نداء عاجل من طلاب دفعة 2010 لوزارة التعليم العالي

**AHMEDaz** · 02/08/2011 08:13 AM

السلام عليكم ورحمة الله

موضوعي هو عن طلاب الدبلوم العام لعام2010 يعني السنة الماضية

طبعا الكل عارف اش قد انظلمت هالدفعة

أولا ببدأ بمقارنة هالدفعة بدفعة 2011

دفعة 2010 :

1- عدد الطلاب الي يتنافسوا ع المقاعد 46921 وعدد المقاعد 14020 فقط !!!

يعني في 32901 طالب من دفعة 2010 ماحصل مقعد وأغلبهم بالشوراع

من ضمنهم طلاب جابو ف الثمانينات

من ضمنهم طالابات جابو 86 ولليوم في البيت !! اش هالظلم

2- عدد البعثات الكاملة مايقارب 50 بعثة أو أقل والجزئية 143 !!

دفعة 2011 :

1- عدد الطلاب الي يتافسوا ع المقاعد 40 الف وعدد المقاعد 28444

2- إلغا البعثات الجزئية وطرح مايقارب 1700 بعثة كــــــــــــاملة

شوفوا الفرق الكبيرة بين الدفعتين

ليش كل هالظلم ؟ ليش مانزلولنا كل هذا بدفعة 2010 ؟

وليش بدفعة 2010 نزلوا بعثات وكان مسموح لطلاب السنة الي قبلها اي 2009 يسجلوا فيهاوهالسنة مافي ؟

يعني كل هالبعثات وهالمنح بسبب المظاهرات في البلد طيب ودفعة 2010 شو يرجعلها حقها؟

ترا الحياة صعبة والمعيشة كل يوم تغلى الواحد مايقدر يدرس ولده ولا بنته ع حسابه

مصاريف الدراسة نااار

انا من طلاب دفعة 2010 نسبتي 86 علمي وانقبلت بتخصص اي تي في كلية العلوم التطبيقية بصحار

اي تي مو طموحي أبدا طموحي أكبر من كذا في بالكلية هندسة وطلبت تحويل للهندسة ومارضوا !! ليش لان المقاعد محدودة

وكملت سنة بالدراسة وللحين أنا مومتقبل هالتخصص ولا الكلية
للحين انا أدخل النت اتصفح أشوف القبول الموحد اشوف المنتدى التربوي وقلبي يعورني ع الي صار فينا

كان طموحي ع الأقل بعثة لقطر وجزئية بعد بس للأسف ماحصلتها ونفس الحالة الجامعة ماحصلت مقعد فيها

هالسنة الي جايب 86 ملك تدورن شنو ملك يعني يقدر يروح المكان الي يبيه بعثة جامعة الي يبيه ليش لأن مقاعد هالدفعةة بالهبل مو زي دفعتنا

بعثات ماليزيا هالسنة اقل معدل 69 !! وبعثات امريكا اقل معدل 87 !!

مقاعد بالهبل بهالدفعة

طيب ودفعة 2010 الي انظلمت من يرجعلها حقلها من؟

كل الي طالبينه نحن دفعة 2010 تنزلولنا مقاعد زيادة تسمح لكل طلاب هالدفعة فقط بالتقدم لها

بيتقدم لها طلاب مثلي ما تقبلوا لسه المقعد الي انعرض عليه

أتمنى هالكلام للجهات المختصة بهالشئ والي هي وزارة التعليم العالي والقبول الموحد

وشكرا

**ولد الرواشد** · 02/08/2011 08:21 AM

ممكن سوال اللي حصل بعثة داخلية شو اللي لة وشو اللي علية ممكن اعرف منك

**AHMEDaz** · 02/08/2011 08:24 AM

اي هالسنة في مايقارب 8 الاف بعثة داخلية كاملة الرسوم الدراسية ماعليه شئ
الا في حالة انه اختار كلية بعيدة عنه بيكون السكن والنقل عليه ف يستحب انه يختار كلية قريبة منه

