف ننصحك تسوي صندوق بريد
قلت له اقنعني بالمميزات!؟
قالي نعطيك صندوق خاص وتجي تشيك عليه(فهمت من كلامه انه مافيهم بارض يتصلوا) ههههه
قلت له ياخي صناديق صغار مايكفي
هذا الصندوق مال فواتير!!!
قال اذا غرضك مايكفيه صندوق نحطلك ورقه داخل صندوق وتعال استلم من داخل--- يعني انا لحد لحين بعدني مامستفيد من صندوق بريد خاص --

قالت له اذا فتحت صندوق بريد تاخذوا علي رسوم ع اي شحنه توصل صندوق بريدي
قال ايوا ناخذ ريال اذا كانت الشحنه عباره عن (ماده) -هذه مافهمتها -ههههه
-بعدني لحد لحين مامستفيد من مميزات صندوق البريد--

قالت له هل تتصلوا فيني لما يوصل لغرض صندوق بريدي!!؟
قال لا؛ لانك عندك مفتاح وصندوق وتعال شيك وحدك ع الصندوق-يعني لازم اخصص يوم اروح اضرب خط افتح صندوق واشيك-- هههههه

قلت في اشتراك بنظام اشعار بالرسايل النصيه في موقع الانترنت بريد عمان
قال لا ماشي عندنا هذه الخدمة...
-لحين ويش استفيد لما اروح اسوي صندوق بريد ب15 ريال واجدده سنوياً

^هذا قوانين مكتب بريد عمان اللي ف منطقتنا
يمكن انتوا قوانين المكاتب اللي ف منطقتكم يختلف ههههههه


ع العموم في غرض متتبعنه وواصل لمكتب من سبوع لحد لحين مااتصلوا فيني
شكلهم صحيح مافيهم بارض يتصلوا
بكره بسير اشوفه أن شٱءٱڵـڵـھ


كل التوفيق للجميع

[شبل الأشبال]

كم مدة الشحن عبر بريد عمان؟

[وسيط ebay]

كم مدة الشحن عبر بريد عمان؟

من 15 إلى 45 يوم
خلال هالفتره توصلك الشحنات بإذن الله

[شاعر مبدع ومتميز]

اللي يقول على كل غرض ياخذو ريال ما اعتقد صراااحه

انا اول تجربه لي مشتري تقريبا 7 أغراض وخذوا علي ريال واحد فقط عن كل الاغراض

[آيكوتشي آيا]

انا أخذوا مني ريال مع انه عندي صندوق بريد
هل بسبب انه شخص اخر استلمهم لاني عملت تفويض؟؟

[sAD HaKer]

بخصوص بريد عمان احس انه متلخبط
او من مكتب لمكتب له قوانين ��هههههه
او لموظف ع المزاج يشتغل

بشكل عام بريد عمان تعبان

هذا حواري مع موظف في مكتب لبريد!!

دايما لما اروح استلم شحنه من معهم يقولي الموظف ننصحك تسوي صندوق بريد
قلت له اقنعني بالمميزات!؟
قالي نعطيك صندوق خاص وتجي تشيك عليه(فهمت من كلامه انه مافيهم بارض يتصلوا) ههههه
قلت له ياخي صناديق صغار مايكفي
هذا الصندوق مال فواتير!!!
قال اذا غرضك مايكفيه صندوق نحطلك ورقه داخل صندوق وتعال استلم من داخل--- يعني انا لحد لحين بعدني مامستفيد من صندوق بريد خاص --

قالت له اذا فتحت صندوق بريد تاخذوا علي رسوم ع اي شحنه توصل صندوق بريدي
قال ايوا ناخذ ريال اذا كانت الشحنه عباره عن (ماده) -هذه مافهمتها -ههههه
-بعدني لحد لحين مامستفيد من مميزات صندوق البريد--

قالت له هل تتصلوا فيني لما يوصل لغرض صندوق بريدي!!؟
قال لا؛ لانك عندك مفتاح وصندوق وتعال شيك وحدك ع الصندوق-يعني لازم اخصص يوم اروح اضرب خط افتح صندوق واشيك-- هههههه

قلت في اشتراك بنظام اشعار بالرسايل النصيه في موقع الانترنت بريد عمان
قال لا ماشي عندنا هذه الخدمة...
-لحين ويش استفيد لما اروح اسوي صندوق بريد ب15 ريال واجدده سنوياً

^هذا قوانين مكتب بريد عمان اللي ف منطقتنا
يمكن انتوا قوانين المكاتب اللي ف منطقتكم يختلف ههههههه


ع العموم في غرض متتبعنه وواصل لمكتب من سبوع لحد لحين مااتصلوا فيني
شكلهم صحيح مافيهم بارض يتصلوا
بكره بسير اشوفه أن شٱءٱڵـڵـھ


كل التوفيق للجميع

مصخره ههههههههه