سبحان الله صار دوام بعض الوزارات من الساعه 7.30 الي الساعه 11 صباحا

[sandra12]

السلام عليكم
بصراحه بس الاسبوع الماضي اكتشفت انه بدل ما يكون الدوام الرسمي لحة الساعه ثنتين ظهرا،،،قدموه لحد الساعه 11 صباحا ((( حبتين طبعا))) والله بلاد مضخره،،، تخيل واحد يجي من بلاد بعيييده يريد يخلص معامله تجاريه يوصل الساعه 10 وعشرين دقيقه...يردوه عليه: " الطيب احنا الاعداد معنا فل خلاص ما بنقدر نسوي معاملتك ليش ما جاي من الصباح؟؟ تعال باكر"...
انزين بنخبرهم وانا واحليلي كيف بعرف انه العدد فل وما تستقبلوا تكملوا معاملات غي ...الوزاره جنب بيتي عادي بجيكم اي وقت...ما كآني ضارب خط من مكان بعيييد عشان اكمل معامله
...
((يحكي ان دوله عمان دوله رقميه تقدر تخلص معاملتك اي مكان تريد بس ارسل من كمبيوترك بالدوام او البيت او مقهي رجل ع رجل ،،،وبيمر موضوعك ع الموظفين ف الوزاره وبيخاطبوك الكترونيا ...))
...اخاف يكون حد صدق....ترا ماشي منه!!!......ياخي والله خلوا الموظفين يداوموا ويستقبلوا معاملات الناس لحد الساعه ثنتين ...واذا فيه نقص موظفين دربوا ناس ووظفوهم والله ناس وايدين ما محصلين شغل...طبعا معروف رد الحكومه (( احنا ما عندنا فلوس نوظف حد عندنا ازمه ماليه...))).واااضح كلامك يا الحكومه وف مهرجان مسقط بعد شهر او بيطلعوا الملايين من تحت الارض عشان يجيبوا مطربين ويلوثوا بلادنا....
لححد متي كذا تفكيرنا... ياخي فكروا ف البلاد بطريقه صح...!! اول شي وزاره التربيه طبعا الواجهه من الدول الاخيره احنا ف التدريس. فكروا ليششش؟؟؟؟.وظفوا شباب خريجين جامعات فكرهم متفتح وندرس وين المشكله ونحلها......بعدين السياحه ف بلادنا تعبااانة ...اول ما تصير اجازه نص الشعب ينط دبي او العين يتمشي... ع الاقل سووا حديقه حيوانات ،،،خلوا اولادنا يستمتعوا ف بلادهم الاصل...

و...... طبعا وايد نقاط...اعرف خبصت الموضوع فوق تحت اعرف بس والله من الغم...لازم نتكلم ف بلد الحريه اونا ...*-* .... من غير اضاءه شوارع خط الباطنه والله بالليل كآنا نلعب بلاي ستيشن نشغل فل ونبند نرتب حال نفسنا الطريق لحد ما نوصل ...واول ما ندش مسقط شوف الليتات منورات ( كآنا سكان الباطنه اولاد البطه السودا مخلينا بدون ليتات ف الشوارع او اضاءه تعبانه) ....

[Man of Principles]

شر البلية مايضحك

[ناعومي]

ما قلتي شي جديد ..!

[بن بسياء]

الامور طيبه ولا بعد تجي بنتك يطش ذك طشه اعوذ بالله واذا شافك انته اتقول شايف شيطان

[sandra12]

اخخخخخخخخخخخخخخخخ.....

[طارق السفن فن]

يغلق ويرجم رعية

[رحــــال الصحاري]

قال حكومة الالكترونية خليها على الله .

[ربان الباطنه المتميز]

يغلق ويرجم رعية

انت حرام تكون مميز السبلة العامة بهذا الرد !! @طارق السفن فن
شكلك من هذيلا الموظفين الي يشردو من دواماتهم !!

[عيشتي حكمة]

قديمة عليها غبار هالمعلومة ...الناس الحين اطورت تبصم الصبح وتروح وترجع ساعة 2 تبصم ..انتهاء دواااااام😅😅😅😅😅😅😅😅
...

[الحنون9999]

الله يعين
يجب مراعاة الضمير اوﻵ

[وطناوي]

الله يعين
يجب مراعاة الضمير اوﻵ

مو دخل الضمير في هذه المسألة ... طالما ان الوزارة تستقبل عدد معين من المراجعين في اليوم الواحد وبعدها يتم اغلاق باب الطلبات أو المراجعة يعني المسؤولين عارفين بالوضع والموظف ما عليه أي خطأ

[life rose]

الله المستعان ، عليكم بالصبر ، الله يعين..

[life rose]

قديمة عليها غبار هالمعلومة ...الناس الحين اطورت تبصم الصبح وتروح وترجع ساعة 2 تبصم ..انتهاء دواااااام����������������
...

