لخبراء البي أم وبالتحديد 530 أنقذووووووووني أرجوكم

[الخنساء العمانية]

ِ
صباحكم براااااد ان قراتوها صباح ومساااااءكم أبرد ان قرأتوها مساء ....

بختصار مكيف البي أم إلي خلاني بديت أحسد إلي عنده تويوتا الكل يمدح بمكيفاتها

يوميا أنصهر بسببه

المكيف يشتغل تلقائي لما تشتغل السيارة بس لو أجلس انتظره 10 او ربع أو حتى ساعة عشان يبرد ما بيبرد ويطلع هواء ساخن
ِ
وطبيعة عملي إني أداوم الساعة 2 الظهر يعني في عز اللواهيب ( أحس إني خصفة شواء معقوقة في التنور )
ِ
أوصل الدوام مصدعة وعروق راسي تدق ومرات ما اركز في الشارع من كم يوم خلاص حسيت فوادي يذوب قلت يارب برد علي بنار جهنم دار راسي وقمت أخربط بالكلام

بس الحمد لله ماحد معي وسمعني هههههههه

ومتى يبدأ يبرد إذا سرعت بالسيارة وزريتها زررررررر يفكر ساعتها أنه يبرد والأمور تصير طيبة يعني يوم توصل السرعة 120 وفوق ويروح الراتب حال المخالفات

لكن مرات ما ممكن إني أسرع الشارع زحمة والدوريات إحم إحم

فأفيدوني أرجوكم مرات خلاص يجيني شور أبيعها ومرات أقول بستقيل ولا هذا العذاب

بس لاحد يقولي كمبريسر وفلترات وزيديه هواء لأنه بعد كذا يبرد يعني حتى لو وقفت وبغيت اطلع بليل اطفيه احيانا من شد البروده بس مشكلته هو الظهر أول ما تشتغل السيارة

يالله من الشاطر الي بيحلها

[كبار الشخصيات]

.. تعرفي هذاك الي يهفوو بيه العمانيات مال اول خخخخ شلي معاش واحد وهفي بيه

خخخ

امزح


.. مممم يمكن فيه تسريب ف الغاز مال المكيف يعني يحتاج تروحي اي كراج ولا وكالة
تخبريهم يشيكو عالمكيف ...
او غاز المكيف قريب يخلص .. يعبوو له غاز جديد
وتنحل المشكلة

[الخنساء العمانية]

.. تعرفي هذاك الي يهفوو بيه العمانيات مال اول خخخخ شلي معاش واحد وهفي بيه

خخخ

امزح


.. مممم يمكن فيه تسريب ف الغاز مال المكيف يعني يحتاج تروحي اي كراج ولا وكالة
تخبريهم يشيكو عالمكيف ...
او غاز المكيف قريب يخلص .. يعبوو له غاز جديد
وتنحل المشكلة

قصدك ملهبة

زايدتنه غاز ولو يسرب فليش يبرد بعد كذا عادي وقبل لا

ما باغية أروح قبل عن أعرف واقتنع عشان ماحد يقص علي

[CarFinder]

الي عرفه انه سبب المشكلة هو انخفاض ضغط الغاز ,, ويزيد ضغط الغاز بزيادة السرعة , ""سرعة السيارة ايلها علاقة مع سرعة الكمبريسور""
والا سباب مثل ما قال كبار الشخصيات ,, ممكن الغاز ناقص
وفي احتمال يكون من الكمبريسور بادي يخورها

الحل شوفي جراج متخصص, ما اي جراج يعرف فالمكيفات

[كبار الشخصيات]

الي عرفه انه سبب المشكلة هو انخفاض ضغط الغاز ,, ويزيد ضغط الغاز بزيادة السرعة , ""سرعة السيارة ايلها علاقة مع سرعة الكمبريسور""
والا سباب مثل ما قال كبار الشخصيات ,, ممكن الغاز ناقص
وفي احتمال يكون من الكمبريسور بادي يخورها

الحل شوفي جراج متخصص, ما اي جراج يعرف فالمكيفات

احسنلها تروح الوكالة
وتدفع شوي زيادة
ولا تروح كراج ويلعب فيها كومار و راجيش
ويتصلح شهر ويرجع يخترب خخ
هذه BMW مش ... ياريس
.
عاد كيفها ^^

[CarFinder]

احسنلها تروح الوكالة
وتدفع شوي زيادة
ولا تروح كراج ويلعب فيها كومار و راجيش
ويتصلح شهر ويرجع يخترب خخ
هذه BMW مش ... ياريس
.
عاد كيفها ^^

