^-^ اللهم يسر حمله وسهل ولادته [ تجمع الحوامـــــ2020ـــل ]

[سماالشحي]

ـالسلام عليكم ورحمه الله وبركاته

نبدا سلسله جديده من تجمع الحواامل ..
نتبادل السوالف والخبرات وناخذ علوم بعض



[IMG][/IMG]
*


الحمد لله ع سلامه مواليد شهر يناير*
تهاني ال

moon89as
-----------

*مواليد شهر فبراير *
@سعادة قلبي A
2/2/2020

-----------

*مواليد شهر مارس *

@نورالين
1/03/2020


@روح البدارة
14/03/2020

@دونت كير
29/3/2020

@أريج محمدي
30/03/2020
--------

*مواليد شهر إبريل*

@قصة خيال

@Noor Alzaman

@غرور إمرأة

3/04/2020





@همسة أم
13/04/2020

@hadeel faha
21/04/2020
--------

*مواليد شهر مايو*

@زهرة الحناء91

@سماالشحي
18/5/2020

——
مواليد شهر يونيو
أمنصر
04/06/2020

@umfarid
موعد الولادة المتوقع 5/6/2020


مواليد شهر يوليو
بائعة الاحزان
تاريخ المتوقع 3/7/2020


________________
مواليد شهر اغسطس
Asma ali alblushi
21/8/2020


نسأل الله الثبات وحسن الخلق والخلقه ..
وربي يعين ويسهل ع الجميع ويرزق كل من تتمنى الذريه يارب.

[سماالشحي]

صباح الخير واهلا وسهلا فيكم بالتجمع الجديد لحوامل ٢٠٢٠ ومواليدهم الحلوين

[همسة أم]

صباح الخير خواتي العزيزات
والله أعتذر كثير كثير على غيابي الطويل
صارتلي ظروف صعبة والنفسية تعبت شوي
أشكركم الغاليات قصة خيال وهديل ونوارلين وكل الأخوات على السؤال عني.. ونعم الأخوات الله يحفظكمن ويسعدكن
كيفكم وكيف البيبيات إن شاءالله بخير يارب..
الله يسلمكم أنا كنت أنتظر موعدي عشان الأشعة التفصيلية بغيت أعملها بالخاص بس كان الفرق إسبوع قلت أنتظر واعملها بالحكومة ولما رحت تفاجئت ان نظامهم تغير وما يعملوها وطلبوا مني أعملها بالخاص
صراحة تضايقت كثير وقلتله ليش، ماخبرتوني من قبل بدل كل هذا الأنتظار.. المهم زوجي عصب وتنازع وطلعنا مضايقين
قالي خلاص بوديك خاص
فجأة تعبت أخته زوجي ومن مستشفى لمستشفى وعلى أدوية وموما في فايدة وماعرفوا شو عندها بالضبط
قرروا يودوها مستشفى خاص وبعد فحوصات وصلت ١٠٠ريال قالوا معها الدودة الزايدة بسلامتكم وتحتاج عملية وطبعا العملية مكلفة
هي مسكينة ما وافقت قالت ما اقدر اكلف اكثر على أخوي ودوني الحكومة
ف الحكومة فحوصات رايحه وفحوصات جايه قالوا مانقدر نعملها شي لحد ما نتأكد لأن في شي ثاني معها وبعدنا ما متأكدين اذا الدودة الزايدة والبنت تتألم وتعبانه وجلست بس ع المسكنات والتخدير عشان تنام
جلست فترة بالمستشفى ونحن رايحين جايين معها واجلنا سالفة الأشعة التفصيلية لأن زوجي قال يمكن ارجعها الخاص اذا خلوها بس كذا
واخيرا تأكدوا من وجود الدودة الزايدة وبعدهم خلوها يومين لا أكل ولا نوم لحد ماعملوا العمليه
الحمدلله كانت العملية زينة بس قالوا تحتاج عملية ثانية لأنه اكتشفنا كيس ع المبيض
حاولنا معهم يعطوها أدوية مبدئيا علا وعسى يصير فيه تحسن
وقالوا اذا ماحصل تغيير بنعمل العملية
والحمدلله رب العالمين صارت زينة ومن كم يوم فكوا عنها الشك
دعواتكم لها بالشفاء.

