شغل البيت ....؟!

**Khulood88** · 25/02/2013 07:08 AM

السلام عليكم ورحمه الله وبركآته
،،؛،،

يقولون : شغل البيت يجوهر الصبيه...!

كثرة الخدم في البيوت نتج جيل متكآسل نوعاً ما وأيضاً انتشار بعض الأمراض من قلة الشغل!....
استغرب إنه أبسط المتطلبات ننآدي العاملة تقوم بها عند البعض

فلمآذا لا نشغل أنفسنا بترتيب المنزل ونعلم جيل المستقبل كيفية الإعتماد على النفس~

تنفتح نفسي ل شغل البيت أحياناً ...لـــ:~
مسآعدة أمي كونها كبيرة بالسن وايضاً لا توجد لدينا عاملة دائمة
ليقوى بدني وأكون نشيطة
لأتناسى أي أمر يحزنني
أزداد اكثر جمالاً
مآشي وظيفه حالياً

وهل تحبين شغل البيت يآ حوآء؟!

ولك(ن) اخواتي حرّية النقآش

**أم ومضة** · 25/02/2013 07:18 AM

صباح الخير

انا جالسه احسب يدي ورجلي شغالتي بتسافر في نص مارس وانا ما اقدر على التنظيف لان الغبار يسبب لي حساسيهواصلا عندي اطفال في المدارس وعندي طفل جديد بعدني في الاربعين وموظفةوالله يعين لحد ما تجي الشغاله الجديده

**Khulood88** · 25/02/2013 07:25 AM

أرسل أصلا بواسطة أم ومضة

صباح الخير

انا جالسه احسب يدي ورجلي شغالتي بتسافر في نص مارس وانا ما اقدر على التنظيف لان الغبار يسبب لي حساسيهواصلا عندي اطفال في المدارس وعندي طفل جديد بعدني في الاربعين وموظفةوالله يعين لحد ما تجي الشغاله الجديده

الله يعينگ أختي
لگِ العذر غاليتي وخاصة لديگِ أطفال وموظفه عسى أمورك تكون طيبه ان شاء الله
اقصد هنا مثل حالتي لا يوجد وظيفه(للمتزوجه وغير المتزوجه) !

هل بمقدور الموظفه أن تقسم نفسها بين الشغل الخارجي وشغل البيت

**شعاع الروح** · 25/02/2013 07:47 AM

حلووو شغل البيت تسلية ونشااط
بس عااد كثرته تعب وهم ونكدد

**Khulood88** · 25/02/2013 08:23 AM

أرسل أصلا بواسطة شعاع الروح

حلووو شغل البيت تسلية ونشااط
بس عااد كثرته تعب وهم ونكدد

أكيد حبوبه
الشي الزايد عن حده ينقلب ضده ولگل الإنسآن له طآقة ~

ويستحب شغل البيت من طيب خاطر وبنفس منشرحه^_^

**أزهار الحنين** · 25/02/2013 08:37 AM

كل الاسباب اللي ذكرتيها انا معاكِ فيها ، الا شي واااحد
تزدادي جمالا ... ؟؟

هو صح ان شغل البيت يضعف ،، ألاحظ أمي كلما ما تكون عندها شغالة واااجد ينزل وزنها..
بس لاحظت نفسي من بديت اشتغل ف البيت ويديني صايرات جافااات واااجد !

وما ينفع معها لا كريم ولا مرطب !! مع اني استخدم قفازات ف بعض الاشغال !!

اما عن نقطة الشغل ،، انا متزوجة واداوم وما عندي شغااالة ، فبروحي اشتغل ف البيت
للحين ما احس بتعب واااجد لما اشتغل ف البيت ،، لأني اساسا اقسم شغل البيت على الأيام
يوم للتنظيف ويوم للغسيل ،، أما الطبخ فطبعا بشكل شبه يومي للعشا
أما أيام الويك اند احاول اخلي الشغل فيه جداا بسيط وخفيف حتى انا بعد احس براااحة ..

الا عاد يوم يتراكم كل شي عاد هنا التعب والكد !!