صحيح ما دام السالفه فيها بي ام
يوم جالس ارد حاط السيراتو فراسي, ابوي قبل يومين مبدل الكمبريسر بواحد من السكراب ,, وامس شافه ما يبرد ,, ورده ,, وجا البكستاني نظف حاجه عند ساعة قريب من المكينة ,, ما اعرف موه بالضبط , لكنه الحين يبرد زين
هذا موسم مشاكل المكيفات

[Abu Al Mo3taz]

انصحك بالفحص ، مافيه حد هنا يقدر يحدد المشكله بالضبط لانها ما لها سبب واحد معين ،

افحصوا السياره في كهربائي عنده فكرة عن الالماني ، انا مغير كمبرسر للبي ام ٥٣٠ ب٤٠٠ ريال جديد مع التركيب ، مستخدم في حدود ١٠٠-١٥٠ ريال ،

بالتوفيق ،

[سيباوي كول]

اذا كان فقط في اول تشغيل السياره ما يبرد و لما تمشي و تزريها يبرد و يظل
على طول بعدها بارد كانت واقفه او تمشي في المشكله ما من الكمبريسور ولا من الغاز

عند الوالد بي ام نفس المشكله
بدل كمبرويسر جديد و كامل الملحقات من كوندينسر ووو
و لكن ظل ع نفس الموال

ووعاد شو المشكله الله اعلم

يمكن سنسر ضغط الغاز خربان او او او

[صدى الجبال]

المشكله في سيارتك هو الاوتوماتيك مال الكمبريسر خرباااان
يعني لما تسوقي في خط يبرد لكن لما توقفي ينفصل المكيف الكمبريسر يتوقف والمروحه تتوقف
روحي غيري الكمبريسر
عالعموم أن هذا البي ام يعاني من هذي المشكله
أنا حدثت معي

[blue262]

المشكله في سيارتك هو الاوتوماتيك مال الكمبريسر خرباااان
يعني لما تسوقي في خط يبرد لكن لما توقفي ينفصل المكيف الكمبريسر يتوقف والمروحه تتوقف
روحي غيري الكمبريسر
عالعموم أن هذا البي ام يعاني من هذي المشكله
أنا حدثت معي

@صدى الجبال
هل إنت عاينت السيارة عشان تقول هالكلام؟
لأن فيه إحتمال إن المراوح تظل شغالة و الكومبريسر يظل شغال لكن ما يعطي ضغط كافي إنه يبرد


بخصوص صاحبة الموضوع @الخنساء العمانية
الإحتمال الأكبر إن الكومبريسر خلاص ضعيف وبيموت (دام تقولي إن الغاز معباي و ما يسرب)
والسبب إنه يبرّد لما تزريها هو إن المكينة تدور أسرع بالتالي دوران الكومبريسر يكون أسرع ويزيد ضغطه و يبرّد

جربي حاجة
السيارة وهي وقفة
حطي الجير على P
و تأكدي إن المكيف شغال
و إضغطي عالبترول (وصلي الريس لغاية 3) و خليه ثابت بالكثير 30 ثانية
و لاحظي هل يبرّد المكيف أو لا


غير عن كذا خذيها أي محل مكيفات وخبريه يشيك الغاز و الكومبريسر
و هو (عن طريق قياس الضغط) بيخبرش إذا كان الكومبريسر ضعيف أو المشكلة في الغاز


بالتوفيق

[terbo911 343]

@صدى الجبال
هل إنت عاينت السيارة عشان تقول هالكلام؟
لأن فيه إحتمال إن المراوح تظل شغالة و الكومبريسر يظل شغل لكن ما يعطي ضغط كافي إنه يبرد


بخصوص صاحبة الموضوع @الخنساء العمانية
الإحتمال الأكبر إن الكومبريسر خلاص ضعيف وبيموت (دام تقولي إن الغاز معباي و ما يسرب)
والسبب إنه يبرّد لما تزريها هو إن المكينة تدور أسرع بالتالي دوران الكومبريسر يكون أسرع ويزيد ضغطه و يبرّد

جربي حاجة
السيارة وهي وقفة
حطي الجير على P
و تأكدي إن المكيف شغال
و إضغطي عالبترول (وصلي الريس لغاية 3) و خليه ثابت بالكثير 30 ثانية
و لاحظي هل يبرّد المكيف أو لا


غير عن كذا خذيها أي محل مكيفات وخبريه يشيك الغاز و الكومبريسر
و هو (عن طريق قياس الضغط) بيخبرش إذا كان الكومبريسر ضعيف أو المشكلة في الغاز


بالتوفيق

كلامك سليم @blue262

عندنا BMW540 .... كانت نفس المشكله وبدلنا الكمبريسر كامل ..

