زين أبوها

في كل مكان وزمان
لازم تحصل لك شخص اصحابك يسموه "حبيبك حبيبتك " "صديقك وصديقتك"
لا ماهم اللي ف بالكم
الحبيب والحبيبة ..هالاشخاص يكونوا دائما ضدك ويكرهوك وفيهم غياض
وطبعا لازم دمك يثور لما تشوفهم وتعصب ..ويعني نوعا ما بتكرههم

السبلة ما تختلف عن المدرسة ولا عن البيت ولا عن الكلية ولا اي مكان
غير انها افتراضية والاشخاص مجهولين
تعلمنا تعارفنا واستفدنا وجربنا ..
بس لما تقدم شي وتبذل مجهود للمكان قبل عن نفسك
ويجيك شخص بكل قوته يعطيك جرعة من الكلام المحبط .. سلامات يالطيب
كلام محبط ,كلام شخص غيران ,كلام يقلل من قدراتك وشأنك

هالاشخاص ..مثل المطبات في الحياة
المطب مصنوع حتى تنتبه وتركز للمرحلة الثانية بسرعة اقل


شخص يتهمك في موضوع وهو بالاساس مافاهم
يقولك سويت وتقوله لا والكل شاهد ويكبر السالفة
شخص ثاني يقلل من شأنك ويقول انك بدون فايدة ووجودك من عدمك ,بعد ما كرست نفسك عشان هالمكان
من انت !
ترى ما صح تعرض عضلاتك بدون قوة ..ابدا
تهاجم شخص لسبب ماهو سبب وبعد الحق تهرب ..التهجم ماقوة
الاعتذار بعد الخطأ ..قوة
ما خطأ انك تخطي ..ولا خطأ انك تعتذر
بس تحذر ترى بعد الخطأ الاول والثاني ممكن السيارة تتخدش واحتمال كبير ماترجع مثل ما كانت

ف النهاية ..المطبات الافتراضية ماهي الا مطبات وهمية
مالك رأس ؟ ماعليك الا السفه وماعليك غير تركز ف أمورك
وخلي حبابك واصحابك يشتعلوا من الغيرة
دامك واثق من نفسك ..المطب مايهزمك
والمطبات دائما تقوي وتعلم الشخص ..اذا واجهت مطب تعلم منه