كيف تتصرف في حالة تعطل مركبتك?! ... مواقف حدثت لكم ..

[terbo911 343]

السَلامُ عليكــمْ

بندخل دايركت في الموضوع



كيف تتصرف في حالة تعطل مركبتك?!

اعتقد ان نسبه كبيره منا صارلهم مواقف كثيره في الطريق مع مركباتهم ..

فالسياره لابد ان تتعطل يوما ما .. " ليس بالضروره ولكن التخوينه حاضره من قبل السيارات .. اسأل مجرب "

ندخل صلب الموضوع :
طبعاً "كل ما اكتبه بيكون من وجهت نظري وقناعاتي الشخصيه التوربينيه "

1- التحلي بالهدوء والصبر امر لابد منه ..
" في الحقيقه ..لما توقف لشخص تساعده تحسه متضايق ومعصب والحاله حاله .. وخاصه اذا شال معه اسره .. " تحصله جالس يكفخ اصغر واحد تكفيخ "..


2 - محاوله تشخيص المشكله في المركبه .. من خلال تتبع بعض الاصوات او وفتح غطاء المحرك ومحاوله النظر الى الاسلاك او الفيوزات او السيور او عمل المراوح الى اخره ..وهذا فحص مبدأي لا يحتاج الى خبره في المجال

لكن ما نراه في بعض الاشخاص .. على طول يتصل بالرافعه او كراج او الوكاله ..وهذي الطريقه ما تكون عمليه .. لانك في بعض الاماكن تكون نائيه فيحتاج جهد خاص منك ..


3 - محاوله الاتصال واستشاره اشخاص من ذوي الخبره .. او ملاك نفس المركبه .. لانه بهذي الطريقه يمكن تحصل حل او يمكن المشكله بسيطه صارت مع احد الاشخاص ..

4 - طلب المساعده من مرتادي الطريق .وهذا الحل الاخير في وجهت نظري
.. طبعا ما كل مرتادي الطريق يملكون تلك الخبره ولكن عادةً يساعدونك .. خاصه اذا كنت في منطقه ما تعرف فيها اي شي ..



ماذا يجب ان يتوفر في مركبتك?!

1 - طفاية حريق .. " موجوده في اغلب المركبات الحديثه "
2- معدات بسيطه " مفك و سباين ووو "
3 -" السيم " مهم جداً في السياره ...
4- اذا بتسافر بعيد .. شل معك سيور " احتياط " خاصه اذا تمتلك سياره قطع غيارها شحيح ...
5 - مصباح


اذا عندكم اضافات ضيفوهم





موقف بسيط حدث لي :

BMW 525دبل فاينوس .. خط الشارقه دبي .. كنا شباب طالعين .. كنت اسحب كثيير وما تحس في البي أم .. المهم وصلنا قبل لفة الشارقه واشوف الحراره H

نزلنا تحت ووقفنا يمين .. طبعا نازلين واحنا نضحك والامور طيبه ومصخره شفنا ماي ينزل من تحت ..يعني السالفه في الراديتر وبيباته .. نزلنا العده وطلع الكليب مال البيب التحتي الي في الرديتر متكسر .. والحل بالسيم والبكر .. والاموور طيبه .. لحد ما وصلنا الصناعيه



سمحولي على الاطاله .. ننتظر اضافاتكم ومواقفكم الحماسيه والبطوليه


كل الشكر لكم

[الضب17]

موضوع مهم
بالنسبه ليييييييييي امممم مكسيما(لصاحبي) قطعنا بها وادي وبعد العبور والوصول الى الضفه الاخرى حضرتها انطفى المحرك ومارضى يشتغل ابدا
الحل سحبناها لين البلد (كنا قريبن) وع طول صوب الصناعيه
لكزس اي اس
قبل اسبوعين ونا جاي من صلاله ف عز الظهيره لما اخفف السرعه وابدا وضع التسارع من تحت ال 60 تقريبا الساعه والاشارات الاخرى تنطفى وتشتغل والسياره فيها نفضه
الحل: لما وصلت هيما فصل اصبع بطاريه السياره وبعد ثلث ساعه تقريبا رجعتها والامور طيبه..

