جيب لبيرتي من 2004 الى 2007

[البرواز44]

السلام عليكم
حبيت استفسر عن جيب لبيرتي من 2004 الى 2007 بخصوص قطع غياره مشاكله هل ينفع للمكده اذا اشتريته نضيف .. وقطع الغيار غاليه او متوسطه وصرفيت البترول وارجوا الرد من واقع تجربه .. ولو سمحتوا ما اريد خيارات في السيارات .. لاني كثير تابعت ردود عن اشخاص ويردوا عليه ما تريد هذي السياره خذلك هذي السياره وووو..
وشكرا

[NITRO]

وعليكم السلام والرحمة

هذا الموديل يقولو الدبل ضعيف واصبح ثقيل مانفس موديلات 2001 وتحت

يفيدك اخوي @هنتد الجديد

[هنتد ويذر]

وعليكم السلام والرحمة

هذا الموديل يقولو الدبل ضعيف واصبح ثقيل مانفس موديلات 2001 وتحت

يفيدك اخوي @هنتد الجديد

السموحه ع تاخير اليوم كان معي ظروف

تسلم اخي الغالي ع الاستضافه


@NITRO



بخصوص الموضوع لسياره

@البرواز44

السياره هذه معي للحين


استخدامها حلو وصرفيه ما تصرف

وقوة لا باس فيها


لكن مثل ما ذكر نايترو


النقطه الاولى الدبل ضعيف لدرجة اني ما اعتبره دبل مع انه فيه ثلاث انواع لدبل ف سياره


يجي part‎ ‎time

full time


4*4



وكلها ما نفعت ف الرمل للاسف مع انه المحرك بكامل قوته


كتجربة لسيارة دفع رباعي اخرى

و الجيب الشروكي هذه الليبرتي ضعيفه






النقطه الثانيه


خرابات


ما يمر شهر الا يطلع لي خراب


اكثر خرابات السياره الرودات والاكسل والشلالات والحراره


مع اني اسوي صيانه قطع غيار وكاله الا ان الخراب يعود




النقطه الثالثه


اسعار القطع غيار



بالنسبه لهذه نوع غالي اغلى عن شروكي


سعر مكينه مستعمله 600 ريال من الامارات


تنزيل مكينه في حال خرابها ف السلطنه ب 150 ريال


والامارات اغلى بعد
غير قيمة الرافعه



اسعار قطع غيارها اعرف من الامارات


كثير مبدل ف سياره اعرف اسعار اغلب القطع



نصيحه اخويه

ابتعد عن السياره هذه

خذلك شروكي اذا تريد جيب



شكرا لك

[wind sound]

ما انصحك تاخذ ليبرتي من واقع تجربة و مثل ما ذكر الاخ هنتد الجديد
اعطالها واجد و القطع غيار غالي و بعض القطع ما متوفرة الا من الامارات
الاسم دبل والا الواقع يختلف الي كانت عندي تصرف بترول التكيف دائم يتعطل بالرغم اخذ قطع الغيار من موبار
و انت ماشي في الطريق توقع اي شي يخترب بأمنه لحد الحين ما مصدق اني بعتها و بعتها برخص التراب

[البرواز44]

ما شاءالله .. سبحان الله الناس تمدح السياره كثير ويقولوا انها مال مكده ..
بس اشوف الردود هنا تنفي هذا الشي .. الجيب بشكل عام في مشاكل او البيريتي فقط؟؟
واعذروني ع كثرة الاسئله

[البرنس الصغير]

ما شاءالله .. سبحان الله الناس تمدح السياره كثير ويقولوا انها مال مكده ..
بس اشوف الردود هنا تنفي هذا الشي .. الجيب بشكل عام في مشاكل او البيريتي فقط؟؟
واعذروني ع كثرة الاسئله

اخوي عليك بالشيروكي الموديل 2001 واقل
هذا الموديل اللي يصلح للمكده اعرف شباب لحد اليوم يستخدمه خط صلالة وما شاء الله ما يشكي شي
واغراضه متوفره واسعارها مناسبه