فقدت ثقتي بنفسي ..!!

**روح الزهور** · 14/08/2013 08:24 AM

صبآح وفل ويآسمين لكـل نسآء سبله حوآء ..

بتكلم وبحريه عشآن أوصل إلي بدآخلي لكم وتسآعدوني أرد هالثقه المهزوزه بدآخلي ..
بأمآنه صرت أخآف أجرب أي شيء أخآف أطبخ وأحصل ألف إنتقآد وأخآف أكتب ع الورق ويجلسوآ يحققوآ ليش كآتبته
حتى الكلآم أخآف أتكلم وأنجرح لإن بدل الكم كلمه أخآف يردوآ عشر أخآف أكتب كلآم لأحد ويفهمني غلط ..!
أخآف موآجهه أي شخص لأستردآد حق م حقوقي صآيره حتى بعض الرسآيل بالوآتس من قبل أشخآص معينين آخآف أقرآهن وإذآ أحد إتصل
بعد تردد أشله وذآ أحد دق بآب الغرفه تحصلوني مآ أحب أفتحه إلا بعد السؤآل .....!!
بإختصآر أخآف من كل شيء من كل شيء وثقتي بنفسي مهزوزه ع الآخر لإني مآ محصله أحد جنبي يشجعني ولا أحد يمسكـ
بإيدي ويسآندني كله إلي أحصله تطنيش وتجآهل حتى بطلبآتي ..!!
ومآ عآرفه كيف أرد هالثقه ألي فيني بأي وسيله وبأي طريقه عشآن مآ أخآف لإني مآ أرتكب شيء خطأ ..!
حتى فيه أشيآء أحب أسويهن صرت أترآجع أسوي أي شيء محبب عندي!!
أهم شيء كله ولا أنجرح بأي كلآم يسد نفسي ويوقف طريقي ويخليني مهزوزه بمكآني ..!!

أنتظـر أرآئكم ..

.

**لوليتا2013** · 14/08/2013 08:52 AM

حبيبتي صبـاح الخير اولا وصبـاح الثقـة

شوفي الانســان ما يتعلم الا من اخطـاءه واخطـاء الاخريـن
يعني رسولنا الكريم (حبيب قلبي يا رسول الله) أخطأ فما بالك بنا نحن بنى البشر ؟؟!!!

بس خبرينا انتي في اي عمر ؟؟ وهل متزوجـة او لا ؟؟

وايش الموقف الاول اللي خلى ثقتك تهتز كذا ؟؟

**حنين هزاع** · 14/08/2013 09:35 AM

ضروري تتخلصين من هالشعور لانه بيوديكي طريق ماتقدرين ترجعين منه
بالاضافة انها هالشعور بيجيبلك مرض الوسواس اعزج الله عنه والكثير من الامراض النفسية والتي سيرافقها امراض جسدية
لذلك انتي في غنى عن ذلك

حاولي تطلعين تروحي البحر ورتبي افكارك والاهم من هذا حطي هدف انك ترجعين البيت راح تكوني انسانه غير
قوي نفسك بنفسك اذا احد فتح لك باب المناقشة ناااااقشي كوني انسانة ثانية لمدة اسبوع

جربي موخسرانة شي واذا عجبك الوضوع الجديد استمري
اي استفسار الخاص تبعي مفتوح لك حياااج الله في اي وقت

**صحراوي موت** · 14/08/2013 09:35 AM

..........

**صحراوي موت** · 14/08/2013 09:36 AM

................

**روح الزهور** · 14/08/2013 09:40 AM

أرسل أصلا بواسطة لوليتا2013

حبيبتي صبـاح الخير اولا وصبـاح الثقـة

شوفي الانســان ما يتعلم الا من اخطـاءه واخطـاء الاخريـن
يعني رسولنا الكريم (حبيب قلبي يا رسول الله) أخطأ فما بالك بنا نحن بنى البشر ؟؟!!!

