تَجمعع كـــروشَآاأت 2019 ~گروشات عسولآت~

[reem92]

صباح الخير كروشات

اخباركن ؟ وكيفكن مع الحمل ؟؟

بدايه اسبوع جديد وعام جديد وباذن سنه خير علينا ويسهل على كل الحوامل ويرزق كل محروم

حريم اش علاج الصداع ؟؟

الصداع اذا ما راح بعد نومه أو سبحه بماي ساخن

تاخذي بندول حبه أو حبتين عادي ما يأثر ع الحامل
أفضلك لوقت الضروره

[reem92]

بنات في قسم خاص بسوق السبلة جلب الأيادي العامله للشغالات
بتصفحه ان شاء الله بعد الولادة لأني بعد احتاج للشغاله
الفلبينيات حلوات بس رواتبهن ما تناسب الميزانيه الحالية .. ارتباطات وجمعيات لين ربي يفرجها
ميزانيتي مال80 وعسى أتوفق ونتوفق جميعا بالأختيار

[قصة خيال]

صباح الورد
اختفيت كنت اجازه سنويه
حاليا الأسبوع 37
وما رايفه بعمري ههههه
ماشي مكان ما رحته وقبل يومين رحت الجبل الأخضركنت متخوفه الضغط يأثر بس الحمدلله عدت
وان شاء الله أتمنى أكمل للأسبوع ال 40
كلها كم اسبوع ويعدن
والله يسهل علينا جميعا يا رب

الله يعطيك العافيه خيتي
اوقات يزيد فيني النشاط وحلو الوحده تغير جو
الله يتمللك ويسهلك ع خير

[قصة خيال]

الصداع اذا ما راح بعد نومه أو سبحه بماي ساخن

تاخذي بندول حبه أو حبتين عادي ما يأثر ع الحامل
أفضلك لوقت الضروره

@reem92
من كم يوم فيني ما راضي يبطلني

متأكده بندول ما يأثر؟؟ اي نوع بالضبط

[reem92]

عادي عزيزتي ما يأثر

انا هذا ع حملي الثاني وأخذه والطبيبات يوصفنه لك اذا عندك حمى او صداع وان كنتي حامل
اذا عندك أومول خذيه
أو بندول أدفانس الأزرق

[قصة خيال]

عادي عزيزتي ما يأثر

انا هذا ع حملي الثاني وأخذه والطبيبات يوصفنه لك اذا عندك حمى او صداع وان كنتي حامل
اذا عندك أومول خذيه
أو بندول أدفانس الأزرق

إن شاءالله بجرب امول وعسى يروح

[روح البدارة]

صباح الخير كروشات ..

الحمدلله حليت موضوع ورق العنب هههه... بنفس اليوم بليل طلبت محشي من مطعم قريب من بيتي..صح طلع تفل وسكري ماحلو بس ع الاقل تسكيته..وبعدني اضارب مااريد حد ياكل معي
ثاني يوم تعنيت اللولو مع اختي ورحت شريت اغراضها ورجعت البيت وعلى طول اطبخها..صح اول مره لي اجرب اسويها وحسيت نفسي انذليت لحد جهزت بس بردت الفواد من العصر وانا شغاله عليها وخلصت منها ساعه 10 ونص تقريبا وبعد طلع نص الورق انطبخ زين ونصه بعده شوي عص..بس عاد هذاك الوقت مااعرف غير اكل. اهم شي الطعم مره مضبوط ولله الحمد/// تعشيتبها وتريقتبها وتغديتبها وكليت منها العصر وبليل
حتى زوجي مو حال عليك تو كذا كانك زومبي ..اول مره يشوفني اتوحم هههه

يالله استفدنا من الوحام شس تعلمنا طبخه جديده. اهم شي خف الوله عليها طشونه. بعده باقي شي فثلاجه بسير اخلص عليه اليوم

[روح البدارة]

السلام عليكم حريم،،، متضايقة واااجد من اخر موعد ف مركز بوشر وقلت مالي غيركم اشتكي