وأنا الحمد لله والشكر عملت الأشعة والأمور كلها تمام ولله الحمد والشكر وتطمنت ع البيبي..

أعتذر كثير كثير ع الإطالة والسموحة

[همسة أم]

ابغى مساعدتكم خواتي
وين أروح اشترى للبيبي أو إذا تعرفوا حسابات حلوه وأسعارها زينة ومتى تنصحوني آخذ منز البيبي أو متى أبدأ أتشرى
أحس ما باقي شي وأنا ف مكاني ماسويت شي.. إن شاءالله الأسبوع القادم بدخل السابع بإذن الله..
من كثر ما مرتبشين ماحسيت إن الأيام ركضت
الله يسهل علينا جميعا ويتمم لنا على خير

[نورالين]

@همسة أم
يبالك ضرب هههههههه والله صرنا نحاتيك وادعيلك كل يوم ما غبتي عن بالي
الف سلامة على اخت زوجك ما تشوف شر
وانتي الحمدلله رب العالمين على النعمة وانك تطمنتي خبر كثير مفرح الحمدلله الله يقومنا بالسلامة يارب العالمين

[نورالين]

التسوق ابدي من الحين المحلات تنزيلات اغلبها
كتبي قائمة بالمشتريات وخذي كل مرة شي

[نورالين]

الملابس والاغراض لا تاخذي من تاجرات ما تضمني جودتهم
انا نظامي اخذ ماركة حتى لو غالي والسعر فيه والجودة فيه
خذي ملابس داخليه من Next قماشهم فضيع وكارترز بعد وايد حبيتهم

انا الملابس اخذتهم من
Baby shop
Next
Mothercare
دبنهامز
Kissi kissi
وماماز اند باباز

غاليييييييين طبعا بس ضامنتهم ما يضيعو وبخليهم للمستقبل بعد

[نورالين]

فكرة ناخذ كمية بسيطة وغالية وجودة افضل من ناخذ كميات كبيرة ويخربوا بسرعة وطبعا يكون السعر معقول عشان ما نكون اوفر ومسرفين

[نورالين]

طقم لاول يوم افكر اسوي تطريز او كريستال وشفت كثير تاجرات ع انستجرام بتواصل معهم عشان اشوف القماش اول كيف وبسوي طلب

[moon89as]

مباركين ع التجمع الجديد
رحت اليوم اتاكد من وزن الجنين ف العياده الخاصه وقالت نفس كلام الحكومه و عطتني حبوب وبروتين وقالت استخدمه هذا الاسبوع وقالت لي اروح الموعد مال الطلق وانه بيشوفن الوزن زائد ان شاء الله بعد هذه الادويه وما بيولدني بطلق،، وعاد الله كريم وتتسهل اموري

[همسة أم]

حبيبة قلبي يا نوارلين
الله يسلمكم من كل شر
والله حسيت إني خليتكم تحاتون
اعذروني الغالية والله كل البيت كان حالتهم حاله
الحمدلله عدت الأمور على خير
يارب لك الحمد والشكر

عجب حلو إن شاء الله ببدأ أغزيهم ههههههه
تسلمي حبيبتي ساعديني كثير

[همسة أم]

فكرة ناخذ كمية بسيطة وغالية وجودة افضل من ناخذ كميات كبيرة ويخربوا بسرعة وطبعا يكون السعر معقول عشان ما نكون اوفر ومسرفين

صح كلامك

[همسة أم]

طقم لاول يوم افكر اسوي تطريز او كريستال وشفت كثير تاجرات ع انستجرام بتواصل معهم عشان اشوف القماش اول كيف وبسوي طلب

