كل عام وانتم بخير بمناسبه العيد خبرونا عن مظاهر العيد وياكم وشو سويتوا واكلتوا وو

**أحلى مسقط** · 11/08/2013 01:23 PM

باسمه تعالى

اهنئكم بعيد الفطر السعيد
بكل منطقه ولايه هناك مظاهر للعيد واكلات وغيرها تقام
نبي نعرفها منكم من اي ولايه وشو مظاهر العيد معاكم وكيف قضيتوها

وكل عام وانتم بصحه وسلامه

**أحلى مسقط** · 11/08/2013 01:25 PM

خلنى ابدا قبل هه

احنا اول يوم اجتمعنا بيت العيله واخوى الكبير كل الاهل للجمعه واكلنا طبعاىالعرسيه الفواله القهوة حلويات مختلفه
و2 يوم رحنا زيارات الاهل اجمع خوال خالات وغيرهم
و3 يوم ناكل شوا مجيوب لنا بالبيت وهذا هو واحنا من مسقط ماعندنا مظاهر يوميه عكس اهالي البلدان المناطق وسلمتوت

كيف انتوا

**الجمال الصامت** · 11/08/2013 01:31 PM

ف البيت لين اربع طوف ناكل لحمان ونرقد انا ف مسقط ... ثاني يوم سرت بيت اهلي اسلم عليهم وع السريع .... تو بصيح .... ورجعت وكررنا اةل عيد ... وبس

**أحلى مسقط** · 11/08/2013 01:35 PM

**أحلى مسقط** · 11/08/2013 01:36 PM

أرسل أصلا بواسطة الجمال الصامت

ف البيت لين اربع طوف ناكل لحمان ونرقد انا ف مسقط ... ثاني يوم سرت بيت اهلي اسلم عليهم وع السريع .... تو بصيح .... ورجعت وكررنا اةل عيد ... وبس

هلا عيدك مبارك ترى بالعيد اهم شي اللحم هه
اهم شي قضيتي وقت طيب وتكملي العيد افضل

**أحلى مسقط** · 11/08/2013 01:41 PM

**حس وذوق** · 11/08/2013 02:09 PM

أرسل أصلا بواسطة أحلى مسقط

غاااااوي عيدكم بعد ايش تبغي أكثر من كذاك!!

حتى في البلدان كذاروتينهم ما يختلف كثير

أهم شي اللحم وزيارة الأهل وتوزيع العيديات

**Specialty English** · 11/08/2013 02:31 PM

* كل عام وأنتم بخير ..
ما شاء الله أجواءنا ف الظاهرة مغيمة . عسى بأمطار الرحمة ..
ف العادة أهلي ثاني أيام العيد يذبحوا .. أول يوم يكون مقلاي، ماعرف بعض المناطق شؤو يسموه معهم *_* ..
ثاني يوم التنور وثالث يوم المشاكيك ..

* طبعا لا ننسى الهريس الوجبة المفضلة أول أيام العيد ..

ذقتها العرسية مرة / لذيذة جدا ..

**الأمل المقتول** · 11/08/2013 02:42 PM

أرسل أصلا بواسطة Specialization English

* كل عام وأنتم بخير ..
ما شاء الله أجواءنا ف الظاهرة مغيمة . عسى بأمطار الرحمة ..
ف العادة أهلي ثاني أيام العيد يذبحوا .. أول يوم يكون مقلاي، ماعرف بعض المناطق شؤو يسموه معهم *_* ..
ثاني يوم التنور وثالث يوم المشاكيك ..

* طبعا لا ننسى الهريس الوجبة المفضلة أول أيام العيد ..

ذقتها العرسية مرة / لذيذة جدا ..

يسمى [ المظبي ]

**Specialty English** · 11/08/2013 02:55 PM

أرسل أصلا بواسطة الأمل المقتول

يسمى [ المظبي ]

أيام الكلية كانت زميلتي من الشرقية جايبه مظبي .. له مذاق خاص ..

**الأمل المقتول** · 11/08/2013 02:56 PM

.../

وكل عام وانتي بخير
وعساكم من عوادة

الأجواء كانت جداااا جميلة مع الرذاذ والمطر والسحب
بس كالعادة طوال الوقت بالبيت لأستقبال كل الضيوف والعائلة واللمة لآننا المركز الأساسي لوجود أمي ربي يخليها

بس هالعيد غير كان عن كل الأعياد
والسب:
هو وجود [ طفلة العيد ] ولأول مرة تحتفل بالعيد اليوم صار عمرها خمسة أشهر ربي يحفظها
لعبت فيها لعب صباحية العيد لبستها فستانها الأميري ووضعت لها كل أكسسورات هندية مع النقطة الحمراء بالوسط
وطلعت أميرة الأميرات الهندية فديتهااااااااااااااااااا ولا كل الأقمار
وكانت مفاجأة حتى لأمها ولأبوها