الله يسلمكم انا في أول أسبوع من الشهر الثامن وفيني سكر الحمل
في اخر موعد شافت قراءات السكر وحصلت بس 3 مرتفعات وقالت محتارة ازيد لك حبتين في اليوم ولا تكملي دايت ورياضة وحبة وحدة فقط
قلتلها زيدي حبتين ويش فيها ولا تجلسو تخوفوني يموت الجنين لاسمح الله بسبب السكر وتلومو المريضة لأن السكر ما انضبط بالدايت والرياضة، كما قالولي في الموعد اللي قبله
المهم بعدين قررت تزيد لي حبتين في اليوم وبشرط تعطيني موعد للطلق الصناعي في الاسبوع 38

ألحين من يوم عرفت موعد الطلق الصناعي وجايتني ضييييقة ما اعرف ليش من توو مسوين لي موعد مع ان باقي شهر ونص بعده !
ومحتاااارة أروح حسب موعدهم ولا أطنش وأنتظر الفرج من رب العالمين، علما بأن أموري كلها في السليم من حجم الطفل ونسبة الماي ولله الحمد
ويش تشيروو علي ؟؟ كارهة تجربة الطلق الصناعي، وما أريد أكررها لأن ولادتي الأولى كانت نفس السيناريوو ولنفس السبب

اختي ذكرتيني بحملي الاول..كان محددلي طلق صناعي بالحكومه بس لسبب غير ( كنت اعاني من حكه فظيعه قالوا ممكن تاثر بالطفل/ لها علاقة بالكبد مدري شو )
واول ماعرفت تضايقت واجد وصرت احاتي ..وجا موعد الطلق بمستشفى خوله وطوفته قلت مااسير اصبر الله بيفرجها بعدها رحت موعدي مع دكتوري بالخاص ع اساس مشجعتني اولد طبيعي .. بس صدمتني تقولي بكره نسويلك صناعي / الطلق لاحقني لاحقني ..لان البيبي خلاص اساسا وقف نمو انا واصله الاسبوع38 وهو بعده ف 35 ومن غير الحبل لف ع رقبته ..حسيت نفسي تجننت ماعندي احد حتى اشكيله واخرتها تهورت وشربت خروع وجاني طلق بنفس ليلة وربيت طبيعي قبل ساعتين من وقت الطلق المحدد.

الله ستر ما صارلي شي .. ولا تجرات اخبر احد اني شربت خروع خفت ينازعوني ..ولكن الله سهل // طبعا لا تتهوري وتسوي مثلي ماانصحك لكن القصد ان كلنا نخاف لكن مو شرط يصير اللي يقولوه الاطباء اي حاجه ممكن تغير وتولدي طبيعي باذن الله

[روح البدارة]

@reem92

انا نفس تفكيرك وابا فلبينيه لكن راتبها فوق ميزانيتي بوايد .

واتابع كل يوم سبله اقول يمكن اشوف مكتب ارخص هههه حلم ابليس بالجنه
لكن تو خلاص استقريت ع سريلانكيه لان ع حسب ماعرفت انهن ثاني افضل جنسيه للتعامل مع الاطفال / قلت اليوم بسير اخلص اجراءات المأذونيه عشان اجيبها وكلمتها ونسقت معها واشترط عليها ووافقت
عسى الله يسخرها لي ولعيالي واتوفق فيها...ويرزقك بوحده زينه

بس انا اشوف صعب تحصلي وحده راتبها 80 ريال الا الافريقيات واغلب الجنسيات منعوهن باقي سيراليون ..وسالت عنهن مره قالوا مع عمليات وايد مع الاطفال.. بس مو كل اصابعك واحد
ممكن بنجاليه بهالسعر بس وسخات ومامثقفات ويبالهن شد وتعب لحد يفهمن /هذا من تجربتي الفاشله مع هالجنسيه / بس خالتي جابت بنجاليه وطلعلتلها ملاك

بطيخه ياحمراء يا صفراء انتي وحظك

[صمت الانهيار]

@قصة خيال
والله موجوده بس ارتباطات العيال واموور البيت
ادخل اشوف اخبار الكروشات واريد اتفرغ للرد يا ولدي يجي يا الصغيره تصيح
ولين انسى عاد ..


المهم بخصوص الصداع
حاولي تشربي ماي واايد و كذالك نامي وارتاحي
واذا بعده خذي حبه اومول بس لا تكثري من الادول .

