ــــ عاااااجل .. بطاريات السيارات فعمان غالية ,, ترا مضحووووك عليكم ــــ

[كيروان]

لماذا تباع بطاريات السيارات بأضعاف القيمة في عمان

في البداية كنت أظن ان هذه قيمتها

كنت اشتري بطاريات 80 واط بأكثر من 40 ريال

وتفاجأت أن قيمتها في الامارات ب210 درهم و250 درهم

أما البطاريات العاديه مال 50 واط تباع عندنا اكثر من 30 ريال
تصدقوا انها فالامارات توصل ب150 درهم فقط

كذالك باقي البطارات القيمة معنا في عمان مرفوعه الى الضعف

للعلم انني كل سنة أجد القيمة مرفوعه اكثر ..

ويييين العمانيين نايمين !!!
ولا فلوسكم زايدات ؟

ولماذا هذا الاحتكاااااااااار ؟؟

والله تفاجأت من فرق القيمة

وسؤالي .. اين حماية المستهلك من التمادي في رفع اسعار قطع السيارات ؟؟

معلومة أخيره .. عندما تستبدل البطارية , لا ترمي البطارية القديمة ,
اعطيها نفس المحل يعوضك عنها بريال واحد وينقص من قيمة البطارية الجديده

[اللورد فلورنس]

زين خبرتني لان بطارية الوحش اللي عندي ضعيفة ويحتاج ابدلها وعاد هو 8 سنلندر

[كيروان]

زين خبرتني لان بطارية الوحش اللي عندي ضعيفة ويحتاج ابدلها وعاد هو 8 سنلندر

8 سلندر اظن 80 واط
تلقاها فمسقط من 45 - 42 ريال
وصي حد يجيبها لك من الشارقه , ما تزيد عن 25 ريال

والفرق عشرين ريال يجيبلك جونية عيش .

[LILO77]

اخر مره بتدلت مالي ب35 ريال
والغوازي متسلفتنهن

[بسمة الجلاس]

أعانكم الله ،،

شكرا

[اللورد فلورنس]

8 سلندر اظن 80 واط
تلقاها فمسقط من 45 - 42 ريال
وصي حد يجيبها لك من الشارقه , ما تزيد عن 25 ريال

والفرق عشرين ريال يجيبلك جونية عيش .

عشرين ريال هذيلا يكفني شهر
اتغدا واتعشا فيهم واعزم الربع بعد

على قولتك بخبر حد من الشباب يجيب لي من هناك دام السالفة كذا وترا الضمان سنة سواء من هنا او هناك

[LILO77]

عشرين ريال هذيلا يكفني شهر
اتغدا واتعشا فيهم واعزم الربع بعد

على قولتك بخبر حد من الشباب يجيب لي من هناك دام السالفة كذا وترا الضمان سنة سواء من هنا او هناك

هههههههههه عااااش

[كيروان]

عشرين ريال هذيلا يكفني شهر
اتغدا واتعشا فيهم واعزم الربع بعد

على قولتك بخبر حد من الشباب يجيب لي من هناك دام السالفة كذا وترا الضمان سنة سواء من هنا او هناك

الضمان سنه ما تفرق مثل ما قلت ,,

صدقك والله انا مستغرب , سيارات منزمان ما نسال عن البطارية ,ولا يختربن
واليوم كانه محسوب لها سنه بالظبط , من كملت السنه ضاعت البطاريه

لهم الله .. حسبنا الله ونعم الوكيل


عقبال ما نفتح مصنع بطاريات في عمان ,,

[قلبي عماني]

وليش انت ما تتصل عل الهيئه وتخبرهم ...نوبه انت فلوسك زايدات


انا اسرفس وكالهواول مره اعرف ان السياره فيها بطاريه

[كيروان]

اخر مره بتدلت مالي ب35 ريال
والغوازي متسلفتنهن

الله يعييينك ,, ترا حالها سنة وبتضيع .. جهزي 40 ريال للسنه القادمة تعرفي الاسعار فالتووووه ..

او انك قبل نهاية السنة وصي حد يجيبها من الامارات .