**لوليتا2013** · 25/02/2013 12:33 PM

أرسل أصلا بواسطة Khulood88

هل بمقدور الموظفه أن تقسم نفسها بين الشغل الخارجي وشغل البيت

الله يذكر ايــام بيت الاهل
فارشين عمــارنا والشغــالة تسوي كل شيء
اذكر بنت اخوي الصغيرة حتى يوم تبى كوب مـاي تنادي الشغالة

بس تو لا

حسيت بمعاناة امي لما تصبح من الصبح تنظف (قبل وجود الشغالة) وكيف تنازعنا اذا احد زارنا وبيتنا ما منظف

انا احاول اقسم نفسي حـاليا بين البيت والدوام

في الاسبوع مرة اغسل كل الملابس ومرات في الاسبوع مرتين على حسب تراكمهن

وفي الاسبوع مرة او مرتين بعد انظف البيت مع اننا اثنين بس مرات تحصلي شعره او شعيرات ملتمات على صوب

وايــام الاجــازة احاول اني ما اشغل نفسي كثير علشان يكون عندي فرصة للراحـة والاسترخـاء والاعتناء بنفسي يعني على حسب

بس مرات اخلي كل الاشغال ايام الاجازة علشان اتسلى اذا كان زوجي طالع

**غـلاي** · 25/02/2013 12:37 PM

ماا عندي شغالة
وكل شغل البيت فوق راسي
دوام، بيت ، دراسة، وبيبي

والله يعين

**ماركه عمانيه** · 25/02/2013 12:43 PM

انا ما اداوم انتظر وظيفه بس عندي بنوته وحده وطبعا من يوم حملت ماقدرت انظف ف اطريت اجيب شغاله تساعدني بس عليها تنظيف البيت وتغسيل الملابس وتبخرهن وتكويهن اما الاكل بروحي اسوي ما امن
انا طبيعتي ما اقدر ع شغل البيت

**ADORE** · 25/02/2013 12:45 PM

قد لا تكون أعمال المنزل مسلية ولكني أراها مسؤولية يجب القيام بها..
حاليا أستعين بعاملة بالساعات تساعدني في أعمال المنزل لأنني أعمل وأصل للبيت في الساعة 3
لا يوجد الكثير من الأعمال على كل حال فلا يوجد أطفال بعد في المنزل

**ADORE** · 25/02/2013 12:46 PM

أرسل أصلا بواسطة غـلاي

ماا عندي شغالة
وكل شغل البيت فوق راسي
دوام، بيت ، دراسة، وبيبي

والله يعين

أعانك الله

رحمتك والله

**عزي ايماني ونبضي قراني** · 25/02/2013 03:12 PM

حلو شغل البيت بس ما دايما

اهم شي نعرف نخم ونغسل المطبخ والملابس ونطبخ عن نتزوج ونحن ما نعرف شي

يعجبني شغل البيت بس مب دايما او اذا كان واجد استكاود
بس الشغاله احلى

**قطرة ندى33** · 25/02/2013 07:18 PM

ما عندي شغالة

دوام + بيبي +بيت

شغل البيت متوزع , مرات ايام الاسبوع ورات خميس وجمعة

والحياة ماشية وربك المعين

و صامدون بدون شغالة

**Khulood88** · 25/02/2013 08:16 PM

أرسل أصلا بواسطة أزهار الحنين

كل الاسباب اللي ذكرتيها انا معاكِ فيها ، الا شي واااحد
تزدادي جمالا ... ؟؟

هو صح ان شغل البيت يضعف ،، ألاحظ أمي كلما ما تكون عندها شغالة واااجد ينزل وزنها..
بس لاحظت نفسي من بديت اشتغل ف البيت ويديني صايرات جافااات واااجد !

وما ينفع معها لا كريم ولا مرطب !! مع اني استخدم قفازات ف بعض الاشغال !!

اما عن نقطة الشغل ،، انا متزوجة واداوم وما عندي شغااالة ، فبروحي اشتغل ف البيت
للحين ما احس بتعب واااجد لما اشتغل ف البيت ،، لأني اساسا اقسم شغل البيت على الأيام
يوم للتنظيف ويوم للغسيل ،، أما الطبخ فطبعا بشكل شبه يومي للعشا
أما أيام الويك اند احاول اخلي الشغل فيه جداا بسيط وخفيف حتى انا بعد احس براااحة ..

الا عاد يوم يتراكم كل شي عاد هنا التعب والكد !!

