(نصيحه لا تحكم على الناس من موقف ترى الناس مخابر مو مناظر)

[عاشقة التميز86]

قصة بنت كانت تطالع

واحد بعين قويه


المهم الرجال طلع شاعر

وما قصر فيها كم بيت عشان تتأدب


لكن المفاجأه هي ؟؟؟؟

وش صار؟؟

تابع القصيدة

يقول:

كل شبر بهالوسيعـه ملـك ربـي تعلميـن
وأعلم إن اللي خلقني هو خلق لـك هالعيـون

لكن انتي من جلستي وانتـي فينـي تحدقيـن
كن ما به ناس غيري بهالكراسـي يجلسـون

لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـون

ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون

الركادة عاد زينة والحياء فـي البنـت زيـن
وفيـك جآزم لا ركـادة ولا حيـاءٍ يـذكـرون


تعرفينـي ؟! أعرفـك ؟! ماأذكـر إنــا ملتقـيـن
لا أعرفك من تكوني و لا تعرفي مـن أكـون


وإطمأني إن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون


مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون


وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجـون


وإذا ببالك عاجبتنـي لا يحوشـك تحلميـن
صح ربعي من جمالك فيـك صـار يمدحـون


بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون


ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون


وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون


إنتـي خرسـا أسألـك ولا منتي تسمعيـن؟؟
قالوا ربعي ذي كفيفـة قلـت لا لا تمزحـون


لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون


آه ياني منه مشهـد يـوم شفتـك ترحليـن
جيت اشوف عيون ربعي لقيت الكـل يدمعـون


يالكفيفة يالعفيفـة إن قلـت آسـف تقبليـن؟؟
يغفر الله ذنوب عبده ليا خطا وهـل تغفـرون؟؟؟؟

(نصيحه لا تحكم على الناس من موقف ترى الناس مخابر مو مناظر)

صدق والله

[العرافه]

كيف يعني عين قويه ؟؟
هل كانت نظرتها اعجاب ام اندهاش. ام ماذا بالضبط..
السلبيه اراها في الشاعر

[عاشقة التميز86]

كيف يعني عين قويه ؟؟
هل كانت نظرتها اعجاب ام اندهاش. ام ماذا بالضبط..
السلبيه اراها في الشاعر

انت اقرأيي القصيدة وراح تفهمي المقصود اختي واساسا القصيدة توضح ان الشخص ما لازم يحكم على الناس من الظاهر فقط
شي اسمه جوهر الشخص وهذا اللي لازم نفهمه وليس الظاهر

[SoLeH]

معك ف نصيحتك ... ولكن ضد ما قال الشاعر ... تقبلي المرور ...

[عاشقة التميز86]

اشكر مرورك الطيب
وطبعا انا لست مع الشاعر لانه ظلم البنت لما وجه لها الابيات لانه حكم عليها بالظاهر ولم يعرف الجوهر الذي كان بداخلها

[سلطنه مدريد]

معك ف نصيحتك ... ولكن ضد ما قال الشاعر ... تقبلي المرور ...

نوبه انا ..

[العرافه]

انت اقرأيي القصيدة وراح تفهمي المقصود اختي واساسا القصيدة توضح ان الشخص ما لازم يحكم على الناس من الظاهر فقط
شي اسمه جوهر الشخص وهذا اللي لازم نفهمه وليس الظاهر

ومن قالش ما قريتها..
انا سؤالي..
شو المقصود بالعين القويه؟؟
وهل هو ادرى بشو داخلها عشان يسوي هالسلسله الكبيره من (اللعيان)
ياما ناس تشوف وتركز وتطلع نيتها صافيه

عجب ويش بيقول لو ايراني شاف عليه ..

[SoLeH]

اشكر مرورك الطيب
وطبعا انا لست مع الشاعر لانه ظلم البنت لما وجه لها الابيات لانه حكم عليها بالظاهر ولم يعرف الجوهر الذي كان بداخلها

تمنيت لو إنك لم تستعيني بالشاعر ف طرحك ...
وكم كان جميلاً لو اكتفيت بنسج قصة من تأليفك بنفس المضمون ...

[عاشقة التميز86]

ومن قالش ما قريتها..
انا سؤالي..
شو المقصود بالعين القويه؟؟
وهل هو ادرى بشو داخلها عشان يسوي هالسلسله الكبيره من (اللعيان)
ياما ناس تشوف وتركز وتطلع نيتها صافيه

عجب ويش بيقول لو ايراني شاف عليه ..

اختي الكريمة انا ادري ان الشاعر غلطت لما وجه هالابيات للبنت
واللي اقصده ان الشاعر استعجل في الحكم على البنت لان البنت ما كانت اساسا تشوف يعني كانت عمياء وبعدين اكتشف خطأه وعرف ان هو ظلمها بكلامه
اشكر مرورك الطيب

[العرافه]

اختي الكريمة انا ادري ان الشاعر غلطت لما وجه هالابيات للبنت
واللي اقصده ان الشاعر استعجل في الحكم على البنت لان البنت ما كانت اساسا تشوف يعني كانت عمياء وبعدين اكتشف خطأه وعرف ان هو ظلمها بكلامه
اشكر مرورك الطيب

عزيزتي لك الشكر كلــه

[عاشقة التميز86]

تمنيت لو إنك لم تستعيني بالشاعر ف طرحك ...
وكم كان جميلاً لو اكتفيت بنسج قصة من تأليفك بنفس المضمون ...

انا كنت اريد اذكر دليل مع الموضوع وحصلت هالقصيدة ما فكرت اني أألف قصة اخي
ما عليه في المرات القادمة
اشكرك ع المداخلة اخي

[العبير9999]

،،،،،،،