حسبي الله عليهم .هنود لاعبين لعبتهم

[كيروان]

وليش انت ما تتصل عل الهيئه وتخبرهم ...نوبه انت فلوسك زايدات


انا اسرفس وكالهواول مره اعرف ان السياره فيها بطاريه

ترا انا عاد وقعت فالمصيبة وبدلت عاد ,,

ما تستبعدي اني عاد متصل ومخبرنهم

بس اليد الواحده ما تصفق

[قلبي عماني]

ترا انا عاد وقعت فالمصيبة وبدلت عاد ,,

ما تستبعدي اني عاد متصل ومخبرنهم

بس اليد الواحده ما تصفق

انا مشكله لو اتصلت محد بيصدقني خخخ
انت خبر ربعك بالوتس اب ..ف ثواني الهيئه بيجيهم احباط من كثر الاتصالات خخخخ

[اللورد فلورنس]

على ذكر الاستغلال
امس كنت اشتري سمك واشتريت سهوة ب 9 ريالات
وتوني دافع القيمة الا ويدخل واحد وسالهم عن السهوة وخبروه انها ب9 ريالات قال حرام عليكم اليوم الصبح كنت بجعلان في الشخرة وسعر الحبة هناك 3 ريالات
ليش توخذوا فايدة 6 ريالات

صراحة اغتميت راحن 6 ريالات

[bsateen]

لا يكون بو معنا البطاريات مطلايات بذهب
ماشي لا رقيب ولا حسيب
كل واحد يزيد من صوب اتقول مناداه ف سوق السمك!ّ

[حنين هزاع]

لا ونفس الشركة بس من فرع لفرع الاسعار تختلف خفو علينا ياتجار يا شطارة البزنز تطلعونها من عيون المواطن

مايعزكم غير UAE

[كيروان]

لا يكون بو معنا البطاريات مطلايات بذهب
ماشي لا رقيب ولا حسيب
كل واحد يزيد من صوب اتقول مناداه ف سوق السمك!ّ

لا وانت الصادق ,, بيقولو لك هذ ماركة اصلية !!!

عجيب والله ,, ترا كل البطاريات فيهن ضمان سنه . لو ضاعت يبدلوها لك .

صدقني لعبه , وطايحين يخرفونا

[كيروان]

لا ونفس الشركة بس من فرع لفرع الاسعار تختلف خفو علينا ياتجار يا شطارة البزنز تطلعونها من عيون المواطن

مايعزكم غير UAE

لو يوردو بطاريات من امريكا بيكون زين ,, اطن ما عندهم نفس هذي اللعبة

[the-end9]

ههههههه

عاد اتجي على البطاريات بس

من قوطي الديو الى السيارات او اي سلعة اخرى واحنه مضحوك علينا

عيش حياتك بس

[غروري فجمالي]

عاد جات ع البطاريات
كل قطع السيارات ف الامارات ارخص ومرات يوصل الفرق نص القيمه واكثر بعد

[قلبي عماني]

عاد جات ع البطاريات
كل قطع السيارات ف الامارات ارخص ومرات يوصل الفرق نص القيمه واكثر بعد

ولحد متى بتضلو ساكتين؟؟؟؟

لازم تشوفو حل ...

[دليل الغبيراء للتجارة]

قرآن]" قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَن تَشَاء وَتَنزِعُ الْمُلْكَ مِمَّن تَشَاء وَتُعِزُّ مَن تَشَاء وَتُذِلُّ مَن تَشَاء بِيَدِكَ الْخَيْرُ إِنَّكَ عَلَىَ كُلِّ شَيْءٍ قَدِيرٌ" (آل عمران، الآية: 26)[/قرآن]

[tabebalmalik]

والفرق عشرين ريال يجيبلك جونية عيش .[/QUOTE]


نظرة اقتصادية جميلة لأجلك يا جونية العيش يا رمز الغذاء في عالمنا

[الزعيم 22]

-

ياخي أنت فنان يا الكيروان ..

