الزواج و مصاريفه

[فن و ذوق]

لا يتكلم الاعزب بهذا الكلام الا انه

سمع الكثير بدون تجميع

...جرب أسال اللي متزوجين كيف الحياة الزوجية بعيدا عن سوالف الفلوس

وللي يريد يكمل دينه راح يجمع مبلغ خلال 3سنوات وبيتزوج واتمشي الحياه بعدها بالتفاهم

[ألماس الشرق]

مهر ألف هذي قوية ياخوك

3 او 4 زين..

ونصيحة للبنت،، افضل ما تشتري الكماليات الا بعد ما يجيبولك الهدايا،، عشان ما تتكدس عندك اغراض كثيرة و تستغلي المبلغ لشي ثاني..

ربي يسهل الامور..

[ناعومي]

ونصيحه للولد العازب واللي توه بادي يشتغل
إذا كان راتبك فوق الجيد والممتاز

حاول تزيد من دخلك

بمعنى إنك تدخل ف العمل الحر

سوي لك تجاره تكسب منها مبلغ حلو
راح تساعدك كثير ف تكوين مستقبلك الأسري وغيره

[سيلفا]

ارجع واقول انه ما فيه عندنا ازمة زواج

القاعات محجوزات طول السنة والحمد لله

ولكن ان كان فيه


الحل ان اهل العروس شوية يسهلوا سالفة العرس ويتشاركوا في مصاريفه مع المعرس

المهر 5 الالاف معقول بصراحة ... اللحين الشباب طايحين على اهل البنت اللي لا لهم لا ناقة ولا جمل في السالفة

تراه البنت بروحها تطلب مهر كذاك

[في قائمة الإنتظار]

لا يفل الحديد إلا الحديد..!!
المعنى من هذا الكلام أن كل أسلوب يحتاج إلى أسلوب مماثل حتى يسهل للتعامل معة , إذا كان المجتمع جعل من الزواج أمر مادي , وصنف المهور إلى تسعيرات مختلفة(سكني - سكني تجاري - صناعي) حسب راتب الفتاة أو جمالها أو نسبها أو ما شابهه حتى أصبح الأمر أشبه بالتجارة وعالم الماديات , فلا بد من اتباع نفس الأسلوب للقضاء على المشكلة ,, الأسلوب المادي البحت وهو فتح باب الزواج من الخارج , عندها وعن طريق المنافسة راح تنخفظ تكاليف الأعراس والمهور تدريجيا حتى تصل لمستوى معقول , ويبدأ جشع الآباء بالتلاشي تدريجيا , وإلا إيش معناه أنا بنتي تشتغل أريدلها مهر أكثر إلا تجارة بحتة؟؟!!

[creative15]

ارجع واقول انه ما فيه عندنا ازمة زواج

القاعات محجوزات طول السنة والحمد لله

ولكن ان كان فيه


الحل ان اهل العروس شوية يسهلوا سالفة العرس ويتشاركوا في مصاريفه مع المعرس

المهر 5 الالاف معقول بصراحة ... اللحين الشباب طايحين على اهل البنت اللي لا لهم لا ناقة ولا جمل في السالفة

تراه البنت بروحها تطلب مهر كذاك

القاعات محجوزات طول السنة والحمد لله

واغلب الشباب يتدينوا من اجل التكاليف...

[التلال القرين للعقارات]

ربي يوفقك ويسهل امورك،، شوف لك وحدة ترضى بالقليل،، كثيرات والحمد لله @التلال القرين للعقارات

من وين ترى هشي معروف
اقل شي اذا ابي من اهلي لازم يكون 13 الف على حسب الحسبه
والله عاد كملنا 27 سنه وتفكير يلعب براسي
والحمدلله شقة جاهز بس والله مصروفات زواج مكلف يلا عسى خير لنا وللحمد صابرين.
@ألماس الشروق

[التلال القرين للعقارات]

[QUOTE=التلال القرين للعقارات;46866949]من وين ترى هشي معروف
اقل شي اذا ابي من اهلي لازم يكون 13 الف على حسب الحسبه
والله عاد كملنا 27 سنه وتفكير يلعب براسي
والحمدلله شقة جاهز بس والله مصروفات زواج مكلف يلا عسى خير لنا وللحمد صابرين.

