عيوب وسلبيات نيسان باترول SE

[Galaxy Star]

السلام عليكم
ناوي اطلع نيسان باترول SE سيتي بلاتينيوم.
بس حبيت اعرف واستفسر من المجربين او من اللي قد سمعوا اذا في هذي السياره اي سلبيات او مشاكل.
ومشكورين مقدما على المرور والمشاركه

[خربشات]

وعليكم السلام
اختيار موفق لبطل الدرووب
حقيقة هال سيارة مرغوبة هالفترة وسمعت انه موديل 2010 كان فيها عيوب كهرباءية
بالتوفيق لك

[ViiP]

سلبيات السيارة

محرك بعدد احصنة أقل ، حسب ما اذكر 320 حصان ، بالتالي عزم أقل واستهلاك عااالي للبترول
الجير الاوتوماتيك بنسب أقل من الle
التجهيزات الداخلية وهذي معظمها ممكن تركيبها


هذا والله أعلم

[بروفشنال 2010]

بالنسبه لهالموديل أنا أمتلك واحد من 2010 شهر 6 وشتريته من الوكاله وماشي حاليا 145ألف كم وسرت عليه العمره 3 مرات وصلاله ممكن 4 مرات ما متذكر وأمشي عليه كتش ورمول وأستحدمته أكثر من سنه ونصف في شارع ترابي والحين لا زال بحالة الوكاله واللي غيرته فيه هوه قطعة ربل في عمود التوازن قيمة كل وحده أصليه 15 درهم من العين ومع التغيير كلفتني 50 درهم للطرفين لأني كرفته كرف في الكتش وللعلم اللي يقول يصرف بترول ما عنده سالفه أنا موتري أعبيه فل ب15ريال ويمشي عندي على سرعة 140كم من 700كم إلى 750 كم ومره من المرات مشيت فيه واللمبه والعه 803كم
ومن ناحية العزم والقوه صح ما أقوى من فئة leبس موتر نشيط وعزم ممتاز تقريبا نفس عزم الأرمادا في القومه بس فالخط أقوى يبند على 215كم
ولازال الموتر موجود عندي
صح ونسيت شي في السنه الثالثه من الإستخدام إختربت عندي عوامة البترول وصار العداد أحيانا يشكل يطلع وينزل وخبرت الوكاله وغيروه على حسابهم وصار العداد طبيعي

[blue262]

ماقصر بروفشنال

[البحير]

عن تجربه للسيارتين على الخط او الاوف رود
وجه المقارن-------------------نيسان (SE (2010__________________________________لاند كروزر (VXR (2011
الوسع -----------------------ممتاز (واسع جدا_)___________________________________ممت� �ز (واسع جدا)
الق---------------------------عزم جدا قوي_ _____________________________________ممتاز و عزمه قوي
الهدوء-----------------------نفس السيارات المريكيه عزل ممتاز__________________________لك عليه و تحس يسرب من الدبه
القياده----------------------ممتع بالخط و الاوفروود وخفيف الستيرنج و ما متعب ابدا ____________الستيرنج تحسه ما راكب سيده و القياده ثقيله
الشكل الداخلي--------------جميل جدا و تحس في تناسق في المقصوره _____________________تحسها تركيب وجافه و تطلع صوت ولايوجد تناسق
المظهر الخارجي------------لك عليه شوي من الخلف بس له هيبه بالدرب الناس توسعلك ______جميل وله هيبه و محترم وجذاب
الارتفاع---------------------مرتفع وبالشارع تحس نفسك محلق فوق (فنان) :مرتا_______________انزل بشوي عن النيسان بس ارتفاعه مناسب
الصرفيه للبترول-------------ما يصرف كثير من مسقط فول لدبي و انت راجع عبيه من صحا _________صرفيته قريب النيسان

من جهتي النيسان الجديد مقارنه بالسيارات في السوق الحالي كسحهن بشكل عام

صح نسيت النيسان الدبل ماله ذكي ويعجبك حيت ما تسير و تحسه يتاقلم ويوزع القوه حسب احتياجك
و الكروزر مسكين جلح قوم بو حبه تفرصها و يقولك هيه ان شاء الله ما يحيد هين ربه عاقبه اهم شي يدورن اربع نظام اول

[NITRO]

@البحير كنك خبصت شوية ههه من الواضح داخل بالتلفون

حقيقة جربت الباترول le 2013 وصراحة سيارة والنعم
فخامة وجودة وهيبة ومواصفات جميلة ومريحة فالشارع وماشي تسريب

Se 2014 شفتها مع واحد من الاهل وحقيقة جدا رهيبة ومواصفاتها قريبة جدا من le مع اختلاف المحرك وكم شغلات بسيطة

توكل على الله وخذها
واذا عندك كاش روح من الامارات وبتاخذها مع ضمانها وبسعر جدا خيالي (تحويل الضمان ع حسب ماسمعت ب30 ريال)

[بطل عمان]

موفق خير السيارة لها اقبال واسع بالساحة .