[thug626]

من الحاجات الضرورية اللي اشوفها مناسبة في الخطوط:
1-سبانة زايد ناقص .. adjustable
2- بطارية للشحن صغيرة يبيعوها في كل مكان بالامكان تشغيل السيارة بها بحجم كف اليد.
3-السيم بالفعل ضروري
4-ليت يدودي
5-دبة ماي.
6-زراديه .. بلاير
7- كومبريسور صغير يشتغل بالولاعة لتعبئة الاطارات.
8- قلص. و وايرات
9- ادوات اسعافات اولية

[واحد غريب]

ياخي ذكرتنا

انا 3 مواقف الي اذكرهم حصلت معي الاول وهو اول واحد حصل لي قبل لا اطلع
الليسن حتى في نيسان صني موديل 91 اتوقع قبل 10 سنوات
دوس مرايس جنون السرعه طبعا عاطنه ريس وكان معي اخوي اكبر عني المهم الستيرنج
يبس فجاءه علي سرعه160 وعاد طلعت السياره برع الشارع امسك الستيرنج بس والبريك
والامور عدت على خير وقفت السياره الحظ طلعت في سيح شبه مستوي خط الشرقيه


المهم نزلنا نشوف الموتر
الامور طيبه ماشي اعطال جانبيه رديت شغلت السياره طبعا اخوي حده معصب
خبرني سلامات وين رايح تعال سكند سيت استريح
واسترحت رجعنا نزلني البيت وراح يفحص السياره حصل مجمع ستيرنج خربان
بدله والامور طيبه وكان اول حادث لي وحظنا من السماء ما انقلبنا ولا كنت ماموجود تو عندكم


المره الثانيه والثالثه من قبل كم شهر في سيارتي الجديده الدورانجو
كانوا مغيرين لي الوتر كولنج بمب منطره والسبب كنت عاطنها ريس جير واحد موصله
120 هيمي لاه
وكانت الامور طيبه لما وديتها السيرفس اكتشفوا الليك وقالوا نغيرها على حسب الضمان
طبعا ماخبرتهم وش السالفه

المهم الاخوان ما قصروا غيروها وطلعت الموتر ثاني يوم اجي ادخل اللفه الموتر يبند والسكان حصاه مستوي
امسك ياعم امسك 3طن مو يحرك السكان
عدت الامور علي خير كنت داخل شارع خدمات شوي شوي والعالم صواريخ رجعت الجير في p ورجعت اشغل
الموتر اشتغل والامور طيبه صارت عندي مرتين

عاد قلنا لازم زياره للوكاله يعيدوا برمجه الاغبياء

خبرتهم قلتلهم الثالثه ثابته كيف الترتيب عاد برمجوها والامور طيبه تو


الخلاصه لما تقود السياره خليك واثق انك انت المتحكم فيها
دام في السرعات المتوسطه في السرعات العاليه السياره سيده الموقف

وسلامتكم طولت كني بس حبيت اعيشكم الجو


موفقين

[terbo911 343]

موضوع مهم
بالنسبه ليييييييييي امممم مكسيما(لصاحبي) قطعنا بها وادي وبعد العبور والوصول الى الضفه الاخرى حضرتها انطفى المحرك ومارضى يشتغل ابدا
الحل سحبناها لين البلد (كنا قريبن) وع طول صوب الصناعيه
لكزس اي اس
قبل اسبوعين ونا جاي من صلاله ف عز الظهيره لما اخفف السرعه وابدا وضع التسارع من تحت ال 60 تقريبا الساعه والاشارات الاخرى تنطفى وتشتغل والسياره فيها نفضه
الحل: لما وصلت هيما فصل اصبع بطاريه السياره وبعد ثلث ساعه تقريبا رجعتها والامور طيبه..

جميل جداً ..

صح حبل القلص مهم ..