@الخنساء العمانية ... اذا سيارتك موديل جديد .. روحي الوكاله اضمن لك


بالتوفيق

[فعايل شيوخ]

ضغط الكمبريسر معاك ضعيف
فما يبرد الا لما يزيد دوران المحرك بصورة اكبر


هذا الكلام اكيد هو انه الكمبريسر يحتاج تغير
عطلان

فممكن اوفر لك اياه اذا حبيتي تواصلي معاي

[الخنساء العمانية]

شكرا للجميع الي مروا هنا والي حاولوا التوصل للمشكلة بس ارجع واقول ان السيارة بعد كذا سوى واقفة او بندتها ورجعتهلها بعد 5 او 6 ساعات تبريدها يكون جيد جدا بل ممتاز

فلو كان الكمبريسر او الغاز كان المشكلة اتكون طول اليوم وليس اول التشغيل فقط .... وانا عارفة لو رحت اي مكان بيقول نفس كلامكم وبالاخر بغير واعدل وادفع والقى نفس المشكلة موجودة

[الخنساء العمانية]

@صدى الجبال
هل إنت عاينت السيارة عشان تقول هالكلام؟
لأن فيه إحتمال إن المراوح تظل شغالة و الكومبريسر يظل شغال لكن ما يعطي ضغط كافي إنه يبرد


بخصوص صاحبة الموضوع @الخنساء العمانية
الإحتمال الأكبر إن الكومبريسر خلاص ضعيف وبيموت (دام تقولي إن الغاز معباي و ما يسرب)
والسبب إنه يبرّد لما تزريها هو إن المكينة تدور أسرع بالتالي دوران الكومبريسر يكون أسرع ويزيد ضغطه و يبرّد

جربي حاجة
السيارة وهي وقفة
حطي الجير على P
و تأكدي إن المكيف شغال
و إضغطي عالبترول (وصلي الريس لغاية 3) و خليه ثابت بالكثير 30 ثانية
و لاحظي هل يبرّد المكيف أو لا


غير عن كذا خذيها أي محل مكيفات وخبريه يشيك الغاز و الكومبريسر
و هو (عن طريق قياس الضغط) بيخبرش إذا كان الكومبريسر ضعيف أو المشكلة في الغاز


بالتوفيق

هلا اخي ايوا هلحركة اسويها احيانا ويبرد بس ما اقدر اسويها كل يوم عن تنقع

طيب شو معناتها المشكلة ؟؟؟؟

بالنسبة الغاز زايدتنه من تقريبا 10 ايام

[CarFinder]

تو شفت اعلان فالجريدة , بريسيشن تيون مسوي خدمة فحص المكيف مجانا في فروع المعبيلة والسيب وصور والخوير
برسيشن تيون في غنى عن التعريف, زين تروحي لهم!!

[الخنساء العمانية]

تو شفت اعلان فالجريدة , بريسيشن تيون مسوي خدمة فحص المكيف مجانا في فروع المعبيلة والسيب وصور والخوير
برسيشن تيون في غنى عن التعريف, زين تروحي لهم!!

تسلم اخي بارك الله فيك

[بطل عمان]

+1 بريسيشن تيون .

[blue262]

ترا المساء يكون الجو أبرد عشان كذا ما تحسي بالمشكلة مثل الظهر

99% المشكلة من الكومبريسر و محتاج تغيير

شوفي العضو فعايل شيوخ ممكن يوفر لك

و ممكن قبل هذا تمري بريسيشن تيون و تخليهم يفحصوها


موفقة

[إنكسار]

سيارتش موديل كم ؟

والله انا اشوف واجد سيارات تخورها كذا فالصيف واتوقع ماشي مشكلة ف مكيفاتهن ، يعني تطلعي 1 الظهر والحرارة 45 مو بيسوي المكيف مسكين
انتي شغلي السيارة وحطي المكيف فل قبل لا تسيري تغيري قطع ويمكن ما يكون فيها اي خلل وشوفي النتيجة

[ali3221]

اهم شي لاتجربي صوب جراج كومار تراه مايفهم الا في السكراب
نفس ذي
<ار بي>
روحي الوكاله وسوي فحص هناك افضل من جراج كومار..

