مغلق

[Manas]

ارجو اغلاق الموضوع

[Dr cute]

كان الله بعونك اختي
صحيح العيادات التجميليه في عمان ضعيفه جدا
ولكني حسب ما سمعت ان الدكتور رامي ممتاز وينصح به لعمليات الشد والشفط

[ورد مجفف]

مستحيل اسوي عمليه نفس هذي ف عمان، لو منج دام عندي المبلغ متوفر اقل شي بروح دبي..
حد يسلم نفسه لمثل هذيلا .. وخاصه انتي شفتي شكل غرفة العمليات والوضع، بعد الروح غاليه ما رخيصه والصدر منطقه حرجه

[يولا 90]

الحمدلله على سلامتك عزيزتي

[فتافيت السكر]

حمدالله ع سلامتك
ياربي جتني فزعه وانا اقرأ
كيف عاد انتي

[ينايرية]

حمدلله على سلامتك

حسيت بالوجع ماي مع جرح وتشوفي بعينك يزداد كان وقفتي الحمدلله إنك شفيت

[قلم حق]

مافهمت عبارة "لاني عمانية حقي مهضوم"

انتي غلطانه لانك ماشتكيتي عليه .. المشكله انك شفتي الغلط وسكتي والحين جايه تقولي للناس هالعباره !! .. ��!!

[بنت السالم]

المفروض تشتكي عليهم وتأدبيهم
والحمدالله ع سلامتج

[الفتاة]

الحمدلله عالسلامه اختي

[Judgment]

كان ممكن تسوي رياضة (التمارين الصح) وتحلي المشكلة :توفري فلوسك وتحافظي ع صحتك النفسية والجسدية !

[عيون الجرناس]

شفاك الله وعافاك ...

معي سؤال.. لماذا اخترتي العملية .. رغم انك ختمتي موضوعك بأنك ستمارسي الرياضة وستنحفي ...!! ويسيخف الحجمين!

الحمدلله جات ع كذا... وانا اقرأ كنت خائفة ان تكون النهاية لا سمح الله شيء اخر

[النرجس2016]

شفاك الله وعافاك ...

معي سؤال.. لماذا اخترتي العملية .. رغم انك ختمتي موضوعك بأنك ستمارسي الرياضة وستنحفي ...!! ويسيخف الحجمين!

الحمدلله جات ع كذا... وانا اقرأ كنت خائفة ان تكون النهاية لا سمح الله شيء اخر

@Manas

الحمدلله ع سلامتك اختي

اذا نحن نقرأ وخفنا كيف عااد انتي

لا وتخدير كاامل

الحمدلله انه جات ع كذا

يمكن هيه اختارت الحل الأسهل والأسرع

@عيون الجرناس

[مجنوني وينك]

مهما كان كبر صدرك ..او الشغلات الثانية الوحدة ماتسوي عملية ( تعرفي النتائج السلبية وراء هالسوالف؟؟؟ )
مشكلة بعض الناس تدور الحل البسيط ...رياضة وحركة واختيار الملابس اللي تناسب جسمي وخلاص مابحتاج لعملية...

الناس تدور الصحة وانتوا تركضوا وراء عمليات مالها حاجة

[ibtkar]

الحمدالله ع سلامتك
وبالفعل مجازفه زين جات ع كذا ولاشي ثاني لاسمح الله

[لوليتا2013]

حبيبتي ربي سلمــك

عاد حبيبتي العمانيــة ما مهضوم حقهـا

لو رايحـة لهم وشايلــة المكان فوق راســك وغصب طيب تحلوا المسائلة ما احد بياكل حقك حياتي

انا بعد اقرا الكلام وخايفة وين بنوصل

معقولة الدكتور رامي ما كان معك وقت العمليــة ؟؟

ما راجعك ما قالك شيء ؟؟

[نايس جيرل]

شكراً لطرحك التجربة

عافاك الله ...

[ثقتي بك كبيره]

لا حول ولا قوة الا بالله

اقرأ وقلبي ع يدي خفت من النهاية

ربي طلعك بخير وعسى ما فيه مضاعفات مستقبلا

[Manas]

الحمدلله على كل حال

الاخوات اللي يقولو ليش ما سويتي رياضه و رجيم كان احسن من العمليه
يعني تتوقعو انا ما جربت كل شي قبل لا ألجأ للعمليه؟ انا نقصت 20 كيلو مع رياضه و دايت بس حجم صدري بالنسبه لجسمي كبير واجد بدون مبالغه

انا ما لجأت للعمليه الا بعد سنين و سنين من المعاناة .. انا عمري 37 سنه و مشكلة صدري من لما كان عمري 13 سنه و بدون مبالغه الناس كانو لما يكلموني يشوفو على صدري بدال وجهي

[صمت الانهيار]

الحمدلله ع سلامتج عزيزتي
بس سوال فضول
هل انتي متزوجه ؟؟
وهل العمليه تؤثر مستقبلا بالرضاعه ؟


حسيت بمعاناتك محد بيقبض نفسه للعمليات الا زايد عليه الزود

ربي يعطيج الصحه والعافيه ويارب تكون ازمه وعدت ع خير ..

