السيرفس خارج الوكالة و الضمان و بعض التساؤلات

[شبح السبله]

السلام عليكم و رحمة الله تعالى و بركاته






فالحقيقة أشكر جهود هيئة حماية المستهلك و بالاخص عشان موضوع السيرفس ، عموماً كما يعلم الجميع و من خلال تجارب انه سيرفس الوكالة قد يكون مضيعه للوقت يعني تحجز و تحط سيارتك و ترجع البيت و ترجع بعدك و ربشه ، عشان بس تبديل ايل و فلتر

هذا أصلاً اذا نزلوا الايل كامل !! و ياما سمعنا عن فلاتر ما تتبدل !! يعني حتى الشغل ما تثق فيه و قد تحصل سيارتك متروسه زيوت و ربشه

عموماً مجمل الحديث انه الواحد يبا يشغل مرتب ل سيارته و جوده ممتازه و ما يتعطل

طيب السؤال هنا


وين الأماكن الي نقدر نسرفس فيها لأن حسب علمي في لسته عند حماية المستهلك ف ياليت لو كانت موجودة عشان نشوفها (عشان نمشي عالقانون)

و السؤال الثاني معروف انه الضمان ينقسم الى نوعين

ضمان المصنع و ضمان الوكيل

الوكيل يجيب ضمانه من شركات فالامارات

ف الحين هالضمانين ما ينلغوا ؟! يعني ضمان المصنع و ضمان الوكيل ينطبق عليهم هالكلام ؟!

النقطة الثانيه هل نسبه من الضمان تنلغي ولا الأمور زي الفل كأني اسرفس فالوكالة؟! يعني الي يشمله الضمان و اخترب يتبدل ؟! ولا مساهمه ولا كيف !!

[راعي دهيم00]

موضوع جدا مميز وسؤال محتاج إجابة...

ف إنتظار أخينا ممثل حماية المستهلك......

[صقرالبوادي]

أنا شخصيا تواصلت مع حماية المستهلك بخصوص السيرفس وعطيوني لسته بالاماكن الي اقدر اسرفس السياره فيها
لكن سمعت انه هناك كم قضيه رفعت ضد الوكالات بسسب سقوط الضمان
لأنه الزيت المستخدم في المحلات التي فيها تراخيص من حماية المستهلك يختلف عن زيوت الوكاله
وفي النهايه الوكاله تكسب القضيه

[شبح السبله]

موضوع جدا مميز وسؤال محتاج إجابة...

ف إنتظار أخينا ممثل حماية المستهلك......

شكرا لك اخي عالمرور

أنا شخصيا تواصلت مع حماية المستهلك بخصوص السيرفس وعطيوني لسته بالاماكن الي اقدر اسرفس السياره فيها
لكن سمعت انه هناك كم قضيه رفعت ضد الوكالات بسسب سقوط الضمان
لأنه الزيت المستخدم في المحلات التي فيها تراخيص من حماية المستهلك يختلف عن زيوت الوكاله
وفي النهايه الوكاله تكسب القضيه

كلامك صح لانه شي لسته بس ما عارف كيف أحصلها !!

بخصوص الزيوت بعطيك مثال

سيارتي الزيت الي تستعمله لازم يكون فيه اعتماد dexos1 و اللزوجه 5W-30 و إن شاء الله مقرر أخذ نوعيه معينة يعني الزيت أنا عارفنه و هالزيت الي بستخدمه أحسن و أجود بمليون مرة من الوكالة بالرغم انه نفس اللزوجه بس من شركة عالمية + تخليقي كامل.

لو مثلا رحت و ركبت ال 5w-40 طبيعي بيختلف عن لزوجه الوكالة و فوق كذا ماشي أصلاً اعتماد dexos ل هاللزوجه وقد يأثر عالموتر

لأن برزسشن مثلاً ما معهم زيت فيه ذا الاعتماد ف باغي الأخ الممثل يجاوب و يخبرنا هين الأماكن الثانية عشان أقدر أجيب لهم السامان و أركبه معهم لأن بعض الأماكن لازم الزيت الي معاهم و ما يعرفوا ذا الاعتماد

البعض ما يكلف نفسه يشوف كتيب السيارة ل دقائق و ايش الي تحتاجه سيارته .