بس خبرينا انتي في اي عمر ؟؟ وهل متزوجـة او لا ؟؟

وايش الموقف الاول اللي خلى ثقتك تهتز كذا ؟؟

كلنآ نتعلم من أخطآئنآ ومآفي أنسآن يكون بحيآته مآ متعلم شيء !!
أنآ صغيرهـ ومآ متزوجه بعمر 19 سنة ..!!
لكل شيء ذكـرته فوق موقف فهو ألي خلآني تنهز فيني الثقه ..!!
وموآقف كثيرهـ ..!!

**روح الزهور** · 14/08/2013 09:43 AM

أرسل أصلا بواسطة حنين هزاع

ضروري تتخلصين من هالشعور لانه بيوديكي طريق ماتقدرين ترجعين منه
بالاضافة انها هالشعور بيجيبلك مرض الوسواس اعزج الله عنه والكثير من الامراض النفسية والتي سيرافقها امراض جسدية
لذلك انتي في غنى عن ذلك

حاولي تطلعين تروحي البحر ورتبي افكارك والاهم من هذا حطي هدف انك ترجعين البيت راح تكوني انسانه غير
قوي نفسك بنفسك اذا احد فتح لك باب المناقشة ناااااقشي كوني انسانة ثانية لمدة اسبوع

جربي موخسرانة شي واذا عجبك الوضوع الجديد استمري
اي استفسار الخاص تبعي مفتوح لك حياااج الله في اي وقت

بس من أيآم بدآ هآذآ الشعور ..!!
وشيء فشيء أريد تخلص منه ..
وإذآ ع النقآش بالسآعآت أنآقش لكن إني أجرب شيء آخآف وأترآجع بالمرهـ !
أرتب أفكآري وأنظم أموري وأسوي كل شيء لكن الروتين الممل مآ يسآعد أربع وعشرين سآعه بالبيت
وإذآ طلعت بالنآدر ..!!..
لكن بحآول أطلع من جو العزله ..!

**لوليتا2013** · 14/08/2013 09:44 AM

أرسل أصلا بواسطة روح الزهور

كلنآ نتعلم من أخطآئنآ ومآفي أنسآن يكون بحيآته مآ متعلم شيء !!
أنآ صغيرهـ ومآ متزوجه بعمر 19 سنة ..!!
لكل شيء ذكـرته فوق موقف فهو ألي خلآني تنهز فيني الثقه ..!!
وموآقف كثيرهـ ..!!

19 سنـة يعني كبيرة وفاهمـة وعارفـة
حبيبتي حاولي تعيدي الثقـة لنفسك
ولازم انتي اللي تبني وتكوني شخصيتـك مو النـاس هي اللي مفروض او لازم تكونك او تبني شخصيتـك
وعادي ترا تخطيء وعادي تحصلي نزاعـة على اقل شيء

**روح الزهور** · 14/08/2013 09:44 AM

أرسل أصلا بواسطة صحراوي موت

الثقة تكتسب وتتطور ولم تولد الثقة مع إنسان حين ولد، فهؤلاء الأشخاص الذين نعرف أنهم مشحونون بالثقة ويسيطرون على قلقهم، ولا يجدون صعوبات في التعامل والتأقلم في أي زمان أو مكان هم أناس اكتسبوا ثقتهم بالتوكل على الله ثم بتطوير أنفسهم والارتقاء بها.

شكـرا لكـ ..
ولكـن هآذهـِ سبله حوآء ..!
وأنت ذكـر ..!!
مع ذآلكـ كل الشكـر لكـ

**روح الزهور** · 14/08/2013 09:47 AM

أرسل أصلا بواسطة لوليتا2013

19 سنـة يعني كبيرة وفاهمـة وعارفـة
حبيبتي حاولي تعيدي الثقـة لنفسك
ولازم انتي اللي تبني وتكوني شخصيتـك مو النـاس هي اللي مفروض او لازم تكونك او تبني شخصيتـك
وعادي ترا تخطيء وعادي تحصلي نزاعـة على اقل شيء

والله أحآول أعيد هالثقه ..!
ع الرغم شخصيتي محبوبه كثير ولي شخصيتي بس أمر بفترآت
أضعف وتكون شخصيتي ضعيفه للغآيه ..!!
النزآعه ع العين والرآس بس وين النصيحه قبل المنآزع !