[أومول]

السلام عليكن اخواتي
حبيت اشارك تجربتي في عملية تصغير الثدي هنا في السلطنة مع الدكتور رامي عنداري (عيادة لا كلينكا)

العمليه عملتها قبل ستة شهور .. قبل العملية قابلت الدكتور كذا مره .. و لان حجم الثدي عندي كبير جدا رجوته ان يجعل صدري صغير جدا لما عانيته في حياتي من كبر صدري
في كل مره اقابله كنت اقول له يا دكتور اريد اصغر حجم في العالم اريد سايز A و كان يؤكد لي ان العمليه سهله و ليس لها مضاعفات

و فعلا حدد لي موعد العمليه و دفعت المبلغ كامل و كان 2200 ريال عماني ريال ينطح ريال
قبل العمليه عملت الفحوصات اللازمه وكل شي كان تمام
في يوم العمليه ذهبت للمستشفى الصباح الساعه 6 و كانت مستشفى كيمز

دخلت غرفة العمليات الساعه 9 صباحا و طبعا العمليه تحت تخدير كامل .. استغرقت العمليه كامله ساعتين .. طبعا لما دخلت غرفة العمليات حسيت نفسي دخلت مستشفى في افقر حي في الهند!! مجموعه من شلة الهنود اصحابنا و الغرفه ما كأنها غرفة عمليات بصراحه كانت مخيفه و يتكلمو مع بعض بالهندي و انا ما فاهمه شي ..

صحيت من التخديرشفت الساعه 11 و نص تقريباً .. حسيت حرقان مثل النار في صدري و الم فضيع في بلعومي من اثر انبوب الاكسجين ..اول ما فتحت عيني شفت على صدري و اتفاجأت بأن صدري لا زال كبير بس كانه حجر.

حسيت بضيق شديد .. و جات الممرضه قلت لها ما سويتو العمليه قالت خلاص و جابت لي كيس ورتني اللي نقصوه من صدري .. على حسب كل من سألت و منهم الدكتور قالو انهم شالو كيلو و نص من كل صدر

ودوني الى غرفتي بعد ما طلعت من الملاحظه .. شفت بعض من اهلي و صديقاتي اللي كانو معاي على وجههم علامات استفهام كبيره .. صدري لا زال نفس الشي

الغرفه الله لا يوريكم .. بس الحمدلله انها كانت ليله وحده فقط قضيتها في المستشفى

الدكتور جاني اليوم الثاني صباح و سألته يا دكتور احس حجم صدري ما نقص قال لي نقص و طلعنا كيلو و نص من كل صدر .. المهم سلمت امري لله و قلت له هل بيصغر بعد هذا الانتفاخ قال لي بيصغر بعد ثلاث الى ست شهور

و رجعت البيت .. و اتبعت التعليمات بالحرف .. قال لي لما ترجعي البيت اليوم الثاني اغسلي مكان العمليه بالماي .. انا هنا استغربت!! عمليه و ماي؟ المهم انا ما كذبت خبر و قمت اغسل الجرح يومياً بالماء

رحت مره ثانيه علشان اشيل الخيوط .. و شال الطبيب الخيوط .. و رجعت البيت و مثل ما امرني سويت .. كل يوم اغسل بالماي و المطهر و البس الستيان الخاص اللي عطوني بعد العمليه

لاحظت ان العمليه انفتحت في الصدرين من تحت .. بس اعتمدت على كلام الطبيب و تابعت الغسيل عادي

و كل يوم الجرح يكبر

رحت وقت المراجعه و شاف الدكتور ان الجروح انفتحت .. و عطاني تعليمات جديده ان اتابع الغسيل بس عطاني مرهم اسمه ميبو علشان احطه على الجرح و اسوي دريسينج مرتين في اليوم .. و قال لي الجرح بياخذ وقت بس بيتسكر
و قال لي ان لما رح يتسكر الجرح رح يسبب ندبه
و كان كل مره يكشف على الجرح و يكون مفتوح اكثر من المره اللي قبلها و يعطيني أمل ان الجرح باقي له شويه و يتسكر و الجرح كل ما جاله يكبر لحد ما صار الجرح كامل مفتوح طول و عرض و اللحم برا