ب انتظار الممثل
@صقرالبوادي

[بلوجر]

والله ما تضمن وما توثق واحس هذي سالفة برع اكذوبه خسران الذبون فيها بس
ذل الوكالة لازم تعيشه ومحد يحميك

[شبح السبله]

والله ما تضمن وما توثق واحس هذي سالفة برع اكذوبه خسران الذبون فيها بس
ذل الوكالة لازم تعيشه ومحد يحميك

ومو فيها الوكالة عشان نسرفس هناك؟!

هل الزيت جودته ممتازه؟!

هل توثق فالشغل؟! يعني هل الزيت بينزلوه كامل؟! واثار الزيت فالمحرك ووووو اشياء واجد

اصلا الشغل ماتشوفه ب عينك ولاتعرف مو صاير

ايضا كلنا نحطي اغراض فالموتر يخلصك تنزلهن ع كل سيرفس؟! اذا تاير سبير وبعض الاخوة تشكوا من وكالة معينه انه شلته و بعضهم حتى عدة الاسعاف

يخلصك تنتظر يوم ولا يومين ع سيرفس ووتعطل بدون سيارة؟!

تضمن انه القطع المستهلكه تم تبديلها؟!

تضمن تشخيص وفحص المركبة عند الوكيل؟!

يخلصك تشري قطع غيار غالية ؟! ونفس القطعه ف وكالة الامارات ارخص ب 90 ريال؟!

ماشي شي مميز غير عوار الراس و تكره حياتك انك مطلع موتر من الوكالة

ذا اروحه مرض

[شبح السبله]

@الممثل الإعلامي

[صقرالبوادي]

فالوكاله خبروني على انه الزيوت فالوكاله غير عن الزيوت اللي خارج الوكاله
طيب سؤال
اذا اشتريت من الوكاله الزيت والفلتر المخصص لسيارتي ورحت الى جراج معتمد وغيرت الزيت والفلتر, في هذي الحاله هل يسقط الضمان او لا؟

[terbo911 343]

موضوع مفيد .. اخي شبح ..

بالفعل تساؤلاتك منطقية ..

ونجد الكثير من الاشخاص .. يشتكون من خدمات السيرفس في الوكاله ..

ويفضل يسرفس خارج الوكاله ..



ننتظر الاجابه من حماية المستهلك ..


جُزيتَ خيراً شبح

[شبح السبله]

فالوكاله خبروني على انه الزيوت فالوكاله غير عن الزيوت اللي خارج الوكاله
طيب سؤال
اذا اشتريت من الوكاله الزيت والفلتر المخصص لسيارتي ورحت الى جراج معتمد وغيرت الزيت والفلتر, في هذي الحاله هل يسقط الضمان او لا؟

شوف بقولك عزيزي ، الزيوت فيها تصنيفات و اعتمادات من أماكن عديدة و منها API معهد البترول الأمريكي

عموماً ما معناته زيت الوكالة أحسن ، من يقول هالكلام !! عندي أمثلة كثيرة

مثلاً الوكالة تستعمل 5W-30 dexos1 نصف تخليقي أنا بسير أخذ لي mobile1 5w-30 dexos1 تخليقي كامل ، بالله عليك وين المقارنه الحين ؟! وين موبل ون ووين ذا ، موبيل ون حماية للمحرك و أداء أفضل بلا منازع و شي شركة ثانية بس ما تجي هنا الي هي amsoil هذي عاد دمار شامل فالزيوت

مع العلم مافي مصنع فالعالم يقولك خذ زيت الوكالة ، عثرها الوكالة تصنع زيوت و أحنا ما نعرف !! لا طبعاً ، يعطوك الزيت المناسب فالكتيب الخاص بالسيارة و يقولوا لك بدل مثل هالزيت