شاكر لك مرورك صديقي

من الحاجات الضرورية اللي اشوفها مناسبة في الخطوط:
1-سبانة زايد ناقص .. adjustable
2- بطارية للشحن صغيرة يبيعوها في كل مكان بالامكان تشغيل السيارة بها بحجم كف اليد.
3-السيم بالفعل ضروري
4-ليت يدودي
5-دبة ماي.
6-زراديه .. بلاير
7- كومبريسور صغير يشتغل بالولاعة لتعبئة الاطارات.
8- قلص. و وايرات
9- ادوات اسعافات اولية

تشكر على الاضافه الرائعه بالفعل ادوات مهمه وضروريه ..

[terbo911 343]

@واحد غريب

ربي سلمكم ولا الصني كان بيقلبكم ..


ياعمي ارحم الدورانجو ..
لكن رهيييب الجديد ربي يعطيك خيرها


بالفعل كلامك صحيح .. انت تتحكم في السياره ما العكس


شكرا ع الاضافه صديقي

[CarFinder]

الحمد لله ما سوت السيارة خيانات لحد الحين
غير التواير, وتبديله سهل
صح , اول ما شاري السيارة ساير اجيبها من مسقط ما طاعت تشتغل , لانه البطارية خلصت , الحل سير دور بطارية جديدة
.................

موضوع جميل,, نستفيد من تجاربكم

[واحد غريب]

@واحد غريب

ربي سلمكم ولا الصني كان بيقلبكم ..


ياعمي ارحم الدورانجو ..
لكن رهيييب الجديد ربي يعطيك خيرها


بالفعل كلامك صحيح .. انت تتحكم في السياره ما العكس


شكرا ع الاضافه صديقي

انته لو تسمع نغمه الدرانجو 8سلندر ما ودك تغير الجير ياخي
اول ما طلعته من الوكاله لازم تعطيه عشان اذا في قطع ما اصليه
او تعبانه يغيروها لك على الضمان لاه دام بعدهم يحبوك وعاطنهم فلوس
تحيد انته الوكالات عندنا

لا تو دلوع اموره طيبه

[حلا المسكري]

انا ماتعطلت سيارتي الحمدلله ابدا مو يعطلها فديتها



الغم ،، انا بكبري تعطلت في وادي العق خط الشرقيه بدون ارسال والوقت كان 9 بالليل ،،، بس الحمدلله عيال الحلال وقفو وساعدوني ةنقلةني اقرب مستشفى يعني 40 دقيقه ووصلنا ههههههههههه مو نسوي هذا اقرب مستشفى

[terbo911 343]

الحمد لله ما سوت السيارة خيانات لحد الحين
غير التواير, وتبديله سهل
صح , اول ما شاري السيارة ساير اجيبها من مسقط ما طاعت تشتغل , لانه البطارية خلصت , الحل سير دور بطارية جديدة
.................

موضوع جميل,, نستفيد من تجاربكم

الحمدلله وان شاء الله ما تخون

مرورم الاجمل عزيزي

انته لو تسمع نغمه الدرانجو 8سلندر ما ودك تغير الجير ياخي
اول ما طلعته من الوكاله لازم تعطيه عشان اذا في قطع ما اصليه
او تعبانه يغيروها لك على الضمان لاه دام بعدهم يحبوك وعاطنهم فلوس
تحيد انته الوكالات عندنا

لا تو دلوع اموره طيبه

حمااس الخطه طيح المكينه مره وحده بعد

الهيمي غيييير


سدحلنا تقرير لاه

انا ماتعطلت سيارتي الحمدلله ابدا مو يعطلها فديتها



الغم ،، انا بكبري تعطلت في وادي العق خط الشرقيه بدون ارسال والوقت كان 9 بالليل ،،، بس الحمدلله عيال الحلال وقفو وساعدوني ةنقلةني اقرب مستشفى يعني 40 دقيقه ووصلنا ههههههههههه مو نسوي هذا اقرب مستشفى

ماتشوفي شر ..

