زوجي بخيل

[زهرة ارض الخير]

كيفكم صيايا
كثير اسمع من البنات انهم يقولو ازواجهم بخلاء عليهم وخاصة للموظفات الزوج حاط فباله دامها تشتغل تقدر تصرف عن نفسها بس الزوجة دائما تريد تحس بوجود زوجها وانها محتاجه له حتى لو تملك كل شي تحتاجة في بنت مره تقول زوجي دائما يقولي اذا تريدي شي خبريني فكيف تقدر تطلب منه شي وهو عارف انها تقدر تجيبة اما هو ابدا ما يصرف عليها مع انه راتبه حلو ولا حتى يفكر يهديها شي مع انه شخص ملتزم وخلوق فصعب تتركه لسبب انه ما يهتم فيها وطلبت الطلاق منه ورفض لانه ما يصبر عنها ويحبها موت وحتى لو عليها مبلغ له ولو كان بسيط اول ما ترجعه يأخذه على طول ما يقولها مثلا ( احنا واحد ما بينا فرق) كذا يعني
انا برأيي أنه بخيل
اما أنتوا عزيزاتي شو رأيكم فهذا الزوج؟؟؟

[ام ريف]

زهر عيوني
هذا بخيل .. مع احترامي الشديد
بس صدق اعرف بنت من صديقاتي وعزيزه علي واااايد تطلقت من زوجهاااا وسبب انه بخيل
ما يصرف عليها يقولها راتبك يكفيكي وزياده
وفي مره من المرات احتاج فلوس وخذت من زوجهااا ويوم ترجعه ياخذ زي ما قلتي ما يقول نحنا واحد او ما يحتاج ترجعينه (بصراحه انا كنت اقولها خذي ولا ترجعيله ولا ريال بس مسكينه تقولي كل شوي يذكرهاا )الين ما ملت من حاله جلست 3سنين حاول تعدل فيه ما قدرت تطلقت

يا زهر اذا ارجال بخيل ع نفسه بيبخل ع بيته وزوجت وعياله
بس لو هو مريح نفسه ومكشخ حاله ودلع نفسه بريح زوجته ودلع عياله

كل شيء ينسكت عنه الا البخل اللهم اني اعوذ بك من البخل

[زهرة ارض الخير]

مشكوره ام ريف على مرورك
صح مثل ما قلتي هي حاولت تعدل فية وتنصحه وتقوله كلام احنا مابينا عشان يتعلم منها بس لا حياة لمن تنادي وحتى فالأعياد ما يعطيها مصروف لها ولولدها لأاحتياجات العيد واذا طلبته بيعطيها 40 ريال او اقل مع انه راتبه فحدود الألف ريال ما شاء الله يعني هو ما يعرف الاسعار كيف صارت
وما تريد تكبر الموضوع وتوصلها لأهلها لان ما يعتبر البخل مشكله مقابل الأخلاق والألتزام

[الامل طريقي]

معقوووووله فيه رجال يبخلووو ع زوجاتهم وعياااالهم

[أم حنا222]

فعلا في رجال كذي والحمد لله ما عندنا مثل هالنوع
وفي رجال الفلوس ابدا مو فعينهم

[شقاوي]

المفروض ف البدايه الزواج ما تعوده تشتري اغراض العيال من فلوسهااا تراه ذاك اولاده باسمه...
ومثلا إذا شتريت اغراض ح اولادهم وهو ما موجود لما يرجع تجهزله الفاتورة تقوله ادفع ما شي خجل... طبعااا ماراح يقولهااا لا..
تراه المشكله رجال لما يشوف زوجتة تشتغل خلاص يتبخل,,,
ف رآي المفروض تعوده من بدايته الزواج...عاد الحين ما ينفع....

[ملكه الحيل]

شكله يحب الفلووس اكثر م زوجته مفروض يقولهاا نحن وااحد فلوسي فلووسك...