في عدة اعتمادات للزيت و تقدر تاخذ أى ماركة تباها وتشوفها أحسن لك

مثلا السيارات الجديدة تحتاج تصنيف SN فالزيوت ف هذي لازم ناخذها ب عين الاعتبار و سيارات جنرال موتورز تحتاج زيادة اعتماد dexos1 ل موديلات 2011 و فوق و انتهت السالفة

عموماً مجمل الحديث اذا التصنيف و اللزوجه نفسها مايضرك أبداً و زيت الوكالة ما يحتاج أقول شي عنه ما يتقارن أبداً بزيوت ثانيه الي من شركات عالمية ولو قارنت ف أكيد بنزل من مقدار هالشركات

سؤالك في محله بس للحين الممثل الإعلامي ما رد علينا
@صقر البوادي

[شبح السبله]

موضوع مفيد .. اخي شبح ..

بالفعل تساؤلاتك منطقية ..

ونجد الكثير من الاشخاص .. يشتكون من خدمات السيرفس في الوكاله ..

ويفضل يسرفس خارج الوكاله ..



ننتظر الاجابه من حماية المستهلك ..


جُزيتَ خيراً شبح

تخيل نفسك ترجع ب تكسي البيت و توقف فالشارع تنتظر التكسي عب ليش ماخذ موتر ؟! أنت شارنه ولا هو شارنك !!

الواحد يبا خدمات محترمه ل سيارته و جوده ممتازة ما باغين مرض *ــ*

بانتظار الإجابة *ــ*

[شبح السبله]

شوفوا الشركات كيف تتنافس

هين زيت الوكالة عن ذيلا

شركات عالمية حتى فالمقارنة ما موجودة ما لين زيت الوكالة

المقارنة في 2007 مع العلم نفس هالشركات تتكرر و AMSOIL لازالت فالمقدمة بدون منازع و قليل الي يعرف هالشركة

[الممثل الإعلامي]

السلام عليكم و رحمة الله تعالى و بركاته






فالحقيقة أشكر جهود هيئة حماية المستهلك و بالاخص عشان موضوع السيرفس ، عموماً كما يعلم الجميع و من خلال تجارب انه سيرفس الوكالة قد يكون مضيعه للوقت يعني تحجز و تحط سيارتك و ترجع البيت و ترجع بعدك و ربشه ، عشان بس تبديل ايل و فلتر

هذا أصلاً اذا نزلوا الايل كامل !! و ياما سمعنا عن فلاتر ما تتبدل !! يعني حتى الشغل ما تثق فيه و قد تحصل سيارتك متروسه زيوت و ربشه

عموماً مجمل الحديث انه الواحد يبا يشغل مرتب ل سيارته و جوده ممتازه و ما يتعطل

طيب السؤال هنا


وين الأماكن الي نقدر نسرفس فيها لأن حسب علمي في لسته عند حماية المستهلك ف ياليت لو كانت موجودة عشان نشوفها (عشان نمشي عالقانون)

و السؤال الثاني معروف انه الضمان ينقسم الى نوعين

ضمان المصنع و ضمان الوكيل

الوكيل يجيب ضمانه من شركات فالامارات

ف الحين هالضمانين ما ينلغوا ؟! يعني ضمان المصنع و ضمان الوكيل ينطبق عليهم هالكلام ؟!

النقطة الثانيه هل نسبه من الضمان تنلغي ولا الأمور زي الفل كأني اسرفس فالوكالة؟! يعني الي يشمله الضمان و اخترب يتبدل ؟! ولا مساهمه ولا كيف !!

نشكر لك تواصلك : للحفاظ على حقوقك , لابد من اجراء الصيانة في وقتها وحسب المطلوب منها وفق كتيب الاستعمال ولابد ايضا من الاحتفاظ بما يفيد العمل الذي تم على المركبة .

[شبح السبله]

نشكر لك تواصلك : للحفاظ على حقوقك , لابد من اجراء الصيانة في وقتها وحسب المطلوب منها وفق كتيب الاستعمال ولابد ايضا من الاحتفاظ بما يفيد العمل الذي تم على المركبة .

