تَجمعع كـــروشَآاأت 2019 ~گروشات عسولآت~

[روح البدارة]

صبآحكن جميل أخواتي ،
عسآكن بخخير ؟؟

الحمدلله اليوم دخلت الأسبوع السآدس ، رحت العيآدة وسوولي سونآر
وتأكدت الدكتورة من كيس الحمل وسلآمته ،

بدتني أعراض الحمل لووعه وبديت أتحسس من بعض الروآئح

الحمدلله رب العالمين . الله يثبتلك ان شاء الله
اكلي كمية صغيرة ووزعيها على مدار اليوم عشان احيانا اذا اكلتي وايد ترجعي اكثر

وقد الامكان ابتعدي عن الروائح لانها تسبب غثيان .. اوحطي جنبك حاجه فيه من ريحة عطر او شي معين يهديك عن الغثيان

والبسكوت المالح ( كراكر ) جدا مفيد لتخفيف اللوعه

[ملاك البطاشي]

انا متاكده اني حلمت وحده منكن..بس ياخي لحين نسيت الحلم
بس كان سالفه فيها شي يتعلق بالولاده يعني تبي تربي.

ههههه اكيد انا

[روح البدارة]

الله يآجر الجميع.
ههه icsimom ترا كذا الحالدام انك بالبيت يكون بالك كله فموضوع الولاده .. وافتح شنطه وبند شنطه من كثر المحاتاه
انا بحملي الاول كنت اخاف شعر جسمي يرجع يطلع وبعدني ما والده هههههه وكل يوم اعيد بالحلاوة


الا عندي سؤال شاغل بالي .. اانا هالمره بتكون اسير بيت اهل زوجي بعد الولاده ..وناوية اسبوع فقط ماازيد وبعدها بسير بيت اهلي
هل تنصحني افصل ملابس حج النفاس ؟ لان بولادتي الاولى كنت فبيت اهلي والبس جلابيات واسعه ما شاغله بالي كثير وما من كثر الزورا لبعد المنطقه
واذا افضل افصل متى باي شهر؟ خصوصا لان احس هم كثير من النوع اللي يهتموا بالمظاهر

[icsimom]

@روح البدارة

بخصوص الملابس
نحن كثير زوارت بس ما شغلت بالي صراحة
فصلت قطن مانجو فيهن تشكيلات تبين الثوب واسع
فصلتهن في مطرح الوحده ب ريالين
وتو مال القطن يجين اشكال وانواع

واذا هم من النوع اللي يهتم بالتفاصيل واجد
معك التنين اللي فالموالح فيه كم محل متخصص تبع النفاس ومستلزمات الطفل
تحصلي قطع حرير حلوات
في حملي الاول عندي كم قطعه حرير للنفاس اخذتهم من سوق الشارقة تقريبا القطعه مال 7 ريال
بلبسهم بعد هالمره ما متكدرين


هههه سالفة عن يطلع الشعر
الظاهر انها مع الحميع هالحالة
اشكر ربي ان ما النوع اللي يطلع شعر بمره
والا عاد من زمان مسويه مرتين وثلاث ههههه

[سعادة قلبي A]

بنات كيف نتعامل مع ألم الاسنان؟
تو نص الليل طلع لي ولا من زمان عنها سالفة الاسنان

[غرور إمرأة]

هلا فيكم بنات
انا الأسبوع ١٥وكم يوم وبعده اللوعان تتوقعو بيجلس معي لين أولد
كل اللي اكله يقلب مر

[icsimom]

@سعادة قلبي A

الله يكون بعونك يارب
المشكلة اعتقد ما يسوا قلع
بس امور التنظيف السطحي اعتقد يسوا
الا اذا التهاب

جربي تراجعي عيادة اسنان بس بلغيهم انك حامل

الله يشفيك ويعافيك يارب

[icsimom]

@غرور إمرأة

ان شاء الله يروح
شيء من النساء الى منتصف او نهاية الرابع والبعض للخامس
اللي يسهل عليك ويتمم حملك على خير يارب