وربي يعافيج ويعافي الجميع

@أزهار الحنين

الله يهديهم ماعرف ليش يوترونا ف المستشفيات
بس انا اتوقع ك اجراء احترازي كاتبن لج طلق ..
توكلي ع الله وخير لين وقته وان شاء الله بتتسهلي طبيعي وربي يحفظلك جنينيك ..

@روح البدارة
ماشاء الله جازفتي والحمدلله انه ماصار لك ولا للجنين شي
الخروع معروف يعجل الولاده اذا في طلق والرحم مفتوح
بس الاغلب لاينصح فيه لانه له سلبيات ..

الافضل الوحده ما تجازف وتشرب اي شي للولاده وحطو ف بالكم الي ربي كاتبه لكم بيصير
عليكم بالدعاء للتسهيل

[icsimom]

@صمت الانهيار

لك وحشة كثييييير
كيف امورك طمنينا !

@تهاني ال

ما جربت بس ناوية اجيب سيرلانكية
للعلم الحين ما مسموح الاوغنديات والافريقيات

[صمت الانهيار]

@icsimom
هلااا وسهلااا
ما توحشي غالي فديتج

الحمدلله نشكر الله طيبه وبعافيه

اخبارك انتي وكيف البيبيات؟
وين وصلتووووو بالتجهيزات والاستعدادات

[reem92]

@روح البدارة

خلاص برسي ع السيرلانكيه لأن عند أهلي وبنت عمي وحلوات ممتازات لكن بعدين ان شاء الله
وحياك بالعامرات ,, ترا اسمها بس ما يشجع لكن من تسكني أمورك طيبه

الله يستر من الولادة .. وتنظيف الرحم المتعب
ينسيك كل شي حلوو
هههه اخوفكن .. الم ويعدي

[قصة خيال]

@قصة خيال
والله موجوده بس ارتباطات العيال واموور البيت
ادخل اشوف اخبار الكروشات واريد اتفرغ للرد يا ولدي يجي يا الصغيره تصيح
ولين انسى عاد ..


المهم بخصوص الصداع
حاولي تشربي ماي واايد و كذالك نامي وارتاحي
واذا بعده خذي حبه اومول بس لا تكثري من الادول .

وربي يعافيج ويعافي الجميع

@أزهار الحنين

الله يهديهم ماعرف ليش يوترونا ف المستشفيات
بس انا اتوقع ك اجراء احترازي كاتبن لج طلق ..
توكلي ع الله وخير لين وقته وان شاء الله بتتسهلي طبيعي وربي يحفظلك جنينيك ..

@روح البدارة
ماشاء الله جازفتي والحمدلله انه ماصار لك ولا للجنين شي
الخروع معروف يعجل الولاده اذا في طلق والرحم مفتوح
بس الاغلب لاينصح فيه لانه له سلبيات ..

الافضل الوحده ما تجازف وتشرب اي شي للولاده وحطو ف بالكم الي ربي كاتبه لكم بيصير
عليكم بالدعاء للتسهيل

@صمت الانهيار
الله يعطيك العافيه يا رب ويخفظلك اطفالك

اشرب ماي حوالي لترين كان ما اكثر والنوم الحمدلله احسه كافي
بس شاكه انه سكر ناقص معي

[قصة خيال]

@روح البدارة

خلاص برسي ع السيرلانكيه لأن عند أهلي وبنت عمي وحلوات ممتازات لكن بعدين ان شاء الله
وحياك بالعامرات ,, ترا اسمها بس ما يشجع لكن من تسكني أمورك طيبه

الله يستر من الولادة .. وتنظيف الرحم المتعب
ينسيك كل شي حلوو
هههه اخوفكن .. الم ويعدي

السريلانكيات ممتازات اعرف كم حرمه جايبات ومرتاحات معهن
@reem92

[نورالين]

روح البدارة شكلنا مع بعض انا بعد توني دخلت الرابع
ومثلك اشتهيت ورق عنب بس طلبته وجااااني لذيذ وطلبت ملفوف بعد بروح اكمل الباقي هههههه
الله يسهل ع الجميع
نصيحة خواتي لا تحاتو عيشوا يومكم بيومه الله الميسر ولاده طبيعية او قيصري او او او كله بيد الله

[icsimom]

@صمت الانهيار

يسرك الحال حبيبتي
الحمدلله انا والبيبات بخير
بعدنا صامدون وان شاء الله اقدر اشل الشهر 8 كله