[غربة فتاه]

فيه وحده من صديقاتي خطبها واحد بخيل بشكل يعني تصوروا يقولها اخواني لما دفعوا المهر

جاتهم حمى ثاني يوم ويقولها حال الملكه ما بجيب حلوى وكثير امور وفصخت الخطبه

[ونة الم]

في وحدة ومن الاهل زوجها بخيل لدرجة لا تتوقعوها كان معه سيارة لم تزوجها صار يستخدم سيارتها وراتبها هو ياخذه وما يجيب راشن البيت ايش يسوي بالفلوس الله اعلم وما يحب يتشرى شي وحتى عياله ما يشتريلهم شي ولا لبس الا من عيد لعيد ويشتري من دكان كل شي كيلو حتى هي صايرة مثله بخيلة وبالرغم كانت كريمة,,
الا زوج الله يجيرنا

[زهرة ارض الخير]

المشكله حبيباتي اغلب رجال عمان ما يعرفون اتيكيت التعامل مع الزوجات عشان يكسبوهن البنت تفرح من شي بسيط
بصراحة الله يعينها
والله يخليلي زوجي ويحفظه لي يارب
قولو امين

[بنت الحيل]

الله يعينكن كان ازواجكن بخيلين

بعدنا عزابيه

[أكسجين الأمة]

..
الله يبعدني عن البخلاء ...

[أكسجين الأمة]

في وحدة ومن الاهل زوجها بخيل لدرجة لا تتوقعوها كان معه سيارة لم تزوجها صار يستخدم سيارتها وراتبها هو ياخذه وما يجيب راشن البيت ايش يسوي بالفلوس الله اعلم وما يحب يتشرى شي وحتى عياله ما يشتريلهم شي ولا لبس الا من عيد لعيد ويشتري من دكان كل شي كيلو حتى هي صايرة مثله بخيلة وبالرغم كانت كريمة,,
الا زوج الله يجيرنا

عجبتني
من عاشر قوما اربعين يوما ... صار منهم

[رحيلي]

شوفوا حبيباتي الزوج لي ما يصرف ع زوجته واولاده ويجازيهم ع البيسه كل فلوسه يروحن ف حرااام يعني اكيد
ف اشخاص ثانيه يخرفوه خراف يعني مثل ما يقال حلال عليهم وحرام علينا

[sunset555]

الحمدلله زوجي كريم ومامخلي فخاطري شي بس مشكلته مارومانسي يعني مايسويلي حركات ومفاجات وانا اموت عليه

[العرافه]

بس ولو.. البنت مهما كان زوجها عليها ظالم.. ما مفروض تطلع اسراره.. هذي تبقى اسرارهم..
لأن سمعتها من سمعته هي بعد

اذا بخل عليها تذكره بالرب.. ما تجلس تشاحط على راسه وتلاسنه.. كل شي بالطيب يجي سهل ولكن يحتاج وقت لين يلين الراس

[أم الحسن 2008]

حياكم
شي مثل يقول الولد ربيه والزوج عوديه
المفروض الوحدة من ايام الملكة تعود الزوج انه هو المسئول عن
مصرفها .............. وترى الانسان بطبيعته يحب الراحة والمال فاذا لقى
زوجة ساكته عن حقها راح يتمادى واذا لقى وحدة ماتسكت عن حقها بيعمل
لها الف حساب .............

[بلوشيه ستايل]

الله يعيييييييييييييييييين بصرااحه
عااد انا اكره شي عندي الزوج البخيل

بس صدقيني البنت الذكيه والمتفهمه تقدر تتفادئ هالشي
بس ما اتخييييل في رجال يبخلوو ع حريمهم وعيالهم

والله يعيييييييييييين

[افااااا]

ان شاء الله رزقي بيكون كريم شراتي
ومابيبخل علي
ساعتها صدق بنكون اني وهو واحد
ومب مهم من يشتري ومن يدفع




بس القصه اللي قلتيها

سمحيلي اذيه بخيل مع مرتبة الشرف

[Alsadia]

الله يعين الزوجة الي ريلها من هالنوعية

[افااااا]

بس ولو.. البنت مهما كان زوجها عليها ظالم.. ما مفروض تطلع اسراره.. هذي تبقى اسرارهم..
لأن سمعتها من سمعته هي بعد

اذا بخل عليها تذكره بالرب.. ما تجلس تشاحط على راسه وتلاسنه.. كل شي بالطيب يجي سهل ولكن يحتاج وقت لين يلين الراس

مب كل حد ايي باللين والطيب
وفيه ناس للأسف ماينفع فيهم لا ترغيب ولا ترهيب ولا غيره
اللهم عااافينا