**الجمال الصامت** · 14/08/2013 09:49 AM

مو.هناك
وايد كلمة أخاف وأخاف وأخاف
انسي كلمة اخاف وامورك ط

**لوليتا2013** · 14/08/2013 09:55 AM

أرسل أصلا بواسطة روح الزهور

والله أحآول أعيد هالثقه ..!
ع الرغم شخصيتي محبوبه كثير ولي شخصيتي بس أمر بفترآت
أضعف وتكون شخصيتي ضعيفه للغآيه ..!!
النزآعه ع العين والرآس بس وين النصيحه قبل المنآزع !

اقولش شيء صار لي لما كنت في الاعدادية او الثانويـة يعني كنت في سن اصغر منك تقريبا
موقف تو يوم اذكره اموووووووت على نفسي من الضحــك
مع انه ذاك الموقف كان لازم يخليني افقد ثقتي بنفسي وابتعد عن شيء اسمع كتـابة او قراءة

كنت وااجد احب اسمع الاشعـار واقراهن وكان عندي كتـاب او مفكرة صغيرة بامانة كانت كبيرة هههههه
كنت انقل كل ذي الاشعـار والابيـات ومرات الاغاني في ذي المفكرة
في يوم من الايــام الوالد الله يرحمه قرا المفكرة على بــاله انني عاشقـة وما لاحقــة
دبغني ذاك اليوم لين طشت عيني

وشرخ الدفتر قدامي
وكان دوووم يحورني يوم اخطف قدامه

بعدها بفترة سويت دفتر ثاني وكنت الزق صور مطربي المفضل او المطربين المفضلين لي

وبعد الوالد شافه والله لا يوريش ذاك اليوم
سوا لي تحقيق وامي حليلها تدافع تقوله ذيلا ما عمانيين ما تشوفهم بغترة وعقال وما تشوفهم بنطلون وقميص
والدفتر الحمدلله ما انشرخ ولين يومك عندي ومخلتنه ذكرى لاولادي ومن افضل ذكرياتي

ولعلمــك ما زلت اقراء الشعر واحب احفظه واحب اكتبه في دفتر اذا الوقت يسمح لي

**فراشة صمت** · 14/08/2013 09:57 AM

أختي بعد الثانوية ما درستي مكان
ما حاولتي تبني طموحك وتكملي مشوارك حتى ما تكوني أسيره البيت والوحده

لنزع شعور الخوف لأزم تتقربي من رب العالمين وتكون وسط الأهل وصديقاتك وبنات العيله بالزيارات والأفراح وفي كل لحظه
وتكون لك صداقات تقضي بعض الوقت معها لنقاشات اليوميه

موفقة

**الجمال الصامت** · 14/08/2013 09:59 AM

الله يرحمه
كلنا كذاك اول فينا خبال نلصق صور مغنيين وممثليين ونكتب ااغاني

**فراشة صمت** · 14/08/2013 10:06 AM

ذكرتني بدفتر الذكريات ما أدري عنه وين خليته ........ لا يطيح بإيدين زوجي

بروح ادوره اليوم وأتخلص منه

**لوليتا2013** · 14/08/2013 10:12 AM

أرسل أصلا بواسطة فراشة صمت

ذكرتني بدفتر الذكريات ما أدري عنه وين خليته ........ لا يطيح بإيدين زوجي

بروح ادوره اليوم وأتخلص منه

لا بالعكس انا طاح بيد زوجي
ولما فتحه كذا صار شكله

ولما حطيت له السالفة بغى يموت من الضحــك
وكل يوم يسمعني سالفة الضرب ويقولي تستاهلي
وعاد يضحك على ذوقي اوين واعجابي بفنان لانه حليو بس

**Tu7fa** · 14/08/2013 10:26 AM

هههههههههههههههه
لوليتا قتليتني ضحك
انا نفسك بالضبط احب اسمع اشعار وكنت بعدني الغم اكتبهن بنفسي