[0007]

ع كم ف الامارت يوصلن لاني متامل اخذلي واحد لؤلؤي من داخل زعفراني

[إنكسار]

تو ايش عاجبكم فاللؤلؤي
كل الخلق تدور لؤلؤي .. فالوكالة سرت اسأل قالولي يمكن يمكن تحصل نهاية 4 واذا باغي لؤلؤي يمكن حتى ما تحصل شهر 4
اللؤلؤي مستوي كنه مينو دجاج ف كل مكان
تميز بسيارتك واضربلك نيسان رمادي ولا اي لون من الوانه اللي كلهن حلوات

[البحير]

انا حاط مقارنه عن تجربه بس ما يضبط في السبله يجي حوس .... هههههههه

النيسان فنان روعه وسياره حلوه لاخر درجه تقول بيت ما شاء الله

[عابر الشرق]

النيسان ماشاء ﷲ ماعليه كلام سواء اي فئة اخذت

خاصة 2014 فوق كل المقاييس

[بروفشنال 2010]

المشكله وكيل نيسان في عمان غبي وطماع والسبب:
1- رافع سعر السياره فوق لدرجة أنه أحيانا تحصل فرق أكثر من 4000ريال فنفس الموديل المخصص للتصدير
والغم أن حماية المستهلك تعرف وساكته (أحد موظفي هيئة حماية المستهلك خبرني أنه الكعبي عنده سيارتين نيسان الشكل الجديد؟؟؟!!!)
2- يوجد 13 موديل من نيسان باترول والوكيل ما يجيب غير 4 أنواع وحاليا صارن 3 أنواع

[HASSASOMAN]

توكل على الله سيارة مجيدة في فئتها

[alostorh10]

المشكله وكيل نيسان في عمان غبي وطماع والسبب:
1- رافع سعر السياره فوق لدرجة أنه أحيانا تحصل فرق أكثر من 4000ريال فنفس الموديل المخصص للتصدير
والغم أن حماية المستهلك تعرف وساكته (أحد موظفي هيئة حماية المستهلك خبرني أنه الكعبي عنده سيارتين نيسان الشكل الجديد؟؟؟!!!)
2- يوجد 13 موديل من نيسان باترول والوكيل ما يجيب غير 4 أنواع وحاليا صارن 3 أنواع

تعقيبا على الي باللون الاحمر
الوكيل زايد عليه البخل
يعني ما قدر يسوي مثل وكيل تويوتا مهتم ف الزبون
على سبيل المثال مكان السيرفس تويوتا عندها صالة عرض كبيرة جدا وصالة السيرفس اكبر تدخل سيارتك بدون موعد تروح تاخذ لفه ف صالة العرض دقايق وتوصلك رساله سيارتك خلصت سيرفس
حتى تقدر تنتظر عند السياره وتشوف الخدمه كيف اول ما تخلص تاخذ سياراتك اذا تأخروا بالكثير ساعه
اما اذا جينا لوكيل نيسان صالة العرض لا بأس بها جيده اما اذا جينا لمكان السيرفس بعيد عن صاله العرض وصغيره كالموجوده في الوادي الكبير تاخذ سيارتك على الاقل تاخذ 3 ساعات لحد ما يخلص السيرفس
والمكان لا يرقى بتاتا لشركه قديمه ولها مكانتها عند المواطنيين
والسيرفس كله تبديل اويل وفلتر

[فال السعد]

ما عليه أي كلام صح محركه 320 حصان لكن لو قارنته بمحرك الـ vxr 5.7 بقوة 362 حصان محرك النيسان متفوق رغم فرق الأحصنه
و من ناحية الصرفيه فهو صرفيته أكثر من الـ Le و السيارة لم نسمع عنها اي عيوب ... مودتي

[بطل عمان]

تو ايش عاجبكم فاللؤلؤي
كل الخلق تدور لؤلؤي .. فالوكالة سرت اسأل قالولي يمكن يمكن تحصل نهاية 4 واذا باغي لؤلؤي يمكن حتى ما تحصل شهر 4
اللؤلؤي مستوي كنه مينو دجاج ف كل مكان
تميز بسيارتك واضربلك نيسان رمادي ولا اي لون من الوانه اللي كلهن حلوات

صدقت

خلصن الالوان بس لؤلؤي

[Galaxy Star]

شكرا للجميع على المرور والمشاركه

صراحه من اغلب الردود احس بتشجيع على النيسان

الحق يقال ومن الظاهر ان مقصورة النيسان فخمه جدا وافخم من اللاند كروزر وتنافس اللكزس بشكل كبير


الشكل الخارجي متناسق



كيف بخصوص السيرفس وقطع الغيار؟؟ هل اسعارها مناسبه؟

[مهمة خاصة]

طبعا النيسان افضل بدون تردد.........قوة فخامة هيبه.....بس تبقى مشكلة وحده مبالغين في السعر..مامصدقين عمرهم:معصب:

[Galaxy Star]

طبعا النيسان افضل بدون تردد.........قوة فخامة هيبه.....بس تبقى مشكلة وحده مبالغين في السعر..مامصدقين عمرهم:معصب:

فعلا السعر غالي جدا ومبالغ فيه ولكن يظل افضل من سعر اللاندكرةزر بكثير

اللاندكروزر الجلحاء تجي نفس القيمه مال se city platinium

[البرنس الصغير]

توكلي على الله ولا تحاتي يا اختي

سيارة يعتمد عليها

وأتمنى لك التوفيق

ومبروك مقدما الله يعطيك خيرها ويكفيك شرها ويحفظك من كل شر وعيون الحاسدين

[Galaxy Star]

جمعه مباركه للجمع

[HopeEcho]

بالتوفيق
سعرها مبالغ فيه للاسف مقارنة بسعرها فالامارات

[المتعايي]

بطل الدروب يستحق الاقتناء ..

وشخصيا أفضلها عن تويوتا لاندكروزر ..

[on scene commander]

استغرب من بعض الردود
صاحب الموضوع طلب عيوب ومشاكل النسيان وهوه ناوي يشتري هالسياره ما طلب مقارنه مع اللاندكروزر

[Rose Prince]

توكلي

بالتوفيق

[albluoshi]

يبقا النيسان قدام التيوتا فريت ولا حطيت

[السفير الذهبي]

وكيف ايش ايش اشتريت
اخبرنا عن تجربتك ��

[السفير الذهبي]

وكيف ايش ايش اشتريت
اخبرنا عن تجربتك ��

[ZAEEM SQU]

البنت حظروها ما تفيدك تو