هل دودج تشالنجر 2014 سياره مناسبة للاستخدام اليومي وللعائله؟

[شاعر مبدع ومتميز]

السلام عليكم


عيدكم سعيد وينعاد عليكم ان شاء الله

معي استفسار عن دودج تشالينجر 2014 طبعا فيه نيه ناخذ وحده ان شاء الله بس مانعرف هالسياره مناسبة للاستخدام اليومي او لا وهل السياره تجي بمقعدين فقط او فيها مقاعد بالخلف تكفي ل5 اشخاص

سبب اختيارنا للسياره شكلها حلو وتقليدي بغض النظر عن الفئه اللي هي سبورت طبعا اختيارنا بيكون للفئات اللي تجي اقل عن SRT8

وكاقصى حد السياره بتكون ل5 سنوات ...نتمنى الافادة عن السرفس وقطع الغيار والتأمين والمشاكل اذا فيها...


وهل فيه بدائل من نفس الفئه او لا؟

شكرا لكم.....

[مريض المحبة]

وعليكم السلام اخي العزيز

وكل عام وانت بخير ان شاء الله

بالنسبه للتشالنجر اذا تريدها لاستخدام يومي
خذلك se سته سلندر 3.6 و 305 حصان
تقريبا صرفيه اقل عن الثمانيه سلندر بس السياره بتحسها ثقيله نوعا ما

بالتوفيق وعسى يفيدوك ملاك السياره

[supa snake]

السياره من ناحية السعه مناسبة جدا للاستخدام اليومي
والسياره نوعا ما اقرب لسيارات الصالون من السيارات الرياضية اذا كانت وكالة
مرتفعه وواسعه من الداخل

رايي خذ اعلى فئة وهي 6.4 لان هذا المحرك المناسب لجسم السياره الثقيل
وتسارعها ممتاز جدا ...

توكل على الله اذا لك خاطر فيها

واي سياره تسرفسها اول باول وتحافظ عليها راح تعزك وتحشمك

[NITRO]

حسب علمي2014 بالجير القديم
وحسب ملاك التشارجر يقولو فيه صرفية بس ملاك 2012 يمدحوها كثير لانه نزلت بالجير الجديد هذا بالنسبة للتشارجر


بالنسبة للوسع نعم بتشل 4 ركاب فقط وللمعلومية الشخص البالغ صعب يجلس فالخلف(ركبت موستانج ما ادري اذا التشالنجر نفس الشي)

اذا تريدوها شبابية خذوها

واذا تريدوها للبيت وتشلو اهلكم ما اشجعكم اطلاقا

بدائل التشارجر قريبة من التشالنجر واوسع ورياضية

بالنسبة للسيرفس لجميع سيارات كرايلسر 40 او45 طبعا ع10 اللاف السيرفس


و ك نصيحة انتظر اللى ينزل التشالنجر والتشارجر 2015
بينزلو من اسعار 2014 كثير مثل ماحدث العام الماضي

التشارجر سوبر بي عرضوه ب16 الف اذا ماغلطان

[CarFinder]

أعتقد التشارجر فضل لك اذا تريدها عائلية ,, واذا في إمكانية تنتظر الشكل الجديد 2015 بداية السنة القادمة
فئة الـR\T V8 تجي تقريبا بـ370 حصان

[Benjamin Button]

بختلف مع الأخوان بالأعلى وبصراحه مستغرب من تصريحات أشخاص يُفترض منهم إنهم يكونوا موضوعيين شوي !
السبورت ( بابين ) عمره ما كان مناسب للإستخدام العائلي من ناحية صعوبة الوصول للسيتات الخلفيه + المساحه الخلفيه بالنفس ومستحيل الموتر يشل ٥ أشخاص براحه تامه وهالموضوع مفروغ منه من زمان ومعروف ..

والسموحه ..

[Green flash]

انصحك بالشارجر
.
.
.
بسبب انها اكثر مناسبة للعائلة

[شاعر مبدع ومتميز]

بعدني ماخذيت كفايتي من الردود

بخصوص السرفس امور طيبه اذا كل 10 آلاف ومش غالي كثير
بس كيف بخصوص قطع الغيار

بخصوص المحرك هل فيه بدائل اخرى غير عن 3.6 لتر لانه ثقيل ع السياره واقل عن 6.4 لتر بالنسبه يمكن يكون السعر كثير مرتفع وانا ما اريد السياره كسباقات وريس فقط كاستخدام يومي وشو لاني اريد اعدل شكلها بعد فتره خارجيا

ولاني جديد متزوج فكنت اقصد للعائله يعني لشخصين بالوقت الحالي بس مايمنع انه يكون ف مكان لاخرين

والسؤال الاهم متى ينزل الشكل الجديد

[CarFinder]

بخصوص المحرك هل فيه بدائل اخرى غير عن 3.6 لتر لانه ثقيل ع السياره واقل عن 6.4 لتر بالنسبه يمكن يكون السعر كثير مرتفع وانا ما اريد السياره كسباقات وريس فقط كاستخدام يومي وشو لاني اريد اعدل شكلها بعد فتره خارجيا

