خلوها تصدي>وموديلها يعدي>>حملة في شهر رمضان

**CM PUNK GTS** · 29/07/2011 03:22 PM

السلام عليكم ورحمه الله وبركاتة

شارك معنا عبر الفيس بوك (هنا)
ما رايكم لو نجرب بس فقط 30 يوم

اخواني واخواتي

كلنا يعلم ارتفاع قيمة السيارات الجديدة في جميع وكالات السيارات في عمان ويكاد يكون مبالغ فيه جدا هنا في السلطنة , وتجد الجميع متواطئي على المواطن وعلى ما يدرة من دخل ويتقاسمونه .

الوكالات
البنوك
شركات التمويل

تجدهم 3 عناصر في عنصر واحد مركب

تريد تفتح سياره يحسبها لك ويسويلك خصم وماشي منه ويقولك روح قرض سيارتي على طول بنجهز لك السيارة العصر او شركة التمويل الفلانية .

المواطن مجبور ان لم يكن خاطرة يركب (كرولا 2011) الى ما ركبها طول حياتة , وكان يستعمل سيارة مستعملة بقيمة 1000 الى 2000 ريال لمدة عشر سنوات من بعد ما طلع الليسن او انه يضطر يذهب للوكالة وتكون القيمة مركبة ومبالغ فيها .

ماذا .... لو قاطعنا الوكالات فقط في شهر رمضان
ماذا سيحدث؟
هل سوف يتظررون؟
هل سوف يحدث شيء للشركات ؟ خسائر او تأخير مبيعات ؟ تراكمات ؟
ما رايكم لو نجرب بس فقط 30 يوم ؟

علما بان اغلب الوكالات تنصب في شهر رمضان اكثر .. من ناحية العروض الرمضانية والتسهيلات وغيرها وهي في الحقيقة تركب عليك الفوائد اضعاف .

في عهد عمر ابن الخطاب رضي الله عنه اشتكى الناس غلا اسعار الحم عند الجزارين فقال لهم ارخصوه انتم فقالو كيف نرخصه ونحن لا نملكه قال دعوه لهم هذا وهو عمر ابن الخطاب الفاروق الي لو اصدر امر ينفذ غصب عن الي ما يرضى كيف وهو الفاروق الذي اذا سلك طريق سلك الشيطان طريق اخر

بعد قراءتك..اتبع الخطوات التالية وضع بصمتك

1-اكتب تعليقك

2-شارك معنا عرب الفيس بوك>> نحتاج مشرفين اي احد يرغب يرسل رساله على الخاص

3انشر الموضوع عبر الايميل.

**al7arthy** · 29/07/2011 05:10 PM

انا بشتري فورد فيوجن-ان شاء الله-ف رمضان بس كاش..عاد السموحة ماقدر اصبر اكثر!

**black rider** · 29/07/2011 05:31 PM

الحملة بتكوون ناااااااافعة كثير بدون جدال فحال إلتزم الناس

بس سؤال هل رااح يلتزم الناس ؟؟
مع العلم إنه الحملة إلي عملوها السعوديين قبل سنتين طيحت أسعار السياارت عندهم للحضيض

**القناص_007** · 29/07/2011 06:38 PM

خلوها تصدي وهي داقنها حلي خخخخخ ...عن نفسي ما بشتري لكني متأكد اشوف واشوف ارقام الفحص ببيزه ...

**Ahmed92** · 29/07/2011 07:34 PM

انا ماعندي حساب ف الفيس
بس رسلت لك إيميلي ف الخاص

**Ocean Tragedy** · 29/07/2011 08:46 PM

بعد ماتكنسلت سيارتي الحبيبة
بشوف عروض رمضان وعيني على هوندا اكورد كوبيه
سوري شباب حتى انا ما اقدر اصبر

**knightrider** · 29/07/2011 11:32 PM

معاك صاحبي ، خلها تصدى
الأسعار نااااااااار و الشعب ما قادر يصبر هذي المصيبة

**ALMOSHAKES93** · 29/07/2011 11:40 PM

خليها تخيس في الوكالات هع

**شاعر مبدع ومتميز** · 29/07/2011 11:51 PM

مامشكلة نخليها تخيس
بس ماذا الشهر
من سنتين وناوي آخذ سيارة جديدة
وهذي السنة ان شاء الله في رمضان راح آخذ سيارة
وبكره بمر الوكالة أشيك ع العروض والأسعار

بنخليها تحلا بعد ما أشتري حبوب

**fire under ash** · 30/07/2011 12:17 AM

يا جماعة الخير استهدو بالله ، ترا المسلم للمسلم !

