شرح تفصيلي عن اللكزس ال اس 430 لعموم الفائده

[هاوي اللكزس]

حبيت ارد على الاخوان اللي يقولوا عادي تحصل لكزس مواصفاته مخبوصه وردي هذا من واقع خبره وحبيت انزل هالموضوع علشان الاخوه الاعضاء يستفيدوا منه وتكون عندهم خلفيه عن الال اس 430

اولا الفل اللي يجي بدون شاشه هذا خليجي وهذا تكون مواصفات كالآتي
ابواب شفط+دبه شفط+مساج+ثلاجه+ستائر جانبيه+ستاره خلفيه+ماسح للأناره+كراسي كهربائيه امام وخلف+المفتاح الذكي+بصمه لجميع الابواب+حساسات بس بدون هايدروليك وبدون شاشه وطبعا بدون الكامرا الراداريه لمثبت السرعه
وعداده يكون 260 بالكيلو والخليجي يجي فل فقط مافيه لا نص ولا ربع

ثانيا الوارد الامريكي
من 2001 الى 2003 نفس الشكل ونفس المواصفات
الجير 5 سرعات والطبلون 160 بالميل
يجي فل ونص وربع و2003 جا فيه فل الاربع


الفل الترا مواصفاته كالآتي
ابواب شفط+دبه شفط+مساج+ثلاجه+ستائر جانبيه+ستاره خلفيه+ماسح للأناره+كراسي كهربائيه امام وخلف+حساسات +هايدروليك +شاشه + الكامره الراداريه لمثبت السرعه+تخشيب خاص للوارد الامريكي فقط من 2001 الى 2003 يسمى
تخشيب محروق بس بدون بصمه وبدون المفتاح الذكي لانه الامريكي من 2001 الى 2003 مافيه مفتاح ذكي لجميع الفئات يجي مفتاح عادي
بالنسبه للكامرا الراداريه لمثبت السرعه البعض من موديلات 2001 تحصله بدون كاميرا راداريه يمكن لانهم استحدثوا الفكره بعدين


الترا الا ربع
فقط موديل 2003


النص الترا ومواصفاته كالاتي
لا توجد فيه جميع المواصفات الموجوده في الفل فقط توجد فيه شاشه+دبه شفط وتخشيبه يكون عادي


ربع الترا ومواصفاته كالاتي
الدبه شفط والفرق بينه وبين النص الشاشه فقط يعني يجي بدون شاشه وبدون باقي المواصفات الموجوده في الفل

الامريكي من 2004 الى 2006 نفس الشكل
الجير 6 سرعات


الفل ومواصفاته كالاتي
جميع المواصفات للفل موديل 2001 بالاضافه الى المفتاح الذكي+البصمه لجميع الابواب+الكاميرا الخلفيه+الاناره تتحرك مع العجلات والتخشيب عادي لجميع الفئات


الفل الا ربع
ابواب شفط+دبه شفط+ستائر جانبيه+ستاره خلفيه+مفتاح ذكي+بصمه للابواب+ماسح إناره+كاميرا خلفيه+اضاءه متحركه بس بدون هايدروليك ولا ثلاجه ولا مساج


النص الترا
شاشه+ستاره خلفيه+بصمه+مفتاح ذكي+كاميرا خلفيه+دبه شفط بدون باقي المواصفات الاخرى المجوده في الفل


ربع الترا او العادي
بدون شاشه
فقط ستاره خلفيه+مفتاح ذكي+بصمه+دبه شفط
بعض الموديلات يكون فيها مفتاح عادي بدون بصمه


الوارد الالماني اجملهم واحلاهم
طبلونه 280 بالكيلومتر ويقولوا انه مكينته اقوى شويه بس ما متأكد الله اعلم
2001 الى 2003 الفل يجمع جميع المواصفات اللي موجوده في الخليجي وما موجوده في الامريكي والمواصفات اللي موجوده في الامريكي وما موجوده في الخليجي
يعني
ابواب شفط+مساج+ثلاجه+ستائر جانبيه+ستاره خلفيه+ماسح للأناره+كراسي كهربائيه امام وخلف+حساسات +هايدروليك +شاشه + الكامره الراداريه لمثبت السرعه+ بصمه + المفتاح الذكي
وماعليك من الكلام اللي يقول انه الالماني ما يناسب جو الخليج بالعكس سيارة ولا اروع والدليل انه سيارتي وارد الماني والحين تمشسي في السنه الثانيه والحمدلله ما اشتكيت منها.
السياره يابانيه مصنوعه لجميع الدول فقط تختلف المواصفات على سبيل المثال
الامريكي تكون درجة الحراره فيه بالفهرنهايت والطبلون بالميل اما الخليجي والالماني تكون درجة الحراره بالسليزي والطبلون بالكيلو متر