@ألماس_الشروق

[في قائمة الإنتظار]

مجتمع الداخلية عندنا أراة جيد من بعض النواحي في هذه المسألة..
أولا:- المهور لا تتجاوز ال 5 الاف , وطبعا فية عوائل لا تلزم الشخص إلا بالمهر والباقي هم يشتروة بأنفسهم أو من مبلغ المهر المدفوع..
ثانيا:-لا يوجد أي نوع من أنواع التقييم المادي للفتاة , يعني ما شي اسمة هذي تشتغل مهرها أعلى , أو هذي أجمل تقيم أكثر , الجميع متساوي بالمهر حتى الفتاة الغير جميلة وما تشتغل مهرها راح يكون 5 الاف بدون اي تمييز واللي تشتغل وراتبها فوق يكون يكون مهرها نفس الكلام , حتى أنا اعرف طبيبات على مستوى تزوجن بمهور لا تتجاوز 4 الاف في التسعينات طبعا..
ثالثا:- لا يوجد أي مصاريف جانبية من راشن لبيت أهل العروس أو مبالغة شديدة في الإحتفال , خيمة بسيطة مع وجبة عشاء للرجال ,,


طبعا إجمالي تكاليف الزواج مع المهر وتأثيث الغرفة وكل شي قرابة 9 الاف ونص أو 10 بالكثير حسب أحد الأقارب.

[تاجر وسيط 1]

البنت والولد لو تفاهموا م يحتاج عرس وخرابيط
يسووا حفله بسيطه جدا وف البيت بدون معازيم ويصوروا لأن ف الأول والأخير الصور ذكرى
ويسافروا ويعيشوا حياتهم
ويوم يرجعوا لو بغوا يعزموا أهلهم بس ع الغدااء
ومب لأزم الأسراف العيوش تكفي
المشكله هالأيام ف حب المظاهر..مرات ف بنات م يريدن عرس بس الزوج وأهله يريدوا عرس وربشه
الله يهدينا ويصلحنا ويبعدنا ع الترف وحب المظاهر

عرس أهلي و المعازيم أهلية .... أشكرك ع المداخلة الطيبة

[تاجر وسيط 1]

وهل البنت سترضى بحفله بسيطه في البيت بدون معازيم

i doubt

@N AL MAHROUQI

بترضى مع المعازيم الاهل المقربين و الجيران

[سيلفا]

القاعات محجوزات طول السنة والحمد لله

واغلب الشباب يتدينوا من اجل التكاليف...

شو تسوي بعد اللي يريد الورود يتحمل الشوك لاه

[المسعودي]

اذا الزواج ب الف ريال .. كل يوم بتزوج

[ألماس الشرق]

من وين ترى هشي معروف
اقل شي اذا ابي من اهلي لازم يكون 13 الف على حسب الحسبه
والله عاد كملنا 27 سنه وتفكير يلعب براسي
والحمدلله شقة جاهز بس والله مصروفات زواج مكلف يلا عسى خير لنا وللحمد صابرين.
@ألماس الشروق

من اهلك و 13 الف
المفروض من الاهل يكون في مراعاة..

الشقة جاهزة وما حصلت عروس للحين!!
سبحان الله..

نصيحة،، اذا حصلت على المناسبة قولهم انا علي ملكة الرجال فقط،، عجبكم كان بها نفس اليوم اخذها معي،، ما عجبكم وبغيتو عرس سوو لكن ما ادفع ولا بيسة.. (كون صارم وتوكل على الله)

@التلال القرين للعقارات

[ألماس الشرق]

اذا الزواج ب الف ريال .. كل يوم بتزوج

تستاهل اضعاف الالف معناه دام هذي النية @المسعودي

[المسعودي]

تستاهل اضعاف الالف معناه دام هذي النية @المسعودي

اعترف اننا نبالغ في اشياء بالزواج ..
بس اجمالا هي مرة وحده بالعمر عند الاغلبية ..
مع الصبر و التخطيط السليم .. الشخص بيتزوج بلا ديون ولا تعقيدات ..

