أسمنت ع السيارة

**miss ice** · 17/07/2017 01:15 AM

السلام عليكم ..

عندي إستفسار لذوي الخبرة في السيارات ..

وقفت سيارتي جنب بناية يصبغوها بالأسمنت وللأسف تناثر بعض الأسمنت ف سيارتي وما طاع يروح

حاولت أنظفها ف محل تنظيف السيارات العادي وبعده ما طاع يروح

فما هو الحل!! شكلها مشوه الحين

**NITRO** · 17/07/2017 04:46 AM

وعليكم السلام والرحمة

جربي نزلي الصورة نشوف

**التلال الخضراء** · 17/07/2017 07:16 AM

حاولي بماده اسمها تِنَر
وان شاء الله بتنحل الامور
والله الموفق

**صيف وشتاء** · 17/07/2017 10:22 AM

أرسل أصلا بواسطة التلال الخضراء

حاولي بماده اسمها تِنَر
وان شاء الله بتنحل الامور
والله الموفق

تنر هذا مال الكاشي عن يخرب عليها الصبغه لانه قوي

تواصلي مع المقاول مال البناية لانه العمال السبب ف هذا

**miss ice** · 17/07/2017 01:10 PM

أرسل أصلا بواسطة صيف وشتاء

تنر هذا مال الكاشي عن يخرب عليها الصبغه لانه قوي

تواصلي مع المقاول مال البناية لانه العمال السبب ف هذا

المشكلة انا الغلطانة وواقفة جنبهم ..يعني ف نص الشارع

**miss ice** · 17/07/2017 01:10 PM

أرسل أصلا بواسطة NITRO

وعليكم السلام والرحمة

جربي نزلي الصورة نشوف

طيب بنزل الصور

**miss ice** · 18/07/2017 08:16 AM

بعض الصور :

[IMG]

[/IMG]

[IMG]

[/IMG]

**Radioactivity** · 18/07/2017 08:24 AM

@miss ice

شقت الصور وعورني قلبي

لا تسوي بترول ولا مواد قويه, عن تشلي الصبغه معاكي
روحي محلات مال تلميع وبيتصرفو معاه ان شاء الله يروح ولا على اقل يخف
ونصيحه, مرا ثاني اي مكان يبنو او يحفرو لا توقفي جمبه ابدا

**IT HelpDesk** · 18/07/2017 08:25 AM

السلام عليكم ..

لو جربتي تغسلي السيارة بالماي الحار ف المغسلة ف نفس اليوم ..
ما يمنع تجربي اليوم وان شاء الله خير ..

**rashdi90** · 18/07/2017 08:42 AM

الاسمنت مادة تتفاعل كيميائيا مع الماي لتتحول من مادة سائلة الى مادة صلبة
ازالتها من السيارة لا يكون بالقوة أو الجهد البدني لأن احتمال يأثر على صبغ السيارة ، الاسلم استعمال مواد كيميائية لتغير حالة الاسمنت وتكون ازالته سهلة وبدون الاضرار بصبغ السيارة

اسهل هذه المواد الي تحول حالة الاسمنت الصلبة حسب ما قريت هو الخل الابيض لان نسبة الحموضة فيه معتدلة فما يأثر على صبغ السيارة ، جربي على منطقة صغيرة وخبرينا بالنتائج

**متكى ع قمر** · 18/07/2017 08:54 AM

في البيت بقطعة قماش وسوي لها ماء وصابون غسيل الاواني
ونظفيه بس شوي يحتاج وقت واكثر من مره

**زعيم العماني** · 18/07/2017 09:30 AM

اهلين بك اختي

الحل بسيط جداً ... روحي اشتري ( الخل الأبيض ) من اي محل تجاري
وبعدين حطي ع البقعه الموجود ع سيارتك وانتظري لمدة 5 الى 10 دقائق فقط
بعدين نفس الشي حطي شويه ( الخل الابيض ) ع القطن او المنديل او فوطه نظيفه تكون قطنيه اقل شي
وافركي عليه بحركه دائريه وراح يروح الشوائب كلها ف غمضه عين .. طبعاً في مواد ثاني سريع مفعوله
لكن ما اقدر اخبرك عنها لانك بمجرد ما تزيدي الكميه فيها احتمال راح يشل الصبغه معك
من كذا عطيتك حل بسيط وفعال وهو ( الخل الأبيض )

جربي وخبرينا بالنتيجة ..

موفقه اختي الكريمه @miss ice

>>>>

**NITRO** · 18/07/2017 11:16 AM

أرسل أصلا بواسطة miss ice

بعض الصور :

[IMG]

[/IMG]

[IMG]

[/IMG]

ماشاء الله طلعت حبات كبيرة ,,المشكلة هذا لو سويو بمكينة البولش ربما يصاحبه خدوش

جربي سوي طريقة الخل,,وبدي من الجامة ,وشوفي النتيجة لاتبدي بالصبغة عن تصير مشكلة

واذا مافاد وديها جراج السعادة بالمعبيلة معهم مواد ممتازة بالتلميع وبيخبروش اذا بيقدرو يزيلوهها او لا

**miss ice** · 18/07/2017 11:18 AM

مشكورين جدا على الاقتراحات وبجرب كل اللي ذكرتوه وعسى يضبط معي ..