فيه 8 سلندر 5.7 لتر , 370 حصان

[alostorh10]

سيارة شبابيه
وبما انكم نفرين نعتبركم شبابيه

سياره زينه ومناسبه وعندك التشالنجر

[بنت القرم]

سيارة مصل كار جميلة تقليدية رائعة وأنصحك بها بعنف ، ومحركها الهيمي 5.7 الجبار مناسب جداً لها خصوصاً نظام الايكونوميك يوفر الكثير من استهلاك الوقود الذي يقوم بتحويل السلندرز من ثمانية الى أربعه على حسب الضغط على دواسة البنزين ، ارشح لك هذا المحرك عوضا عن السته سلندرز3.6 وايضاً الثمانية 6.4 srt8 , ولكن ضع في الحسبان بأن بعد عدة اشهر سوف ينزل الموديل الحديث لها .

[NITRO]

بعدني ماخذيت كفايتي من الردود

بخصوص السرفس امور طيبه اذا كل 10 آلاف ومش غالي كثير
بس كيف بخصوص قطع الغيار

بخصوص المحرك هل فيه بدائل اخرى غير عن 3.6 لتر لانه ثقيل ع السياره واقل عن 6.4 لتر بالنسبه يمكن يكون السعر كثير مرتفع وانا ما اريد السياره كسباقات وريس فقط كاستخدام يومي وشو لاني اريد اعدل شكلها بعد فتره خارجيا

ولاني جديد متزوج فكنت اقصد للعائله يعني لشخصين بالوقت الحالي بس مايمنع انه يكون ف مكان لاخرين

والسؤال الاهم متى ينزل الشكل الجديد

الزواج استقرار
يعني دام ماعندك سيارة بديل فما اشجعك اطلاقا بالسبورت لانه بكرة بتزيد عدد اسرتك بأذن الله وبتقول ابيع لانها ماتنفعني
ولو فرضا اهلك تسوق
فما حلوه حالها بنظري تسوق التشالنجر (وجهة نظر)

شوفلك الامبالا او الماكس او الافالون او التشارجر

والله يوفقك في حياتك القادمة يارب

[MicroBasic]

ههههههههه

الف مبروك على زواج ما عندنا خبر ياخي


حبوب خذلك سيارة عائلية مره وحده..... بعد ما يرزق الله بمولود بتغير تفكيرك 180 درجه


عن تجربه

[شاعر مبدع ومتميز]

الزواج استقرار
يعني دام ماعندك سيارة بديل فما اشجعك اطلاقا بالسبورت لانه بكرة بتزيد عدد اسرتك بأذن الله وبتقول ابيع لانها ماتنفعني
ولو فرضا اهلك تسوق
فما حلوه حالها بنظري تسوق التشالنجر (وجهة نظر)

شوفلك الامبالا او الماكس او الافالون او التشارجر

والله يوفقك في حياتك القادمة يارب

ههههههههه

الف مبروك على زواج ما عندنا خبر ياخي


حبوب خذلك سيارة عائلية مره وحده..... بعد ما يرزق الله بمولود بتغير تفكيرك 180 درجه


عن تجربه

يبارك بحياتكم وعقبال العزابيه

المهم معنا سياره ثانيه كبديل يعني الامور طيبه

5.7 تشالنجر او 5.7 تشارجر
هل الموديلين بيتغير شكلهم قريب او بعد سنه او شهور قريبه

[البرنس الصغير]

السلام عليكم ورحمة الله وبركاته
اخي العزيز
أولا :-
الف مبروك وأتمنى لك حياة زوجية سعيدة ومستقرة
وأن يرزقك المولى عزوجل بالذريه الصالحة
//
ثانيا:-
من وجهة نظري عليك بالتشارجر الهيمي محرك 5.7 الشكل الجديد
واتوقع انه راح ينزل على منتصف شهر 12 او بداية السنة القادمة
وهذا راح ينزل سعر الشكل القديم بفارق كبير
يعني لو فكرت في الشكل القديم راح تحصل سعره جدا مناسب وعليه عروض كثيرة
مثال اخوي
ينتظر الشكل الجديد ينزل عشان يأخذ الشكل القديم تشارجر 5.7 الهيمي رقم 1 سبشل
//
وأتمنى لك التوفيق اخي العزيز فالدنيا والاخره

[supa snake]

عزيزي هناك طريقه اخرى للمتزوجين
ان كنت متزوج وعندك غرام بالسيارات الرياضيه
لابد انك تاخذ سياره رياضيه لك واخرى للعائله
انا متزوج وعامل هذي الطريقه
سياره رياضيه لي شخصيا
وسياره عائليه

وبالنسبه للشالينجر انا متاكد انها توسع 5 اشخاص لاني ركبت فيها
وهي تختلف في السعه عن الموستنج والكمارو عن تجربه

ردا على احد الاخوه هذا ماله دخل بالموضوعيه
ومش شرط الناس تمشي على الراي اللي تشوفه انت

[Abu Al Mo3taz]

عند صديقي ٢٠٠٩ SRT8 سياره جميلة وواسعه (شويه اقل من التشارجر في مساحة المقاعد الخلفية) ، اتوقع انها تناسبك دام الاكسنت موجود

موفق ،

[سيباوي كول]

نفس الشي بالنسبه لي
سياره سبورت خاصه لي + سياره حج العائله وطلعاتنا.