ولانه مالت على الاغاني اغلبها للذكر
كنت اكتب اشعار حب وعشق لبنت خالتي صديقتي بس اكتبها كأنها موجهه للذكر
وفي يوم من الايام شليت دفتري ورحت اراويه امي بغيتها تنفخني وتشجعني

لاني وقتها كنت اعدادي واشعاري بصراحه حلوة
المهم دبغتني تدبيغ وتمت تحقق معاي من هذا الي تحبيه

وانا احلف ماحد في قلبي بس بنت خالتي وخلاص

المهم الاشعار للحين موجوده معاي ومن يومها توووبه واكتب شي

**روح الزهور** · 14/08/2013 10:35 AM

أرسل أصلا بواسطة لوليتا2013

اقولش شيء صار لي لما كنت في الاعدادية او الثانويـة يعني كنت في سن اصغر منك تقريبا
موقف تو يوم اذكره اموووووووت على نفسي من الضحــك
مع انه ذاك الموقف كان لازم يخليني افقد ثقتي بنفسي وابتعد عن شيء اسمع كتـابة او قراءة

كنت وااجد احب اسمع الاشعـار واقراهن وكان عندي كتـاب او مفكرة صغيرة بامانة كانت كبيرة هههههه
كنت انقل كل ذي الاشعـار والابيـات ومرات الاغاني في ذي المفكرة
في يوم من الايــام الوالد الله يرحمه قرا المفكرة على بــاله انني عاشقـة وما لاحقــة
دبغني ذاك اليوم لين طشت عيني

وشرخ الدفتر قدامي
وكان دوووم يحورني يوم اخطف قدامه

بعدها بفترة سويت دفتر ثاني وكنت الزق صور مطربي المفضل او المطربين المفضلين لي

وبعد الوالد شافه والله لا يوريش ذاك اليوم
سوا لي تحقيق وامي حليلها تدافع تقوله ذيلا ما عمانيين ما تشوفهم بغترة وعقال وما تشوفهم بنطلون وقميص
والدفتر الحمدلله ما انشرخ ولين يومك عندي ومخلتنه ذكرى لاولادي ومن افضل ذكرياتي

ولعلمــك ما زلت اقراء الشعر واحب احفظه واحب اكتبه في دفتر اذا الوقت يسمح لي

صآر لي هالموقف ..!!
كنت أكتب شعر غزل بكـثره لإني تعودت وهذآ مآ يعني أني عآشقه أو شيء
وطآح بإيد إختي إحدى الاشعآر وطآحت فيني منهآ كل أشعآري وكتآبآتي بالدفآتر والمذكـرآت حرقتهن كلهن !
وصرت مآ أكتب أي شيء ع الورق منهآ وإذآ كتبت أكتب بالتلفون وفيهآ رمز سري علشآن أحتفظ فيهآ لنفسي ..!
وإآ كتبت ع الورق أشرخهن بسرعه ..!!
أو إني أصورهن وأحتفظ فيهن ..

ع فكـرهـ حلو موقفكـ

..
ضحكتيني

**روح الزهور** · 14/08/2013 10:41 AM

أرسل أصلا بواسطة فراشة صمت

أختي بعد الثانوية ما درستي مكان
ما حاولتي تبني طموحك وتكملي مشوارك حتى ما تكوني أسيره البيت والوحده

لنزع شعور الخوف لأزم تتقربي من رب العالمين وتكون وسط الأهل وصديقاتك وبنات العيله بالزيارات والأفراح وفي كل لحظه
وتكون لك صداقات تقضي بعض الوقت معها لنقاشات اليوميه

موفقة

أدرس بكليه أيآم الكليه كنت أحصل ربيعتي وإذآ حصلتهآ أسولف لهآ
وكآنت تسآعدني وأفضفض وتزيد من معنويآتي والحين مأجزه ومآحد عندي
من سني من البيت

مآ أطلع إختي وإذآ قلت أبغى أطلع يقولولي لمآ تتزوجي ..!
حتى أخجل أقول أبغى أطلع ..!!