سبحآن الله يدي ما تتأثر وايد الحمد الله نعمه // بس انصحك تستخدمي كريم جليسريد او جليسرين قبل النوم دلك يدگِ ~
بعضهم يبين التعب عليهم إذا اشتغلوا وبعضهم لا عـــ حسب النفسيه اولاً ومن ثم صحة الجسم وتحمّله~
حلو التقسيم حبوبه والله يحفظگِ ~
الأهم إنه شغل البيت ما يكون ضغط فالاحسن كما قلتي يُقسم عـــ فترآت أو أيآم

**Khulood88** · 25/02/2013 08:22 PM

هَذَا موضوع (قيصر بوشر)
http://avb.s-oman.net/showthread.php?t=1837580

**أم تومي** · 25/02/2013 09:25 PM

لماكان بيتى طابق واحد مشينا الحال بدون عامله مع وجود ٣أطفال بس الحين زدنا البيت وزادو الأطفال
صار وجود العامله ضرورى لأنى خلاص إنهد حيلى...

**just studying** · 25/02/2013 10:32 PM

أكره شغل البيت كرها ما بعده كره
بس .*
أقوم ببعض الأعمال فقط مساعدة لأمي
و لكنني أكرهه

**لولو مرجان** · 25/02/2013 10:40 PM

أرسل أصلا بواسطة just studying

أكره شغل البيت كرها ما بعده كره
بس .*
أقوم ببعض الأعمال فقط مساعدة لأمي
و لكنني أكرهه

هههههههه
عجب لما يتقدم لك حد اول شرط لازم يكون ( الشغالة) ولا المسكين ينام ويقوم جوعان وحالته حالة!

**just studying** · 25/02/2013 10:45 PM

أرسل أصلا بواسطة لولو مرجان

هههههههه
عجب لما يتقدم لك حد اول شرط لازم يكون ( الشغالة) ولا المسكين ينام ويقوم جوعان وحالته حالة!

ههه

شكله كذا

عموما
أذا هو ما جابها , أنا بروحي بجيبها غصب (

)

**روح متمردة** · 26/02/2013 03:47 AM

// والله شغل البيت لاحقنا...نريد ولا ما نريد //

**فجر الهدى** · 26/02/2013 10:32 AM

شغل البيت وما أدراىك ما شغل البيت
أول أكد كد قبل وجود الشغالة

بس تو الأمور طيبة من جات الشغالة
خفن بعض الأشياء علي فأساعدها
ما أخليها بروحها تهيس خخخ
تراها إنسانة تتعب مثلنا...

وعاد بيت الزوج ماشي شغالة
من تو قايلي خخخخ
وااد هيسوا مرة هع
بس أتوقع ما بيكون وايد شغل
لأني بيت بروحي فما يحتاج شغالة

تسلمي ع الموضوع النقاشي...

**على نياتيها** · 26/02/2013 11:47 AM

أحب يكون بيتي مرتب ونظيف
وأحب حد يسوي عني الشغل في البيت
أريد أجلس وكل شي تمام
وأحب شغل البيت إذا كنت متفيقة ووحالتي تسمح أشتغل
وأحب الطبخ أحيانا لي وصفات أولادي يحبوها وأعملها لما يكون مزاجي حسن
بس أنا موظفة وأم وزوجة طبعا
وما عندي شغالة

لما أطلع إجازة الأمور طيبة أتفنن في البيت طبيخ وترتيب وتنظيف
ولكن لما يكون دوام وبعد شو معاه مدااااااااارس

ينهد حيلي شغل طباخ دراسة تنظيف تغسيل كوي سينفونية الصباح كله كوم ومتطلبات أصغر طفل في البيت كوم
وطلبات الزوج كوم (بعض الأزواج لا يراعيوا)

طلبات (سوي كذا غدا أو عشا جيبولي كذا .........)
ياخي تعال نطبق المثل الانجليزي(help your self)
كلنا نداوم وكلنا تعبانين ونريد حد ينفذ طلباتنا
وخلاص

**sweet stuff** · 26/02/2013 12:23 PM

امممممممممم حاليا اكثر معتمده ع الشغالة!!!
بس الحمدلله كله شغل البيت اعرف اسويه بس مشكله الكسل

ان شاء الله بس يصير عندي بيتي وزوجي بعدين اخليه يلمع من بعيد
و ان شاء الله ما بخلي شيء يتراكم

**غـلاي** · 26/02/2013 12:56 PM

أرسل أصلا بواسطة ADORE

أعانك الله

رحمتك والله

تسلمي عزيزتي على المؤآزرة

**غـلاي** · 26/02/2013 12:58 PM

أرسل أصلا بواسطة فجر الهدى

وعاد بيت الزوج ماشي شغالة
من تو قايلي خخخخ
وااد هيسوا مرة هع
بس أتوقع ما بيكون وايد شغل

تسلمي ع الموضوع النقاشي...

