تعالوا يا بنات نتشارك مع بعض بتجاربكم ف التجارة والمشاريع الصغيرة

**أم أريام** · 02/08/2013 04:02 PM

التجاره يحتاجلها صبر مشكلتنا نتوقف بسرعه اذا ما مشى المشروع

**مزودة3** · 04/08/2013 10:00 AM

خاطري افتح مشروع..

بس ماشاء الله تو الكل يتاجر..ك

**أسماء سيف** · 05/08/2013 11:26 AM

.
موضوع جممميل
جااري التفكيير .. أكره اني أجلس بدون عممل

وتو بخلص دراسة .. ان شاء الله دعوااتكم

ان شاء الله مستقبلاا ..

وجااري الاستفااده منكن

موفقااات ياارب

**حنطاوية** · 05/08/2013 01:24 PM

انا بديت بمشروع خياط عبايات
وعندي محل بس للاسف الخياط شرد عني و تورطت فالخياط لمدة 4 اشهر ادفع الايجار ببلاش
بس بعدها اجرت المحل والحمدلله استلم من الايجار مبلغ مش بطال
ومشروعي القائم حاليا
الطباعة على القمصان والكفرات والاكواب و لعب البزل
والميداليات والسيديات و والرخام اعمل تغليفات هدايا بعد بس بشرط تعملي شي من عندي
والحمدلله المشروع ماشي وعليه إقبال كبير
حتى كم وحدة من صديقاتي و اقربائي
عرضوا يشتروا المشروع مني
وطبعا الترويج والاعلان كان عن طريق الواتس
والاهل و شوي شوي صرت اعمل اودرات لاندية والحمدلله
و عندي اوردرات للمناطق البعيدة نفس صلالة
ولخارج السلطنة

وسلامة راسكم

**muqaimi** · 06/08/2013 11:18 AM

حلو
بس الحين صعب اي وحده تسوي المشاريع البسيطه
احس معطمهن يتاجرن ف الملابس والبخور والعطور والشنط والنعلان والصالونات
يعني المفروض ننوع ماكله نفس الشي

**9الجنينه** · 06/08/2013 11:50 AM

حلو الموضوع ومنكم نستفيد
الله يسلمك انا خطفت على الكل تقريبا

كنت ابيع شيل سوده من تصميمي والحمدالله لاقى إقبال عليه ومليت
و بعدها حولت اسوي حلويات و ابيعه ومليت
و بعدين اشتريت قطع و ابيعه بين الحريم
والحين ثبت في تجاره و الحمدالله اموري ماشيه تمام
الحمدالله اهم شي الرزق الحلال حتى لو كان بالقليل

اخر سفره لي كانت لتايلند و شفت اسعار الاغراض هناك رخيص بشكل و التجار عندنا ياخذ ربحهم بسعر مضاعف كثير
فطرت في بالي اني افتح محل ويكون بسعر يكسر سعر السوق مع بضاعه مضمونه وجوده عاليه
وطبعا كان تحدي لي في البدايه بس الحمدالله ربي يسر لي ..
وحاليا عندي محل
تقريبا صار له 6 أشهر و الحمدالله اموره عال العال
وشريكي في التجاره هو شريك حياتي
و الحمدالله

**باحثة ع عمل** · 06/08/2013 01:34 PM

انا الحين بديت مشروعي تاجير ملابس تقليديه ف البيت بحكم المنطقه الا ساكنه فيها ماف هالنوع من المحلات الا تقريبا 3 واسعار غاليه جدا ومقاسات كبيره بس صادف رمضان وماف مناسبات والحمدلله ف ردودا من بعض البنات ع الملابس واذا توفقت ان شاء الله بفتح محل.

**ام عبادي** · 10/08/2013 04:23 PM

الحمدلله
انا من 4سنوات بدات بالطباعه في الاكواب والسيراميك
الحمدالله مستمره وايضا في عمل التوزيعات
بس ماطورته يعني ماانشره كثير ولا ما فتتحت محل
عندي انستجرام لو تحبو تشوفوا الصور

alzean55555

**muqaimi** · 13/08/2013 09:11 AM

شو افكار بعد

اعطونا؟؟

**بسمة س** · 13/08/2013 05:15 PM

انا الحين باديه ف تجاره بسيطه فالبيت ودعواتكم من القلب لي

**Maryoma** · 13/08/2013 05:37 PM

هلا حبوبه انا بصراحه عندي هوس فالشنط المحافظ الملابس والميك اب والنعلان وكذا
ودايما ادش موقع ebay العالمي المشهور وخاصه الملابس الكوريه تجنن مثل البجامات والجاكيتات وكذا
وخاطري انزل مواضيع فالسبله تخص كل هالاشياء انزل الصور مع الاسعار واشوف الاقبال
طبعا اعرف انه واجد شغلانه ويحتاج وقت وفلوس ويحتاج ادور حد عنده بطاقه دفع الكترونيه عشان يجيب لي الاغراض هذا من غير العموله اللي بياخذها ومن غير ان هالاشياء حلوه وغاليه والشحن يكلف فما اعرف اذا البنات يتقبلوا الاسعار او لا
واللي اعرفه ان واجد عرايس ويدوروا هالاشياء لان في سيتي سنتر واجد غاليات
فمحتاره انتوووووووووووووووووووووو وا ايش رايكم