الحمدلله اهم شي وصلتوا المستشفى


شاكر لك مرورك

[بنت القرم]

لك جزيل الشكر مميزنا تيربو على الموضوع الشيق جداً و ايضاً ردود الاعضاء المفيدة ومشاركتهم لنا تجاربهم ومواقفهم ولتكون عبرة لنا وايضاً لنستفيد من تجارب الاخرين لان من الممكن أن تحصل لنا ايضاً في حياتنا اليومية كما حصلت معهم ، وكم هي كثيرة المواقف التي حصلت معي كأعطال وحوادث سير وأغلب الاعطال التي تحصل معي بكثرة هي بسبب البطارية والحمد لله الشباب العماني معروف بالطيبة والكرم والنبل ومساعدة الاخرين خصوصاً النساء وكبار السن وربي شاهد على كلامي في آخر مرتين حدث عطب في البطارية وتم مساعدتي من قبل الشباب جزاهم الله خير على الرغم بأنني لم اتفوه بكلمه ولم أطلب منهم المساعدة ، لا أعرفهم ولا يعرفوني بل طيبة قلبهم وحب المساعدة هي التي اجبرتهم على فعل هذا ، شكراً لكم يا شباب عمان أنتم نعم الاخوة وسند لنا.

[supa snake]

الشخص صراحة يتحسب خصوصا اذا رايح خط طويل
والناس تتبهدل كثير في خط صلالة للخريف لانه تكون حرارة غير طبيعية

ياماشف عوائل واقفه في الشوارع ...


ماحصل لي الحقيقة موقف اذكره بالنسبه للاعطال في الشارع
ولكن الموضوع مميز وممكن الشخص يتعلم من تجارب الاخرين
لك جزيل الشكر

[terbo911 343]

لك جزيل الشكر مميزنا تيربو على الموضوع الشيق جداً و ايضا ردود الاعضاء المفيدة ومشاركتهم لنا تجاربهم ومواقفهم ولتكون عبرة لنا وايضاً لنستفيد من تجارب الاخرين لان من الممكن أن تحصل لنا ايضاً في حياتنا اليومية كما حصلت معهم ، وكم هي كثيرة المواقف التي حصلت معي كأعطال وحوادث سير وأغلب الاعطال التي تحصل معي بكثرة هي بسبب البطارية والحمد لله الشباب العماني معروف بالطيبة والكرم والنبل ومساعدة الاخرين خصوصاً النساء وكبار السن وربي شاهد على كلامي في آخر مرتين حدث عطب في البطارية وتم مساعدتي من قبل الشباب جزاهم الله خير على الرغم بأنني لم اتفوه بكلمه ولم أطلب منهم المساعدة ، لا أعرفهم ولا يعرفوني بل طيبة قلبهم وحب المساعدة هي التي اجبرتهم على فعل هذا ، شكراً لكم يا شباب عمان أنتم نعم الاخوة وسند لنا.

اهلا مميزتنا

بالفعل الشعب العماني ما شاء الله بمجرد ما تتعطل تحصلهم كلهم معك ..

نعم هيه خصله الطيبه وحب مساعده الغير والايثار ... وكأنها جين مغروس في العُمانيين
كل الشكر لك اختي على تعقيبك

الشخص صراحة يتحسب خصوصا اذا رايح خط طويل
والناس تتبهدل كثير في خط صلالة للخريف لانه تكون حرارة غير طبيعية

ياماشف عوائل واقفه في الشوارع ...


ماحصل لي الحقيقة موقف اذكره بالنسبه للاعطال في الشارع
ولكن الموضوع مميز وممكن الشخص يتعلم من تجارب الاخرين
لك جزيل الشكر

مرحبا مشرفنا

بالفعل لازم الشخص يحسب حسابه وياخذ احتياطاته..

بعد ذكرتنا بنقطه مهمه .. اخذ دبة بترول احتياطيه في خط صلاله


كل الشكر لك عزيزي

[الظل الأبيض]

بكل بساطة قبل ماتروح أي مكان وخاصة لو خط بعيد،،،،لابد من صيانة السيارة وتبديل بعض القطع,,,لانك رايح مكان بعيد واي قطعة عمرها الافتراضي قرب يخلص,,لاتردد في تبديلة
سيور
بطارية
اطارات (اهم شي وخاصة في الصيف)
ماي راديتر
تشيك على غاز المكيف
تبديل الزيوت الايل
عدة تصليح ( تباع شنطة فيها كل السباين والمفكات والبراغي وسهلة التخزين وقيمتها معقولة جدا )
نصيحة في الخط لاتسحب كثير خاصة وقت الظهيرة الحرارة عالية وانت تزيد الحرارة بعدك بالضغط
بعد ذالك توكل على الله ودربك خضر باذن الله