يا ليت كل الشباب بمثل تفكيرك الاقتصادي .. حتى نقتل التجار المحتكرين لنا في مضاجعهم بالعزوف عن الشراء من محلاتهم..

تبًا لهم ولأسعارهم التي أكلوا بها الفقير والبائس والمحتاج .. تبًا لهم ..

[كيروان]

ههههههه

عاد اتجي على البطاريات بس

من قوطي الديو الى السيارات او اي سلعة اخرى واحنه مضحوك علينا

عيش حياتك بس

عاد جات ع البطاريات
كل قطع السيارات ف الامارات ارخص ومرات يوصل الفرق نص القيمه واكثر بعد

نورتو الموضوع يالغاليين ,,

شرايكم نحدد الموضوع على البطاريات ,, عشان ما نشتت الموضوع ,

ومن لديه مداخلة حول اي سعر من اسعار القطع ,, فليبادر بموضوع جديد ,, وستروننا جميعا في المشاركة ,,

أكرر ,, نحدد الموضوع على بطاريه السيارة لاننا نعرف السعر وجربنا ,,

نورتووووونا بالمشاركه ,

[كيروان]

والفرق عشرين ريال يجيبلك جونية عيش .

نظرة اقتصادية جميلة لأجلك يا جونية العيش يا رمز الغذاء في عالمنا[/QUOTE]


تسلم الغالي
العييييش وما ادراك مال العيش

[الصلطي ف]

كلامك صحيح وما يكفيهم البسيط الطمع عامي عيونهم بس أحيانن تكون محتاج للبطاريه وبصفه عاجله وما محصل حد بيسير الامارت بيضطر يدغع بدل 40 رايال 60 ريال والحياه ماشية وسرا اليل وحنا ماسرينا

[الغربه]

تراك في عمان
ولو السالفه جات على بطاريات السيارات كان زين
بس كل شي غالي
عندك مثلا قطع غيار السيارات فرق واجد اذا جبت الاغراض من الامارات
وعندك اغراض البيت مثل السراميلك والرخام والادوات الصحيه تحصل فرق كثير
غير الاجهزه الكهربائيه
واحنا عندنا يقولو لك هذي الاشياء مضمونه ولما تخترب سنه لين يجيو يشلو المنتج من عندك
وسنه لين يصلحوه (هذا اذا عرفو يصلحوه)
والحمد لله على كل حال

[غريب حالك يا الدنيا]

الله يعيننا

[شيخاااان]

لماذا تباع بطاريات السيارات بأضعاف القيمة في عمان

في البداية كنت أظن ان هذه قيمتها

كنت اشتري بطاريات 80 واط بأكثر من 40 ريال

وتفاجأت أن قيمتها في الامارات ب210 درهم و250 درهم

أما البطاريات العاديه مال 50 واط تباع عندنا اكثر من 30 ريال
تصدقوا انها فالامارات توصل ب150 درهم فقط

كذالك باقي البطارات القيمة معنا في عمان مرفوعه الى الضعف

للعلم انني كل سنة أجد القيمة مرفوعه اكثر ..

ويييين العمانيين نايمين !!!
ولا فلوسكم زايدات ؟

ولماذا هذا الاحتكاااااااااار ؟؟

والله تفاجأت من فرق القيمة

وسؤالي .. اين حماية المستهلك من التمادي في رفع اسعار قطع السيارات ؟؟

معلومة أخيره .. عندما تستبدل البطارية , لا ترمي البطارية القديمة ,
اعطيها نفس المحل يعوضك عنها بريال واحد وينقص من قيمة البطارية الجديده

صحيح كلامك 100%
سال مجرب ولا طبيب

[ليزانثس]

السوق معهم مختلف او بالمعني الصناعية معهم بالعين تختلف عن هنا كليا
نحن 10 محلات جنب بعض ويتنافسوا ع رفع السعر
هم 20 ويتنافسوا ع الجوده والاتقان وتخليص الشغل بوقته
يعني الفروقات كبيره .. بعدين تنافسهم لكسب الزبون مو لرفع الاسعار ..

نحن دايما نودي سياراتنا هناك والقطع وكل شي هناك ..