أمس سويت كفتة الدجاج وطلعت؟؟؟؟

**غصن الجنى** · 10/07/2014 10:01 AM

مرحبا بنات شخباركن عساكن بالخير والقوة

الله يسلمكن عندي لحم غنم مفروم وفكرت اني أسوي كفتة باللحم المفروم
المقادير كانت:
كيستين لحم مفروم
بقدونس
سنوت
فلفل أسود
رشة ملح
ورشة طحين (قلت عشان يتماسك)

خلطت المقادير وكورتنه وبردتهن شوي عشان التماسك وقليته بزيت غزير

النتيجة:
طلع الشكل محمر وناضج ولذيذ من برا ومن داخل طلع اللحم نئ

عاد فكرت ايش أسوي رحت سويت مرقة من ماء الدجاج وحطيت بصل وثوم وصلصة طماط وشوية بزار وبعدها طبخت كور الكفتة داخل الصالونه عشان شوي ينضج اللحم .
لكن بعدني حسيت بالفشل فأيش رايكن ايش الخطا اللي أرتكبته عشان ما طلعت الكفتة لذيذه

**لوليتا2013** · 10/07/2014 10:13 AM

@غصن الجنى

ع حسب علمي

بعد مع تقلي في الزيت كان مفروض تدخلي الفرن لان اكيد اكيد ان اللحم ما بينضج من داخل بس بالزيت

ولو اضفتي وبصل وبهــارات اكثر الكفتـة بتجي احلى

وانتي نسيتي الثوم بعد لان هسوسية اللحم ما تروح الا بالثوم والمطيبــات حبيبتي

المرة الجايــة ..
اقليها قلي بسيط بزيت خفيف يعني مسحـة خفيفة في المقلاة وبعدها
في صينية الفرن ضيفي (طماط _ بصل + فلفل رومي وصلصل وبهارات حمسيهم شوي في المقلاة وبعدها
ضيفيها في الخلاط واخلطي
وصبي خلطة الطماط في الصحن الفرن وصيفي كرات اللحم

حاولي المرة الجاية وبتضبط اكيد

**Ysra** · 10/07/2014 10:50 AM

العنوان ب الدجاج والموضوع ب اللحم

**صرتي لي ذكرى** · 10/07/2014 10:51 AM

يعني كورتي المقادير بدون ما تطبخي اللحم؟؟؟
شي طبيعي بيطلع ني
اللحم المفروم إما تفوحية بماي أو تحمسيه بالبهارات والبقدونس بعدين إخلطي المقادير وكوريها

**omaniya only** · 10/07/2014 11:01 AM

لازم تطبخي اللحم

**النهله** · 10/07/2014 11:19 AM

عزيزتي...
اللحم او الدجاج
لازم يطبخ( يفوح ف الماي)ع الاقل نص نضاج..ويروح منه
ريحة الزفر..وينظف..

بعدها تخلطي له المقادير الباقيه ويكور..

**عيون الجرناس** · 10/07/2014 11:29 AM

هلا عزيزتي ... انا مثلك مرة جربت احطها بالزيت...
للاسف شربت زيت... وطلعت نيه من داخل..

فصرت استخدم المقلى الحراري اللي به غطاْ..
ف يجي ناشف من الزيت.. ومطمنة من نضوجة ..

**الطموح2000** · 10/07/2014 11:30 AM

يالله خيرها ف غيرها اختي

**تيما** · 10/07/2014 10:27 PM

انا اقلي على الزيت الكفتة عسب يتماسك شوي واكمل طبخ فى الفرن مال 10 دقائق ويطلع ناضج وحلو

**كافيانا** · 10/07/2014 10:39 PM

يمكن لأنك زايدة النار واجد على الزيت من كذا ما نضجت الكفتة من داخل

**صمود** · 11/07/2014 01:19 AM

اممممم ..

استخدم طريقتش ..

بس اسويه في الفرن ..
واشكه في مشكاك .. عشان يطلع كما المشاكيك

... وخلاف اجيب عجينة افطاير .. وألفه بالعجينة وادخله الفرن مرة "راعية شقا تراني " ..

وبعدين يطلع فطاير الكفتة ..

احاول ابحث عن صورة من النت لاني ما اعتقد مصورة الطبق عندي

**غصن الجنى** · 13/07/2014 09:05 AM

أرسل أصلا بواسطة لوليتا2013

@غصن الجنى

ع حسب علمي

بعد مع تقلي في الزيت كان مفروض تدخلي الفرن لان اكيد اكيد ان اللحم ما بينضج من داخل بس بالزيت

ولو اضفتي وبصل وبهــارات اكثر الكفتـة بتجي احلى

وانتي نسيتي الثوم بعد لان هسوسية اللحم ما تروح الا بالثوم والمطيبــات حبيبتي

المرة الجايــة ..
اقليها قلي بسيط بزيت خفيف يعني مسحـة خفيفة في المقلاة وبعدها
في صينية الفرن ضيفي (طماط _ بصل + فلفل رومي وصلصل وبهارات حمسيهم شوي في المقلاة وبعدها
ضيفيها في الخلاط واخلطي
وصبي خلطة الطماط في الصحن الفرن وصيفي كرات اللحم

حاولي المرة الجاية وبتضبط اكيد

شكرا لك اختي لوليتا بطبق طريقتك بحذافيرها وعساها تضبط معاي

**غصن الجنى** · 13/07/2014 09:07 AM

أرسل أصلا بواسطة Ysra

العنوان ب الدجاج والموضوع ب اللحم

بالخطأ اختي

والصحيح كفتة لحم

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: أمس سويت كفتة الدجاج وطلعت؟؟؟؟

أدوات الموضوع

البحث في الموضوع

نمط العرض

أمس سويت كفتة الدجاج وطلعت؟؟؟؟

مواضيع مشابهه

كفتة الدجاج في أسياخ الشوي

كفتة الدجاج.. من صنع أختي.. تفضلوووو..

وجبات سريعه :الشاورما /كفتة البطاطا/كفتة التونا/باكورة البطاطا/صينية التوست/لقيمات بالكاسترد

هند زوجة الحجاج

معمر القذافي ..... نطق بالزنجة زنجة ....فأسقطوه زنجة زنجة ,,قصة تقتيل وانتصار

قواعد المشاركة