[ألماس الشرق]

اعترف اننا نبالغ في اشياء بالزواج ..
بس اجمالا هي مرة وحده بالعمر عند الاغلبية ..
مع الصبر و التخطيط السليم .. الشخص بيتزوج بلا ديون ولا تعقيدات ..

ممكن اسوي اشياء بس ما اضغط على نفسي،، يعني على حسب ميزانيتي..

التخطيط السليم هو الاساس..

[تاجر وسيط 1]

مهر 1000
حشرت
هذا إذا ما زيدت صفر زياده بعدك

قول 3أو 4ألاف
الألف فقط ما أعتقد تصير ف هالزمن

بعدين العرس مره وحده ربما ف حياة البنت من حقها تفرح بس عاد بإعتدال ووسطيه
ربي يوفق ويعين الجميع ..

أنا ما أقول مايصير فرح .... يصير ولكن بس أهلية
3000 كحد أقصى ممكن

[سيلفا]

لحظة انزين الاعراس قبل كانت في البيوت والناس تتزوج وعادي الامور طيبة

كيف تحولت الى قاعات وفساتين بيضاء

حد يعرف

[المسعودي]

لحظة انزين الاعراس قبل كانت في البيوت والناس تتزوج وعادي الامور طيبة

كيف تحولت الى قاعات وفساتين بيضاء

حد يعرف

نازل new version بيكون

[سيلفا]

من اهلك و 13 الف
المفروض من الاهل يكون في مراعاة..

الشقة جاهزة وما حصلت عروس للحين!!
سبحان الله..

نصيحة،، اذا حصلت على المناسبة قولهم انا علي ملكة الرجال فقط،، عجبكم كان بها نفس اليوم اخذها معي،، ما عجبكم وبغيتو عرس سوو لكن ما ادفع ولا بيسة.. (كون صارم وتوكل على الله)

@التلال القرين للعقارات

شريرة الماس

ذكرتيني بواحد من الخوير

قالهم انتوا تريدوا عرس مال قاعة لاه قالوا له ايوا عليك كل مصاريف العرس حتى البطاقات

ما قصر فيهم سوا العرس في فنجا والبطاقات طبع اوراق من الكبيوتر

اسميه كان يوم

[تاجر وسيط 1]

@تاجر وسيط 1

لدي سؤال خارج الموضوع :

لماذا أغلب المواضيع في القسم هنا عن المرأة؟
هل كل المواضيع الإجتماعية في المجتمع تخص المرأة فقط ؟

عموما :

" حقيقة الراحة والإستقرار التي يدعو لها البعض بالزواج
أراها غير متوفرة..فلاحياة زوجية بدايتها غرق بالديون
والهموم ..ناهيك عن المصاريف الأخرى بعد الزواج والإرتباط.."

بالمقابل :..

" مصاريف الحياة أصبحت مرتفعة على العموم..
فإن ثبتنا الفرضية بتحديد المهور ب1000 او 2000 ريال
فهنا تضييق على أسرة الزوجة ودفعهم الى سد ذاك التحديد
بالتدين والإقتراض لتغطية نفقات أخرى في مراسم الزواج ..
وإن كان الرد لي ..ان تلك المراسم ليست بالضرورية ..فهنا
سندخل في باب عرف المجتمع وعاداته الجديدة في كيفية
سير مراحل الزواج..فبعض الأسر ترضى باليسر والسهولة
وأخرى من أسر ترفض ذلك.."

لذلك ..لاحل هنا ..

والأمر يرجع لأسرة الزوجين..وتقديرهم للأمر..