والأجمل كان بوجودها وبسمتها وضحكتها وأكووووو

وأمممممممممم اعتقد خلصت

**Specialty English** · 11/08/2013 04:33 PM

أرسل أصلا بواسطة الأمل المقتول

.../

وكل عام وانتي بخير
وعساكم من عوادة

الأجواء كانت جداااا جميلة مع الرذاذ والمطر والسحب
بس كالعادة طوال الوقت بالبيت لأستقبال كل الضيوف والعائلة واللمة لآننا المركز الأساسي لوجود أمي ربي يخليها

بس هالعيد غير كان عن كل الأعياد
والسب:
هو وجود [ طفلة العيد ] ولأول مرة تحتفل بالعيد اليوم صار عمرها خمسة أشهر ربي يحفظها
لعبت فيها لعب صباحية العيد لبستها فستانها الأميري ووضعت لها كل أكسسورات هندية مع النقطة الحمراء بالوسط
وطلعت أميرة الأميرات الهندية فديتهااااااااااااااااااا ولا كل الأقمار
وكانت مفاجأة حتى لأمها ولأبوها

والأجمل كان بوجودها وبسمتها وضحكتها وأكووووو

وأمممممممممم اعتقد خلصت

الله يحفظها لكم ..

**فجر الهدى** · 11/08/2013 10:04 PM

كل عام وانتي بصحة وسلام
العيد مرة حماس مع انه فقدنا بعض الاشياء
يلي تذكرنا بطفولتنا....

طبعا اول يوم رحنا بيت خالي كبير العايلة
واكلنا العرسية والترشة يمي روووووعة طعمها

وبعدها رحنا نسلم ع الاهل...

وثاني يوم ذبحنا وسوينا لحم مقلي او محمس البعض
يسمية

واليوم اكلنا الشواء ختامها مسك...

**فجر الهدى** · 11/08/2013 11:50 PM

عرسيتنا...

**فجر الهدى** · 11/08/2013 11:53 PM

وهذي المشاكيك مرة رووووووعة طعمها
فديت من شواها...

**فجر الهدى** · 11/08/2013 11:56 PM

وهذا مشوي الدجاج حال الوحاميين
يلي يتوحموا بالدجاج خخخخ

**فجر الهدى** · 11/08/2013 11:58 PM

صورة غيرها للمشاكيك

**فجر الهدى** · 12/08/2013 12:00 AM

وهذي الخصف وخليلهن منقلبات
اخوي يحليله رايح من الصبح يجيبهن
شكله توظم عشان مذاك شايحبهن خخخخ
الله يحفظه يارب...

**فجر الهدى** · 12/08/2013 12:03 AM

شوانا اللذيذ

**أحلى مسقط** · 12/08/2013 12:05 AM

ياسلام ع الاكلات روعه لذيذه حلو العيد بهالعادات والوجبات المهمه سلمتوا وبارك الله فيكم جميع ومشرفتنا

**الأمل المقتول** · 12/08/2013 12:10 AM

أرسل أصلا بواسطة Specialization English

الله يحفظها لكم ..

أميييييين ويحفظكِ ويحفظ جميع الأطفال

تسلمي أختي

**الأمل المقتول** · 12/08/2013 12:12 AM

أرسل أصلا بواسطة Specialization English

أيام الكلية كانت زميلتي من الشرقية جايبه مظبي .. له مذاق خاص ..

فعلا له مذاق ماينوصف

**فجر الهدى** · 12/08/2013 12:13 AM

أرسل أصلا بواسطة أحلى مسقط

ياسلام ع الاكلات روعه لذيذه حلو العيد بهالعادات والوجبات المهمه سلمتوا وبارك الله فيكم جميع ومشرفتنا

تسلمي الغالية...

**باحثة ع عمل** · 12/08/2013 12:20 AM

هلا بنات
انا من مسقط وهذا برنامج العيد عندنا:
اول يوم:يتجمع كل اخواني واخواتي المتزوجات عندنا نسلم ونبارك لبعض ويعيدونا نعبي المحفظه خخخ وبعدها نقدم قهوه تشمل كل انواع الحلويات والمكسرات والفواكه ولا ننسئ نتبادل الهدايا عاد هديه الوالده سبشل بعدها نروح بيت جدتي نسلم ع وهناك خوالي وخالاتي ونفس الحركات
والشباب يجلسوا ف بيت مع الشغالات يرتبوا اللحم يصدروه التنور للشوي.

ثاني يوم:ذباح وماحد يطلع من البيت حظر تجوال كله تقطيع وطبخ و ويرتبوا المشاكيك والمقلي ويجيبوا الشوئ نتغدئ وبالليل نام بدري من التعب.

ثالث يوم:كل حد يطلع براحته الوالده تكمل زيارات الاهل والبنات نطلع نتمشئ ونتعشئ والشباب بعد يطلعوا مع ربعهم.

رابع يوم:باكر ان شاء الله رحله للاشخره كل العيله.

**Specialty English** · 12/08/2013 09:01 AM

فجرر الهدى ما شاء الله ما قصرتي / بالعافية عليكم ..