[king R34]

موضوعك شيق صاحبي
حلو نشوف مواقف صارت للشباب

انا صارتلي مواقف كثيره منها اللي تخوف ومنها اللي تضحك
بذكرك لكم منها عالسريع

شارع العذيبه البحري ايام التحويلات
كنا ف gt 32 وفجاة الا بند علينا الموتر في المنحنى
والمشكلة المكان يعني يكون مفاجئ للي يجي من ورنا ف احتمال يدعمنا
ما يحصل فرص يتفادى الموقف... المهم انا نزلت احرك الفيول لانه المشكله منه
واذكر والله صاحبي مسيكن يقول انت ورا انا اشوف المرايا خايف تجي سياره وتدعمك... الحمدالله عدت على خير

موقف ثاني صارلي
طالع في رملة الابيض كنا سيارتين وايام الاسبوع ما في زحمه في الرمله
وقت المغرب كنت بالجيب اقص الرمل وفجاة فصخن التواير عن الرنجات 2
كنت انقلب المهم الحمدالله ما اعرف كيف تصرفت ونزلتها من فوق
ويالله عاد صابي نفسك ظلام اول شي وثاني مكينة الهواء انقطع البيب ههه
وثالث شي الجيك تعبنا ما قدر يمسك هههه وجلسنا اكثر من ساعتين علشان
نخلص المشكله.. وعدت على خير الحمدالله

[muqaimi]

انزين سيارتي لما اسرع 120 واكثر الستيرنج وايد يرتجف وبقوه اما السياره ثابته ماترتجف شو تتوقعوا فيها

[CarFinder]

انزين سيارتي لما اسرع 120 واكثر الستيرنج وايد يرتجف وبقوه اما السياره ثابته ماترتجف شو تتوقعوا فيها

اذا الرنجات وكالة,, فأكثر شي تحتاج ميزانية

[muqaimi]

اذا الرنجات وكالة,, فأكثر شي تحتاج ميزانية

اوكي شقرا

[CarGuy]

السلام عليكم

كثير من الشباب ذكرو "السيم"
ويش هو السيم؟

اشكرك على الطرح

[CarFinder]

السلام عليكم

كثير من الشباب ذكرو "السيم"
ويش هو السيم؟

اشكرك على الطرح

خيط حديدي

[الظل الأبيض]

السيم..بعضهم يسميه عيص،،سلك نحاسي رفيع،،يستخدم لشبك الحديد في البنيان اكثر شي،،الس

[terbo911 343]

[COLOR800080"]بكل بساطة قبل ماتروح أي مكان وخاصة لو خط بعيد،،،،لابد من صيانة السيارة وتبديل بعض القطع,,,لانك رايح مكان بعيد واي قطعة عمرها الافتراضي قرب يخلص,,لاتردد في تبديلة[/COLOR]
سيور
بطارية
اطارات (اهم شي وخاصة في الصيف)
ماي راديتر
تشيك على غاز المكيف
تبديل الزيوت الايل
عدة تصليح ( تباع شنطة فيها كل السباين والمفكات والبراغي وسهلة التخزين وقيمتها معقولة جدا )
نصيحة في الخط لاتسحب كثير خاصة وقت الظهيرة الحرارة عالية وانت تزيد الحرارة بعدك بالضغط
بعد ذالك توكل على الله ودربك خضر باذن الله

