القيل والقال

[الفتاة المحبوبة]

السلام عليكم ورحمة الله وبركاته
اخباركم ؟؟
مو مسيتوا ؟؟

اليوم جبتلكم موضوع منتشر في بلدنا الغالية وبلدان أخرى ويمكن أغلب دول الخليج تعاني من هالمشكله .. موضوعي اليوم يتحدث عن كلام الناس والقيل والقال ..
انتشرت لدينا عادات غريبه ومؤثرة في مجتمعاتنا العربيه أو الخليجية بالأحرى والأخص .. وهي عادة كلام الناس او القيل والقال او الاشاعات بلغتنا المحلية ..


عند الشباب ::-

طبعا احنا مانسلم من كلام الناس ..
لكن الغريب والي مندهشه منه انه فيه شباب يتكلموا قدام بعضهم البعض عن البنات فلانه سوت وهذي والله مازينه
وهذي امس شايفنها في المكان الفلاني وعاد يجلسوا يطلعوا اشاعات والكل يشارك مايصدقوا يخبروهم شي حرام ياخي الواحد يجلس يتكلم عن اعراض الناس
عندكم اهل واخوات وامهات وزوجات وبو مستغربه منه مو باغيين من بنات الخلق كل وحده عندها اهل وحره ف نفسها ليش حاشرين عماركم عنها ..
وعاد بو يزيد الطين بله شي من الشباب ماعرف هين عقولهم اول مايوصلوا البيت تلقاهم يراقبوا اخواتهم ومايرومن يطلعن يجلسولهن جلسه هين سايره ومع من ؟؟
وليش لابسه كذاك وليش مسويه كذاك وليش ماعرف مو هناك وغيره من الاسئلة مخلين نفسهم هنا الدنيا والبعض منهم كلهم تارسين عيوب واخطاء من فوقهم لتحتهم
والي يعجبك انهم يجيوا ينصحوا غيرهم كأنهم قايمين دينهم وصلاتهم ياخي صلح نفسك قبل بعدين صلح غيرك .. والبعض يحرموا اخواتهم وامهاتهم وزوجاتهم من ابسط حقوقهن
وانهن يمارسن حياتهن بشكل طبيعي.. ع بالهم انه هالشي فيه مصلحه لهن بالعكس كثرة الكبت والكلام عن الناس يجيب الدواهي ..
والي يتكلم عن غيره بكره يطيح فيه لكن عقول الناس مو تقول عنها حتى الشباب قاموا يحشوا في بعضهم وانتقلهم فيروس القيل والقال
وهم فالحين يقولوا الحريم اوين بس بو يحشن ف الخلق ..صاروا يجتمعوا وحش في الخلق الله يعينا[

قال الله تعالى :
يَعْلَمُونَ ظَاهِرًا مِنَ الْحَيَاةِ الدُّنْيَا وَهُمْ عَنِ الْآَخِرَةِ هُمْ غَافِلُونَ




عند الحريم :-

طبعا الكل يعرف انه الحريم اذا جلسن لازم يحشن ف حد ولازم يتكلمن عن فلانه وعلانه اخس من الرجال

عايشة: سلامه سمعتي عن هذيك بو ضاربنها زوجها وطردها من البيت
سلامة : هاعه وحدي ماسمعت من خبرش
عايشه: سمعت شيخه تقول اوين زوجها باغي يتزوج عليها ما باغنها في البيت
سلامة: (وتدخل في سالفة غيرها) الله يستر علينا من هذيلا الرجال كما شيه نوبه خموس مسكينه زوجها كل يوم يجيها سكران
عايشه: ابوي الله يعينا من هذيلا الرجال وهيه وحدها نوبه باغتنه حال عمرها




وهكذا يدور الحوار يقربن قهوتهن وكل وحده تحش في الغيرها
لا والمصيبه يتجمعن كلهن رباعه ويسولفن عن الناس ويوم تغيب وحده عاد يطيح الحش فيها
وهي مسكينه ماداريه عن شي لبر ياخي حفظن اعراض الناس وسدن ابواب الغيبه والنميمه في شرف الناس

