أفكر برفع دعوى قضائيه ضد وكالة تويوتا.

[Madina Lover]

السلام عليكم.

مشكلتى مع وكالة تويوتا فرع نزوى تتلخص فى أنه أننى أمتلك سيارة افالون 2007 مطلعه من الوكاله وكل السيرفس معهم بس فى الأونه الأخيره بدأت تظهر مشاكل فى السياره وأختصرها فى الأتى:
1.هذا العام تم تغير الجانبينات وقد دفعونى مساهمه ما يقارب 90 ريال.

2.ظهر صوت فى المكينه وتم تغير بعض القطع ودفعونى مساهمه تجاوزت 30 ريال.

3.ظهر صوت أخر بالمكينه وغيرت بعض القطع وتم تدفيعى مساهمه 32 ريال.

4.بعد يوم واحد من أخراج السياره من الوكاله بعد أخر تصليح والذى فى النقطه رقم 3 أعلاه للأسف ظهرت أصوات غريبه مره أخرى فى الماكينه بالأضافه الى وجود أصوات فى السكان وبعض العيوب فى بعض القطع وصراحه تعبت كثير من هذه السياره عموما أنا رحت اليوم وخبرت المسؤلين هناك طبعا كلهم هنود والهندى بكل وقاحه يرد على يمكن أنت تتوهم أنه شئ صوت بسبب أخر تصليح وقال لى أفضل تروح مسقط يمكن أيفيدوك أكثر فوقاحه ما بعدها وقاحه فسؤالى لأصحاب الدرايه:

1.هل تفضلوا أن أذهب لمسقط وأشوف الموضوع هناك ومره وحده أشتكى على المسؤلين بفرع نزوى؟

2.أم هل أرفع دعوى قضائيه بسبب أن سيارتى شهر عندى واسبوع فى الوكاله؟

[صديق الاسد]

اشتكي على الفرع الي في نزوى ولا تسكت صراحه
اذا مايعرفو يصلحو ليش مخلاين بس عشان يضربو رواتب

[سايق الخير]

شوف حماية المستهلك يمكن تستفيد

[MutaZ]

استهدي بالله وروح مسقط قبل

وشوف هناك ايش المشكله

وبعد في مسقط عندهم صندوق الشكاوي ممكن انك تكتب الشكوى او انك تقابل احد المسؤولين وتخبره بالي صار عندك ..


والسلام عليكم

[ديالا علي]

الله يعينك تعال مسقط بلاول وشوف يمكن يساعدوك واذا سويوا كيني ميني رفع دعوه

[Madina Lover]

استهدي بالله وروح مسقط قبل

وشوف هناك ايش المشكله

وبعد في مسقط عندهم صندوق الشكاوي ممكن انك تكتب الشكوى او انك تقابل احد المسؤولين وتخبره بالي صار عندك ..


والسلام عليكم

وعليكم السلام.

مشكور على النصيحه وأنا هنا أخذ أرائكم لأنى صراحه أحتشرت من هذه السياره ومن معاملتهم عوين جديده وسيرفس من عندهم وكل هذا المشاكل تظهر صراحه شئ غير مقبول.

أخوى عنده جمس وغيروا له water pump ولا بيسه دفع.

[Madina Lover]

هل يوجد موقع رئيسى فى اليابان ممكن أرسل شكوى بالأيميل أشرح فيه مشكلتى.

[ملك القلوب السادس]

بصراحه أشتكي عليهم لاتتنازل عن حقك

[ساعة عربية]

أعقلها وتوكل ..!!!

[حمد الريسي]

لا تفكر ارفع قضية

[بطل عمان]

روح مسقط وحاول تراجع الاخوة هناك حول المشكلة واذا قدرت تتوصل مع اد مدراء الورشة حول ذلك

[White Shine]

ما دام عندك تويوتا الله من يعينك من يكمل كم سنه كله مشاكل واسال مجرب

[أحلام كبيرة]

هذي التويوتا اللي الناس تمدحها

الله يعينك أخوي

روح مسقط مثل ما قالوا الشباب .. مع انه اكيد بيخرفوك زيادة
وابحث في المواقع يمكن تحصل إيميل أو شي له صلة بالشركة الأم
والله يصبرك على مشكلتك

[احساس عمان]

شوف اخوي جرب زور البريشيون تيون وخلهم يفحصوها بالكمبيوتر يمكن مال 9 ريال
وان كانت هناك مشاكل فارفع القضية ع وكالة تويوتا واتنت عندك دليل

بس لا تتنازل عن حقك ابدا ابدا

[Madina Lover]

هذي التويوتا اللي الناس تمدحها

الله يعينك أخوي

روح مسقط مثل ما قالوا الشباب .. مع انه اكيد بيخرفوك زيادة
وابحث في المواقع يمكن تحصل إيميل أو شي له صلة بالشركة الأم
والله يصبرك على مشكلتك

قمت بالأشتكاء عليهم عن طريق الأتصال لقسم الشكاوى عندهم وأخبرونى بالرد على غدا.