حلوه الفكرة عجبتني
إذا حصلتي سدحيلنا حساباتهم

[همسة أم]

مباركين ع التجمع الجديد
رحت اليوم اتاكد من وزن الجنين ف العياده الخاصه وقالت نفس كلام الحكومه و عطتني حبوب وبروتين وقالت استخدمه هذا الاسبوع وقالت لي اروح الموعد مال الطلق وانه بيشوفن الوزن زائد ان شاء الله بعد هذه الادويه وما بيولدني بطلق،، وعاد الله كريم وتتسهل اموري

هلا حبيبتي
الله يطمن قلبك.
يعني مخبرينك البيبي وزنه قليل انتي بأي شهر
وليش بيسويلك طلق؟؟
الله يسهلك يارب ويعينك

[moon89as]

هلا حبيبتي
الله يطمن قلبك.
يعني مخبرينك البيبي وزنه قليل انتي بأي شهر
وليش بيسويلك طلق؟؟
الله يسهلك يارب ويعينك

انا من اسبوع دخلت التاسع
ايوه مخبره انه وزنه ٢.٢٠٠
قالن وزنه ثابت وما يزيد ويخافن ما يتغذى زين

[همسة أم]

انا من اسبوع دخلت التاسع
ايوه مخبره انه وزنه ٢.٢٠٠
قالن وزنه ثابت وما يزيد ويخافن ما يتغذى زين

إن شاء الله يارب يزيد وزنه وماتحتاجي لطلق
الله يطمن قلبك ويسعدك
يقولوا البيض المسلوق والحليب يزيد وزن البيبي
الله يقدم لك حبيبتي الي فيه الخير يارب

[moon89as]

إن شاء الله يارب يزيد وزنه وماتحتاجي لطلق
الله يطمن قلبك ويسعدك
يقولوا البيض المسلوق والحليب يزيد وزن البيبي
الله يقدم لك حبيبتي الي فيه الخير يارب

امين يارب العالمين ويسهل على الجميع يارب

[دونت كير]

مبروكات عالتجمع الجديد والله يسهل عالجميع

[سماالشحي]

ابغى مساعدتكم خواتي
وين أروح اشترى للبيبي أو إذا تعرفوا حسابات حلوه وأسعارها زينة ومتى تنصحوني آخذ منز البيبي أو متى أبدأ أتشرى
أحس ما باقي شي وأنا ف مكاني ماسويت شي.. إن شاءالله الأسبوع القادم بدخل السابع بإذن الله..
من كثر ما مرتبشين ماحسيت إن الأيام ركضت
الله يسهل علينا جميعا ويتمم لنا على خير

مرحبا لو تبدين تشترين من الحين شوي شوي
انا اول امس رحت خذيت من بيبي شوب
مراضع وفوط صغار وملابس داخليه واحد بلون محايد اللي يجي ٤ مع بعض في كيسه ولبسه اوفرول اللي يجي ٣ فكيسه بلون محايد
اما الفوطه لاستحمام خذيتها من مذركير ٣ مع بعض ب١٠ ريالات
ومقص اطفال

[قصة خيال]

صباح الخير للجميع

مبروكات على التجمع الجديد

مشكوره @سماالشحي

اخباركن كروشات كيف اموركن

كيف الويكند كان؟؟

انا صايره ليلتين احلم مربيه مستعجله ههه

[قصة خيال]

@همسة أم

ي حي باللي نورنا
اشغلتيي بالنا عليش نحاتيك كنا
الحمدلله انك بخير وتطمنتي على البيبي
الله يريح بالك
غريبه الحكومه ما يسوها انا سوها لي في السلطاني
بالنسبه للتسوق ابدي خلاص تحسي ايام تمر
افضل لو تبدي سرير وعربه وعاد بعدين الملابس وادوات النظافه والضيافه

@نورالين
سألتي عن قماطات اذا هن اللي مكتوب عليهن ملتي كلوث
ايواا هن بالضبط
سمحيلي تأخرت انشغلت هاليومين ما دشيت

