ماذا تفضل السيارات الوارد أم الخليجي ؟

**جيمز الخليج** · 24/04/2014 05:06 PM

مرحبا
عذرا عن تنسيقي للموضوع لاني داش من الفون

بصراحه عندي موضوع واحب اناقشه ، معظمنا له وجهات نظر واتجاهات خصوصا للسيارات ، واتجاهي كان اول ما شفت السيارات الوارد حسيت بأمان أكثر ، مع أنه البعض يعتز في الخليجي ، فهناك اختلاف كبير فأنظمه الترفيه والامان والخليجي بكل المقاييس ( جلح ) أي يعني مافيه شي .

وهنا حبيت أسوي إستبانه تقييميه ونريد من الجميع المشاركه ...

أي نوع من السيارات تحب ؟
هل تفضل الوارد أم الخليجي. ؟ ولماذا ؟
إن خيروك بين مكافئه سياره مجانا من وكاله خليجيه تتراوح قيمتها من 15 الف فما فوق ، او على مكافئه 5 الاف وتختار سياره وارد ؟ ايهما ستختار

وشكرا لكم نتمنى الجميع يشارك

**جيمز الخليج** · 25/04/2014 10:23 AM

وين الحضور والتعليقات

**asomood** · 25/04/2014 10:33 AM

افضل الوارد بشرط ان لا تكون فيها حادث
لان الوارد تكون نظيفة مقارنة بالخليجي وسعرها اقل

**salim990** · 25/04/2014 10:37 AM

الوارد بعض الاحيان

**شاعر مبدع ومتميز** · 25/04/2014 10:43 AM

الوارد اذا كانت سيارة صعب اني احصلها عند الوكيل وبسعر مناسب

كمثال احد الاعضاء حصل جينيسيس 8 سلندر بسعر اقل عن 7 آلاف موديل 2011

هنا في عمان اذكر ان موديل 2012 مع الوكيل كان سعرها ب24 ألف

**جيمز الخليج** · 25/04/2014 11:33 AM

أرسل أصلا بواسطة شاعر مبدع ومتميز

الوارد اذا كانت سيارة صعب اني احصلها عند الوكيل وبسعر مناسب

كمثال احد الاعضاء حصل جينيسيس 8 سلندر بسعر اقل عن 7 آلاف موديل 2011

هنا في عمان اذكر ان موديل 2012 مع الوكيل كان سعرها ب24 ألف

من كلامك افهم انك ما تستغنى عن الخليجي ليش؟

**وسام العروبة** · 25/04/2014 11:49 AM

الخليجي لأنها صنعت لأجوائنا الحاااااارة

**Abu Al Mo3taz** · 25/04/2014 01:20 PM

في العشر السنوات الاخيره تكرر هذا الموضوع مئات المرات ومافيه شي جديد ،

الخليجي والوارد كل شي له شي يميزه ، شخصيا افضل سياره مافيها حوادث ونظيفة مايهمني واجد خليجي ولا وارد الا في حالة اختلاف المواصفات والسعر ،

**البرنس الصغير** · 25/04/2014 01:24 PM

أرسل أصلا بواسطة وسام العروبة

الخليجي لأنها صنعت لأجوائنا الحاااااارة

اخي العزيز حتى الوارد عندهم أجواء اشد حراره عنا في بعض المناطق بأمريكا

استخدم الوارد من سنة 2007 لحد يومك والحمد لله ما أشتكي منه شي ولم أغير فيه شي

يعني لا حرارة ولا مشاكل

//

أنا عن نفسي ما يهمني وارد ولا خليجي الاثنين عندي سواء تبقى سيارة تقضي بها امورك

اهم شي عندي يكون نظيف بدون حوادث او عيوب

**شاعر مبدع ومتميز** · 25/04/2014 02:06 PM

أرسل أصلا بواسطة جيمز الخليج

من كلامك افهم انك ما تستغنى عن الخليجي ليش؟

ردو عليك الاخوة @Abu Al Mo3taz
و @البرنس الصغير

**NEXT LIFE** · 25/04/2014 02:25 PM

امريكا فيها ولايات حاااااارة امثال كاليفورنيا و تكساس و فلوريدا و غيرها و في احرررر من مناخ الخليج بعد اتوقع

**بطل عمان** · 25/04/2014 02:29 PM

هو لايمكن حصر فئة من السيارات على انها "جلح" لربما السيارات المبسطة والصغيرة تاتي بمزايا مختلفة بين الوارد والخليجي لكن مثلما اشار البعض اهم شي نظافة السيارة

**NITRO** · 26/04/2014 01:44 PM

شوف صديقي
الخليجي متوفر وماشاء الله بشدة بس المشكلة الغالبية مكدود(هذا بالنسبة للقديم)والسعر شوية بس يظل الخليجي احيانا مميز مثل لاندكروزر
لاندكروزر الخليجي فيه هدير(الوارد كأنه سيارة سبورت)+الخليجي ينزل بخزانين وثلاجة(الوارد بدون)
اي ان كلامي احيانا الخليجي يكون افضل بالمواصفات