**روح الزهور** · 14/08/2013 10:45 AM

أرسل أصلا بواسطة Tu7fa

هههههههههههههههه
لوليتا قتليتني ضحك
انا نفسك بالضبط احب اسمع اشعار وكنت بعدني الغم اكتبهن بنفسي

ولانه مالت على الاغاني اغلبها للذكر
كنت اكتب اشعار حب وعشق لبنت خالتي صديقتي بس اكتبها كأنها موجهه للذكر
وفي يوم من الايام شليت دفتري ورحت اراويه امي بغيتها تنفخني وتشجعني

لاني وقتها كنت اعدادي واشعاري بصراحه حلوة
المهم دبغتني تدبيغ وتمت تحقق معاي من هذا الي تحبيه

وانا احلف ماحد في قلبي بس بنت خالتي وخلاص

المهم الاشعار للحين موجوده معاي ومن يومها توووبه واكتب شي

الله يخلي مآمآتكـ ..
ويخلي لكـ موهبتكـ ..
شكلنآ كذآ كلنآ نكتب وبالنهآيه نتوب نسوية

**خواطر عابر** · 14/08/2013 11:02 AM

حبيبتي خلي عنك من الخوف
الخوف يضعف النفس
كوني اميرة بثقتك بنفسك
حتى لو كنتي وحيده تذكري رب العزة معاك
أعظم من كل الوجود
لاتشغلي نفسك بما يقال عنك خلك كتومه مع ذاتك وقويها
واسعديها بكل ماهو جميل ومتاح
لكن نصيحه ابتعدي عن اي شعور بالفراغ حاولي تشغلي نفسك بالقراءه
سواء كتب الكليه او غيرها
وعزي نفسك عن كل مايسلك بك الى طريق وهم الحب الزايف الي يكون سببه الفراغ والخوف من الوحده

**خواطر عابر** · 14/08/2013 11:12 AM

أرسل أصلا بواسطة لوليتا2013

اقولش شيء صار لي لما كنت في الاعدادية او الثانويـة يعني كنت في سن اصغر منك تقريبا
موقف تو يوم اذكره اموووووووت على نفسي من الضحــك
مع انه ذاك الموقف كان لازم يخليني افقد ثقتي بنفسي وابتعد عن شيء اسمع كتـابة او قراءة

كنت وااجد احب اسمع الاشعـار واقراهن وكان عندي كتـاب او مفكرة صغيرة بامانة كانت كبيرة هههههه
كنت انقل كل ذي الاشعـار والابيـات ومرات الاغاني في ذي المفكرة
في يوم من الايــام الوالد الله يرحمه قرا المفكرة على بــاله انني عاشقـة وما لاحقــة
دبغني ذاك اليوم لين طشت عيني

وشرخ الدفتر قدامي
وكان دوووم يحورني يوم اخطف قدامه

بعدها بفترة سويت دفتر ثاني وكنت الزق صور مطربي المفضل او المطربين المفضلين لي

وبعد الوالد شافه والله لا يوريش ذاك اليوم
سوا لي تحقيق وامي حليلها تدافع تقوله ذيلا ما عمانيين ما تشوفهم بغترة وعقال وما تشوفهم بنطلون وقميص
والدفتر الحمدلله ما انشرخ ولين يومك عندي ومخلتنه ذكرى لاولادي ومن افضل ذكرياتي

ولعلمــك ما زلت اقراء الشعر واحب احفظه واحب اكتبه في دفتر اذا الوقت يسمح لي

ياكثر دفاتري الي اخبيها ايام ماقبل الكليه بعدها حصلتهم في الزباله بعد ترميم البيت
صحت من خاطري قالي والدي الله يرحمه يارب انا بشتريلك قراطيس غيرهن كتبي فيهن مرة

**muqaimi** · 14/08/2013 11:29 AM

انا بعد ... مريت بمواقف مثلك
واهم موقف اني اول مره طبخت عشا للبيت بدون اشراف حد معاي يقولي شو الصح وشو الغلط
اثناء الطبخ
وكل الي فالبيت انخبثووو