[قصة خيال]

بنات كيف نتعامل مع ألم الاسنان؟
تو نص الليل طلع لي ولا من زمان عنها سالفة الاسنان

سلامتك اختي ما تشوفي شر
جربي معحون سنسوداين يمكن يخفف عنك

[قصة خيال]

هلا فيكم بنات
انا الأسبوع ١٥وكم يوم وبعده اللوعان تتوقعو بيجلس معي لين أولد
كل اللي اكله يقلب مر

عادي عزيزتي انا على نهايه الرابع راح عني الحمدلله بس اوقات بعده يرجع الطعم المر لما اكل

[قصة خيال]

@روح البدارة

حتى انا ناويه اسوي قطنيات بديزينات اهم شي تكون مريحه بالنسبه لنا
تو المحلات معهم اشكال حلوه وراقيه

[قصة خيال]

@icsimom
شفت اسمك قلت عسى تكون بشاره ههههه
عسى الله يسهلك ونتطمن عليك

[icsimom]

@قصة خيال

لا بوي ناهضة عشان موعد المركز الصحي
شكلهن بيطردني عاد

من امس يديني منفوخه
خفت لا يكون الضغط مره نازل بس طلع زين

[icsimom]

@أمنيات بعيده

طمنينا كيف البيبي الحين عسى رخصوكم
وكيف انتي احوالك
ربي يعطيكم الصحة والعافية

@شاهندة

عزيزتي كيف امورك وكيف البنوتة
عسى تكونوا تأقلمتوا على الوضع
الله يأجرك ويعطيك الصحة والعافية

[قصة خيال]

@icsimom
ان شاءالله ما يكون فيك الا الخير
واجد حوامل اخر شهر ينتفخن رجولهن ما شرط ضغط
الله يبعده عنك

[الغبيراء أرضي]

بنات كيف نتعامل مع ألم الاسنان؟
تو نص الليل طلع لي ولا من زمان عنها سالفة الاسنان

مراحب اختي ،،

الله يشفيك ويكون في عونك .. ماشي كما وجع الاسنان فترة الحمل
وبعده ما تقدري تسوي اي شي حالهن ..

انا كنت استخدم معجون من DXN اسمه جانوزي من الاعشاب الطبيعية

افركبه اسناني ويسكن الالم الحمدلله ..

[icsimom]

@قصة خيال

😩 قالت واحد راسه تحت اللي هو فالمقدمة تحت الحوض
والثاني قالب العكس

الظاهر انه من المشي
كأنه جاني خوف الحين 💔

وما طاعت تقيس عنق الرحم كم فاتح
قالت موعدك القادم فالمرجعي هم راح يحددوا

حتى تحريض ما رضت 😩😭

[أمنيات بعيده]

هلاحبايبي اخباركم ،؟؟؟وكيف اموركم عساكم طيبين
...جيت اطمن عليكم واشوف اخبار الكروشات ...الله يسهل عليكم يارب ويرزقكم ولاده سهله يسيره يارب ...
االحمدللهً ترخصت امس شوي البيبي تعب 3 مرات يسحبو الوسخ عنه وصارت له مشكله فالتنفس .. بس الحمدلله اموره زينه الحين .. وانا شوي الخياطه تعبتني جلسه مستشفى وخياطه مشكله وعطوني مضادات وببتادين عشان يخفف الالتهاب الاصار ليي..
مشكله ولدي صغيروزنه كيلوين يباله اهتمام بس مشكله عشان الخياطه ماقادره وجيت مع امي اجلس نتساعد ع الصغير ومعي شغاله فلبنييه وتساعدني مسكينه بس الرضاعه الطبيعيه احاول معه لانه تتعبني الجلسه
....شاهنده مبروك ع البنوته الله يشفيها حبيبتي يارب ...