**أحلى مسقط** · 12/08/2013 03:21 PM

أرسل أصلا بواسطة باحثة ع عمل

هلا بنات
انا من مسقط وهذا برنامج العيد عندنا:
اول يوم:يتجمع كل اخواني واخواتي المتزوجات عندنا نسلم ونبارك لبعض ويعيدونا نعبي المحفظه خخخ وبعدها نقدم قهوه تشمل كل انواع الحلويات والمكسرات والفواكه ولا ننسئ نتبادل الهدايا عاد هديه الوالده سبشل بعدها نروح بيت جدتي نسلم ع وهناك خوالي وخالاتي ونفس الحركات
والشباب يجلسوا ف بيت مع الشغالات يرتبوا اللحم يصدروه التنور للشوي.

ثاني يوم:ذباح وماحد يطلع من البيت حظر تجوال كله تقطيع وطبخ و ويرتبوا المشاكيك والمقلي ويجيبوا الشوئ نتغدئ وبالليل نام بدري من التعب.

ثالث يوم:كل حد يطلع براحته الوالده تكمل زيارات الاهل والبنات نطلع نتمشئ ونتعشئ والشباب بعد يطلعوا مع ربعهم.

رابع يوم:باكر ان شاء الله رحله للاشخره كل العيله.

حلوو جدولكم كان كليء بالمتعة والتنوع وهذا احلى شي بالعيد

**عزي ايماني ونبضي قراني** · 13/08/2013 02:13 AM

هالعيد ما تهنيته واجد لاني كنت مريضه

واحسه عادي بس الحمد لله ع كل حال

اممم العيد معنا اول يوم نصحى من الفجر ونروح نسلم ع الاهل وبعدين نٱكل عرسيه وبعدين طبعا انا حتى س10 الصباح ما واصله عاد اكون نايمه

ثاني يوم يكون المقلاي والمشاكيك
ثالث يوم الشوا وزياره الاهل الي بعيد شوي وهذا طبعا اذا رحت

كل هالاحداث تصير وكٱنه في يوم وحده سبحان الله

والحمد لله ع كل شي وكل حال وكل نعمه

وشكرا لك ع موضوعك الغاوي

**Lovely princess** · 13/08/2013 07:32 AM

عيدكم مبارك جميعا
انا من مسقط وعيدنا كالتالي

اول يوم نصحى الصبح .. ابوي واخواني يروحوا يصلوا بالمسجد
وبعدين نروح نتجمع بيت جدتي ام امي الله يحفظها
وتتجمع الغائلة كلها الاخوان والاخوات والاحفاد والخوال والخالات
وازواج الاحفاد واطفالهم والجميع ..
س 10 نبدأ ناكل الريوق وهو عبارة عن مرق اللحم بالاضافة الى الحلويات.. هاي عادة عندنا
وناخذ العيديات .. انا حصلت 54 ريال

وبعدها نرجع البيت .. بعد صلاة المغرب نروح بيت عمي الكبير تتجمع العائلة ونتعشى مع بعض
..اليوم الثاني الصباح نتغدى بره او مانطلع نرتاح.. وبليل نروح بيت عمي الثاني نسوي مشاكيك..
اليوم الثالث تتجمع العائلة بيت خالي لوليمة الشواء بالاضافة الى الاكلات الاخرى
وبعدها نرجع البيت.. طلبنا بيتزا هت للعشاء

اليوم الرابع ارتحت ف البيت وما طلعت
بحاول انزل صور
وبكذا خلص العيد

**أحلى مسقط** · 13/08/2013 08:38 AM

أرسل أصلا بواسطة عزي ايماني ونبضي قراني

هالعيد ما تهنيته واجد لاني كنت مريضه

واحسه عادي بس الحمد لله ع كل حال

اممم العيد معنا اول يوم نصحى من الفجر ونروح نسلم ع الاهل وبعدين نٱكل عرسيه وبعدين طبعا انا حتى س10 الصباح ما واصله عاد اكون نايمه

ثاني يوم يكون المقلاي والمشاكيك
ثالث يوم الشوا وزياره الاهل الي بعيد شوي وهذا طبعا اذا رحت

كل هالاحداث تصير وكٱنه في يوم وحده سبحان الله

والحمد لله ع كل شي وكل حال وكل نعمه

وشكرا لك ع موضوعك الغاوي

سلامتك ماتشوفي شر
والحمدلله انك استمتعتي بالعيد اهم شي وكل عام وانتي بخير

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: كل عام وانتم بخير بمناسبه العيد خبرونا عن مظاهر العيد وياكم وشو سويتوا واكلتوا وو

أدوات الموضوع

البحث في الموضوع

نمط العرض

كل عام وانتم بخير بمناسبه العيد خبرونا عن مظاهر العيد وياكم وشو سويتوا واكلتوا وو

مواضيع مشابهه

[ معروض ] كل عام وانتم بخير فساتين العيد وباب الحجز مفتوح

اخبار العيد وياكم | العيد اول يوم | تصوير الحلويات | الاكلات | وسوالف العيد - هنا

غلــــــــــــــــــــق الموضـــــــــــــــــــــــــــوع

عروضات العيد للميزات فقط كل عام وانتم بخير

قواعد المشاركة