لان السبورت يمشي في عروقي ��

[شاعر مبدع ومتميز]

اذا خلاصه الموضوع
تشالنجر 2014 فئة 5.7 لتر ان شاء الله

بشوف الوكيل اذا قريب ينزل الشكل الجديد بنتظر اما اذا بعيد اكثر عن 6 شهور بتوكل ع الله وبناخذ موديل 2014 الشكل القديم

شكرا لكم ولمروركم ولدعواتكم الطيبه لي

الله يحفظكم

[بنت القرم]

اذا خلاصه الموضوع
تشالنجر 2014 فئة 5.7 لتر ان شاء الله

بشوف الوكيل اذا قريب ينزل الشكل الجديد بنتظر اما اذا بعيد اكثر عن 6 شهور بتوكل ع الله وبناخذ موديل 2014 الشكل القديم

شكرا لكم ولمروركم ولدعواتكم الطيبه لي

الله يحفظكم

ربي يوفقك عزيزي ونعم الإختيار ،
أرجو إفادتنا بالاسعار وايضاً موعد نزول الموديل الجديد .
ربي يوفقك ويعطيك الصحة والعافية

[شاعر مبدع ومتميز]

ربي يوفقك عزيزي ونعم الإختيار ،
أرجو إفادتنا بالاسعار وايضاً موعد نزول الموديل الجديد .
ربي يوفقك ويعطيك الصحة والعافية

بإذن الله خيتو

[terbo911 343]

امس كنت في صناعية الشارقه ..

لفت انتباهي .. تشالنجر ابيض SRT8 ... كان في حادث بسيط

ع حسب كلام الطيب .. انه نسخه خاصه .. كان ابيض كامل من الداخل وجيير عاادي وحش صراحه ..



عموماً .. الله يعطيك خيره

موفق

[blue262]

مبروك عليك الزواج

التشالينجر واسعة مقارنة بالسيارات ابو بابين

و بتاخذ 5 أشخاص بأريحية (لكن من المقاس تحت المتوسط)

و أكيد فيه صعوبة للوصول للكراسي الخلفية تراها بابين

وموضوع المكينة والقوة راجع لك شخصياً


موفق

[شاعر مبدع ومتميز]

جربت الموتر SRT8
والمساحه ف الخلف شوي ضيقه
الجوده كله بلاستيك حتى مافيه شي حلو من داخل
الشاشه نفس شاشة كامري 2012
ماحسيتها ثقيله علما ان السياره المجربه كانت بالجير العادي
ياخي فيها نشعه من تضغط
ضغطت شوي وجات ع جنب شوي بس تم تدارك الامر سريعا
الكراسي نوعا ما شبه مريحه
ع العموم بعد التجربه اشوف الموتر مش مناسب لي للاسف

هذا ينفع فقط تشتريه لدريفت عمان مال ردبول

[silver bullet]

ما قصروا معك شباب بردود

سوي هذا سيستم اشتري سبورت ولازم يكون معك سيارة صغيرة حال البيت ، اقولك من تجربة

لا تشوف قطع غيار دام تشتري سيارة جديدة من وكالة

[شاعر مبدع ومتميز]

ما قصروا معك شباب بردود

سوي هذا سيستم اشتري سبورت ولازم يكون معك سيارة صغيرة حال البيت ، اقولك من تجربة

لا تشوف قطع غيار دام تشتري سيارة جديدة من وكالة

اخي جربتها السياره بس للأسف دون المستوى المطلوب @silver bullet

[بنت القرم]

اخي جربتها السياره بس للأسف دون المستوى المطلوب @silver bullet

عيل شنو مفكر تاخذ الحين ؟

[شاعر مبدع ومتميز]

عيل شنو مفكر تاخذ الحين ؟

والله مدري بالوقت الحالي
يمكن بنتظر الشكل الجديد عسى شي فرق

[CORVETTE]

خذ موستانج جيتي 5.0

من داخل أحلى وأقوى عن الR/T

التشالنجر والتشاجر وال300C من داخل غلط .. يعني خسارة تدفع 22000 للSRT ع هذيك الميزات

[ahmed777888]

والله مدري بالوقت الحالي
يمكن بنتظر الشكل الجديد عسى شي فرق

كيف احيدك تريد تشتري بي ام او اودي
كيف اشتريت ؟؟؟؟؟؟؟؟؟؟