بالصورة - فنادق الثلاث نجوم بالسلطنة تنافس فنادق الخمس نجوم بفرنسا والعالم

**عين الفكر** · 09/05/2012 10:25 AM

**عين الفكر** · 09/05/2012 10:27 AM

ههه أنا مندهش بعض الفنادق يقولك اربع نجوم...وهي م تسوى نص نجمة لو قارناها بفنادق العالم

**Ben Foster** · 09/05/2012 10:31 AM

هههه رخيص حبوب تعرف فندق فور سيزن في مسندم 600 ريال باليوم أغلى من the address في دبي انت رحت بعيد عزيزنا

**fire under ash** · 09/05/2012 10:32 AM

بامانه اسعار البلد ف كل شي تحتاج يدخلوها مجموعة جينيس للارقام القياسية !

سافرت عدة دول متقدمه و بامانه فنادقها ارخص من فنادق عمان بكثيييييييييييييييييييييي ييييييييييييييييييييير !

حاجه غريبه فعلا !

**statisticianoman** · 09/05/2012 10:33 AM

نسأل الله السلامة والعافية...

**fire under ash** · 09/05/2012 10:34 AM

أرسل أصلا بواسطة يافث

هههه رخيص حبوب تعرف فندق فور سيزن في مسندم 600 ريال باليوم أغلى من the address في دبي انت رحت بعيد عزيزنا

ازيدك من الشعر بيت ، فندق سحاب اللي بالجبل الاخضر ، قيمة الغرفه اللي فيها سرير واحد ب 84 ريال على ما اذكر لما كنت طالع اخر مره

**ولدابوه** · 09/05/2012 10:38 AM

أرسل أصلا بواسطة fire under ash

ازيدك من الشعر بيت ، فندق سحاب اللي بالجبل الاخضر ، قيمة الغرفه اللي فيها سرير واحد ب 84 ريال على ما اذكر لما كنت طالع اخر مره

فندق ابيابس الا بالخوير نفس الفندق بتايلند الليله الوحده وسريرة مزدوج ب19 ريال
اما الا بالخوير الليله للشخص الواحد فقط 49 ريال
يعني ثلاث ليلي بتايلند عن ليله بمسقط

شكر

**تاسكن لذر** · 09/05/2012 10:51 AM

الحين في عمان بدون فنادق وشقق بدون تصنيف وواصلات 40 و50 ريال ..

الله يعين بس ..

**ابو فدوى** · 09/05/2012 10:54 AM

صحيح كلامكم اسعار الفنادق في بلادنا غالية جد جدا ما ادري ليش وبما انه الفنادق في معظم دول العالم اجمل وأرقى ....

**السيف** · 09/05/2012 11:00 AM

سبحان الله كل شي فذي البلد خربان ما ملاحظين انا نسير الى الخلف والناس تسر الى الامام

انا من الاشخاص كثيرين السفر واغلب حجوزاتي عن طريق الانترنت يظربني غم يوم اشوف اسعار فنادق عمان واشوف فنادق دبي على سبيل المثال

ويوم تسألهم عن السبب يقولك وزارة السياحه تعطينا الحد الا دنى ومسموح الارتفاع في السعر بدون سقف هذا اذا تريدو التصنيف

هذي فايدة وزارة السياحه الناس ما عندهم وزارة ومرتاحين سادنهم هيئه

**LeeNa** · 09/05/2012 11:03 AM

أرسل أصلا بواسطة ولدابوه

فندق ابيابس الا بالخوير نفس الفندق بتايلند الليله الوحده وسريرة مزدوج ب19 ريال
اما الا بالخوير الليله للشخص الواحد فقط 49 ريال
يعني ثلاث ليلي بتايلند عن ليله بمسقط

شكر

صدقك
احنا سكنا في ايبيس تايلاند وكان ب15ومع الريوق.. والديكور روووعة

الفنادق في المناطق جدا تعبانة وغالية مثل صور وعبري لاني مجربة واسعارها على 40..
في لوو سيزن نحجز عن طريق بوكنج فنادق 4 نجوم في دبي ب35 او 40 ومع الريوق
وهنا كله هاي سيزن