اهلا صديقي

احنا نقصد بعد الصيانه .. احيانا تصيبك مواقف و اعطال لم تكن في الحسبان

وبالفعل وقت الظهيره اتجنب اطلع مشاوير طويله
تشكر ع الاضافه

موضوعك شيق صاحبي
حلو نشوف مواقف صارت للشباب

انا صارتلي مواقف كثيره منها اللي تخوف ومنها اللي تضحك
بذكرك لكم منها عالسريع

شارع العذيبه البحري ايام التحويلات
كنا ف gt 32 وفجاة الا بند علينا الموتر في المنحنى
والمشكلة المكان يعني يكون مفاجئ للي يجي من ورنا ف احتمال يدعمنا
ما يحصل فرص يتفادى الموقف... المهم انا نزلت احرك الفيول لانه المشكله منه
واذكر والله صاحبي مسيكن يقول انت ورا انا اشوف المرايا خايف تجي سياره وتدعمك... الحمدالله عدت على خير

موقف ثاني صارلي
طالع في رملة الابيض كنا سيارتين وايام الاسبوع ما في زحمه في الرمله
وقت المغرب كنت بالجيب اقص الرمل وفجاة فصخن التواير عن الرنجات 2
كنت انقلب المهم الحمدالله ما اعرف كيف تصرفت ونزلتها من فوق
ويالله عاد صابي نفسك ظلام اول شي وثاني مكينة الهواء انقطع البيب ههه
وثالث شي الجيك تعبنا ما قدر يمسك هههه وجلسنا اكثر من ساعتين علشان
نخلص المشكله.. وعدت على خير الحمدالله

اهلا عزيزي

بالفعل الموقغين صعبات لكن تصرفك في الموقف الاول يحسب لك

اما سالفه الرمله .. صعب تركب الجيك .. يحتاجلك شي ثابت شوي



شكرا لك عزيزي

[terbo911 343]

سيارتي لما اسرع 120 واكثر الستيرنج وايد يرتجف وبقوه اما السياره ثابته ماترتجف شو تتوقعوا فيها

مثل ما ذكر. اخوي carfinder. ويمكن الاطارات تعبانه ويمكن كافختبها في رصيف ومتأثر الرنج ..

لكن الموضوع للذكر المواقف ونصائح .. "كراج السبله " من صوب الثاني اول لفه

شكرا لك

السلام عليكم

كثير من الشباب ذكرو "السيم"
ويش هو السيم؟

اشكرك على الطرح

ما قصروا الاخوان @CarFinder و @الظل الابيض

شكرا لكم

[AlSheikh86]

أشكرك عزيزي على الموضوع...
بالفعل الاغراض اللي ذكرها الاخوان ضرورية خصوصا في الخطوط الطويلة ، الحمدلله على كثر إستخدامي للسيارات في الخطوط الطويلة ما حصل لي عطل الا مره وحده بس في مسقط

كانت عندي BMW 850 كنت رايح مسقط ولما وصلت لمرتفعات القرم قبل اخر منحنى انطفئ المحرك فجاة والبريك صار ثقيل صادف أن الشارع فاضي وقدرت أوقف السيارة في الخط الاصفر
طبعا فتحت البونيت احاول اعرف ايش المشكلة ادور وادور وادور عن اي واير او بيب مقطوع شيكت على الفيوزات والبطارية وما عرفت المشكلة ، السيارة مثل ما يقولوا ما تضرب سلف
وفي النهاية اخذتها بالرافعة لورشة صغيرة تابعة لنا وقفت السيارة هناك من الظهر لغاية المساء وبعدين اشتغلت بدون اي حاجة ، تم تفحص السيارة بالكامل وكل شي سليم...

بإمانه إلى الآن ما أعرف ليش توقفت السيارة

[blue262]

موضوع جميل

و الردود أجمل

بالنسبة لي أشلها الوكالة على طوووووووووووووول

[terbo911 343]

أشكرك عزيزي على الموضوع...
بالفعل الاغراض اللي ذكرها الاخوان ضرورية خصوصا في الخطوط الطويلة ، الحمدلله على كثر إستخدامي للسيارات في الخطوط الطويلة ما حصل لي عطل الا مره وحده بس في مسقط

كانت عندي BMW 850 كنت رايح مسقط ولما وصلت لمرتفعات القرم قبل اخر منحنى انطفئ المحرك فجاة والبريك صار ثقيل صادف أن الشارع فاضي وقدرت أوقف السيارة في الخط الاصفر
طبعا فتحت البونيت احاول اعرف ايش المشكلة ادور وادور وادور عن اي واير او بيب مقطوع شيكت على الفيوزات والبطارية وما عرفت المشكلة ، السيارة مثل ما يقولوا ما تضرب سلف
وفي النهاية اخذتها بالرافعة لورشة صغيرة تابعة لنا وقفت السيارة هناك من الظهر لغاية المساء وبعدين اشتغلت بدون اي حاجة ، تم تفحص السيارة بالكامل وكل شي سليم...

