الزواج حلم يراود هاجس شبابنا

[مذكرات انسانه]

كلام غلط 200/200

عجب ابائنا واجدادنا تزوجو وهم في العشرينات ، الحمد لله حياة مستقرة واولاد ورزق ،،

ترى ما كل الناس نفس الشي ،، شفنا ناس في الثلاثينات والاربعينات كأنهم أطفال ماشي عقل ،،
ومعظم علماء الدين والفقهاء يشجعون على الزواج المبكر ،، ياخي شوفو القدامى ،،
صح ان كثير من شباب ذالايام يريد يعيش حياة رفاهية وبس ,, لكن ما كلهم ,,

انا ولد خالي تزوج وهو في منتصف العشرينات ،، والله العظيم حياته إستقرت اكثر وعنده اولاد ’’
هذا خير مثال ،،

البعض قد تستقر حياته والبعض لا..حسب عقلية كل واحد..واعتقد ان السن ماله علاقه..
وانا اولاد خوالي اول ما دخلوا سن العشرين تزوجوا وحياتهم مستقره..
وكذا عندنا في البلد اغلب الشباب يتزوجوا ف عمر 20 و21 سنه..

[مذكرات انسانه]

أكيد الشاب إذا جاهز من كل النواحي لا بأس انه يتزوج بدري@مذكرات انسانه

أكيد..

[فلك السلامة]

حلم فتاة رجل غني عنده منصب

[شايف وطايف]

إي والله متى بنتزوج
بس نريد نخلص قبل

[وصايا]

حلم فتاة رجل غني عنده منصب

ما شفناهم حتى فالحقيقة ما موجودين

@فلك السلامة

[unico]

والله تعبنا من هذي المواضيع
بالله عليكم بنت فوق 30 وبعدها تشوف نفسها صغيره على الزواج؟؟؟؟
أنتم استمرن على هذا الموال واتحداكم بيجيكن يوم ما تحصلن حت هندي يقبل الزواج منكم لأنه الشباب راح يحصلو بديل عنكم وعاد يدورو سبب بس.
بتمر السنين وتقولي كلام unico طلع صحيح وما ينفع الندم بعدين
أنصحكم لا تتاخرو الزواج كثير وارحمو شباب الوطن من هذي المهور الغاليه وتكاليف العرس الي ما لها داعي تراه صبرهم بينفذ وبيطفح الكيل وانتم ما آخر بنات في الدنيا تراه المسلمات والجميلات منتشرات في العالم ما يريدلها ضرب طبل وفهموها وهيه طائره والسلام عليكم وخلصت المحاضرة سيرو رقدو ههههههههههه

[كركديه]

عفوًا بس كيف العمر له علاقة بالطلاق والمشاكل بين الزوجين؟

لو كان الشخص صغير لكنه إنسان ناضج وتفكيره أكبر من عمره ايش المانع من إنه يتزوج؟

أما سالفة المهور العالية والتكاليف اللي تأخر الشباب فـ هذي أسمع عنها ف السبلة بس .. ف عيلتنا محد يطري هالاسباب وعلى اليومين يعزمونا ع عرس

المشكلة إنه الشباب الحين ما يروحوا يخطبوا إلا من المناطق اللي فيها المهور مرتفعة..عاد تحملوا دام ما بغيتوا إلا من هناك

[hamed86]

كلامك صحيح 200\200. ياليت الوالده تسمع منك. هلكونا تزوج وتزوج.

اسباب كثر الطلاق هو الزواج المبكر وانت الصادق
الواحد تو على باب الله .. توه طالع من 12 ومشتغل قال عاد ابى اتزوج
انزين أسأله باللي له واللي عليه فالزواج .. مايعرف .. بس اللي يعرفه انه يريد يتزوج ويستقر
في رأيي انسب وقت للزواج هو بداية الثلاثينات.. يكون الشخص فهالسن انضج ومعرفته بالحياة وماتترتب عليها من مسؤليات ومصاعب أعمق .