[Madina Lover]

اذا لم يفيدونى سأقوم بالتواصل مع صاحب الأيميل التالى والذى حصلت عليه فى أحد المنتديات.

يمكن يفيد اللى عنده مشكله.

http://www.qatarshares.com/vb/showthread.php?t=348613

[CM PUNK GTS]

أرفع عليهم قضية والله مصخوه هذول

وأنا مستعد أجيبلك محامي أنجليزي

[F458]

طاح سوق التويوتا

[abum]

وين حماية المستهلك!!

[HASSASOMAN]

وديها لفرع الوطية الرئيسي سريعين في الشغل وعندهم أجهزة أفضل من الفروع الصغيرة
حاول تشرحهم المشكلة بالضبط
حاول تشوف شاب عماني راح يسهل الموضوع أكثر
بالتوفيق

[cr7 giggs]

مااريد احبطك بس بتتعب بدون فايده

الكل معهم لا حماية مستهلك ولا غيره الله ينتقم منهم

[abum]

صراحه كثير انتقادات على تويوتا.

[SaMbA sTaR]

صاحبي بخبرك قصتي ..
عندي اوريون 2007 واكثر من مره اعاني من مشاكل في المكيف .. من اوصل 140 المكيف يقل درجه برودته
والسبب انه في وكاله بركاء عملوا لي فحص مجاني للمكيف ولكن للاسف من يومها والمكيف
هذا حالته بسيارتي بعد مكان زين والحمد لله ..
في البدايه راجعت وكاله بركاء لنهم هم السبب في تعطيل المكيف .. واكثر من مره كنت اقابل بالتطنيش منهم ..
المهم تم تغير قطعه اعتقد اسمها [ كلش ] المكيف ولكن رجعت المكشله مره ثانيه ..
وبالمره الثانيه خبروني انا السبب السير الي يربط المكينه بالمكيف وبدلوه ..
والمره الثالثه خبروني انه الكلش رجع واخترب .. وفي كل مره ادفع ما بين 30 الى 20 ريال مساهمه .. لين طفح الكيل عندي وقررت اتوجه الى مسقط الفرع الرئيسي
واشتكي عليهم لن هم من خربوا مكيف السياراه ..
رحت عن واحد اعتقد اسمه خالد الجابري في الكستمر كي وشرحت له السالفه .. ووعدني خير .. وبعدها بيومين رجعت وطلعت السياراه وتفاجات ان المشكله لازالت
رجعت مره اخرى بس ما رحت عند الكستمر كي رحت عند واحد اسمه محمد الحارثي وهو المسوؤل الاول عن التصليح وتقاشبت معه .. وقلت لهم
السياراه ما اريدها .. وبشتكي عليكم عند الشيخ [ طبعاً هذا كله كان تمويه لهم ] .. ووعدني خير ..
بالمساء اتصلوا فيني انه راح نغير لك الكمبريسر كامل .. وبالفعل تم تغير الكمبريسر كامل ودفعت 20 ريال مبلغ مساهمه ..

/

انصحك تروح الفرع الرئيسي .. والاهم انه تكون حار في تعاملك معاهم .. لنi اذا جلست تتمسكن الهنود ما بيعطونك وجهه ..
اقشبهم قشاب وصدقني راح تطلع بنتيجه ممتازه ..
واستعمل اسلوب التمويه شويه .. خبرهم انك بتوصل الموضوع عند الشركه الرئيسيه الام .. ولا بتخبر الشيخ .. والامور بتضبط معك ..
والاهم من ذالك لازم تكون حازم معهم حتى مع المسولئين العمانين ..