عدة تساؤلات أنا طرحتها وأتمنى الأجابة لوسمحت
@الممثل الإعلامي

[شبح السبله]

تواصلت مع حماية المستهلك و قالوا انه لابد يكون في كراجات درجة أولى و هذي اللسته في وزارة التجارة ، عاد باغين حد يتكرم و يحطها لنا

برزسشن تيون طبعاً معاهم فاللسته

[حلاتي في دلالي]

كان أول اعق سيارتي في الوكالة عسب يسويولها سيرفس.. خلاف من شفت الحالة انه يضيعولي كل مرة شي..
اتفقت معهم لما يكون سيرفس اشلها يوم السبت الصبح.. واجلس انتظرها.. وما اخليها حيتهم حتى نص يوم..

عاد خلاص ما أطيييييقهم..

بس الغريب انه قطع الغيار والأويل معهم رخيص.. بس خدمة يدهم غالية.. اوين تبديل فلتر 20 ريال.. هوووي ياربي كان كذا..
والاويل يغيرووه 20 .. خخخخخخخخ وانا وحدي السيرفس العادي اسويه معهم بــ 36 بحكم سيارتي فورويل..


عاد قايلة السيرفس الاخر وما أيشوفوني..

أحسن مكان يسويو سيرفس حسب الكل قالي محطة شل بو في وادي عدي.. يمدحوها..

[الممثل الإعلامي]

نشكر لك تواصلك، نفيدك بأنه لا توجد قائمة معدة من قبل الهيئة بأسماء الورش، عليك العمل بالالتزام بالصيانة في ورش معروفة والتأكد من التزامها بعملها.
وبالنسبة لموضوع الضمان: هناك ضمان المصنع الذي ستجده في كتيب الضمان المرفق مع المركبة عند قراءتك له ستتعرف على حقوقك والتزاماتك اتجاه المركبة.

[شبح السبله]

نشكر لك تواصلك، نفيدك بأنه لا توجد قائمة معدة من قبل الهيئة بأسماء الورش، عليك العمل بالالتزام بالصيانة في ورش معروفة والتأكد من التزامها بعملها.
وبالنسبة لموضوع الضمان: هناك ضمان المصنع الذي ستجده في كتيب الضمان المرفق مع المركبة عند قراءتك له ستتعرف على حقوقك والتزاماتك اتجاه المركبة.

اتصلت فيكم وقالوا لازم كراج درجة أولى
@الممثل الإعلامي

[عجيب 2020]

هل السرفس خارج الوكالة يسقط الضمان؟؟

[بلوجر]

ومو فيها الوكالة عشان نسرفس هناك؟!

فيها كذب وسرقة عالزبون

هل الزيت جودته ممتازه؟!

لا

هل توثق فالشغل؟! يعني هل الزيت بينزلوه كامل؟! واثار الزيت فالمحرك ووووو اشياء واجد

لا

اصلا الشغل ماتشوفه ب عينك ولاتعرف مو صاير

ما تشوفه طبعا ولو شفته احلفلك ما قايم ترد سيارتك للسرفس معهم مرة

ايضا كلنا نحطي اغراض فالموتر يخلصك تنزلهن ع كل سيرفس؟! اذا تاير سبير وبعض الاخوة تشكوا من وكالة معينه انه شلته و بعضهم حتى عدة الاسعاف

لا

يخلصك تنتظر يوم ولا يومين ع سيرفس ووتعطل بدون سيارة؟!

لا

تضمن انه القطع المستهلكه تم تبديلها؟!

لا

تضمن تشخيص وفحص المركبة عند الوكيل؟!

لا

يخلصك تشري قطع غيار غالية ؟! ونفس القطعه ف وكالة الامارات ارخص ب 90 ريال؟!