أولا بخصوص التسائل ؟؟

مواضيع خطرة في البال و حبيت الكتابه عنها

المهم:-
كلامك في سليم ... أشكرك ع المداخلة الطيبة

[نخبرهم]

اذا انا حاليا معي 7 الاف ريال عماني وما قادر اتزوج لانه بها مصاريف زاوج حدك 15 الف كامل مع تجهيزات الغرف نوم والاغراض و ترتيبات ملكه و العرس وشهر العسل والمهر وغيره بجد صعبه ظروف
ننتظر اربع سنوات لحد ما نجمع 15 الف

شهر العسل مافرض ترا

لكن بعضكم طيباته الفشره

[سيلفا]

المواضيع صح تخص المراة ولكن اغلب من يكتبها الرجل

ولان المراة تخجل ان تكتب عن الرجل تلقاها تنفش غلها في اختها المراة ايضا

[تاجر وسيط 1]

للمره الثانية أكرر الرجال مهما كان المهر وهو لعاب راح يكون لعاب

و ألي يعاير البنت و لايهتم لمشاعرها أيش تقولوا عنه حظرتكم ... تقولوا عنه لعاب

وبخصوص نفسية البنت ... يعني أنتوا صار معكم المهر أنه يحدد سمعت البنت أو يحدد قدر البنت

ترا هذا مابيع سلعة .... هذا زواج

[تاجر وسيط 1]

البهرجه والتكاليف الزايده ف الاعراس مالها داعي

أقصد يكفي قرايب البنت وقرايب االولد فقط ...

وسالفة المهر 3000 ك حد أدنى معقول وما يزيد عن 6000 ك حد أقصى

وسالفة المندوس والمشتري وغيرها من هلأمور أحسها مالها داعي

أحيان تشريطات الأهل جدا غريبه وغير مقبوله

مافيه أحسن البساطه والشي الخفيف وراحة البال والله

كلها مظاهر لا تودي ولا تجيب

أوافقك الرأي ولكن ما يحتاج أكثر من 3000

[ألماس الشرق]

شريرة الماس

ذكرتيني بواحد من الخوير

قالهم انتوا تريدوا عرس مال قاعة لاه قالوا له ايوا عليك كل مصاريف العرس حتى البطاقات

ما قصر فيهم سوا العرس في فنجا والبطاقات طبع اوراق من الكبيوتر

اسميه كان يوم

زين سوا فيهم

المشكلة اهل البنت ينسو انه بنتهم هي الي راح تجيهم تبكي بعدين اذا زوجها ما اشترلها ولا ما خذاها.. من هين والبنك واقف له فالبلعوم!!

ولد خالتي دافع مهر وكنا ماخذين هدايا وفوقه دفع مساهمه للعرس!! بس اتوقع وحده باغي

@سيلفا

[ألماس الشرق]

للمره الثانية أكرر الرجال مهما كان المهر وهو لعاب راح يكون لعاب

و ألي يعاير البنت و لايهتم لمشاعرها أيش تقولوا عنه حظرتكم ... تقولوا عنه لعاب

وبخصوص نفسية البنت ... يعني أنتوا صار معكم المهر أنه يحدد سمعت البنت أو يحدد قدر البنت

ترا هذا مابيع سلعة .... هذا زواج

انا شخصيا ضد هالفكرة انه اذا تشتغل سعر واذا ما تشتغل سعر!!
بس تحط او يحطو مهر ما يستهين فيها بعدين ولا يثقلو ع الرجال..

كذا المفروض يكون الفكرة..

[ناعومي]

أوافقك الرأي ولكن ما يحتاج أكثر من 3000

أخي ف زمنا صارت بعض الأشياء غاليه
وأحيان اللي تقترن فيها غير عامله
يعني من وين بتغطي بعض الحاجات

الذهب بروحه ما أقل عن 2500

ك حد ادني الرقم معقول جدا

[سيلفا]

زين سوا فيهم

المشكلة اهل البنت ينسو انه بنتهم هي الي راح تجيهم تبكي بعدين اذا زوجها ما اشترلها ولا ما خذاها.. من هين والبنك واقف له فالبلعوم!!

ولد خالتي دافع مهر وكنا ماخذين هدايا وفوقه دفع مساهمه للعرس!! بس اتوقع وحده باغي

@سيلفا

تراه هذا اللي اقوله اسعار المهور ارتفعت لان البنت صايرة تتدلع وتتغلى والرجال كله يقوم تم تم

تو عاد المشكلة كبرت