[mgmmj]

ولا قلتلي جدك تزوج جدتك وهي تدرس آه ؟
والله نوبى يستوي ان فيه مدارس ماقبل 1970 !
إلا إذا كان قصدك مدرسة قرآن تحت سوقمه .. بعد يستوي .

ليش تسألني انا ؟؟

[mgmmj]

البعض قد تستقر حياته والبعض لا..حسب عقلية كل واحد..واعتقد ان السن ماله علاقه..
وانا اولاد خوالي اول ما دخلوا سن العشرين تزوجوا وحياتهم مستقره..
وكذا عندنا في البلد اغلب الشباب يتزوجوا ف عمر 20 و21 سنه..

رد مقنع ,,

[mgmmj]

ولد الحلال الله يهديك ماشي مجال للمقارنة بين شباب أول وتو !
يعني هذي أمور مايحتاج نشرحها .. معروفه !
شباب أول تلقاهم ناضجين من صغرهم .. يشتغلوا ويكدوا بر وبحر .. فالمزارع والصحاري .. شباب هدتلهم حيلهم مصاعب الحياة وقساوتها والعيشه من صغرهم .. الواحد عمره 7 سنوات أو أقل بتلقاه يشتغل من فجر الله الى مغيب الشمس بكزمه وشيول وهيب ويا أبوه
الجوع والعيشه الضنكى والمعاناه فإيجاد لقمة العيش والمعيشة سوتهم رجال صح من صغرهم .. وهذا غيض من فيض بس .. وتقولي أول أجدادنا !
بالله عليك فيه مجال للمقارنه بين شباب أول وتو أو حتى تجوز المقارنة أصلاً ؟!

انت نسيتي شي واحد ,, انا قلت ’’ ما كلهم ’’
نحن ناس عشنا في السيوح والجبال لحد الحين ’’ خليكي من شباب مال دلع انا ما اقصدهم هما ’، كلامك صح ’’
بس في شباب انا اعرفهم التقاليد القديمة تجري في عروقهم ، وانا واحد منهم ’’
انا اعرف شباب اول واعرف شباب ’، ما لازم تعلميني ’’ ترى حتى انا اكد ليل نهار ،
عطيتك مثال ولد خالي ,, عمره 25 ’، عنده اولاد وما سوالفه دلع ,, ترى ما كل الناس نفس الشي ’’
بالله عليك يعني كلهم الشباب مال تو ما مثل القدامة ’’

انتي ما شفتيني انا حتى ’’ تقولي مزارع وصحاري ’’ نحن لحد الحين نعيش في هذي الاشياء ’ ما كلهم الشباب نفس الشي ،،
اجدادنا القداما دمهم يسير في عروقي الحمد لله ’،

[mgmmj]

كلام هاي كواليتي مميز وأتفق معاه ...
أولاد اليوم ما عندهم درايه كثيرة بالحياة وبتجاربها وللعلم بالأغلبية اندفاعهم للزواج في سن مبكر هو بدافع جنسي بحت أو تجنبا لكلام الأهل ...
أنا أتفق معاكم فيه شباب تزوجوا بسن مبكر وحياتهم موفقه بس والله نسبه بسيطه لأني اعرف كثير من زملائي عندهم علاقات خارجية والسبب زواجهم المبكر لأسباب خارجه عن الهدف الرئيسي من الزواج وهو الإستقرار .. يمكن إحنا ما نشوف داخل البيوت عشان نحكم باستقرار حياتهم بس والله كثير مشاكل صارت من ورا هالزواج المبكر خصوصا مع طفرة الحياة السريعة وشبكات التواصل الإجتماعي صار الشاب يبحث عن متنفس خارج إطار الحياة الزوجية مع زوجته ...
نمط الحياة الماضي بأطفاله وشبابه تغير كثير عن نمط حياتنا اليومي في الطبيعه والشخصية فلا مجال للمقارنه مع أولاد الأمس ...

