وكالة نيسان ببركاء تريد تصلح سيارتي ب650ريال وأنا صلحتها ب500بيسة..

[قلم رفيع]

ذلا الهنود مااغبيا ذلا يتغابيو عشان يضربو فلوس الاوادم
الله واكبر عليهم

[bisyawi]

من 650 ريال الى بانسو بيساه(يعني 500بيسة)

[الاول-1]

استغلال واضح وفاضح

[وسام الرسوخ]

عندي كان مشكلة في هرن السيارة ( اللومينا ) وعرضتها للوكالة للتصليح قبل سنتين

وبعد الفحص قالوا بأن تركيب الهرن فقط ب 80 ريال ....

طلعت من معهم مباشرة وذهبت لأقرب كراج وحل المشكلة في دقائق ب3 ريالات

فشوف الفرق في القيمة ....... الوكالات يستغلوا حاجة الناس ويعطوك أسعار

خيالية وبأسم الجودة بس الشخص الفطن ما يضحك عليه بسهولة ......

[walad muscat]

الحمدلله على سلامتك وسلامة فلوسك .. ما يعرفوا كيف الواحد يكد علشان يطلع الريال وهم ياخذوهن على الراحات ..

[بيكهام 7]

نفس الشي صار عندي

أخترب علي الهرن .. ما طاع يشتغل
وكنت قريب الوكالة
قلت أوديها .. قالولي أن الهرن يبغاله تغيير بالكامل .. قيمته 21 ريال من غير التركيب

ما وافقت
وديتها العصر كراج وفحص الهرن .. والله انه جاب محلول تنظيف ونظف لي عند البطارية .. واشتغل الهرن قدامي
قالي بس كان فيه مثل الجير ويمنع وصول الكهرباء للواير مال الهرن .. صلحتها والله بــ 300 بيسة ههههههههه

[bsateen]

انزين ما خبرتنا شو نوع السيارة؟

وبعدين اللي اعرفه ما احيد عندك سيارة نيسان!!!

[soul of darkness]

[amool]

بانسو بيساه(يعني 500بيسة)

بانسو بيساه حلوة اللغة تعلمنا شىء جديد

[ليث الصحراء]

لا تفك ثمك قوم شكيبهم

[مخلط عود]

سبحان الله نفس الشي صايرلي فبركا مع وكاله الهوندا ونفس الجراج ودواهو الاهل حقي الوكاله قالتلي 3500 وانا صلحتها ب250 ريال عاد انت شوف الفرق

[الساربين]

المشكلة ما عندنا في الوكالات عمالية فنية ماهر
الشي الوحيد الي فالحين فيه جيب قطع غيار وبنركبهن كأنهم أخترعوا شي جديد

[الحوت 2009]

انزين ليش ما رجعت للوكالة وخبرتهم بانك صلحت المشكلة ب 500 بيسة وتخليهم فالامر الواقع

[bsateen]

سبحان الله نفس الشي صايرلي فبركا مع وكاله الهوندا ونفس الجراج ودواهو الاهل حقي الوكاله قالتلي 3500 وانا صلحتها ب250 ريال عاد انت شوف الفرق

مسكيــنه بركاء!

[سبلة بيتنا]

دام الوكالة الادارة هندية يعرفوا يخرفوك في القيض لان الرطب بادي

[AL-Busaidi]

.... لا تعليق ....
الشكوي لغير الله مذله
يا رب انتقم من اي شخص ظلم او سلب حقوق المواطن العماني ( وخاصه الحكومه ) ....

[aljmhara]

اسميك ذيب

[حي المعمورة]

بسم الله الرحمن الرحيم

مثل ماشفتوا في العنوان
الإسبوع الماضي إشتغلن عندي ليتات مال العداد مال السيارة
إشتغل عندي ليت الفرامل وليت الإرباج وليت الهاند بريك وليت البترول
بأختصار الكل إشتغلوا إلي في العداد
وبعدين رحت الوكالة وخبرتهم بالمشكلة وقالولي لازم نفحص السيارة بالكمبيوتر ع نخبرك بالمشكلة
ووافقت على ذلك وقالولي حط السيارة وتعال العصر وحطيتها عندهم ورحت عنهم وجيتهم العصر
وقالولي تصليح سيارتك مع التخفيض الخاص ب650ريال والتصليح مضمون وبإذن الله
والأعطال هي مثل ماقالولي :
1_ بوستر البريك عطلان بالكامل
2- سنسرات وعددها 2 مال البوستر
3- كتاوت مكينة البي بي أس

وحاولت أجادلهم ينقصوني بالسعر بس بلا فايدة
وقالوا التصليح هو ب970ريال ومع التخفيض الخاص خليناه ب650ريال
وهذا سعر الخاص لأنك زبوننا الدائم..