في جانب الوارد
نعم افضل الوارد(طبعا بعد الاطلاع على تقرير السيارة وحالتها في امريكا)ويفصل انك تختارها بنفسك وتخلي حد يجيبها عشان تظمن
لانه للاسف اغلب التجار يجيبو لكشر

في جانب التجارب
جربت لكزس وارد امريكي gs300 2001 (فيها دعمة من الخلف)والحمدلله رب العالمين ماعمرها قالت لا والى اليوم راعيها الجديد يستخدمها
وحاليا بي ام وارد يابان والسيارة نظافة غير طبيعية ماشاء الله

فالوارد افضل ان كان نظيف او بدعمه خفيفة
اما بو غرقان وملحوم هذا خوز يدينك منه

**الفقير لله** · 26/04/2014 05:10 PM

ماقصروا الشباب ،، أهم شئ في الوارد يكون نظيف وبدون غرق وفي النهاية بتكسب سيارة بسعر أقل وبنظافة غير طبيعية ،

**ali3221** · 26/04/2014 10:19 PM

الخليجي
مادري كيف ما ارتاح للوارد حتى لو بدون حوادث وسعر اقل وانظف

**كوكب الأرض** · 27/04/2014 09:18 AM

أنا أشوف أن الناس كانت تفضل الخليجي لتوفر قطع الغيار
والحين أشوف العكس قطع غيار السيارات الوارد متوفر وأرخص من الخليجي
وأنا بأمانة صارلي موقف مع سيارة لكزس IS 300 خليجي موديل 2007
إختربت علي المكينة وقلت بروح الشارقة وبحصلها رخيصة ومتوفرة
ولكن المفاجأة إني دورت صناعية الشارقة رقم 5 كلها وما لقيت غير 3 مكائن بس

وأسعارهن بين 1000 ريال و 800 ريال وإنصدمت

وقالوا الخليجي صعب تحصله، والوارد متوفر وقيمتها نصف قيمة الخليجي
ومن وجهة نظري الشخصية إذا خيروني بين سيارتين خليجي أم وارد ونظيفات
شي أكيد بختار الوارد لتوفر ورخص قطع الغيار، وأكثر سلامة من ناحية
الوسائد الهوائية والأنظمة الأخرى .

**جيمز الخليج** · 27/04/2014 02:21 PM

نحنا ما نتكلم عن نظافه السياره ، طبعا الواحد بيختار السياره النظيفه بس ما تلاحظو انه الخليجي اقل مميزات ، والوارد افضل من ناحيه المميزات والامان خصوصا

**blue262** · 27/04/2014 04:40 PM

يعتمد عالسيارة

الوكالات بغباءها ماتستقبل الوارد و تدعي إن قطع غياره مختلف (رغم إنه نفس القع ونفس السيارة والفرق يكون في بعض المواصفات فقط)

بالتالي هذا أحد الأسباب يخليجي أفضل الخليجي بشرط إنه يكون كامل المواصفات

سبب آخر إني أشتري الخليجي عالزيرو من الوكيل بالضمان

أما بعض السيارات الخليجية إللي تجي ناقصة في بعض المواصفات, أنا أفضل الوارد خصوصاً لو بشتريها مستخدمة

بالتوفيق

**العميل السري FBI** · 30/04/2014 09:39 AM

خليجي

**سر العنيد** · 04/05/2014 02:12 PM

الوارد ...

تقدر تجيبلك سيارة نظيفة وفخمة بسعر معقول ..

الجليجي تاخذ ياريس ما فية سفتي ولا أنظمة ولاشي تحصلها 6 الالف

**الفيلق المرهق** · 04/05/2014 05:00 PM

من كﻻم الشعب الوارد افضل
للعلم عندي سياره وارد وعندي خليجي الحمدلله
وقطع الغيار متوفر للاثنين
يبقى الوارد اقل سعرا واكثر سفتي من الخليجي

**المحيط الهادئ** · 04/05/2014 10:59 PM

أي نوع من السيارات تحب ؟
مرسيدس - بنز
هل تفضل الوارد أم الخليجي. ؟ ولماذا ؟
الوارد أنظف عن الخليجي بمليوون مرة بالإضافة إلى المميزات التي يفتقر اليها الخليجي
إن خيروك بين مكافئه سياره مجانا من وكاله خليجيه تتراوح قيمتها من 15 الف فما فوق ، او على مكافئه 5 الاف وتختار سياره وارد ؟ ايهما ستختار
15 ألف خليجي لأن العبرة في المحافظة

**moon333** · 05/05/2014 10:38 AM

الوارد افضل بالمواصفات

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

مشاهدة نتائج الاستطلاع: أي السيارات تفضل ؟

الموضوع: ماذا تفضل السيارات الوارد أم الخليجي ؟

أدوات الموضوع

البحث في الموضوع

نمط العرض

ماذا تفضل السيارات الوارد أم الخليجي ؟

مواضيع مشابهه

[ استفسار ] الفرق بين الكامري الخليجي و الوارد

[ استفسار ] مقارنة بين FJ كروزر الخليجي و الوارد

[ استفسار ] هل قطع غيار الوارد نفس الخليجي

[ معروض ] أسطابين للشروكي الخليجي ويركب على الوارد

مجلس التعاون الخليجي ماذا حقق للمواطن الخليجي

قواعد المشاركة