[أمنيات بعيده]

@قصة خيال

�� قالت واحد راسه تحت اللي هو فالمقدمة تحت الحوض
والثاني قالب العكس

الظاهر انه من المشي
كأنه جاني خوف الحين ��

وما طاعت تقيس عنق الرحم كم فاتح
قالت موعدك القادم فالمرجعي هم راح يحددوا

حتى تحريض ما رضت ����

هلا حبيبتي والله توقعت انج ولدتي وجلت بطمن عليج .. الله بسهل عليج الغاليه يارب .. عليج بالقرفصاء وعسى يارب تتسهل امورج وتربي طبيعي يارب .. توكلي ع الله قادر من لحظه يتغير البيبي ويقلب تحت ..الله يقر عينج بشوفتهم يارب

[أمنيات بعيده]

خواتي تابعو اليوتيوب تبع رولاء قطامي.. تعطي نصايح واشياء تعملوها لما تدخلو التاسع الفواكه الاستوائيه مثل الكيوي والانانااس وجور الهند والبابايا الخضراء.. وشرب القرفه والقرفصاء وحركه انج توقفي وتتحركيً يمين يسار ... انا كله كاتبتنه بس الله كتب اولد قبل لا طبقهم هههههه
بس نصايحها ممتازه وحلوه وسهله

[روح البدارة]

@سعادة قلبي A
سلامتك عزيزتي.. ألم الاسنان بروحه عالم ثاني الله يعينك يارب
@غرور إمرأة
حبيبتي ان شاء الله هانت.. عسى تكوني من النوع اللي ما يطول الوحان معاه. انا استمر معي لنهاية الرابع ..لا بعد كان فالرباع لوعان اسواء من الاشهر الولى . بس كله اختفى ولله الحمد. ممكن بس ضيقه من الروائح تستمر معك لنهاية الحمل لان حاسة الشم مبونها تتدبل خلال الحمل
@icsimom
عزيزتي .. لا تحاتي ان شاء الله بيتعدل وضعه وقت الولاده بإذن الله. احيانا ممكن لما يطلع الاول يصير للثاني مجال يعدل من وضعه. وحتى الطبيبه ممكن تتدخل وقت الولاده وتقلب وضعه قبل لا تولده. ان شاء الله تكون ولادتك طبيعية وميسره يارب بدون اي تدخل وعائق .
@قصة خيال
القطنيات حلوات . بس انا مامتشجعه اشتري جاهز لان احيانا ما يكونوا مريحات برضاعه . فقلت بفصل ديزاين اللي ابيه بحيث اضمن فتحه الصدر ع حسب مااريد . احيانا تحصل يموديلات بس الدانتيل يجرح وخشن او الازرار بالمره يطيحوا
@أمنيات بعيده
الحمدلله ع سلامتك وسلامةالبيبي. الله يآجرك وان شاء الله تكون امور طيبه لحين. عسى تستعيدي صحتك وتقدري تعتني بطفلك بنفسك ولله الحمد ان عندك احد يعاونك
رولا قطامي بالفعل نصائحها جدا مميزه وممتازة وتستفيد منها الوحده طول فترة حملها وهي بعد مرت بجربة حمل تؤام ع فكره وعملت حلقه تخص الموضوع هذا

[روح البدارة]

@icsimom
شفت اسمك قلت عسى تكون بشاره ههههه
عسى الله يسهلك ونتطمن عليك

جتنس نفس الاحساس لما فتحت السبله هههه
شكله نحن من كثر مانحاتيها ناحسينها وماخريلها ولادتها

[icsimom]

@أمنيات بعيده

الحمدلله على سلامتكم الغالية

تراه كنت احاتي تقولي شرب وسخ
ويحتاجله رعاية واهتمام وخصوصا انه وزنه كيلوين
بس مع الحليب والعناية راح يكبر البطل