اللي باغي سياره جديده انصحه ياخذله ف الامارات على السيارات المستعمله سنه وسنتين ، صدقوني افخم واحلى و بالنهاية بربع قيمة السيارة اللي بياخذها فحص من عمان وبالنهاية قوطي !!

خلو شوي عندكم كرامه و معزه لنفسكم بدل الذل و المهانه للوكلاء العمانيين اللي ناهبينكم نهب امام اعين الجميع ! و لو ما وقف الشعب وقفه صريحه لهذا الغلاء بالمقاطعه ، فانا اقولكم على الدنيا السلام !

و اقولكم خلوها تصدي و ياكلها الدود ! و اقول للوكلاء اللي محتكرين التجاره في عمان بيجيكم يوم تشربو مرقة الحصى ! و الدنيا دواره !

قوطي كرولا قالك ب 8 آلاف

والله حاله ! حتى بريكها لو تضربه ب سرعة 100 على منحنى خفيف تلقاها منقلبه مليار قلبه ! بيعو ارواحكم رخيص روحو اشتريو القواطي برقم فحص

**دغيميل** · 30/07/2011 12:48 AM

احرقها و اعرف اعيش

**واحد الله يستر عليه** · 30/07/2011 02:19 AM

كنت ناوي اشتري تشارجر وحجزت واحده من الوكاله ودافع مقدم لانها مش متوفره في عمان
قالوا توصل اول اسبوع من رمضان بس احين بروح واكنسلها عشان خاطر الحملة ما راح يصير شي لو صبرنا شهر

إلى الامام وخلوها تصدي

**بطل عمان** · 30/07/2011 03:36 PM

هذي الحملة من عام او اظني السنة الي قبل طالعه الموضة من السعودية وفي الاخير كلام بس

**CORVETTE** · 30/07/2011 05:04 PM

أرسل أصلا بواسطة بطل عمان

هذي الحملة من عام او اظني السنة الي قبل طالعه الموضة من السعودية وفي الاخير كلام بس

صدقك ... بس المشكله تراها من الشعب اللي ما قادر يصبر !!!!!!!!!!!!

بيكثرن السيايير الفحص فالرمضان ... وتاريخ 15 شوال تعال زور سوق السبله وشوف كيف كثر ال2011 اللي يريدوا يبيعوهن !!!!!!!!!!

بالتوفيق للحمله وعسى تتحقق ف يوم من الأيام

**fire under ash** · 30/07/2011 05:41 PM

أرسل أصلا بواسطة بطل عمان

هذي الحملة من عام او اظني السنة الي قبل طالعه الموضة من السعودية وفي الاخير كلام بس

بالعكس مشرفنا انا اذكر لما كانت الحمله بالسعوديه عملو عنها كثير برامج حتى ف الام بي سي تكلمو عنها و بمواقع اخباريه ، و فعلا اضطرو الوكلاء يخفضو اسعار السيارات بالسعوديه

لكن في عمان الحمله توها جديده بنظري ،،،،،،، و تستحق المحاوله ع الاقل ف شهر رمضان

**Mustang Boy** · 30/07/2011 06:22 PM

اللي اشوفه الناس ماهمها السعر
قوطي وب 10000 وتشوفه يشتكي وبالاخير تحصلنه يداور فيها مشترنها وفرحان
يعني تلوموا الوكالة ولا الناس
ولما تسأله ليش قالك ياخي السيارات المستخدمه كل يوم يخترب ونص الوارد فيهن حوداث

بس اتكلم عن نفسي وانا من محبي السيارات بس للحين ولا مرة جديد كله كلاسيك بس

**BNZ 07** · 31/07/2011 12:42 AM

أرسل أصلا بواسطة fire under ash

يا جماعة الخير استهدو بالله ، ترا المسلم للمسلم !