[Madina Lover]

صاحبي بخبرك قصتي ..
عندي اوريون 2007 واكثر من مره اعاني من مشاكل في المكيف .. من اوصل 140 المكيف يقل درجه برودته
والسبب انه في وكاله بركاء عملوا لي فحص مجاني للمكيف ولكن للاسف من يومها والمكيف
هذا حالته بسيارتي بعد مكان زين والحمد لله ..
في البدايه راجعت وكاله بركاء لنهم هم السبب في تعطيل المكيف .. واكثر من مره كنت اقابل بالتطنيش منهم ..
المهم تم تغير قطعه اعتقد اسمها [ كلش ] المكيف ولكن رجعت المكشله مره ثانيه ..
وبالمره الثانيه خبروني انا السبب السير الي يربط المكينه بالمكيف وبدلوه ..
والمره الثالثه خبروني انه الكلش رجع واخترب .. وفي كل مره ادفع ما بين 30 الى 20 ريال مساهمه .. لين طفح الكيل عندي وقررت اتوجه الى مسقط الفرع الرئيسي
واشتكي عليهم لن هم من خربوا مكيف السياراه ..
رحت عن واحد اعتقد اسمه خالد الجابري في الكستمر كي وشرحت له السالفه .. ووعدني خير .. وبعدها بيومين رجعت وطلعت السياراه وتفاجات ان المشكله لازالت
رجعت مره اخرى بس ما رحت عند الكستمر كي رحت عند واحد اسمه محمد الحارثي وهو المسوؤل الاول عن التصليح وتقاشبت معه .. وقلت لهم
السياراه ما اريدها .. وبشتكي عليكم عند الشيخ [ طبعاً هذا كله كان تمويه لهم ] .. ووعدني خير ..
بالمساء اتصلوا فيني انه راح نغير لك الكمبريسر كامل .. وبالفعل تم تغير الكمبريسر كامل ودفعت 20 ريال مبلغ مساهمه ..

/

انصحك تروح الفرع الرئيسي .. والاهم انه تكون حار في تعاملك معاهم .. لنi اذا جلست تتمسكن الهنود ما بيعطونك وجهه ..
اقشبهم قشاب وصدقني راح تطلع بنتيجه ممتازه ..
واستعمل اسلوب التمويه شويه .. خبرهم انك بتوصل الموضوع عند الشركه الرئيسيه الام .. ولا بتخبر الشيخ .. والامور بتضبط معك ..
والاهم من ذالك لازم تكون حازم معهم حتى مع المسولئين العمانين ..

أشكرك أخى جزيل الشكر ومن باكر أسير عند محمد الحارثى.

[تاجر غني]

فرع الوطية احسن شي
وروح قابل مدير السرفس

[الأخطبوط العماني]

شوف صاحبي بعطيك نصيحة إذا حاب تستمر مع تويوتا
لا تسرفس السيارة إلا في مسقط الوطية أو البريمي أو صحار
وبخصوص قطع الغيار لا تشتري إلا من البريمي لأن قطع الغيار تحصلها نص قيمتها في مسقط وصحار وأي مكان ثاني ولا تشك في جودة قطع الغيار أظمن لك إنها بنفس الجودة من الوكالة

أنا مطلع أفالون 2007 من الوكالة وبدأت أسرفسها في بهلاء ونزوى وشفت بقر وخرفان ما صورة فنيين ياللي يسووا السرفس قمت شردت مسقط الوطية وصراحة عاجبني شغلهم سريع ونظيف وتعرف تاخذ وتعطي معاهم

[abum]

شوف صاحبي بعطيك نصيحة إذا حاب تستمر مع تويوتا
لا تسرفس السيارة إلا في مسقط الوطية أو البريمي أو صحار
وبخصوص قطع الغيار لا تشتري إلا من البريمي لأن قطع الغيار تحصلها نص قيمتها في مسقط وصحار وأي مكان ثاني ولا تشك في جودة قطع الغيار أظمن لك إنها بنفس الجودة من الوكالة

أنا مطلع أفالون 2007 من الوكالة وبدأت أسرفسها في بهلاء ونزوى وشفت بقر وخرفان ما صورة فنيين ياللي يسووا السرفس قمت شردت مسقط الوطية وصراحة عاجبني شغلهم سريع ونظيف وتعرف تاخذ وتعطي معاهم

كلام طيب ومشوره حلوه .

[IBN HAKAM]

كما قالوا الإخوة شوف فرع الوطية قبل
وهناك خبرهم مشكلة السيارة وانتقادك على فرع نزوى
وإذا ما استجابوا توجه للعدالة..
والله يوفقك
.

[Madina Lover]

شكلى أروح الوطيه

[صورة بلا برواز]

فيواحد عمانيبيصلح لك السياره اذا ما فادتك الوكاله