أحس بعض الناس تو ما يحبوا أعمالهم
بس أتخيل لو كل شخص يحب عمله
وأتقنه وأخلص في تأديته!
كيف يكون مجتمعنا؟!؟
سبحان الله

[ميرا المقبالي]

الله كريم

[شغب سلطاني]

ومن الملاحظ نشاط السبله يبدا من الساعه 7 ونص لحد 2 ونص

[ميرا المقبالي]

ومن الملاحظ نشاط السبله يبدا من الساعه 7 ونص لحد 2 ونص

هههههه بالفعل

[nasana]

ما جديد هالكﻻم لكن دام محد يداوم عب من تارس الشوارع من 6 ونص الصبح والسيد واقف والظهر طابقين لين 3 !_!

[أم شباب المستقبل]

عيل احنا ويش نقول موظفين القطاع الخاص؟
مرتصين ف الدوام من 8 لين 5 واذا تاخرنا ساعه او طلعنا قبل الوقت وما كملنا 9 ساعات عمل بينقصوا رواتبنا

لو يطبقوا هذا النظام على الوزارات كان ما بيبقى من راتبهم شي
هذلا مال الحكومه مرتاحين ورافسين النعمه
ع الأقل تتغديوا ف بيوتكم ما مثلنا
عاد حللوا بيستكم عشان تتبارك

[الوتيد]

صارت البصمه المعيار ما مهم مو تنجز من أعمال أهم شي تكون باصم دخول وخروج في الوقت

[المقصود]

هذا الانسان المؤمن الي يتلزم ويخاف من ربه قبل لا يخاف من غيره..
ولانه قليل المؤمنين حقا وقليل من يخاف من ربه وقليل من يتعتبر ويسعى لتحليل راتبه..

عـــــادي عند بعض البشر.. .. معجون صلصال وشوية زيت وشوية اشياء...... وحطة على اصبعك ربع ساعه وشيلها .. وبتكون عندك بصمة طوارئ......

وعطيها ربيعك .. بصمة الطواري يحظها في درجه..
يوم تتاخر قولة سير شلها الصبع وحطها في الجهاز ..


ما نقول إلا حسبنا الله ونعم الوكيل..

[قمر تركي]

ايش دخل عمل الموظفين في ليتات الباطنه والبطه السودا

[ملك الكنج]

هذا الانسان المؤمن الي يتلزم ويخاف من ربه قبل لا يخاف من غيره..
ولانه قليل المؤمنين حقا وقليل من يخاف من ربه وقليل من يتعتبر ويسعى لتحليل راتبه..

عـــــادي عند بعض البشر.. .. معجون صلصال وشوية زيت وشوية اشياء...... وحطة على اصبعك ربع ساعه وشيلها .. وبتكون عندك بصمة طوارئ......

وعطيها ربيعك .. بصمة الطواري يحظها في درجه..
يوم تتاخر قولة سير شلها الصبع وحطها في الجهاز ..


ما نقول إلا حسبنا الله ونعم الوكيل..

عطيتنا معلومة ما نعرفها احسنت

[دموع الشمع]

انزين وش اسم الوزارة

[المسعودي]

الموظفين ايميلات ماشي معهم .. عاد بلاد رقمية

الاسبوع الماضي راجعت مؤسسة حكومية الساعة وحده .. حصلت هندي في الرسبشن .. قال انت متأخر جيت بعد الدوام .. قلت له متي يخلص الدوام ؟! قال ثنتين وربع بس النظام معنا يطلعوا يصلوا الظهر ومحد يرجع

قلت بجيهم الخميس قبل صلاة الظهر .. قال لا تجي بعد الساعه عشرة ونصف كل نفرات يروحوا البلاد

[دموع الشمع]

الموظفين ايميلات ماشي معهم .. عاد بلاد رقمية

الاسبوع الماضي راجعت مؤسسة حكومية الساعة وحده .. حصلت هندي في الرسبشن .. قال انت متأخر جيت بعد الدوام .. قلت له متي يخلص الدوام ؟! قال ثنتين وربع بس النظام معنا يطلعوا يصلوا الظهر ومحد يرجع

قلت بجيهم الخميس قبل صلاة الظهر .. قال لا تجي بعد الساعه عشرة ونصف كل نفرات يروحوا البلاد

ما كل الوزارات

بعض الوزارات منضبطه وموظفيها ملتزمين
خذ مثال وزارة الاوقاف
ماتحصل قسم فاضي لنهاية الدوام
عندي معاملات اسبوعية معهم ومايقصروا

[المسعودي]

ما كل الوزارات

بعض الوزارات منضبطه وموظفيها ملتزمين
خذ مثال وزارة الاوقاف
ماتحصل قسم فاضي لنهاية الدوام
عندي معاملات اسبوعية معهم ومايقصروا

بصراحه مصدقنك لان واحد من الاهل يشتغل هناك وقال لي نفس الشي

خاصه البلدية لما تراجعهم .. كل شي يمشي بسلاسه وبسرعه وبلمح البصر

[دموع الشمع]

بصراحه مصدقنك لان واحد من الاهل يشتغل هناك وقال لي نفس الشي

خاصه البلدية لما تراجعهم .. كل شي يمشي بسلاسه وبسرعه وبلمح البصر

شفت كيف الامانه عندهم
المفروض يعطوهم علاوة امانة

اللي من اهلك قاصر يداوم الجمعه والسبت من كثر الانضباط