**عاشقة الحرم** · 14/08/2013 10:30 AM

والله احس الكل يسوي تجارة
خاطري والله ابدأ واسوي تجارة

**BHfashion7** · 14/08/2013 10:31 AM

ما شاء الله تجارب حلووووة ...الله يوفق الجميع

أنا من طلعاتي لدبي وتسوقي وبالصدفة دخلت محل كبير لبيع اللانجري وبيجامات النوم
وبدون سابق تخطيط قررت آخذ مجموعة والحلو إن صاحبة المحل كانت موجودة فسوتلي تخفيض حلو
فأخذت 12 قطعة وبعتهم بسرعة لأنهن أرخص من المحل نفسه..والمره اللي بعدها أخذت 62 قطعة ومتبقي منهن 3 قطع
وبعدها أخذت 15 ومتبقي القليل والحمدلله وكل اللي أخذن مني على فترات يطلبن غيرهن
والحين بعد ابتديت فالعبايات وأخذت 8 قبل العيد ومتبقي شوي منهن ومفكره آخذ غيرهم واستمر فالتجارة
وبعد آخذ من بنت فعمان أقمشة قطن للأهل وصاحباتي وأستفيد منهن نص ريال ...شي بسيط لكن يعتبر فائدة

بس مشكلتي ما كثير افتح النت وفيه فترات ما افتح السبلة أبدا بحكم عملي

دعواتكم لي بالتوفيق

**همسات اخت** · 14/08/2013 06:24 PM

**لمعة الالماس87** · 15/08/2013 10:24 AM

انا مشروعي تصميم صور..
بديت بصور الاهل لين ما تمكنت .. والحين تعاملت مع استوديو ومصورات .. والحمدلله الكل راضي عن شغلي ..
واللي يريد يشوف .. يتابعني ع الانستجرام
Ghassanidesign

**ام لمار 87** · 15/08/2013 11:11 AM

بالتوفيق اخواتي فية عندك مشروع الملابس والاحذية والحقائب

**ميريم** · 18/08/2013 01:41 PM

انا بديت بمشروع الرسم ع الشيل انا ووحده من الاهل جلنا بنبدي ب10 شيل
طبعا سوينا انباعن 10
قامن يستغلن مع انه فيه كرستال اصلي
وبعنا الوحده ب8 ريال
انباعن 5 بس
ومنها م سويت لان نحن نتعب ويبونه بالرخص

**نسمة الكوس** · 19/08/2013 09:06 AM

لي تبا تسوووي مشروووع مربح

تتعلم نقش الحناء

وربي ف مناسبة وحدة
مثل العيد تربح 500ريال
تعلمن نقش الحناء

بالتوووفيق لكن

**ملكة الطيب** · 19/08/2013 09:37 AM

أرسل أصلا بواسطة أم الريم الشرجية

معكن ام الريم
96520595 هذا رقمي صاحبة تجارة ومعي مجموعات للتاجرات وإذا تحبن تنظمن تواصلن معي على الرقم وبضمكن في المجموعات

حلو الواحد يبدأ من الصفر

انا نفسي اسوي مشروع ويكون لي دخل ثاني
انا موظفة
بس من ارجع البيت كله جلوس وقلة شغلة
نفسي ابيع عبايات تكون مميزة وجميلة
بس المشكلة انه منطقتنا ما يشترو الا بدين وانتظار الرواتب
وهذي بحدها مشكلة
عندي راس مال 2000 ريال
بس مخلتنهم لليوم الأسود
عاد شجعونا ايش اسوي

**الحياه ابتلاء** · 20/08/2013 11:24 AM

انا افكر اسوي تجاره بس المشكله ما عندي قدره تسويقيه... سويت مره فالبخور واللبان
المعطر وبعد اللبان ريحته فظيعه.. ونزلت اعلان فالواتسب للاهل والعيله ومحد عبرني..واللي زعلني
اني شفت حريم العيله يشترين من حريم ثانيات ولما انا اخبرهن عنه ما يعبرني ولا حتى يكلفن نفسهن
يشوفنه..وبعدين فملابس النوم ورسلت حال الاهل ومحد فيسني...عاد انسدت نفسي مع ان اسعاري كثير رخيصه
يعني اللبان الغرشه اللي غطاها اصفر سعرتها بريالين ونص بس وريحتها حلوه..عاد تشائمت وما سويت شي..
احسه بالحظ لان وحده من الاهل سوت تجاره فاشياء ثانيه وماشيه معها كل الزبائن من العيله..يعني مساله حظوظ وارزاق