... هذيك الليلة محد نام كلهم رجعوا الي تعشوووه
ومن هذيك اليوم ليومك هذا محد ياكل طباخي

رغم اني مستمره اطبخ وصح محد ياكله ..ويسمعوني كلام انه ليش تخسري الراشن
وفالاخير ينرمى بالزباله... ودوم بجمعات الاهل يضحكوا ع طبخي

بس مايهمني المهم اتعلم واثبت لنفسي اني اقدر اوصل للي اريده .. احب الاصرار الي فيني

سنك قريب من سني يعني خلك مثلي

وعلى قولت اختنا بيانية .. الحياة فايتنج

**روح الزهور** · 14/08/2013 11:39 AM

أرسل أصلا بواسطة خواطر عابر

حبيبتي خلي عنك من الخوف
الخوف يضعف النفس
كوني اميرة بثقتك بنفسك
حتى لو كنتي وحيده تذكري رب العزة معاك
أعظم من كل الوجود
لاتشغلي نفسك بما يقال عنك خلك كتومه مع ذاتك وقويها
واسعديها بكل ماهو جميل ومتاح
لكن نصيحه ابتعدي عن اي شعور بالفراغ حاولي تشغلي نفسك بالقراءه
سواء كتب الكليه او غيرها
وعزي نفسك عن كل مايسلك بك الى طريق وهم الحب الزايف الي يكون سببه الفراغ والخوف من الوحده

بإذنِ الله إختي ..
مشكـورهـ إختي ع الكلآم والنصيحه الأخوية ..

**روح الزهور** · 14/08/2013 11:42 AM

أرسل أصلا بواسطة muqaimi

انا بعد ... مريت بمواقف مثلك
واهم موقف اني اول مره طبخت عشا للبيت بدون اشراف حد معاي يقولي شو الصح وشو الغلط
اثناء الطبخ
وكل الي فالبيت انخبثووو

... هذيك الليلة محد نام كلهم رجعوا الي تعشوووه
ومن هذيك اليوم ليومك هذا محد ياكل طباخي

رغم اني مستمره اطبخ وصح محد ياكله ..ويسمعوني كلام انه ليش تخسري الراشن
وفالاخير ينرمى بالزباله... ودوم بجمعات الاهل يضحكوا ع طبخي

بس مايهمني المهم اتعلم واثبت لنفسي اني اقدر اوصل للي اريده .. احب الاصرار الي فيني

سنك قريب من سني يعني خلك مثلي

وعلى قولت اختنا بيانية .. الحياة فايتنج

..
ع الطبخ أنآ ولله الحمد أعرف بس يآ كثر الإنتقآدآت من إخوآني :

حتى لو حلو وزين بتحصليهم يحشوآ فينآ حش أنآ وحريم إخوآني من ورآنآ

أهم شيء تتعلمي حآل زوجكـ تطبخي

الإخوآن أكبر منآقيد

بس أحيآنآ تحطيم نعم

**لولو مرجان** · 14/08/2013 12:10 PM

روح الزهور ... بس سؤال

كيف علاقتك مع الوالدة ؟ وكيف شخصيتها هي معكم ؟

**الحسناء عنابة** · 14/08/2013 12:29 PM

عزيزتي مشكلتك وايد حساسة واي كلمة حد يقولها لك تأثر فيك ولو قالها ع سبيل المزاح

وواضح ان اهلك وايد شديدين ف البيت

اهم شي عزيزتي يكون لك اهداف بالحياة ويكون عندك اصرار وعزيمة ع تحقيقها
ما تخلي اي شي يأثر ع ثقتك

وطبعا ثقتنا بأنفسنا نستمدها من ثقتنا برب العالمين
عليك انك تقوي علاقتك بربك وكل ما تجيك افكار انه ما عندك ثقة بنفسك امسحي المصحف وزيدي ثقتك