@moon89as

مون عزيزتي لا توسوسي وتفكري واجد كذا بتعبي انتي ولا راح يتغذا زين البيبي
كيف بيزيد وزنه
حاولي تتأقلمي مع الوضع والطلق ما يخوف لهدرجه بالعكس وسيله لأم
داما معدي 2 كيلو ما عليه باس يمكن يحطوك مال كم يوم ويرحصوك
توكلي على الله وعسى الله يسهلك امورك

باقي الكروشات عسى اموركن طيبه؟؟

[ورد الزعفران]

صباحكن ورد
اخباركن الحلوات
ماشاء الله مسولفات ف الويكند
شكله بالشفت حد أيام الأسبوع حد بالويكند هههههههه
@همسة أم
الحمدلله ع سلامة حميتك
أجر وعافية ان شاء الله

اخر اخباري رحت قشن اطمئن ع البيبي
الحمدلله كل أموري طيبة ولله الحمدلله
طبعا ما عرفت الجنس الأخ مسكر رجوله ومستحي يفتحهن قدام الدكتورة هههههه
قالت تعالي بعد ما تعدي الخامس
وموعدي ف التخصصي ف شهر2
عاد قلت مناك اعرف الجنس
وعسى يروح عنه الحياء ونعرف جنسه ههههههه

عاد خبرتها اني مزكمة وتعبانة
كتبتلي حبوب والحمدلله أحسن ع قبل

بس كأني قريت وحدة قالت انه ف التخصصي ما يسويوا الاشعة التفصيلية
ليش سلامات / تراه هذه الاشعة ياللي تكشف ع التشوهات
حتى هذه بيلغيوها ما يكفي مواعيدهم بالقطارة
يلغيوا السكر احسن ههههههه

[قصة خيال]

@ورد الزعفران

الحمدلله تطمنتي على البيبي
ان شاءالله لموعد الجاي تعرفيه نوعه
بعضهم صح يضموا ع عمارهم ما يبوا حد يعرفهم ههه
الموعد الجاي باذن الله تعرفي
انا اول مره اعرف ان بيلغيوها!!! غريب بصراحه
ذباهم اشعه مع اشعه الدوبلز
انا عملوها لي في السلطاني بدايه السادس
عاد ما اعرف باقي السشنشفيات معقوله يلغوها؟؟

[قصة خيال]

@ورد الزعفران

الحمدلله تطمنتي على البيبي
ان شاءالله لموعد الجاي تعرفيه نوعه
بعضهم صح يضموا ع عمارهم ما يبوا حد يعرفهم ههه
الموعد الجاي باذن الله تعرفي
انا اول مره اعرف ان بيلغيوها!!! غريب بصراحه
ذباهم اشعه مع اشعه الدوبلز
انا عملوها لي في السلطاني بدايه السادس
عاد ما اعرف باقي السشنشفيات معقوله يلغوها؟؟

[ورد الزعفران]