كلامك صحيح ،، بس في قلة من الشباب لا يزالو يعيشو التقاليد القديمة ,, واهلي أقرب مثال ’،
اولاد خالي اولاد عمي ,, متزوجين نصهم ’ في اعمار 25 و26 والحمد لله عايشين نعمة ’’
انا اعرف اي صنف من الشباب انت تقصد ’’ بس ما كلهم

[مهندس انتاج بترول]

المصيبه فالباطنه محد يزوجك أقل من 10 الف

[وصايا]

المصيبه فالباطنه محد يزوجك أقل من 10 الف

باغي بيضا وطويله وشعرها حرير ومدرسه عادي ادفع

[هاي كواليتي]

باغي بيضا وطويله وشعرها حرير ومدرسه عادي ادفع

لا حبيبتي
بالنسبة للباطنة شمال هذا مهر اللي جالسات فالبيوت بس
لكن مهر المدرسات مايقل من 15 ألف .. هذا أقل مهر .. يوصلن مهورهن لل20
15 ألف هذا بعده اللي مراعي الناس بس يطلب 15 ألف أو يكون زواج أقارب
بس فالحقيقة مهرهن أكثر من كذا

[هاي كواليتي]

ماقاصر إلا ينكتب فيها الوحدة عقد بيع وتنازل خلاص !
ترا إستوى بيع وشرا هذا .. مو زواجه !

[مهندس انتاج بترول]

باغي بيضا وطويله وشعرها حرير ومدرسه عادي ادفع

ههههههههههههههه
قايل حل ابوي ما ادفع غير 8.5 الف
قال ابوي ما حد بيزوجك
قلت له خليهن يضموهون فالبيت
انا ما اريد اتسلف

[مهندس انتاج بترول]

لا حبيبتي
بالنسبة للباطنة شمال هذا مهر اللي جالسات فالبيوت بس
لكن مهر المدرسات مايقل من 15 ألف .. هذا أقل مهر .. يوصلن مهورهن لل20
15 ألف هذا بعده اللي مراعي الناس بس يطلب 15 ألف أو يكون زواج أقارب
بس فالحقيقة مهرهن أكثر من كذا

سمحيلي عاد
ما يوصل كذا
انا اكثر وحده سمعهتها متزوجه ب11 الف من صحار
عاد من لوى وشناص يمكن

[مهندس انتاج بترول]

ماقاصر إلا ينكتب فيها الوحدة عقد بيع وتنازل خلاص !
ترا إستوى بيع وشرا هذا .. مو زواجه !

يعني كم لازم يكزن مهرها ؟
اتوقع 7 او 8 مناسب

[الفتى الشمالي]

المصيبه فالباطنه محد يزوجك أقل من 10 الف

من لا يحب صعود الجبال

........................

[هاي كواليتي]

سمحيلي عاد
ما يوصل كذا
انا اكثر وحده سمعهتها متزوجه ب11 الف من صحار
عاد من لوى وشناص يمكن

جارتي اختها متزوجة من قريب وتقول انه مدفوع لاختها 15 ألف .. وبعده اللي متزوجنها من أهلهم

واعرف واحد مزوج بنته الحين ب9 الاف والبنت جليسة بيت .. لا تشتغل ولاشي
وبعدني افتكرها تشتغل .. قال ابوها ﻷ ماتشتغل .. اللي تشتغل مستحيل نزوجها بهالمهر

[مهندس انتاج بترول]

جارتي اختها متزوجة من قريب وتقول انه مدفوع لاختها 15 ألف .. وبعده اللي متزوجنها من أهلهم

واعرف واحد مزوج بنته الحين ب9 الاف والبنت جليسة بيت .. لا تشتغل ولاشي
وبعدني افتكرها تشتغل .. قال ابوها ﻷ ماتشتغل .. اللي تشتغل مستحيل نزوجها بهالمهر

ممم انتوا مال الفلج او لوى او شناص

في صحار من 8 الى 10 وقليل 11

[مهندس انتاج بترول]

لا حبيبتي
بالنسبة للباطنة شمال هذا مهر اللي جالسات فالبيوت بس
لكن مهر المدرسات مايقل من 15 ألف .. هذا أقل مهر .. يوصلن مهورهن لل20
15 ألف هذا بعده اللي مراعي الناس بس يطلب 15 ألف أو يكون زواج أقارب
بس فالحقيقة مهرهن أكثر من كذا

انزين تو البنت ليش تحتاج هذا المبلغ الكبير من المال ؟
تو هيه باغيه فلووس ولا باغيه شاب يستر عليها بالحلال
البنت اصلا ما تستفيد من المهر
كله لعب عالفاضي

[هاي كواليتي]

من لا يحب صعود الجبال

........................