اللي باغي سياره جديده انصحه ياخذله ف الامارات على السيارات المستعمله سنه وسنتين ، صدقوني افخم واحلى و بالنهاية بربع قيمة السيارة اللي بياخذها فحص من عمان وبالنهاية قوطي !!

خلو شوي عندكم كرامه و معزه لنفسكم بدل الذل و المهانه للوكلاء العمانيين اللي ناهبينكم نهب امام اعين الجميع ! و لو ما وقف الشعب وقفه صريحه لهذا الغلاء بالمقاطعه ، فانا اقولكم على الدنيا السلام !

و اقولكم خلوها تصدي و ياكلها الدود ! و اقول للوكلاء اللي محتكرين التجاره في عمان بيجيكم يوم تشربو مرقة الحصى ! و الدنيا دواره !

قوطي كرولا قالك ب 8 آلاف

والله حاله ! حتى بريكها لو تضربه ب سرعة 100 على منحنى خفيف تلقاها منقلبه مليار قلبه ! بيعو ارواحكم رخيص روحو اشتريو القواطي برقم فحص

و ما من قوتها و صلابتها خله المواطن ليش انا مصدع راسي
الي عنده فلوس و خذله مرسيدس اس كلاس ب52 الف والله مالومه
اما المواطن الي يروح يشتري كرولا ب8 الاف تراه ثوور من قلة السيارات في عمان
جاارنا ماخد لكزس فورويل موديل 2000 ب 47000 درهم شكل 2007 و مريح الاخ
والغم ماشي 200000 كلم بس مااقولكم الا استمروا و استمروا
و مشكوور لصاحب الموضوع على طرحه الطيب

**aloooone** · 31/07/2011 11:01 AM

معكم في هذي الحمله الخطيره

السبب انه الرواتب زادت 50 ريال كلها الدنيا قامت ترفع الاسعار حتى سعر السمك تغير الكنعد وصل 30 ريال

**جحفان** · 01/08/2011 07:42 AM

لا تزيدونى غم

صديقى الله يهديه ما يشاور حد

راح الوكاله وطلع تاهو اقساط

دفع لهم اربعه الاف والباقى اقساط على سبع سنوات ؟؟؟؟

مع العلم انه راتبه ليس بالكثير وهذا ما زادنى غم لا يشاور ولا يسال

صدقونى نحن العمانيين عندنا مرض هو السيارات

واحد من الجيران تو متوظف فى الجيش يعمل فى المطعم وبعده ما كمل شهرين مطلع كورولا اقساط

وطبعا قيمتها بالاقساط ما راح تقل عن عشرة الاف ريال

**salim1222** · 02/08/2011 04:41 PM

نعم انكم خلوها تصدي وتحلى هناك ف الوكالات او المخازن...
ـــــــــــــــــــــــــ ـــــــــــــــــــــــــ
(منقول)
هذا إيميل مدير علاقات العملاء في شركة تويوتا العالمية حصلت عليه بطريقتي الخاصة :

[email protected]

وإسمه :

Tatsuya Sobue

ومسماه الوظيفي :

Group Manager

Overseas Operations Department

Customer Relations Division
تقدرون توصلون له اي عيب مصنعى او مشكلة في الوكالة ...

**امير مملكة الحب** · 02/08/2011 08:49 PM

لا حياة لمن تنااادي
روووح اي وكالة الحين وشوف الزحمه

قالو عروض رمضان ... ما يعرفو ان هذه العروض مدفوعه من قيمة السيارة

**Abo0d90** · 03/08/2011 02:20 AM

اليوم كنت رايح باغي اطلب كورفت zr1 بس عشاان بصبر ...

معكم ف الحملة *_*

**جحفان** · 03/08/2011 07:44 AM

والغم انهم يركضو للهونداى..

ومن كمين يوم واحد مطلع هونداى سوناتا و واقف فى الشارع مبطل البونيت والسياره ما تزال بالرقم الاخضر

الظاهر ان السياره اصيبت بالحمى فتوقفت من اثر الحراره
..