صباح الخير خواتي العزيزات
والله أعتذر كثير كثير على غيابي الطويل
صارتلي ظروف صعبة والنفسية تعبت شوي
أشكركم الغاليات قصة خيال وهديل ونوارلين وكل الأخوات على السؤال عني.. ونعم الأخوات الله يحفظكمن ويسعدكن
كيفكم وكيف البيبيات إن شاءالله بخير يارب..
الله يسلمكم أنا كنت أنتظر موعدي عشان الأشعة التفصيلية بغيت أعملها بالخاص بس كان الفرق إسبوع قلت أنتظر واعملها بالحكومة ولما رحت تفاجئت ان نظامهم تغير وما يعملوها وطلبوا مني أعملها بالخاص
صراحة تضايقت كثير وقلتله ليش، ماخبرتوني من قبل بدل كل هذا الأنتظار.. المهم زوجي عصب وتنازع وطلعنا مضايقين
قالي خلاص بوديك خاص
فجأة تعبت أخته زوجي ومن مستشفى لمستشفى وعلى أدوية وموما في فايدة وماعرفوا شو عندها بالضبط
قرروا يودوها مستشفى خاص وبعد فحوصات وصلت ١٠٠ريال قالوا معها الدودة الزايدة بسلامتكم وتحتاج عملية وطبعا العملية مكلفة
هي مسكينة ما وافقت قالت ما اقدر اكلف اكثر على أخوي ودوني الحكومة
ف الحكومة فحوصات رايحه وفحوصات جايه قالوا مانقدر نعملها شي لحد ما نتأكد لأن في شي ثاني معها وبعدنا ما متأكدين اذا الدودة الزايدة والبنت تتألم وتعبانه وجلست بس ع المسكنات والتخدير عشان تنام
جلست فترة بالمستشفى ونحن رايحين جايين معها واجلنا سالفة الأشعة التفصيلية لأن زوجي قال يمكن ارجعها الخاص اذا خلوها بس كذا
واخيرا تأكدوا من وجود الدودة الزايدة وبعدهم خلوها يومين لا أكل ولا نوم لحد ماعملوا العمليه
الحمدلله كانت العملية زينة بس قالوا تحتاج عملية ثانية لأنه اكتشفنا كيس ع المبيض
حاولنا معهم يعطوها أدوية مبدئيا علا وعسى يصير فيه تحسن
وقالوا اذا ماحصل تغيير بنعمل العملية
والحمدلله رب العالمين صارت زينة ومن كم يوم فكوا عنها الشك
دعواتكم لها بالشفاء.

وأنا الحمد لله والشكر عملت الأشعة والأمور كلها تمام ولله الحمد والشكر وتطمنت ع البيبي..

أعتذر كثير كثير ع الإطالة والسموحة

هنا @همسة أم
قالت

أختي أي تخصصي كنت رايحة
هنا مسقط؟؟؟

[أمنصر]

اهلين بنات
انا في شهر الخامس حاليا
ولادتي تاريخ 04/06/2020 باذن الله

الله يعطيكن الصحه والعافية

[قصة خيال]

اهلين بنات
انا في شهر الخامس حاليا
ولادتي تاريخ 04/06/2020 باذن الله

الله يعطيكن الصحه والعافية

الله يتمللك اختي على خير

@سماالشحي

ضيفيها

بنات اللي تريد إضافه تسوي منشن لأاخت سماالشحي

[روح البدارة]

صبحكم الله بالخير الغاليات ؟
كيفكم وكيف البيبيات؟ ان شاء الله تكونواريحتوا بالاجازة وقضيتوا اموركم؟
@همسة أم
الحمدلله ع سلامتك وسلامة اخت زوجك. ان شاء الله كيس المبيض يروح منها وترتاح بدون عمليه. ان شاء الله ما تحتاجها
خليها تستمر ع علاج تكيس المبايض وتغذيتعا تخفف الدهون والحلويات ..واذا تقدر تستغنى عنهم احسن وتمارس رياضه . تحاول تخف وزنها
الافضل تتفاى العمليه لان سمعت ان اللي تسوي عملية لتكيس المبايض ممكن تعاني مستقبلا من اسنداد/التصاق بقناة بفالوب وغالبا تكيس يرجع مره ثانيه .
اعرف وحده سوتها ولحين تعاني تبي تحمل موقادره سبحان الله.
المنز هذا يعتمد انتي نظامك له يعني وين بتتنفسي ؟ وهل في مجال تخليه بالغرفه او مجلس اللي تقضي فيه الربعين؟ اذا غرفه ضيقه ماله داعي. لان استخدامه مؤقت وبعديت ع تخزين
انا كنت ناويه اشتريه بس فكرت فيها بكون ببيت اهلي ومافي مجال احط منزوفوق هذا الصغار بيلعبوا فيه فكنسلت الفكره من الاساس.
@نورالين
ان شاء الله تحصلين طقم يرضيك ويهنيك فييه.
@moon89as
الغاليه ان شاء الله ما يصير الا الخير . وين شيكتي بمكان ثاني انتي استمري ع الادوية اللي صرفتهم لك وعسى يارب يزيد وزنه وتستقر امورك.
ومثل ماقالت الاخوات البيض والحليب واجد مفيد... انا مستمره اكل بيض مسلوق واشرب حليب انشور وزاد وزني 2 كيلو . وعاد بكره ان شاء الله بعرف اذا استفاد البيبي من هالزياده وبفيدك
باذن الله لو صار طلق يكون وضع البيبي بصحه وعافيه وما يحتاج حضانه ان شاء الله.