**الوافي** · 09/05/2012 11:04 AM

أغلى دوله بالعالم بأسعار الفنادق
على بالهم أنا بسويسرا
ناس ماهمها غير الربح
وللاسف سمعة البلد شوف كيف حالتها !!!!
ووين وزارة السياحه ؟
معقوله الأسعار المفروض ماتزيد عن 20 ريال وهيه واصله حدود 100 ريال
وللاسف لا منظر ولاجوهر

**Sober** · 09/05/2012 11:08 AM

انا ساكن فدبي بفندق 3نجوم قريب من امارات مول
وفندق بصراحه ولا اروع ومع وجبة الافطار ب 30 ريال صارلي اكثر من عشرة ايام وناوي ازيد

اما عمان سكنت في جولدن توليب نزوئ تقريبا 68 تخيلو وشوفوا الفرق بين المواقع

**سليمه الزئبقية** · 09/05/2012 11:09 AM

هههههههه تو انا كيف افرق بين 4 و5 و3 و2 و1 نجوم في الفنادق معنا في البلد

**صلالوت** · 09/05/2012 11:09 AM

فندق أرماني ببرج خليفة 209 ريال عماني

فندق جراند حياه "القرم" 230 ريال وكم من بيسه بعد !!!

ويقولون فنادق رخيصه

**fire under ash** · 09/05/2012 11:11 AM

أرسل أصلا بواسطة ولدابوه

فندق ابيابس الا بالخوير نفس الفندق بتايلند الليله الوحده وسريرة مزدوج ب19 ريال
اما الا بالخوير الليله للشخص الواحد فقط 49 ريال
يعني ثلاث ليلي بتايلند عن ليله بمسقط

شكر

على طاري تايلند ، استاجرنا باخر سفره لتايلند شقة ضخمه ، فيها 3 غرف ، و 3 حمامات ، و صالتين ضخمات ، و حارس امن ، و مطبخ مع كامل المعدات من طباخه و ثلاجة وميكروويف ، و انترنت وايرلس مجاني ، و 3 دشوش مع دي في دي و اجهزة سمعيه !!!

بالنهاية بكم ؟ ب 40 ريال قبل التخفيض ... اذا تستاجر فتره طويلة اسبوع فاكثر ف يخفضو بالقيمة كثييييير !

**دنيتي أمي** · 09/05/2012 11:14 AM

والله ما حالة ذي

كل شي معنا غالي

من ملابس ل اكل ل مطاعم

حراااااااااااااام نبا نعيييييييييييييييييييش

**نسمات الفجر** · 09/05/2012 11:20 AM

اهم شي عندهم الربح السريع

**YSMH** · 09/05/2012 11:21 AM

اشياء وجد عندنا فرق ما جيت على الفنادق ويس

**شحي ملكي** · 09/05/2012 11:24 AM

صدق فنادقنا بعمان وشققنا تعبانات و الاسعار الاغلا بالعالم !؟
كله صوب ومسقط بصوب
اذا كان الشقق و الكرفانات اللي بغلا عند المستشفى السلطاني اليوم ب١٥ ريااال؟!
وروحو وشوفوا كيف قلة النظافة والريحة وغيرة ؟!
وتروح لك الشارقة او دبي فنادق وشقق ٣ او ٤ نجوم قريب هالمبلغ او اكثر شوي مع وجبة افطار !!

**برشلوني إلى الأبد** · 09/05/2012 11:29 AM

كل شيء في هذه البلاد غالي
اطمع عامي قلوبهم

**Gallaxy** · 09/05/2012 11:31 AM

اللي يسأل عن السبب طبعا السبب واااااضح وهو قلة الفنادق ف عمان وصغرها مقارنة بدول العالم

والسبب هو التوسع الافقي الي هي سياسة الشيبه

نتمنى يفتحوا التوسع الرأسي وهو اللي راح ينقص اسعار الفنادق..