**ملكة الطيب** · 20/08/2013 01:08 PM

أرسل أصلا بواسطة الحياه ابتلاء

انا افكر اسوي تجاره بس المشكله ما عندي قدره تسويقيه... سويت مره فالبخور واللبان
المعطر وبعد اللبان ريحته فظيعه.. ونزلت اعلان فالواتسب للاهل والعيله ومحد عبرني..واللي زعلني
اني شفت حريم العيله يشترين من حريم ثانيات ولما انا اخبرهن عنه ما يعبرني ولا حتى يكلفن نفسهن
يشوفنه..وبعدين فملابس النوم ورسلت حال الاهل ومحد فيسني...عاد انسدت نفسي مع ان اسعاري كثير رخيصه
يعني اللبان الغرشه اللي غطاها اصفر سعرتها بريالين ونص بس وريحتها حلوه..عاد تشائمت وما سويت شي..
احسه بالحظ لان وحده من الاهل سوت تجاره فاشياء ثانيه وماشيه معها كل الزبائن من العيله..يعني مساله حظوظ وارزاق

لا تيأسي حاولي تشوفي بضاعة غير

**نخلاوية** · 21/08/2013 02:58 AM

أحححب سوالف التجارة والمشاريع
ان شاءالله لما اشتغل بسوي لي مشروع صغنون
عندي كم فكرة ف راسي

**مميزة بطبعي أنا** · 21/08/2013 10:59 AM

يااسلام شي راائع الواحد يشوفله مصدر دخل غير الراتب الشهري ^_^.. منها يقضي وقت الفراغ وينشط عقله بشيء مفيد ...

انا عندي هوووس بالمكياج كثييييييير أعشق المكياج .. قبل كم سنه كنت أمكيج البنات والحمدلله كان يجووني بنات بس للأسف توقفت فترة لضروف صحية .. وان شااءالله النية موجوده للرجوع بشكل أقوى خخخخخخخخ .... الواحد اهم شي يسوي نية ويعزم عليها وربي ييسر أموره

**أميره بإحساسي** · 21/08/2013 03:03 PM

بنات العليه عندنا ياخذو قمصان النوم من المعرض لانه اسعارهم حلو ورخيص
جاتني فكره اجيب قمصان النوم وابيعهم بسعر المعرض او اقل
بس من وين اقدر اشتريهم

**أم العبابد** · 22/08/2013 10:23 AM

صباحكم فن وابداع

**أم العبابد** · 22/08/2013 10:28 AM

اعشق الاعمال اليدويه.. نميت هوايتي وبفضل من الله.. تخصصت في عمل التوزيعات وتغليف الهدايا.. وعمل مسكات العرايس للملابس التقليديه.. انا عضوه قديمه في سوق السبله.. معرفي القديم لؤلؤ و الماس.. حابه انزل صور شغلي للاسف الصور ماتحملن.. والتوفيق للجميع باذن اللله تعالى

**أم العبابد** · 22/08/2013 10:29 AM

عزيزاتي اللي عندها فكره عن تنزيل الصور تذكرها ..

**الحياه ابتلاء** · 22/08/2013 10:50 AM

أرسل أصلا بواسطة أميره بإحساسي

بنات العليه عندنا ياخذو قمصان النوم من المعرض لانه اسعارهم حلو ورخيص
جاتني فكره اجيب قمصان النوم وابيعهم بسعر المعرض او اقل
بس من وين اقدر اشتريهم

انا لفيت فسوق مطرح فمحلات الجمله... وحصلت عندهم اشياء حلوه...
حصلت ملابس النوم سعر الوحده طلع 600 بيسه... وشفت هنا فالسبله نفسهم ب 3 ريالات يبيعوهم

**Um Sabri** · 25/08/2013 05:26 PM

أرسل أصلا بواسطة نسمة الكوس

لي تبا تسوووي مشروووع مربح

تتعلم نقش الحناء

وربي ف مناسبة وحدة
مثل العيد تربح 500ريال
تعلمن نقش الحناء

بالتوووفيق لكن

نفسي أتعلم .. بس كيف؟؟؟؟؟؟

**جنات الفردوس** · 26/08/2013 01:52 AM

موفقات بنات ف التجاره

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: تعالوا يا بنات نتشارك مع بعض بتجاربكم ف التجارة والمشاريع الصغيرة

أدوات الموضوع

البحث في الموضوع

نمط العرض

بزنس

مواضيع مشابهه

وزارة التجارة والصناعه والمؤسسات الصغيرة والمتوسطة

القلق يساور الشباب العماني بعد استقصاء اصحاب المهن والمشاريع الصغيرة من التوظيف بالمكرمة الساميه

وزارة التجارة تعلن عن البرنامج التدريبي لأصحاب المؤسسات الصغيرة والمتوسطة في هولندا

نعمل لتطبيق حلول لتسخين الماء في المنازل والفنادق والمشاريع الصغيرة والضخمة ..

وزارة القوى العاملة تعلن عن حزمة من الخدمات لأصحاب أفكار المشاريع والمشاريع الصغيرة القائمة

قواعد المشاركة