مايرومن يشوفن شي غير ناشحات به في الحله .. وبو مستغربه منه يتكلمن عن اشياء ما يعرفنها صح ولا ماصح
يطلعن اشاعات عن الناس ولا بعدهن يزيدن في الكلام من عندهن
المشكله انه زمنا هذا صار زمن الكلام والفتن كل حد يعيب ع غيره ماحد يشوف عيوبه
المفروض كل حد يسمع يسكت او يتأكد مامشكله تكلموا في مواضيع اذا متأكدين منها بس لا تألفوا كلام من عندكم وهذا الي حاصل يا اخواني في الله



فلنقف هنا

ياليت كل واحد يسمع شي يخبيه وما ينشره للكل لانه الواحد مايقدر يشل ذنوب غيره لو اجتمعنا يدا بيد نتساعد انه اي اشاعه تطلع توقف عندنا وما نخليها تنتشر اكثر

هذا موضوعي ومسموح التخميس فيه بعد ماتجاوبوا ع اسئلتي ::

شو رايكم في الي حاصل في مجتمعنا ؟؟
وكيف نحل هالظاهره؟؟

[الفتاة المحبوبة]

بروح اتغدى وارجعلكم

[9 العكس صحيح 6]

اسير اقراء وراجعلك بس انا اقول هين راحت ذي اليوم عن سبلة

[تبسم ترى العمر فاني]

قال رسول الله صلى الله علية وسلم (وهل يكب الناس في النار على وجوههم الأ حصائد أنفسهم )


شكرااا لكِ موضوع قيم

[9 العكس صحيح 6]

موضوع هذا يبغاله يوم كامل ،، وقتي ما يسمح طيارتي بعد قليل
قيل وقال

اليوم راسي مقفل سمحيلي ما اقدر اعبر الحين والعباره اتروح عني مصيره

[YAKOTA]

بالتوفيق

[ابتسامه حنونه]

بسير اتغدى وبجي محبوبه ..

مندي تايم

[ssllmm]

قلة الشغل تسوي كذا وقلة الدين والأيمان والاخلاق وأنشغال الناس بمراقبة غيرهم ونسيان عيوبهم

[الفتاة المحبوبة]

اسير اقراء وراجعلك بس انا اقول هين راحت ذي اليوم عن سبلة

سرت اجهز موضوع


اليوم كان شغل عندي

[الفتاة المحبوبة]

لي عودة بأذن الله

ننتظرك فد

[الفتاة المحبوبة]

موضوع هذا يبغاله يوم كامل ،، وقتي ما يسمح طيارتي بعد قليل
قيل وقال

اليوم راسي مقفل سمحيلي ما اقدر اعبر الحين والعباره اتروح عني مصيره

نوبه

خلي عنك سدح بو عندك عاكوس

[الفتاة المحبوبة]

بالتوفيق

جميعا ياقوته

[الفتاة المحبوبة]

بسير اتغدى وبجي محبوبه ..

مندي تايم

بالهنا بسوووووومه

[9 العكس صحيح 6]

سرت اجهز موضوع


اليوم كان شغل عندي

الله يعينك ،، ما وزعتي الشغل هنـا ف الترويح نستاعد

[الفتاة المحبوبة]

قلة الشغل تسوي كذا وقلة الدين والأيمان والاخلاق وأنشغال الناس بمراقبة غيرهم ونسيان عيوبهم

صدقت ياخوي



اخبارك؟؟

[الفتاة المحبوبة]

الله يعينك ،، ما وزعتي الشغل هنـا ف الترويح نستاعد

كان زين ماعندي خبر كنت اعطيك تساعدني تشه

[ssllmm]

صدقت ياخوي



اخبارك؟؟

الحمد لله بس فاقد حد ما يلهم حس

[9 العكس صحيح 6]

كان زين ماعندي خبر كنت اعطيك تساعدني تشه

كي اذا ساعدتك بيحولو راتبك حالي

[xksn]

القيـل و القـال مـا يخلـص و تستـمر الحيـاة و تستمـر الحيـاة :بو يقـلد سيلفـر: >>

شكـرا فتــاة ..