خلاص تعلمت درس وما بوقف جنب هالأماكن

وبوافيكم بالنتائج بإذن الله..

**miss ice** · 03/08/2017 07:18 PM

ما طاع يروح الأسمنت

حطيت ع الإسمنت وفركته وما راح..

شيء حل ثاني ؟!

**واقف** · 03/08/2017 07:35 PM

صارت لي نفس المشكله سوي صابون مال وعيان الاصفر وليفة وعلى خفيف مع الصابون بيروح

**miss ice** · 04/08/2017 07:03 PM

جربت صابون الوعيان ..بللت البقع وانتظرت شوي وبللتهم مرة ..وبعدين بالليفة وما طاع يخوز بسرعة وجيت اداة نفس مال الكيك وخاز

بس باقي البقع اللي ع السقف بسويهم ف وقت ثاني ..

مشكورين ولكم جزيل الشكر لكل اللي عطاني رأيه ..في ميزان حسناتكم وربي يوفقكم

**nightdark** · 04/08/2017 09:57 PM

يخوز بالماء يعني بالليه بالماء بقطعة قماش فيها ماء كثير ما يحتاج صابون بشرط تكون قطعة القماش مبلله لكن تجنبي اداة الكيك بتخدش السيارة

**أحمد ياسين المعشني** · 05/08/2017 11:33 AM

أرسل أصلا بواسطة IT HelpDesk

السلام عليكم ..

لو جربتي تغسلي السيارة بالماي الحار ف المغسلة ف نفس اليوم ..
ما يمنع تجربي اليوم وان شاء الله خير ..

الماء الساخن والحار يدمر صبغة سيارة

تواصلي مع صاحب ورشة 92515400

عندهم شخص مختص بالتلميع و ازاله الخدوش والبقاء

**بو فرح** · 05/08/2017 12:51 PM

سوي شوي تفال أو شي للترحيب ويمشي الأمر
الآن الحين كله يريد منك فلوس لحاجه ما تستاهل

**بو فرح** · 05/08/2017 12:54 PM

سوي شوي تفال أو شي للترطيب ويمشي الأمر
الآن الحين كله يريد منك فلوس لحاجه ما تستاهل

**miss ice** · 06/08/2017 11:25 AM

بعدني برجع لها وبحاول أشيل كل البقع..

**أواصر سرمدية** · 17/08/2017 12:10 PM

صار عند واحد من الزملاء نفس الشي جبنا قطعة خشب مضغوط ناعم بليناها بماي وحطينا عليها خلقة وحكينا الإسمنت وراح بعدين لمعنا المكان ورجعت الأمور 100%

**مصبح** · 19/08/2017 01:11 PM

السلام عليكم تواصلي معاي عالخاص عندي محل تنظيف وباذن الله راح يطلع الاسمنت

**مصبح** · 19/08/2017 01:17 PM

في مواد ممكن انها تزيل بقع الاسمنت

**فني استزراع** · 19/08/2017 02:28 PM

اذا انتي من العامرات خليي ولد من اهلك يتواصل معاي
95571404

واذا من بعيد حاولي تفركي البقعه بورق شامي رقم 2000 مع ماي وصابون ( مايحتاج الضغط وقت الفرك يحتاج خفة يد) لين تختفي العلامه
بعد التنظيف استخدمي بولش للسيارات ويحتاج ضغط في الفرك

الطريقة الثانية
تستخدمي بولش رملي في البدايه بعدها البولش العادي

**عاشق الدريفت** · 20/08/2017 09:36 AM

هلا عزيزي

روح محل ستيم جت عمان لتنظيف السيارات بالبخار النفاث
اكثر من سيارة فيها إسمنت راح عندهم والأمور طيبة
موقعهم في المعبيلة الجنوبية بالقرب من نقليات الجيش خلف مطعم الارنب الجائع
حسابهم ع الانستجرام Steamjet-Oman

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: أسمنت ع السيارة

أدوات الموضوع

البحث في الموضوع

نمط العرض

أسمنت ع السيارة

مواضيع مشابهه

[ مطلوب ] كاميرا صغيرة جدا لمراقبة السيارة توضع في الداخل وتراقب حول السيارة...

أيهم أفضل أسمنت عمان أم أسمنت الاتحاد؟

شركة أسمنت عمان بالرسيل تتبرع لكل بناء مسجد بالعدد (1000) كيس أسمنت فأي شخص يعرف حد يريد يبني مسجد ب

السيارة المميزة والسهم الرابح أفضل مشروع تشترك فيه ( صورة السيارة )

[ معروض ] مزيل خدوش السيارة + تلميع السيارة ( صناعة المانية ) السعر 6 ريال

قواعد المشاركة