بإمانه إلى الآن ما أعرف ليش توقفت السيارة

العفو صديقي

bmw 850 ماشاء الله وحش

ال bmw. سوالفها كثييير معي لاني اكثر سيارات استخدمتهم. لحد الحين .. وياكثر سوالفهم ..



تشكر صديقي على مشاركتك

موضوع جميل

و الردود أجمل

بالنسبة لي أشلها الوكالة على طوووووووووووووول

مرورك الاجمل صديقي

ما في كل مكان بتحصلها الوكاله

[NITRO]

ولاتتسى واير التشرش نوبه ضرووي
والقلص حصوصا اصحاب الفورويل

الله يجنبنا جميعا المشاكل
بس احيانا تصير المشاكل بشكل مفاجئ وحتى لوجديدة وينبغي الحذر صراحة

وقبل اشهر اخوي جالس يتجاوز في شارع فرعي ومايحس الا السكان ثقل والسيارة بندت خير موه ستوى؟

نحن في بالنا راح انه مجمع ستيرنج واتضح انه البيرنجات انكسرن وما اعرف السبب وخرج ماي الريديتر وتبطل السير بالرغم ان السيارة.تعتبر جديدة بس شوف كيف

فالواحد لايعطي السيارة الثقة الكاملة لانها معرضة ل اي مشكلة

وجانب الهدوء والضحوك ههه بيني وبينك العصبية لابد منها ويمكن تكره السيارة تراك هههه

جزاك الله خير

[terbo911 343]

ولاتتسى واير التشرش نوبه ضرووي
والقلص حصوصا اصحاب الفورويل

الله يجنبنا جميعا المشاكل
بس احيانا تصير المشاكل بشكل مفاجئ وحتى لوجديدة وينبغي الحذر صراحة

وقبل اشهر اخوي جالس يتجاوز في شارع فرعي ومايحس الا السكان ثقل والسيارة بندت خير موه ستوى؟

نحن في بالنا راح انه مجمع ستيرنج واتضح انه البيرنجات انكسرن وما اعرف السبب وخرج ماي الريديتر وتبطل السير بالرغم ان السيارة.تعتبر جديدة بس شوف كيف

فالواحد لايعطي السيارة الثقة الكاملة لانها معرضة ل اي مشكلة

وجانب الهدوء والضحوك ههه بيني وبينك العصبية لابد منها ويمكن تكره السيارة تراك هههه

جزاك الله خير

بالفعل اسلاك شحن الطاريات مهم جدا .. اضافه مهمه

بالفعل لو السياره جديده ما تأمن فيها ..

بخصوص العصبيه .. صدقني ما بتنفعك في حل المشكله اطلاقا .. ويمكن تسسبب لنفسك ضغوطات وبالتالي التركيز والتفكير بتفقده ..

انا مبرمج نفسي دايركت .. اتقبل كل تخوينه من اي سياره بكل رحابة صدر

ومرات تطفر عاد .. وحتى تورها سكراب


كل الشكر لك صديقي

[blue262]

ما في كل مكان بتحصلها الوكاله

سياراتنا ما يعرفوا مكان الوكالة

الحمدلله الأمور طيبة والتثقيف الذاتي و الإعتماد عالنفس أشياء جيدة و مفيدة

[terbo911 343]

سياراتنا ما يعرفوا مكان الوكالة

الحمدلله الأمور طيبة والتثقيف الذاتي و الإعتماد عالنفس أشياء جيدة و مفيدة

استغربت انا

كل يوم مبدل شي في الانفنتي


بالتوفيق صديقي