**فاسكو** · 02/08/2011 08:36 AM

عــادي عــادي
ترى لاحول لنا ولا قوة
أنا نستي 88.5 عــلمي مع الأحيــاء
بس دخلت التقنية هنــدسة
بس الحمــدلله
الجامعة إستغربت آخر معدل تنافسي في كلية الهندسة كان في آواخر التسيعنات،،،،وكــانوا يــريدوا عدد لا بأس فيه،،،،أستغربت من كل هــذيلا الطــلاب،،،هل كانت نسبتهم في التسعينات؟؟؟!!!
وهــذيك السنة الغش مسكت والتسريبات ما ود حد،،،
بس خير

**AHMEDaz** · 02/08/2011 09:01 AM

لا مو عادي صج حرام الي صاير يعني

**أمنيتي سجده بالأقصى** · 02/08/2011 09:05 AM

أنا كان أفوادي أروح هذي السنه بعثه.......بس تجري الرياح بما لاتشتهي السفن

**الجريح9279** · 02/08/2011 09:13 AM

هذا نصيبك و توكل على الله و كمل دراستك في صحار

**Sweet94** · 02/08/2011 09:17 AM

الواحد المفروض يرضى بــ نصيبه أخي ,,,
والله ما بيضيع تعبك سدى ان شاء الله ..
والفال للد فعات القادمة ..

**Hanin4** · 02/08/2011 09:50 AM

حمدلله هذه مكرمه من السلطان قابووس
وكل سنه غييير عن السنوات الاخرى

والله يووووفق الجميع

**Abdullahx6** · 02/08/2011 10:00 AM

والله كلامك صح

دفعة 2010 وايد كانوا مظلومين

وأنا كان معدلي التنافسي للهندسة بالجامعة 90 وسبحان الله ما قبلوني

وقبلوني تجارة والحمد لله

**البسمة الدائمة** · 02/08/2011 10:02 AM

بالفعل والله انظلموا دفعة 2010 اختي جايبة 83 وعلمي بس للاسف ما مقبووووووله بأي مكان سجلت بس ربها عوضها وطلع
اسمها بالديوان عن طريق وزارة القوى العامله وخلاص الحين تشتغل .......

**الطيوبة** · 02/08/2011 10:08 AM

ايواا هذي السنه واااجد مقبولين
اما السنه الماضيه ما شي

قهر بصراحه

**THE PILOT NASSER** · 02/08/2011 10:09 AM

صحيح،،،

ليش ما يفتحوا المجال لتسجيل في البعثات لطلاب 2010!!!!!!!!!

**كليل الروح** · 02/08/2011 10:41 AM

الكل يعرف إن النة غير عن بقية السنوات

**ملكة الضباب** · 02/08/2011 10:56 AM

الله يعين

**أمير العاصفة** · 02/08/2011 11:37 AM

لا تزيدوني غم شيمة .... السنوات الفايتة أقل نسبة قبلوها فالجامعة 86 وهالسنة الصعايدة بيسة من السبعين قالو داخل الجامعة ًًًًًًًًًًًًًًًًًًًًًًًًً ًًًًًًًًًًًًًً

**الطيوبة** · 02/08/2011 11:41 AM

أرسل أصلا بواسطة أمير العاصفة

لا تزيدوني غم شيمة .... السنوات الفايتة أقل نسبة قبلوها فالجامعة 86 وهالسنة الصعايدة بيسة من السبعين قالو داخل الجامعة ًًًًًًًًًًًًًًًًًًًًًًًًً ًًًًًًًًًًًًًً

صدقت

ف واحد جايب 75 ع ما اظن
وقبلوووه ف التقنيه

**clever for ever** · 02/08/2011 11:46 AM

كل حد ياخذ نصيبه ف هالدنيا

**ليدي 22** · 02/08/2011 11:49 AM

انا من دفعة 2010 عاد ماضربني قهر
احنا جايبين ف التسعينات وخلوها مستوره
وهالسنه كلهم الجامعه

**روعـة** · 03/08/2011 02:15 AM

الحال في هذه السنة كـ حال باقي السنوات لولا المرسوم السلطاني في شهر 5 الذي تقرر زيادة أعداد الطلبة المقبولين في الإلتحـاق بالدراسات العليا ..
الوزارة والقبول الموحد ليس لهما دخل بالأمر ..