الحين انتي بإجازة حاولي تحطي لنفسك جدول شو تنجزي بكل اسبوع
حددي الاشيا الي تحبيها وحاولي تنجزيها حتى لو بالسر ف غرفتك
وبعدها اعرضيها ف البيت وكوني واثقة من نفسك

الله يوفقك عزيزتي

**عذبةالمشاعر** · 14/08/2013 03:12 PM

حبوبه خلي عنك الخوف وخليك قويه وكوني شعبيه حتى لو ما تتكلمي
الأهم أنك تكوني متواجده وسط الناس وخصوصآ إذا بنوتات مثلك
بإنعزالك كذا تودي نفسك ف طريق راح تستمري فيه وبتحسي
بإنك وحده ماتطيق أحد

خلي ثقتك نابعه م داخلك لأنها طريقك للنجاح ف أي شئ تريدين الوصول له
لاتجلسي توهمي نفسك أنا ماقدها وأنا ماعندي ثقه وأنا وأنا وأنا
لا ولكن شجعي نفسك وقولي أنا قادره لذا أنا أستطيع وما عليك من غيرك
ف أنتي ما نخلقتي عشان تعجبي غيرك أو لا وعيشي حياتك كما تحبي أنتي
مو مثل ما يحب غيرك ..

بالتوفيق لك روحي

**روح الزهور** · 14/08/2013 07:22 PM

أرسل أصلا بواسطة لولو مرجان

روح الزهور ... بس سؤال

كيف علاقتك مع الوالدة ؟ وكيف شخصيتها هي معكم ؟

الوآلدهـ علآقتي فيهآ مآ ذآكـ الزود سطحيه كثير كثير لإنهآ أمي مآل أول
وتعرفي مآ عندهآ ثقآفه التعآمل ولا أعرف أفضفض لهآ لأنهآ مآ عندهآ ثقآفه الفهم والتعآطي المطلق ..
وكل إخوآني علآقتنآ فيهآ كذآ مآحد قريب منهآ وأحسهآ تفضل إخوآني عني أحيآنآ حتى من نآحيه التعآمل ..!
لإني اصغر البنات ..!

**روح الزهور** · 14/08/2013 07:25 PM

أرسل أصلا بواسطة الحسناء عنابة

عزيزتي مشكلتك وايد حساسة واي كلمة حد يقولها لك تأثر فيك ولو قالها ع سبيل المزاح

وواضح ان اهلك وايد شديدين ف البيت

اهم شي عزيزتي يكون لك اهداف بالحياة ويكون عندك اصرار وعزيمة ع تحقيقها
ما تخلي اي شي يأثر ع ثقتك

وطبعا ثقتنا بأنفسنا نستمدها من ثقتنا برب العالمين
عليك انك تقوي علاقتك بربك وكل ما تجيك افكار انه ما عندك ثقة بنفسك امسحي المصحف وزيدي ثقتك

الحين انتي بإجازة حاولي تحطي لنفسك جدول شو تنجزي بكل اسبوع
حددي الاشيا الي تحبيها وحاولي تنجزيها حتى لو بالسر ف غرفتك
وبعدها اعرضيها ف البيت وكوني واثقة من نفسك

الله يوفقك عزيزتي

حسآسه أيوآ حسآسه مآ كنت لمآ صغيرهـ كذآكـ بس من كبرت
وفهمت صرت أتحسس لإن الكلآم مآ يجي بالطيب أحيآنآ تحطيم للنفسيآت !!

بإذنِ الله إختي بحآول أعمل بنصيحتكـ ..
م ـشكوورهـ إختي ..

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: فقدت ثقتي بنفسي ..!!

أدوات الموضوع

البحث في الموضوع

نمط العرض

فقدت ثقتي بنفسي ..!!

مواضيع مشابهه

فقدت ثقتي في هيئة حماية المستهلك-تجربتي

ثقتي بنفسي كيف أبنيها

سلسلة أحداث عايشتها بنفسي بنفسي

سلسلة أحداث عايشتها بنفسي بنفسي

قواعد المشاركة