حاليا اخر اسبوع من السابع 30

الملابس مالي ومال البيبات كله جاهز
وبخصوص التوزيعات في قيد التجهيز

باقي ارتب امور الشنطة ،، يوم يجيني الالم اقول الحين خلاص بروح واوضب الشنطة
يجيني وسواس عن اروح اولد وانا البر ما حاطه شيء في الشنطة
بس مخليه احتياطي لا سمح الله لو صار شيء فجأة
مخليه ملابس المستشفى على صوب فالكبت جاهزات

[icsimom]

@reem92

انا عاد قايله من كم يوم حال بنات العايلة
اقولهن كوم الولادة الطبيعية ف صوب
ونزول المشيمة والتنظيف وحده كوم

لان قوة الوحده خلاص عاد رايحة
الله يسهل وييسر على الجميع يارب


هههه في بكري رايحة والبر ما كنت متخيلة النقطه اللي هي بعد خروج البيبي
وهي تقول باقي بعده المشيمة وانا اقول يعني بعده شيء شغل قاني 🙊

[icsimom]

@نورالين
@روح البدارة

الله يسهل عليكن يارب

وانا نصيحتي مثلك عزيزتي نورالين
دايم اقول الوحده اللي ما تعيش يومها وتستمع بالحمل
ما راح تتحمل فترة ما بعد الولادة
يعني ما كله قلق في قلق لان هذا بينهك تفكير وجسم الحامل ومن غير انها بعد الولادة محتاجة اي شيء ايجابي عشان تعدي فترة الاربعين اللي هي فترة شوي محتاجة مراعاة للبيبي طول الوقت والين يتأقلم مع البيئة الجديدة للاثنين الام والبيبي

[جويريا]

حريم ليش تخافن من القيصري...
جاني رعب كثر ما اسمع عن الطلق الصناعي والقيصري
ما اريد افكر في شي هالفترة

[الغبيراء أرضي]

@نورالين
@روح البدارة

الله يسهل عليكن يارب

وانا نصيحتي مثلك عزيزتي نورالين
دايم اقول الوحده اللي ما تعيش يومها وتستمع بالحمل
ما راح تتحمل فترة ما بعد الولادة
يعني ما كله قلق في قلق لان هذا بينهك تفكير وجسم الحامل ومن غير انها بعد الولادة محتاجة اي شيء ايجابي عشان تعدي فترة الاربعين اللي هي فترة شوي محتاجة مراعاة للبيبي طول الوقت والين يتأقلم مع البيئة الجديدة للاثنين الام والبيبي

انا معك في كلامك

تحاول الوحده انها تعيش يومها ولا تجلس تفكر في لحظة الولادة

رب العالمين بييسر الامور وبتكون لحظات بسيطة وبتمر وبتنسى اللي مريتي فيه من تشوفي طفلك ..

لازم الوحده تستجمع طاقتها لذاك اليوم ، عشان الله يخلصها بالسلامة وترتاح ..

[icsimom]

من يومين كنت في مركز العناية بالأم والجنين
اخذت موعد مع دكتورة بدرية الفهدي
لعمل اشعه 4D
اعرف اني رايحة متأخرة عاد فالاسبوع 30

قالت زين اذا قدرنا نصور البيبيات زين
وطمنتني على وضعيتهم الاثنين رأس تحت ،، عشان كذا حاسه بضغط قوي فالحوض
وصحتهم الحمدلله والحركة زينة
وقدرنا نشوف البيبيات بتصوير الثلاثي الابعاد
الحمدلله على كل شيء
وكانت الوالدة معي طبعا شعور غيييير لما شافت البيبات وعرفت الجنس ،، احساس مخلوط فرح ودموع
الله يحفظ امهات الجميع ويرحم الاموات منهم

كلمة شكر قلبلة في حق الدكتورة بدرية على التعامل والاسلوب وكل حاجة
ياخي هالمخلوقة لو من اليوم لبكرة ما راح اوفي في حقها تعاملها وطيبتها
تمنيتها تولدني هي 😭
حتى امي تقول ونعم الدكتورة ارتاحت لها كثيييير