وانتي روحك تحتاجي رعاية
اذا ما قدرتي على الوضع الطبيعي فالرضاعة ع الجلسة وكذا
شوفي الوضعية اللي تناسبك
واذا ما قدرتي البر ،، اشفطي الحليب وعطيه اياه
اهم حاجة اول سته شهور يكون مكتفي من حليب الام


والله القرفصاء بعد المشي تحت الشور الدافي كل يوم اسوي
بس امس حسيت بحركة انقلاب البيبي
من بعد ما مشيت وسويت شاور وقرفصاء

عساه خير
هيه الدكتورة قالت ما مهم عندهم وضع الجنين الثاني
اهم شيء البيبي الاول يكون مستقر راسه تحت وهو اللي يهيئ للولادة الطبيعية
لان البيبي الثاني احتمال يقلب قبل الولادة او اثناء الولادة

[اندروفين]

ما شاء الله
ربي يعطيكن الصحة والعافية و الولادة الميسرة بإذنه تعالى
وربي يقر عيني ان شاء الله
ان الله لطيفٌ ذو القوةِ العزيز

[سعادة قلبي A]

مراحب اختي ،،

الله يشفيك ويكون في عونك .. ماشي كما وجع الاسنان فترة الحمل
وبعده ما تقدري تسوي اي شي حالهن ..

انا كنت استخدم معجون من DXN اسمه جانوزي من الاعشاب الطبيعية

افركبه اسناني ويسكن الالم الحمدلله ..

اعرفه ايوا بروح اشتري منه
جزاك الله خير

[سعادة قلبي A]

@سعادة قلبي A

الله يكون بعونك يارب
المشكلة اعتقد ما يسوا قلع
بس امور التنظيف السطحي اعتقد يسوا
الا اذا التهاب

جربي تراجعي عيادة اسنان بس بلغيهم انك حامل

الله يشفيك ويعافيك يارب

استفسرت قالو الشهور الاخيره عادي يقلعو بس بعدني ما اريد كان في حل ثاني

[سعادة قلبي A]

انا اتوقع ألم الاسنان من نقص كالسيوم او شي كذا
لان حتى رجولي من فوق يصولن
وانا توني بالسادس بعدني

[تهاني ال]

انا اتوقع ألم الاسنان من نقص كالسيوم او شي كذا
لان حتى رجولي من فوق يصولن
وانا توني بالسادس بعدني

جاني الم الاسنان من نهاية الخامس وكان يروح ويرد وسفهته وعاد نص السادس بدأ يزيد وسألت قالوا م يعالجوا وقلت خلاص ليش اتعب نفسي وصرت اكثر اشرب حليب وبعدين زاد الالم ووصل للاذن توجعني بقوووه وماقدر انام زين كل شوي اقوم وقاومت يوم وعاد صرت حتى اكل ماقدر اكل يعورني
اخرتها رحت العياده وكشف الدكتور وقال يحتاج قطع اعصاب وخبرته اني حامل ف نهاية السادس قال ماقدر اسوي شي غير حشوه مؤقته وعطاني وصفة مضاد حيوي وقال لا تصرفيهم الحين اذا رجع لك الالم قوي وماقدرتي تاكلي وتنامي خذيهم واذا لا بس خليك ع حبة بنادول ف اليوم
لا خذيت ذا ولا ذا والالم للحين يجي بس اخف بواااجد عن قبل وعسى اقدر اتحمل لين اولد بالسلامه

[نورالين]

صباح الورد لأحلى كروشات ,,

خبروني ايش الفيتامينات والحبوب اللي اخذتوها من بعد الفولك اسيد

انا الحين اخذ حبوب الحديد من المركز الصحي وفيتامينات برينتال

وكمان وين افضل فالولادة ومتابعه الحمل
مستشفى الجامعة أو السلطاني ؟؟

[icsimom]

بنات

من صار لها نقص صفائح دموية قبل الولادة ؟
وكيف تعاملوا معها اثناء الولادة ؟؟

خبرتني الدكتورة اليوم عندي نقص واصل 113 الصفائح
والطبيعي من 400- 150 مليون