@سما الشحي
ملبوس العافيه بأذن الله تعالى. وان شاء الله تقضي امورك الباقيه بسهوله ويسر
@قصة خيال
كأنك واجد تفكري عشان كذا صايره تحلمي . لا تجلسي تودي عمرك بخيالات الولاده لا يتحول واقع. الله يتمم لك حملك يارب.
@ورد الزعفران
هذا التسكير لا بد منه .. يسووا منكر هالعيال ههه من صغرهم يتغلوا ع اهلهم. ان شاء الله الاشعه القادمه تقدري تعرفي فيه الجنس يارب.
انا الحمدلله دائما ما يكون سهل لللاخصائيه بمعرفة جنس الجنين من اول اشعه . مع انه اكدولي 3 مرات بنت الا انني مشككه انا هههههههههه ما طايعه اشتري وردي . قلت من تعدي 3 اشهر
@أمنصر
ولكم عزيزتي ..نورتي التجمع ان شاء الله تستفيدي من سوالفنا وتنفسي عن فوادك هنا

[روح البدارة]

والله عاد صدمتوني بمسأله الغاء الاشعه. ولو اني اتوقع منهم اي شي
من الاسبوع الماضي انتظر رسالة موعد عشان يحولوني المرجعي حج الاشعه وماوصلتني رساله. ومتردده اتصلبهم او لا ..
لان من بداية حمليو لا مره حولوني عندهم عاد وانا بدش ثامن.
ع العموم الحمدلله ان موعدي بكره بالخاص وبسوي اشعه اتطمن ع اوضاع البنوته بأذن الله تعالى.

@أريج محمدي
بخصوص قريبتي هي اصلها من عبري وحامل بتؤام ولما صارلها انقباضات بسادس حولوها ع مستشفى خوله. وجلست معهم للاسبوع 29 تقريبا يحاولوا ياخروا ولادتها وبالاخير ولدت بسبب الالتهابات ...ولما ربت عيالها طلبوا منها ملابس وقماطات حجهم عشان يتدفوا وكنت انا اروحلها اسبوعيا اخذهم اغسلهم لها . ووفرولها شفاطة حليب بس كانت تعاني وياها..وعطيتها شفاطه مالي لحد قبل لا يرخصوهم باسبوع رجعتها لي كانت تعطيهم طبيعي تشفط وتخزنه لهم . وبخصوص الحفاظ مااذكر بصراحه..

اما شو يعطوك بالحكومي مااعرف بصراحه لان مربيه بخاص. وشو عطوني بالخاص هههههه الويز كبير هههههههههههه ولكن كل ملابس ولدي من عندي كانت . هم اكثر كانت خدماتهم برعاية المريض عن توفير اغراض له
يعني اول ماربيت زارني 4 اطباء دكتورتي اخصائية نساء واستشاري اطفال واخصائية تغذيه ورابع مااذكر ..+ follow up مجاني لي وللطفل لحد يكمل 40 يوم

[قصة خيال]

@روح البدارة

هلا فيك حبيبتي
امورنا طيبه الحمدلله
الله يتمم ما تبقى
لا ما انه افكر في اكشن الولاده
بس اجلس اتخيل انهم خلاص في حضني والبسهم والاعبهم
كذا اغلب تخيلاتي