**apple** · 03/08/2011 02:40 AM

حـــــــــااااااسدين الفقير على موتة الجمعة

أعوووذ بالله.

**فيلسوف الصقر** · 03/08/2011 02:43 AM

أخوي هذا الي انكتب بسنتكم ورضيوبه الدنيا الدواره تراها والزمن يتغير

**AHMEDaz** · 03/08/2011 07:36 AM

طيب دام في هالعدد الكبير ليش ما تخلونا نسجل

والله العظيم في ناس نسبهم 50 هالسنة ومقبولين تقنية ليش اش فايدته هذا الي جايب 50 وداخل التقنية ؟

اش رايح يسوي

والي جاب 83 السنة الماضية وقاعد بالبيت من يردله حقه

فتحولنا باب التسجيل ترا المقاعد بالهبل هالسنة

**AHMEDaz** · 03/08/2011 07:47 AM

أرسل أصلا بواسطة الجريح9279

هذا نصيبك و توكل على الله و كمل دراستك في صحار

والنعم بالله بس والله حرام

أرسل أصلا بواسطة لديني اعيش

حمدلله هذه مكرمه من السلطان قابووس
وكل سنه غييير عن السنوات الاخرى

والله يووووفق الجميع

وليش 2010 غير تماما !! انجح دفعة والله اسالو كل الكليات عن طلاب هالدفعة كلهم متميزين

هذه جزاتهم

أرسل أصلا بواسطة Abdullahx6

والله كلامك صح

دفعة 2010 وايد كانوا مظلومين

وأنا كان معدلي التنافسي للهندسة بالجامعة 90 وسبحان الله ما قبلوني

وقبلوني تجارة والحمد لله

اي 90 ومامقبولين جامعة انا صديقي 90 وتقنية حاله من حال الي جايب 50

أرسل أصلا بواسطة ضحية حب

بالفعل والله انظلموا دفعة 2010 اختي جايبة 83 وعلمي بس للاسف ما مقبووووووله بأي مكان سجلت بس ربها عوضها وطلع
اسمها بالديوان عن طريق وزارة القوى العامله وخلاص الحين تشتغل .......

اي شفتي مثل اختك في بالهبل من يدرسهم الحين ؟

وين الحكومة عنهم ولا بس الحكومة مهتمة بدفعة 2011 والي جايب 50 داخل التقنية

أرسل أصلا بواسطة الطيوبة

ايواا هذي السنه واااجد مقبولين
اما السنه الماضيه ما شي

قهر بصراحه

قهر ونص انا للحين مو قادر انسى الي صار صج حراااااااااااام

أرسل أصلا بواسطة THE PILOT NASSER

صحيح،،،

ليش ما يفتحوا المجال لتسجيل في البعثات لطلاب 2010!!!!!!!!!

اي البعثاات بالهبل كل الي نبيه يفتحولنا التسجيل وبس !!

أرسل أصلا بواسطة كليل الروح

الكل يعرف إن النة غير عن بقية السنوات

ع راسهم ريشة مثلا ؟ ودفعة 2010 ولااد البطة السودة

لعلمكم دفعة 2010 مو بس انظلمت بالقبولات انحس دفعة بديناها بمرض انفلونزا وانهيناها باعصار فيت

واول مرة كانو يسووا نظام الفصل الواحد كنا نختبر عن كتابين !!