ايضاً بعض الاخوان يخطي في فهم معنى كلمة وارد فيعتقد انه الوارد الامريكي يعني السياره امريكية الصنع وهذا ماصحيح فالوارد الامريكي معناه انه السياره يابانية المنشأ بس بمواصفات امريكيه ويمكن تكون صنعت في احدى مصانع
لكزس بامريكا
نفس الكلام بالنسبه للوارد للالماني يعني السياره يابانيه بس بمواصفات المانيه والخليجي ياباني بس بمواصفات خليجيه
وبعض الناس تتفاخر تقول اللكزس مالي وارد اليابان يعني مواصفات اليابان واليابان ماينزل فيها اللكزس تنزل نفس السياره بالضبط بس تويوتا مو لكزس يعني ماشي لكزس وارد اليابان هو يقصد صنع اليابان

ايضا احب اضيف حاجه قبل لا اختم موضوعي
اللكزس وارد امريكا تجي عليه استيكرات برقم الشاصي لجميع الاجزاء القابله للتغيير ومن ضمنها الابواب والمداجير يعني اذا حصلت باب او مدجار مافيه هذا الاستيكر فتأكد انه السياره فيها حادث وهذا الجزء مغير
ايضا اللكزس وارد امريكا يجي بدون اشاره جانبيه ف المدجار اما الخليجي والالماني تجي فيهم هذي الاشاره فإذا حصلت وارد امريكي وفيه هذي الاشاره فتأكد انه السياره فيها حادث والمدجار مبدل يا اما بمدجار من السكراب لسياره وارد ياباني او حتى من الوكاله لانه الخليجي مثل ما ذكرت تجي فيه هذي الاشاره
اتمنى اكون وفقت في الطرح
تقبلوا خالص تحياتي

[جلب87]

نريد نعرف اسعااااارهن اذا ممكن ؟؟

[عمان2010]

تشكر ع المعلومات الطبية
متابع فقط

[Glorify]

شكرا اخوي
بارك الله فيك

[راعي الحوت]

شكرا على المعلومات القيمة...الله ينور عليك

[قيس الراشدي]

مشكور معلومات قيمه جداً بصراحه

[صقر العقاب]

موضوع حلو
يعطيك العافيه

[ty2010]

بالبركة كفيت ووفيت

[هاوي اللكزس]

تشكر ع المعلومات الطبية
متابع فقط

العفو اخوي

[هاوي اللكزس]

بالبركة كفيت ووفيت

الله يبارك فيك عزيزي

[هاوي اللكزس]

موضوع حلو
يعطيك العافيه

عيونك الحلوه الله يعافيك

[هاوي اللكزس]

مشكور معلومات قيمه جداً بصراحه

العفو

[هاوي اللكزس]

شكرا على المعلومات القيمة...الله ينور عليك

جميعا بإذن الله

[هاوي اللكزس]

شكرا اخوي
بارك الله فيك

العفو اخوي

[هاوي اللكزس]

نريد نعرف اسعااااارهن اذا ممكن ؟؟

الاسعار تعتمد على عدة عوامل اهمها النظافه واللون داخل وبره وقصدي بالنظافه انه السياره تكون بحالة الوكاله بدون اي حوادث
الابيض والذهبي سعره غير عن الفضي او الاسود او الاخضر
ايضا لون الجلد من داخل افضل لون الهيليوس(قريب من الابيض) ومن بعده يجي البيج وبعدين الرمادي وف النهايه يجي الاسود وهذا اللون ما مرغوب كثير
من باب التقريب
2001 فل نظيف من 6000 الى 6000 وشويه واحيانا تحصله ارخص شويه لانه معظم الناس ماتفضل الفل لانه ابواب شفط وهايدروليك وبالعكس انه اشوف خرابهن قليل
النص الترا 2001 من 5000 الى 5500
ربع الترا 2001 من 4500 الى 5000