**المستشار83** · 09/05/2012 11:34 AM

لا بعد القهر ف فنادق مسقط
يقلك الي فالاستقبال انه واير لس بلاش

وبعد ما تستأجر يقولك كل ساعة بريال
قمة النذاله والله

وبالنسبة لفنادق صور العفية

فية فنادق جديدة
واحد مقابل فندق شاطي صور
تقريبا ب25
واحد فالبناية الي فيها صاله النورس وارخص ب 20 ريال تقريبا

تشجيع السياحة المحلية في عدم وجود المرافق وغلاء الفنادق

موفقين يا رب

**Talal79** · 09/05/2012 11:37 AM

أستغرب من سياسات الحكومة والتجار فالبلد
يريدو يجذبو السياح للبلد ،،وما فيها اي شئ جذاب من سياحة ترفيهية ولا فنادق رخيصة ولا مجمعات تجارية كبيرة
بس دايم الحكومة تتكلم عن السياحة الطبيعية عشان ما تصرف شئ
وحتى الحكومة ما تهيئ المناطق السياحية بالتسهيلات من دورات مياه مطاعم نظافة المكان سهولة الوصول للماكن الخ....

افضل اطلع خارج عمان للسياحة لأني لو جلست فعمان راح اصرف اكثر من الخارج!!!!!!!؟

**احمد سالم** · 09/05/2012 11:38 AM

أرسل أصلا بواسطة Sober

انا ساكن فدبي بفندق 3نجوم قريب من امارات مول
وفندق بصراحه ولا اروع ومع وجبة الافطار ب 30 ريال صارلي اكثر من عشرة ايام وناوي ازيد

اما عمان سكنت في جولدن توليب نزوئ تقريبا 68 تخيلو وشوفوا الفرق بين المواقع

عشرة أيام في دبي

واحضك وبعدك باغي تزيد !

**تاجر 2010** · 09/05/2012 11:39 AM

انا اشوف ان العمانى يبحث عن الرخيص اينما حل ولا يبحث عن الجودة

**جرح قلم** · 09/05/2012 11:39 AM

وفي صلالة

فندق صلالة ما اعتقد نجمة ولا ربعها
يمكن قمر
ب40 ريال وغرفة ما توسع غير حال السرير
ولاند مارك في وسط دبي بنفس السعر

لا نكون في وسط اروربا نحن

**جرح قلم** · 09/05/2012 11:41 AM

أرسل أصلا بواسطة تاجر 2010

انا اشوف ان العمانى يبحث عن الرخيص اينما حل ولا يبحث عن الجودة

خف علينا

وين الرخيص في عمان
عزيزي اغلى شي عندنا ما توصل جودته ارخص شي عندهم
خبرني وين تستاجر بعمان ب24 ريال
وفي ماليزيا 4 نجوم
وبعد ع البحر و تسندح وتبنطح

**MISS LOPEZ** · 09/05/2012 11:42 AM

بلاد خربانه
بلاد جربا

نفسها من مليون سنة للحين ما اشوف شي تغير
كاااااااااااااااان الله ف عون الممواطن العماني من هالبلاد وهالمسؤولين الصفر الي فيها

**أميرة الذوق** · 09/05/2012 11:43 AM

أرسل أصلا بواسطة يافث

هههه رخيص حبوب تعرف فندق فور سيزن في مسندم 600 ريال باليوم أغلى من the address في دبي انت رحت بعيد عزيزنا

اسمه فايف سنتنسس

من هين جبت الفور سيزن بالله عليك

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: بالصورة - فنادق الثلاث نجوم بالسلطنة تنافس فنادق الخمس نجوم بفرنسا والعالم

أدوات الموضوع

البحث في الموضوع

نمط العرض

بالصورة - فنادق الثلاث نجوم بالسلطنة تنافس فنادق الخمس نجوم بفرنسا والعالم

مواضيع مشابهه

استفسار : فنادق 3 نجوم بديره دبي

استفسار : فنادق 3 نجوم بديره دبي

قواعد المشاركة