دفعة هالسنة صح فصل واحد بس اختبروا عن كتاب واحد فقط بالنهائي

أرسل أصلا بواسطة أمير العاصفة

لا تزيدوني غم شيمة .... السنوات الفايتة أقل نسبة قبلوها فالجامعة 86 وهالسنة الصعايدة بيسة من السبعين قالو داخل الجامعة ًًًًًًًًًًًًًًًًًًًًًًًًً ًًًًًًًًًًًًًً

اي شفيها خير وبركة

أرسل أصلا بواسطة ليدي 22

انا من دفعة 2010 عاد ماضربني قهر
احنا جايبين ف التسعينات وخلوها مستوره
وهالسنه كلهم الجامعه

صدقتي والله

أرسل أصلا بواسطة روعـة

الحال في هذه السنة كـ حال باقي السنوات لولا المرسوم السلطاني في شهر 5 الذي تقرر زيادة أعداد الطلبة المقبولين في الإلتحـاق بالدراسات العليا ..
الوزارة والقبول الموحد ليس لهما دخل بالأمر ..

بس وزارة كبيرة زي وزارتنا ببلد خليجي ماكان عندها حلول ماكانعندها حلول تدرس الي نسبهم في الثمانينات والي للحسن قاعدين بالبيت

أرسل أصلا بواسطة apple

حـــــــــااااااسدين الفقير على موتة الجمعة

أعوووذ بالله.

لا حاسدين ولا هم يحزنون بس مظلومين ونبي حقنا

**fatma** · 03/08/2011 07:54 AM

اش معنى 2010 بس؟
و 2009 و 2008
إلى آخره..

حظهم كذا..و الحسد ما زين

**AHMEDaz** · 03/08/2011 08:00 AM

2009 و 2008 القبولات كانت مقبولة يعني 78 كان في جامعة

دفعتنا 90 ويادوب تقنية

**عشق الحروف** · 03/08/2011 08:05 AM

يعني بس دفعة 2010 هم الي ما حصلو؟؟ ترا حتى الدفعات الي قبل نفس الحالة
خصوصا بالنسبة للبعثات هالسنة البعثات ببيسة
نحن كنا جايبين فالتسعينات وما قبلونا بعثات وهالسنة فالثمانينات وقبلوهم
خلاص ارضوا بالواقع هذاك حظنا وهذا حظهم
كل واحد ورزقه

**ساكونتالا** · 03/08/2011 08:29 AM

اخيكل واحد ياخذ نصيبه ف هالدنيا،،،،هاي ارزاق ربك يوزعها

شوف تخصصك حلو،،،،وله مستقبل

حاول تتميز فيه،،، الكليات التطبيقيه تعطي الفرصه عشان تكمل الماستر

وتاخذ عدد لا بأس به

مثلا م اول دفه خذوا6

الدفعه2 خذوا 18

ولحد دفعتكم يمكن ياخذوا اعداد اكبر

الله يوفجك،،،ربنا جعل الك هالتخصص لانه فيه خير لك

**AHMEDaz** · 06/08/2011 09:52 AM

طيب كل الي نبيه الحين تفتحولنا باب التسجيل بالفرز الثاني

**شحنه كهربائيه** · 06/08/2011 12:03 PM

أضم صوتي لصوووتكم .......نطااالب بإن يسمحو لنا إن نسجل في البعثات ..
حرام فرق واجد بين هالسنة والسنه الماضيه

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: نداء عاجل من طلاب دفعة 2010 لوزارة التعليم العالي

أدوات الموضوع

البحث في الموضوع

نمط العرض

نداء عاجل من طلاب دفعة 2010 لوزارة التعليم العالي

مواضيع مشابهه

عاجل: لوزارة التعليم العالي: من الدارسين في مصر

نداء عاجل الى معالي وزيرة التعليم العالي

نداء عاجل إلى وكيل وزارة التعليم العالي

سؤال مهم جدا جدا لوزارة التعليم العالي

لمن لا يعلم حقيقة إعتصام طلاب مؤسسات التعليم العالي عاجل

قواعد المشاركة