[الفتاة المحبوبة]

كي اذا ساعدتك بيحولو راتبك حالي

كله ولا الراتب

يعني ماتسوي شي ببلاش انته

[الفتاة المحبوبة]

القيـل و القـال مـا يخلـص و تستـمر الحيـاة و تستمـر الحيـاة :بو يقـلد سيلفـر: >>

شكـرا فتــاة ..

لا تقلد حد

عفوا

[9 العكس صحيح 6]

كله ولا الراتب

يعني ماتسوي شي ببلاش انته

انا ما عندي مشكله ببلاش ،، بس يشوفو مجهودي لاه ف مساعدتك بعدين يقولو احسن نعطي عاكوس ما نعطي المحبوبة

[9 العكس صحيح 6]

الموضوع فناني بحــت ،، وقضيه من قضايا المجتـمع وبعض الشـــعوب ،، موضوع جميل ،،

[الفتاة المحبوبة]

[الفتاة المحبوبة]

انا ما عندي مشكله ببلاش ،، بس يشوفو مجهودي لاه ف مساعدتك بعدين يقولو احسن نعطي عاكوس ما نعطي المحبوبة

هههههه لا ما بيعرفوا

[9 العكس صحيح 6]

هههههه لا ما بيعرفوا

انزين خلاص طرشي المستندات في كراتين مال طماط ،،

[الفتاة المحبوبة]

[الفتاة المحبوبة]

انزين خلاص طرشي المستندات في كراتين مال طماط ،،

خلصتهن عاد

[ssllmm]

يالله أخليكم مع السلامه

[إنسان ما فيه بارض]

يُفضل بعد كتابة سأرجع .. تدرج عبارة ( إن شاء الله ) .. لأنا نعيش تحت المشيئة الربانية

موضوعك رائع ..

وذو الغيبة أختاه ذلق اللسان .. صفيق الوجه.. لا يحجزه عن الاغتياب إيمانٌ.. ولا تحفظه للمكارم مروءة .. إذا وجد متنفسًا أشبع طبيعته النزقة الجهول
ينطلق على وجهه في المجالس لا ينتهي له حديث ولا يتوقف له كلام يسكب من لفظه ما تشمئز منه آذان أهل الإيمان وأفئدة أهل التقى

أحياناً ستجدون بأن لثرثرته ضجيجًا يذهب معه الرشد يتصدر المجالس ويتناثر منه الكلام حتى يجزم العاقل بأنه لا يتحدث عن وعيٍ يقظٍ ولا فكرٍ عميقٍ وكأن عنده انفصالاً رهيبًا بين لسانه وبين عقله وإيمانه
ألد خصم يلوك لسانه كما تلوك البقرة يخوض في كل شاردة وواردة

وأقبح ما يقع فيه هذا وأمثاله غيبة أهل الحسبة والصلاح والذين يأمرون بالقسط من الناس
نعم أختي .. كل بشرٍ منا يحب ويكره.. ويرضى ويغضب.. ويوالي ويعادي.. ولكن العاقل لا يوالي أحدًا بالجملة.. ولا يعادي أحدًا بالكلية ولكنه يحب منه شيئًا ويكره شيئًا.. يرضى منه خلقًا ويسخط آخر.. يحبذ فعلاً وينقم آخر
فالعقل والإيمان يملي علينا فيمن نحب ألا نقلب عيوبه بين الفينة والفينة وكأننا لا ترى فيه إلا شرًا محضًا

يٰأَيُّهَا ٱلَّذِينَ ءامَنُواْ كُونُواْ قَوَّامِينَ لله شُهَدَاء بِٱلْقِسْطِ وَلاَ يَجْرِمَنَّكُمْ شَنَآنُ قَوْمٍ عَلَى أَلاَّ تَعْدِلُواْ ٱعْدِلُواْ هُوَ أَقْرَبُ لِلتَّقْوَىٰ

صدق الله العظيم ..


وما أبرئ نفسي إن النفس لأمارة بالسوء إلا ما رحم ربي
وما آمنها وإن قطعت معها العهود ووَكيد الأذمة والمواثيق وإن التقينا من جديد فلا أمان



في حفظ الله وعنايته .. وإجازة سعيدة بإذن الله