لا

ماشي شي مميز غير عوار الراس و تكره حياتك انك مطلع موتر من الوكالة

ذا اروحه مرض

اجاباتي فردك

[الممثل الإعلامي]

اتصلت فيكم وقالوا لازم كراج درجة أولى
@الممثل الإعلامي

نشكر لك تواصلك.. ونفيدك أن الورش التي يتوفر بها الأدوات اللازمة للصيانة والكوادر المدربة هي ورش معتمدة.

[الممثل الإعلامي]

هل السرفس خارج الوكالة يسقط الضمان؟؟

نشكر لك تواصلك..ونفيدك أن اجراء الصيانة الدورية خارج الوكالة لا يسقط الضمان..بشرط إجراء الصيانة في وقتها والاحتفاظ بجميع الفواتير التي تثبت ذلك.

[شبح السبله]

نشكر لك تواصلك.. ونفيدك أن الورش التي يتوفر بها الأدوات اللازمة للصيانة والكوادر المدربة هي ورش معتمدة.

أوكي لحد الحين عرفنا انه الضمان ما يسقط مدام أني أمشي على كتيب السيارة و الصيانة اللازمه للمركبه مع الاحتفاظ بالفواتير

و بخصوص نشوف كراج فيه أدوات لازمه ف ما مشكلة

لكن كوادر مدربه كيف بنعرفها ؟! أقوله جيب شهادتك ؟! حسب علمي شي لسته في وزارة التجارة للمواصفات و المقاييس عن كراجات الدرجه الأولى

باغين حد يجيبها
@الممثل الإعلامي معناته صيانتي بسويها ف كراجات درجة أولى صح ؟! عشان تكون الإجابة واضحه لدى الجميع + نريد لسته ب هذي الكراجات لو سمحتوا يا جماعة الخير

[شبح السبله]

حسب علمي برزسشن تيون يعتبر درجة أولى ؟!

[شبح السبله]

جماعة الخير تم مناقشة الأمر فالوكالة و قالوا إنه لما يكون الموتر تحت ضمان المصنع تقدر تسرفس برع و تجيب ما يثبت إنك مسرفسنها بالشكل الصحيح لكن الضمان الممدد الثاني لابد تسرفس فالوكالة الي هو ضمان الوكيل


ما هو رد @الممثل الإعلامي

[بلوجر]

ذالينا نعم عل هاللسته ليش معرف

[شبح السبله]

ذالينا نعم عل هاللسته ليش معرف

مدام ضمان الوكيل يسقط مو الفايده عب شو اباه ضمان المصنع

تي تي تي تي زي ما رحتي جيتي

[ALZADJALI ZZ]

سيارتي كملت 15 الف وديتها سيرفس في بريشن تيون بحكم الوكالات كانوا اجازة قبل العيد ....اتصلت ب حماية المستهلك خبروني عادي شيلها السرفس اهم شئ احتفظ بالفواتير .....ز
ورحت صلالة ورجعت

ويوم السبت سيرفس 20000 بوديها الوكالة اشوفهم ايش يقولوا .....

[ALZADJALI ZZ]

هاليئة بيست للبابليك والله

[وسام العروبة]

شوف أخي @شبح السبله
الإشكالية بعض الناس ما يعرفوا الأشياء اللي يغيروها في السيارة حسب الكيلومترات
فيضطروا يروحوا الوكالة
انته مثلا شخص فاهم بتسرفس خارج الوكالة
لكن اللي ما يعرف شي من السيارة إلا يسوقها هنا المشكلة مضطر يودي السيارة الوكالة وما يوجع راسه

مسألة تأخير يومين في السيرفس هذا يعتمد على الفرع والزحمة ونوع الوكالة
ربما بعض الفروع الأخرى أو الوكالات أقل زحمة تودي السيارة س 8 وتخلص ظهر س 12

ومعك حق تقول يومين لأنه سيارتك من OTE معاناة بصراحة ما أعرف كم ألف سيارة من كل الأنواع شفر وسوبارو وهايونداي وإيسوزو تدخل عليهم في اليوم من غير التعامل الزفت مع الزبائن