اليوم معي موعد في المركز الصحي
الاسبوع الماضي كنت عشان الضغط نازل والالتهابات والالم اللي كانت فيني
وكانت الدكتورة بتكتب تنويم
اليوم عسى يقال الالتهاب خف
لان في مركز العناية بالام والجنين قالن بعده الالتهاب بس خفيف

[icsimom]

@جويريا

تصدقي قبل عن اتزوج اقول راح اولد فقط قيصري 😂😂😂🙊
سبحان الله
الانسان كل ما كبر وفهم الحياة تتغير قناعته

القيصري الحمدلله اصبح وسيلة لانقاذ الام والبيبي فالاخير
يعني الطب الحمدلله تطور في هالنقطة كثير

تبقى نقطة الاهتمام من بعد الولادة والى فترة ما اقل عن ست شهور عشان ترجعي للرياضة اذا كنت تمارسي
وايضا المحافظة على المباعدة عشان لا يصير حمل من بعد قيصريه بوقت قصير
لان حرج العملية سبحان الله ممكن يتأثر
وايضا العملية لها عدد محدود من الولادات لو صار ان كل ولاداتها الام بالقيصري
ربنا ييسر ويسهل على الحميع

وكله خير لو كانت طبيعي او قيصري او بالطلق
واشوف الطلق بعد وسيلة كثير حريم يتخوفن منه
سبحان الله يمكن من كثر ما يسمعن انه يمكن جسمهن ما يستجيب او الالم يكون مضاعف وهذا ماصحيح بخصوص الالم لان وحدة اخصائية اكدت لي ان الم الطلق يحاكي نفس الم الولادة بالضبط
بس العامل النفسي للام هو اللي يخليها تفكر وتحاتي وتتخيل ضعف الالم

[جويريا]

@جويريا

تصدقي قبل عن اتزوج اقول راح اولد فقط قيصري ��������
سبحان الله
الانسان كل ما كبر وفهم الحياة تتغير قناعته

القيصري الحمدلله اصبح وسيلة لانقاذ الام والبيبي فالاخير
يعني الطب الحمدلله تطور في هالنقطة كثير

تبقى نقطة الاهتمام من بعد الولادة والى فترة ما اقل عن ست شهور عشان ترجعي للرياضة اذا كنت تمارسي
وايضا المحافظة على المباعدة عشان لا يصير حمل من بعد قيصريه بوقت قصير
لان حرج العملية سبحان الله ممكن يتأثر
وايضا العملية لها عدد محدود من الولادات لو صار ان كل ولاداتها الام بالقيصري
ربنا ييسر ويسهل على الحميع

وكله خير لو كانت طبيعي او قيصري او بالطلق
واشوف الطلق بعد وسيلة كثير حريم يتخوفن منه
سبحان الله يمكن من كثر ما يسمعن انه يمكن جسمهن ما يستجيب او الالم يكون مضاعف وهذا ماصحيح بخصوص الالم لان وحدة اخصائية اكدت لي ان الم الطلق يحاكي نفس الم الولادة بالضبط
بس العامل النفسي للام هو اللي يخليها تفكر وتحاتي وتتخيل ضعف الالم

@icsimom
كلامك جميل ويطمن حبيبتي

[الغبيراء أرضي]

من يومين كنت في مركز العناية بالأم والجنين
اخذت موعد مع دكتورة بدرية الفهدي
لعمل اشعه 4D
اعرف اني رايحة متأخرة عاد فالاسبوع 30

قالت زين اذا قدرنا نصور البيبيات زين
وطمنتني على وضعيتهم الاثنين رأس تحت ،، عشان كذا حاسه بضغط قوي فالحوض
وصحتهم الحمدلله والحركة زينة
وقدرنا نشوف البيبيات بتصوير الثلاثي الابعاد
الحمدلله على كل شيء
وكانت الوالدة معي طبعا شعور غيييير لما شافت البيبات وعرفت الجنس ،، احساس مخلوط فرح ودموع
الله يحفظ امهات الجميع ويرحم الاموات منهم

كلمة شكر قلبلة في حق الدكتورة بدرية على التعامل والاسلوب وكل حاجة
ياخي هالمخلوقة لو من اليوم لبكرة ما راح اوفي في حقها تعاملها وطيبتها
تمنيتها تولدني هي 
حتى امي تقول ونعم الدكتورة ارتاحت لها كثيييير

اليوم معي موعد في المركز الصحي
الاسبوع الماضي كنت عشان الضغط نازل والالتهابات والالم اللي كانت فيني
وكانت الدكتورة بتكتب تنويم
اليوم عسى يقال الالتهاب خف
لان في مركز العناية بالام والجنين قالن بعده الالتهاب بس خفيف

فرحة جميلة لما تشوفي الاجنة بخير وعافية

والدكتورة بدرية معروفة ما شاء الله عليها ،، رحتلها بسبب خبروني عن صغر حجم الجنين وطمنتني من واجد امور ..