وقلت بفكر وبشوف كيف وبرد عليكم
وقالولي إذا وديتها الفرع الرئيسي يصلحوها ب1000ريال وزيادة
لأن أعطالك كثير مكلفة..وإحنا عطيناك هذا السعر لأنك زبون دائم لهذه الوكالة..

وبعدين طلعت السيارة من عندهم ورحت كراج درجة أولى في بركاء إسمه ( اللمسة الفنية)
وخبرت الفورمن (المسوؤل) بالمشكلة وشاف المشكلة وقالي إفتح البونيت وفتحته وقالي روح إشرب شاي وإرجع
ورحت وبعد ربع ساعة رجعت وقالي خلاص السيارة صلحتها وقلتله ويش المشكلة وقال مافي مشكلة بس أيل بريك ناقص كثير
وخلاص أنا سوي زيادة أيل بريك
وبالفعل رحت أشغل السيارة وجميع الليتات أطفأت
وقلتله بكم في صلح؟ وقالي بانسو بيساه(يعني 500بيسة) تقريبا سعر الأيل بريك

والحمدلله ع كل حال

وقبل 3أيام رحت وكالة العذيبة وفحصت السيارة بالكمبيوتر ب30ريال
والحمدلله قالوا السيارة مافيها أي عطل..

والسلام عليكم ورحمة الله وبركاته

والله صديقي هذه وكالة النيسان استغلالية جدا حتى انا استغلوني في البداية حتى التنظيف السيارة مو شي جدا ورفعوا الاسعار السرويس ارجوا من حماية المستهللك تتجه حول هذه الوكالة

[حي المعمورة]

قاااااااااااااااااااااااا اصر ردوا على الهاتف ايش رايك في وكالتنا

[الشـيم]

أنا الوكالة عقتنها البحر ما اسمع كلامهم بتاتا البته

كله تخمبيق

[زيلامسي]

شاب شعر راسي من وكالة نيسان

وعاد حصلو وحده ينقص عليها لأني ما أفهم شي بالسيايير

فيني حقد وقهر عليهم وع أستغلالهم الناس، ويا ريتهم لو يصلحو بضمير

ما بزيد ف كلامي بس لو كانو فعلا حراميه ربي ينتقم منهم

[حي المعمورة]

وكالة نيسان عيايررررر

[حي المعمورة]

الحمدالله والشكر

[قح جدا]

الله اكبر عليهم
وين وزارة التجاره والصناعه عنهم؟

الوكالات تغرد خارج السرب الجهه الوحية بو تسرق ومحد يقول لها شي

[حي المعمورة]

الله يكون في عون اصحاب السيارات تشيك وكالة

[راكب البحر]

الوكالات معروفه تضرب فلوس ف التصليح الله اكبر عليهم

انا عندي سيارة هوندا cr-v بعد ما أشغلها اسمع صوت تنبيه 4 ثواني ويبند أخوي قال غير البطارية

وباغي اروح الوكاله اشيك ومتخوف منهم يطلعولي ألف عله....

شو تنصحوني ....وإللي عنده خبره يخبرني

[الشـيم]

الله اكبر عليهم
وين وزارة التجاره والصناعه عنهم؟

الوكالات تغرد خارج السرب الجهه الوحية بو تسرق ومحد يقول لها شي

أنت متأكد إنها الجهه الوحيدة

[حي المعمورة]

حسبي الله عليهم مقصة كل واحد شايف عمره وجالس يخربط على الكمبيوتر قال دوك الدنيا وانتظر ساعة تجيك الورقة

[حي المعمورة]

وينكم ياحماية المستهلك نعالوا شوفوا الوكلات تلعب بينااااااااااااااااااااا

[درب العناء]

الكل يشتكي من هذا الشي يعني يخرفونا وحنا نضحك