انا هنا جاني اكتئاب فضيييييع خصوصا من ريحة مرهم الميبو صرت عباره عن مرهم ميبو متنقل و ريحته في كل ملابسي
اخر شي فقدت الامل .. صارو يتصلو فيني من العياده علشان اروح المراجعه و ما ارد .. و قلت بعالج نفسي بنفسي
قمت كل يوم اغسل الجرح بماء و ملح و بيكنج صودا .. و الحمدلله في خلال شهر و شويه اتسكر الجرح و ارتحت مع انه صدري الحين فيه ندبه تخوف لكن ارتحت نفسياً

طبعاً كوني انسانه عمانيه مهضوم حقها ما اتكلمت و لا اتناقشت مع الدكتور لاني اعرف انه بيجيب لي مئة عله و بيقنعني في النهايه ان هذا هو الموجود

و هذي تجربتي مع لا كلينكا و مع الدكتور رامي عنداري

انصح اي وحده تريد تسوي عملية تصغير صدر في اي مكان مو بس مع لا كلينكا خصوصا لو في عمان اول شي انه الطبيب يوقع على ورقه تضمني فيها الحجم اللي تريديه علشان تضمني حقك و ما يضيعو فلوسك هباء

الحمدلله صحيح ان صدري مش الحجم اللي اريده بس اصغر من اول و مع الرياضه و الدايت ان شاء الله اوصل للحجم اللي اريده

و اتمنى للجميع كل التوفيق ان شاء الله

الحمدلله ع سلامتك

اانا ما انصح اي حرمه اي بنت اي كائن بهالعمليات التجميليه

اثارها واضرارها اكبرررررررررر
حتي ف دول الي مختصه بهالعمليات اضرار واثار اكبر




انا ادش مستشفي ولاده اموت خوووف ورعب ووانتظر ساعه خلاصي
اروح وانا بعافيتي لتجميل




اكرر الحمدلله ع سلامتك اختي

[muqaimi]

يارب الحمدلله ع سلامتك
سبحان الله البنت ماتنلام كل واحد ويقيس ع نفسه محد يقدر يلوم حد
بس المفروض تشتكي عليهم عشان ع الاقل بعدين ماتلومي نفسك وتقولي ليش ما اشتكيت
الله يشفيك ويرزقك الي تتمني

[أحلى مسقط]

الله يعينك يسووا لك حق تجارب

لو رفعتي عليهم قضيه ويرجعوا فلوسك لانه ماسووا لك اللي تبيه ولا خلوكي تعاني وسووا لك مشاكل وغيره ليش سكتى عنهم


بصراحه الواحد يخاف يسوووا عمليات هنا الافضل برع امان وخبره ماهنا حقل تجارب

[أحلى مسقط]

الله يعينك يسووا لك حق تجارب

لو رفعتي عليهم قضيه ويرجعوا فلوسك لانه ماسووا لك اللي تبيه ولا خلوكي تعاني وسووا لك مشاكل وغيره ليش سكتى عنهم


بصراحه الواحد يخاف يسوووا عمليات هنا الافضل برع امان وخبره ماهنا حقل تجارب

[ناعومي]

لو رحتي دبي

كلينيكا جويل

ناس مهاره وشغل محترم

عموما .. الحمدلله ع سلامتك

[أنا والقمر واحد]

يا الله حبيبتي الحمد لله ع سلامتك..
الله يشفيك يارب

[MISS LOPEZ]

الحمدلله على سلامتك اهم شي انتي الحين راضيه عن النتيجه
وبالتوفيق

[Dr cute]

ياخي استغرب من بعض الردود
لي تجي تقولك لو رحتي المكان الفلاني او لي تقولها ما استحيتي ووو
الاخت تعاني من مشكله وطبيعي تكون ما خلت شي ما جربته
بس خلن نفسكن مكانها !!!
ماعرف متى نوصل لثقافه الاحساس بالآخر .

[مريم خليفه]

سبحان الله وأنا أقرا ع بالي النتيجه في النهايه بتكون طيبه ع الأقل !!!!

[عزف الوتر]

تصغيير الثدي ما فيها شي وتفكيرك عادي اختي الوضع اللي فيه ومن كلامك واضح انك عانيتي

كثير حريم سوو عمليات تصغير الثدي
وشي طبيعي المعاناه تصير ولكن المشكله في الندب لانه مشوهه
والندب ما صارت الا بسبب طريقة التعامل مع الجروح ربما اضر بها
كان تحتاج الى درايه وتعليمات دقيقه وجدول غذائي خاص من اجل صالح الجروح والتآمها بسرعه

احنا جرح بسيط ينجرح الواحد ونذهب الى المستشفى لخياطته يوميا من اجل التعقيم والتنظيف وتغطية الجرح من جديد ويكون تحت عنايه طبيه
فما بالك بجرح غائر وازالة شحوم ونزف سوائل

بصراحه استغربت سرعة خروجك من العيادة


على كل حال الحمد لله على سلامتك والله يحقق لك ما تتمنيه

[نبع الموده]

لاحول ولا قوة الا بالله العلي العظيم

شفاك الله اختي