[روح البدارة]

@icsimom

كل يوم ادعي ربي يسهل امورك وتوصلي التاسع بالسلامه.. لان اتخيل نفسي بمكانك دائما . ان شاء الله بما انك ملتزمه بنصائح الدكتورة ومرتاحه ومهتمه بتغذيتك
رح تواصلي... انا فرحت كثير انك وصلتي الاسبوع 30 .... والاحلى ان الاطفال الاثنين راسهم تحت.. في أمل بالولاده الطبيعية بإذن الله

انتي شدي همتك ..كيف بعدك تروحي الدوام او لا؟

[روح البدارة]

@نورالين

زين طلعت وحده معي بنفس الخط..
جالسه افكر امس اقول الحمل الاول للمرأه غير اطلاقا عن الثاني والثالث. يعني بالاول تكوني فرحانه بحملك .. وتستعديله جسمانيا ونفسيا تكوني متوتره وخيفانه لانها تجربه اولية
بالحمل الثاني صرت العكس احس جسمانيا بكل وجع بجسمي ولو بسيط .. ونفسيا مستعده لاستقبال الطفل الجديد مع الخبره اللي اكتسبتها



الحمدلله امس رحت مكتب الخدم واخترت شغاله ودفعت عربونها وطلبت منهم مره ثانيه يتواصلوا معها ويتاكدوا من قدرتها من التعامل مع الاطفال..واحس براحه لحين وحده من الامور اللي كنت احاتيها انحلت.. عسى الله يسخرها لي وتطلع عسل ... تو باقي نقلة البيت .. شوي شوي الم اغراضي لان للحين ما محصلين بيت..او بالاحرى زوجي احسه مامسوي همه يدور .. لكن مصر ان ننتقل ع نهاية شهر .. بنشوف كيف وضعه

من اخلص النقله وتوصل الشغاله احس بقدر ارتاح واعتني بنفسي وحملي اكثر .. واقضي وقت اكثر مع ولدي

[شاهندة]

يسعد صباحكن كروشات اخباركن مع الحمل ؟
الله يسهل علينا جميعا ما تبقى من الحمل ويرزقنا ولادة سهلة ..
من توكل على الله فهو حسبه الحمل اكبر نعمة من الله وفرحة لازم نحافظ عليها ونعيشها
وما نجلس نفكر ونوسوس ونضيع اجمل اللحظات بالقلق ...الله يكتب الي فيه خير لنا

[icsimom]

@الغبيراء أرضي

ايوا دكتورة بدرية شهادتي فيها مجروحة صراحة
من تعاملها الرائع واسلوبها حتى طريقة توصيل المعلومة
وغير كذا تسمعك من الاول للاخر
صدق لما قالوا الراحة النفسية اكبر من العلاج نفسه

[icsimom]

@روح البدارة

الحمدلله رب العالمين
وحدي اشكر ربي كل يوم يعدي ويزيد في اسابيع الحمل
وربي يسهل عليك وعلى جميع الحوامل
وتتيسر جميع اموركن يارب

ومثل ما قالت دكتورة بدرية راح اصلي استخارة للولادة الطبيعية
وتسهل ربي يسهل ليومها بعون الله
وحاطه في بالي الاثنين لو صار اي خطر
متقبلة الوضع ان شاء الله

عسى تحصلوا مسكن مناسب لك وللاولاد وترتاحوا فيه
وعسى ربنا يسخر لك عاملة زينة يارب
اهم شيء التعامل وسوي لها برنامجها من اول يوم
عشان تكون شاله كل الشغل اللي تريدي توكليه لها وخلاص تمشي على نظام معين
لا تنتظري لين تقولي ما بتفهم بمره او توها واصله
اشترطوا على كل شيء من البداية اريح لك