**ألماس143** · 03/08/2011 10:34 AM

أرسل أصلا بواسطة جحفان

لا تزيدونى غم

صديقى الله يهديه ما يشاور حد

راح الوكاله وطلع تاهو اقساط

دفع لهم اربعه الاف والباقى اقساط على سبع سنوات ؟؟؟؟

مع العلم انه راتبه ليس بالكثير وهذا ما زادنى غم لا يشاور ولا يسال

صدقونى نحن العمانيين عندنا مرض هو السيارات

واحد من الجيران تو متوظف فى الجيش يعمل فى المطعم وبعده ما كمل شهرين مطلع كورولا اقساط

وطبعا قيمتها بالاقساط ما راح تقل عن عشرة الاف ريال

وأمس واحد شاري GS 300 موديل 2006 وبـ 10,300 ريال وعن طريق التمويل ..

ما غم ؟؟ ويصرخوا يقولوا ما عندنا فلوووس .. نبي زيادة رواتب ..

/

واللي قبلها بإسبوع واحد مشتري برادو موديل 2006 VX رقم واحد بـ 9000 ريال كاش ..

/

يعني أنا مستغرب من هذولا الناس !!

يغرفوا الفلوس من البحر ولا كيف سالفتهم ؟؟

مخربين السوووق ومضيعينه ..

لما نجي نحن نبيع سياره بالسعر الفلاني يآكلوووك أكل ..

وهذي غاليه وهذي ما تنفع وإنته أمس عارضنها غير ونته ونته ونته ..
ويسوي بارض قسم بالله يروح يجيب لك رابط موضوع سياره نفس سيارتك معروضه للبيع بأقل من سعرك ويحطه فـ موضوعك ..

روحوا إشتكوا على الوكالات .. ما تشتكوا علينا نحن ..

قسم بالله عجب العماني عجب ..

ما أدري شوو من التركيبات مخلوووق !!

**ألماس143** · 03/08/2011 10:41 AM

أرسل أصلا بواسطة جحفان

والغم انهم يركضو للهونداى..

ومن كمين يوم واحد مطلع هونداى سوناتا و واقف فى الشارع مبطل البونيت والسياره ما تزال بالرقم الاخضر

الظاهر ان السياره اصيبت بالحمى فتوقفت من اثر الحراره
..

السالفه ما سالفة هايونداي ولا سالفة تويوتا ولا هوندا ..

الموضوع يتحدث عن أسعار السيارات فقط

وعالأقل الهايونداي تطورت .. مووو التويوتا بعدها عالليت الأخضر عالطبلون ..

والقهر كل سنه زاد ألف عالسيارات التويوتا ...

**ألماس143** · 03/08/2011 10:44 AM

سيرووا شوفوا الزحمه عالوكالات بعد المغرب ..

مساكين يفكروووا بأنه مستفيدين من العروض ..

ما يعرفوا بأنه بعدين يشخطوووهم عالسيرفس وقطع الغيار الإستهلاكيه ..

**عروبي** · 04/08/2011 11:42 AM

نستمر فالمقاطعه

**F458** · 05/08/2011 03:58 PM

انا اوافق
واحاول على النشر

**Cult Of Personality** · 14/08/2011 04:42 PM

سؤال بسيط هل توجد مقارنة ؟؟

شوفوا أسعار السيارات في الكويت كيف ؟
بسعر التراب ينباعٌ السيارات

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: خلوها تصدي>وموديلها يعدي>>حملة في شهر رمضان

أدوات الموضوع

البحث في الموضوع

نمط العرض

خلوها تصدي>وموديلها يعدي>>حملة في شهر رمضان

مواضيع مشابهه

خلوها تصدي>>>>>>>وموديلها يعدي------------------------------------------[حملة في شهر رمضان]

حملة في العشر الاواخر من رمضان

تم رفع الأسعار السيارات حملة (خليها تصدى)

مجلس المناقصات يسند جملة مناقصات بقيمة تزيد عن 55 مليون ريال

حملة احفظ لسانك .. تزيد حسناتك { لا للغيبة } ***

قواعد المشاركة