2002-2003 زيد في السعر 3000 تقريبا

2004 الفل فوق 8000 الى 9000
النص من 7500 الى 8500
الربع من 7000 الى 7500

ومثل ما اسلفت الاسعار تقريبيه فقط

[قصة وطن]

الله ينور عليك


تسلم الشيخ وجمعه مباركه

[Al Nassri]

بجد بجد بجد المرسدس s500أجمل وأفخم وأقوى عن 430
ولي يركب الألماني بيعرف معنى الفخامة

[بورش 911]

الخليجي يجي بدون شاشة؟؟؟

راجع معلوماتك صديقي.

[قصرالشرقية]

ما هو ماسح للأناره الرجاء الشرح م

[قيس الراشدي]

أنا عندي لكزس LS430 موديل 2005 ربع ألترا بدون شاشه اللون ذهبي من خارج ومن داخل جلد بيج فتحه وستاره خلفيه وحساسات ودبه شفط ماشي تقريبا 95 الف ميل وعملت له صيانه شامله في وكالة البريمي وحاب أبيعه ب 8700 الف ريال الي راغب هذا رقمي92088789

[scorp97]

الخليجي يجي بدون شاشة؟؟؟

راجع معلوماتك صديقي.

الخليجي فول الترا 2001 بدون شاشه وبدون هيدروليك ورادار وفيه باقي المواصفات

[scorp97]

الوارد الالماني اجملهم واحلاهم
طبلونه 280 بالكيلومتر ويقولوا انه مكينته اقوى شويه بس ما متأكد الله اعلم

آولا مشكور ع الطرح المميز للموضوع كفيت وفيت

بخصوص الالماني مكينته نفس قوة الخليجي والامريكي
بس الخليجي والالماني يكون مفتوح اما الامريكي حده 210 وآذآ فتحت الكمبيوتر راح يطيح الجير
آزيدك من الشعر بيت الخليجي معطاي 260 وينزل 280 نفس الالماني
آضن بسبة خفة البدي
وبدي الخليجي اخف من بدي الامريكي آما بدي الالماني اعتقد نفس الخليجي بس مب متآكد
ف الامان آالامريكي احسن شي آمآ باقي المواصفات نفس مكينة 3UZ-FE

بخصوص التخشيبه

هذآ الفحمي وهوآ اغلى تخشيبه طبعا الجلد يكون ابيض هيليوس يكون في الفل الترا فقط



وهذي تخشيبة الفل الترا بجلد اسود



وهذي تخشيبة بعض الفل والنص وطبعاآآآ نفس تخشيبة 430 الخليجي ويكون بجلد ابيض واللاندكروزر بعد



وهذي تخشيبة النص الترا



وبخصوص الجلد فيه بعد الزعفراني طبعا للوارد

تقبل اضآفتي

[عيسون]

موضووووووووووووووووع هادف
تشكر اخوي هاوي لكزس ع هالموضوع

[سهيل 226]

مشمور على المعلومات القيمة.

[عوي الذئاب]

up up up up up
up up up up up

[امبراطور العالم]

أنا جبت ٢٠٠٤ امريكي
شاشة وبصمة ومفتاح ذكي وابواب شفط والدبة شفط بس بدون هايدروليك وستاره جانبية

[هاوي اللكزس]

الله ينور عليك


تسلم الشيخ وجمعه مباركه

الله يسلمك صاحبي وجمعه مباركه علينا وعليك إن شاءالله

[هاوي اللكزس]

بجد بجد بجد المرسدس s500أجمل وأفخم وأقوى عن 430
ولي يركب الألماني بيعرف معنى الفخامة

الاختلاف في وجهات النظر لا يفسد للود قضيه
انت تحب المرسيدس وانا احب اللكزس وكل واحد وهواه

[هاوي اللكزس]

الخليجي يجي بدون شاشة؟؟؟

راجع معلوماتك صديقي.

صديقي انا متأكد من معلوماتي
الخليجي 2001 و2002 و2003 بدون شاشه
الشاشه جابوها في الخليجي من 2004 وطالع

[هاوي اللكزس]

ما هو ماسح للأناره الرجاء الشرح م

طال عمرك هذا بالعاميه مشاش يجي في الفل الترا للمصابيح الاماميه