ألحين تقولي كذا بس بعدين بيتغير رأيك وساعتها بتقولي يااا ليتني ماا قلت

**نسمات المساء** · 26/02/2013 04:18 PM

احب شغل البيت والطببخ خاصه ..
وابد ما افكر اني اجيب شغاله حتى زوجي قالي لاتحلمي اونه يحب طبيخي وذوقي ف ترتيب البيت

بس مشكلتي الغبار عندي حساسيه ع طول يشب صدري

**Khulood88** · 26/02/2013 09:09 PM

أرسل أصلا بواسطة لوليتا2013

الله يذكر ايــام بيت الاهل
فارشين عمــارنا والشغــالة تسوي كل شيء
اذكر بنت اخوي الصغيرة حتى يوم تبى كوب مـاي تنادي الشغالة

بس تو لا

حسيت بمعاناة امي لما تصبح من الصبح تنظف (قبل وجود الشغالة) وكيف تنازعنا اذا احد زارنا وبيتنا ما منظف

انا احاول اقسم نفسي حـاليا بين البيت والدوام

في الاسبوع مرة اغسل كل الملابس ومرات في الاسبوع مرتين على حسب تراكمهن

وفي الاسبوع مرة او مرتين بعد انظف البيت مع اننا اثنين بس مرات تحصلي شعره او شعيرات ملتمات على صوب

وايــام الاجــازة احاول اني ما اشغل نفسي كثير علشان يكون عندي فرصة للراحـة والاسترخـاء والاعتناء بنفسي يعني على حسب

بس مرات اخلي كل الاشغال ايام الاجازة علشان اتسلى اذا كان زوجي طالع

من كذآ نسوي احتياطات نعرف شوي ف أمور البيت

بيت الأهل يختلف عن بيت الزوجيه

حلو والله هالتقسيم الله يعطيگِ العافيه عسل

**Khulood88** · 26/02/2013 09:20 PM

أرسل أصلا بواسطة غـلاي

ماا عندي شغالة
وكل شغل البيت فوق راسي
دوام، بيت ، دراسة، وبيبي

والله يعين

كمآنا ما عندنآ شغاله بس احيانا نجيب شغالات إخواني يساعدنآ

الله يكون بعونگ أختي ويعطيگـِ ربي الصحة والعآفيه

أرسل أصلا بواسطة ماركه عمانيه

انا ما اداوم انتظر وظيفه بس عندي بنوته وحده وطبعا من يوم حملت ماقدرت انظف ف اطريت اجيب شغاله تساعدني بس عليها تنظيف البيت وتغسيل الملابس وتبخرهن وتكويهن اما الاكل بروحي اسوي ما امن
انا طبيعتي ما اقدر ع شغل البيت

ماركه عُمآنيه (ـــآم رهف

)>>ماغريبه علي اعرفش

الله يحفظگِ عزيزتي

**بنت الذئب** · 26/02/2013 09:26 PM

عندنا شغالتين وبصراحة تعودت ع الراحه بس اعرف كل شغل البيت اعرف اطبخ واغسل واكوي وكل شي
بس الحمد لله الراحه حلوه...

**عذبة الكلام** · 27/02/2013 08:22 AM

أحب أتفنن في أيام الإجازات في الطبخ
الحمد لله مقسمة أموري بين التنظيف والغسييل

بس عادد ربك العالم لما أصير بيت بروحي شو بيصير ؟؟؟؟؟؟؟؟؟؟ هل بيجب عامله أو لالالا

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: شغل البيت ....؟!

أدوات الموضوع

البحث في الموضوع

نمط العرض

شغل البيت ....؟!

مواضيع مشابهه

هل تهتم بتأثيث و تجميل البيت المؤقت المستأجر أكثر أم البيت الملك ؟!

لماذا لاتفعّل ميزة البحث في المنتدى = البحث بثلاثة أحرف على الأقل

للبيع بحث منهج البحث عن ظفار ( البحث جاهز ما عليك غير تحط اسمك عليه)

قواعد المشاركة