[NITRO]

معنا بي ام 323 وارد يابان 99 وعند زميلي 740(وكالة عمان) موديل2001

وفي الظهر المكيف صخامة هواء عالفاضي وحتى لو مشيت
بس في الليل والعصر والصباح الباكر ثلج
وسمعت حتى اصحاب البي امات الجديدة بنفس الحال

فهل الحال فقط وقت الظهيرة اما جميع الاوقات؟

[واحد غريب]

انا اقول بيعيها وخذي يارس احسن

اذا عندك فلوس احسن تروحي وكاله او جراج محترم يطلع المشكله
وترتاحي لانها راح تشيب راسك والحين صيف والدنيا لهيب


هنا محد يقدر يفيدك

[BOEING787]

سيارات ابي ام دبليو والميني كوبر بشكل عام تعاني من مشاكل في المكيف

[الكاتب العماني]

هذه المشكلة بسبب ضعف ضغط الكمبيريسور ..|| فأشتري دينسو صنع اليابان من الامارات سعرهـ ما يتجاوز 190 مع الفلنر وقطعه أيضا لا أذكر أسمها..
لان وكالة BMW مكيفاتها من دينسو ..|| ويبعيوها بسعر لا يقل عن 400 ريال.
وأنعمي بأجواء باريــس

انا دائما أفحص سيارتي في الحيل الجنوبية عند شخص اسمه راشد فاهم وشاطر في فحص المكيفات ..|| أسمه راشد.
أنصحك تفحصها عنده

[فعايل شيوخ]

هذه المشكلة بسبب ضعف ضغط الكمبيريسور ..|| فأشتري دينسو صنع اليابان من الامارات سعرهـ ما يتجاوز 190 مع الفلنر وقطعه أيضا لا أذكر أسمها..
لان وكالة BMW مكيفاتها من دينسو ..|| ويبعيوها بسعر لا يقل عن 400 ريال.
وأنعمي بأجواء باريــس

انا دائما أفحص سيارتي في الحيل الجنوبية عند شخص اسمه راشد فاهم وشاطر في فحص المكيفات ..|| أسمه راشد.
أنصحك تفحصها عنده

للعلم ليس كل دينسو اصلي
فيه دينسو تجاري ايضا وصنع اليابان
الاصلي مكتوب دينسو ايضا وعليه ختم شعار بي ام


تغير الكمبريسر
فالف اكسبنشن
الكندينسر
وفتلر المكيف اذا كان نظيف مايحتاج تغير
@الكاتب العماني

[الكاتب العماني]

للعلم ليس كل دينسو اصلي
فيه دينسو تجاري ايضا وصنع اليابان
الاصلي مكتوب دينسو ايضا وعليه ختم شعار بي ام


تغير الكمبريسر
فالف اكسبنشن
الكندينسر
وفتلر المكيف اذا كان نظيف مايحتاج تغير
@الكاتب العماني

بالفعل أستاذي كلامكـ صحيح ..|| يجب ان يكون عليهـ ختم BMW
انا غيرت فقط الكمبريسور
الباكستاني راشد قال لي ..|| كل شيء جيد في سيارتكـ ..|| إلا ان الكمبيرسور كان بهـ ليك وفعلا
رأيته بنفسي ..|| فطلبت من أحد الاخوهـ جزاهـ الله خير ..||

والحمدللهـ ما شاء الله ..|| الان في السنة الثالثة ولا أعاني من المكيف وانما يكفيني أضعهـ في 1 وانا في عز الظهر
أذكروا اللهـ ..||

[الخنساء العمانية]

سيارتش موديل كم ؟

والله انا اشوف واجد سيارات تخورها كذا فالصيف واتوقع ماشي مشكلة ف مكيفاتهن ، يعني تطلعي 1 الظهر والحرارة 45 مو بيسوي المكيف مسكين
انتي شغلي السيارة وحطي المكيف فل قبل لا تسيري تغيري قطع ويمكن ما يكون فيها اي خلل وشوفي النتيجة

تراه اخوي لو ازيده كامل يطلع هواء ساخن ماينطاق .

[الخنساء العمانية]

بالفعل أستاذي كلامكـ صحيح ..|| يجب ان يكون عليهـ ختم BMW
انا غيرت فقط الكمبريسور
الباكستاني راشد قال لي ..|| كل شيء جيد في سيارتكـ ..|| إلا ان الكمبيرسور كان بهـ ليك وفعلا
رأيته بنفسي ..|| فطلبت من أحد الاخوهـ جزاهـ الله خير ..||

والحمدللهـ ما شاء الله ..|| الان في السنة الثالثة ولا أعاني من المكيف وانما يكفيني أضعهـ في 1 وانا في عز الظهر
أذكروا اللهـ ..||

ماشاء الله لا اله الا الله تبارك الرحمن

[الخنساء العمانية]

معنا بي ام 323 وارد يابان 99 وعند زميلي 740(وكالة عمان) موديل2001

وفي الظهر المكيف صخامة هواء عالفاضي وحتى لو مشيت
بس في الليل والعصر والصباح الباكر ثلج
وسمعت حتى اصحاب البي امات الجديدة بنفس الحال

فهل الحال فقط وقت الظهيرة اما جميع الاوقات؟

الظهر بس باقي الوقت ثلاجة الحمدلله

[راجع من سفر]

المهم يبرد بعدين