هالحكمة ماراكبة فهالظرف .. ايش يحدك على ركوب الجبال اذا فيه تلال تأدي نفس الغرض ؟؟
يعني لازم الواحد يتزوج من منطقته بس ؟
صوب الداخليه والشرقيه بعدهن المهور أقل شوي من باقي المناطق

أخوي متزوج من الخابورة ب4 الاف
واخوي الثاني متزوج من الحمراء بعد ب4 الاف .. وعايشين كلهم ومرتاحين والحمدلله
ياخي ماادري ايش غرض الاهالي من طلب مهر كبير كذا لبناتهم !

[هاي كواليتي]

انزين تو البنت ليش تحتاج هذا المبلغ الكبير من المال ؟
تو هيه باغيه فلووس ولا باغيه شاب يستر عليها بالحلال
البنت اصلا ما تستفيد من المهر
كله لعب عالفاضي

كله لعب وفشخرة
ربيعتي مسوية كوشة ومعرسة فصالة وشارية ذهب ومشتريات وهدايا ب5 الاف وانا اريد ازيد عليها .. هي مااحسن مني بشي .. بسوي احلى وافضل عن اللي هي مسوتنه

[مهندس انتاج بترول]

كله لعب وفشخرة
ربيعتي مسوية كوشة ومعرسة فصالة وشارية ذهب ومشتريات وهدايا ب5 الاف وانا اريد ازيد عليها .. هي مااحسن مني بشي .. بسوي احلى وافضل عن اللي هي مسوتنه

وكله من ضهورنا احنا الشباب تراه

[مهندس انتاج بترول]

هالحكمة ماراكبة فهالظرف .. ايش يحدك على ركوب الجبال اذا فيه تلال تأدي نفس الغرض ؟؟
يعني لازم الواحد يتزوج من منطقته بس ؟
صوب الداخليه والشرقيه بعدهن المهور أقل شوي من باقي المناطق

أخوي متزوج من الخابورة ب4 الاف
واخوي الثاني متزوج من الحمراء بعد ب4 الاف .. وعايشين كلهم ومرتاحين والحمدلله
ياخي ماادري ايش غرض الاهالي من طلب مهر كبير كذا لبناتهم !

المشكله من المناطق الثانيه صعب تسأل عنهم
لانه يمكن يطلع فيهم عرق

[هاي كواليتي]

نسوا اﻷهل أنهم بيتورطوا فرد هالمبلغ الكبير لو لاسمح الله صار شي والبنت تعذبت وماأرتاحت فهالزواج وحبت تنفصل

[هاي كواليتي]

المشكله من المناطق الثانيه صعب تسأل عنهم
لانه يمكن يطلع فيهم عرق

مافيه شي اسمه صعب
تسأل عن شيخ المنطقة وتسير عنده وسأله عن اي شي تباه

[مهندس انتاج بترول]

هالحكمة ماراكبة فهالظرف .. ايش يحدك على ركوب الجبال اذا فيه تلال تأدي نفس الغرض ؟؟
يعني لازم الواحد يتزوج من منطقته بس ؟
صوب الداخليه والشرقيه بعدهن المهور أقل شوي من باقي المناطق
أخوي متزوج من الخابورة ب4 الاف
واخوي الثاني متزوج من الحمراء بعد ب4 الاف .. وعايشين كلهم ومرتاحين والحمدلله
ياخي ماادري ايش غرض الاهالي من طلب مهر كبير كذا لبناتهم !

حتى من صحار تحصل ب 5 الف بس سكني ما تشتغل
الغاليات السكني تجاري المدرسات والدكتورات والممرضات
الي في الميناء محد يباهن