متى تنزل وظائف الخدمة المدنية ملحق التوظيف2015؟!!

[رنين الوتر]

ربي يفرج امركم

الخير قادم لا محالة

[المسافر91]

بالتوفيق لكم جميــــــــــــــــــــــ ــعا إن شاء الله..

[سيف سلطنة]

الله يعين على رغم من ذلك انا غاسل يدي من ها لوظائف بسبب اعداد المتقدمين وبعض الشروط التي ما تعني شي
نمشي على الحديث تفاءلوا خيراً تجدوه

[حور الباطنة]

الله المستعان بس
والحمد لله ع كل حال

[Justshoping]

الله يوفق الجميع

[مشاعر حايره]

دراسه وتعب ع لفاضي

[أم علي87]

بإذن الله الواحد الاحد انا راح نتوظف فالقريب العاجل
يارب توفيقك

[أمير القلب]

ان شاء الله..
الله يسمع منك.
لحين متى لاكيد ينزل لملحق؟؟؟
سمعت اخر شهر

[العبارة]

متى بينزل الملحق وزارة الخدمة المدنية ممكن للرد الصحيح

[Ah89]

خبرونا ١٥/٣/٢٠١٥

[ألاميره]

عسى خير للجميع يارب

[قيام الليل]

نسأل الله ان يحقق لكل مجتهد نصيب

[جامعيه نيتوركيه]

//////////

[همي حسابي]

السلام عليكم
متى بينزل ملحق الخدمة المدنية الثاني؟؟
حد عنده فكرة؟؟

[Ah89]

السلام عليكم
متى بينزل ملحق الخدمة المدنية الثاني؟؟
حد عنده فكرة؟؟

مفروض ف هالشهر بينزل لكن ماشي حس!
عسى يعدلوا الشروط لان الشرط مال الاقدميه غير عادل ابدا ����
لحين اللي ما مذاكرين ودرجاتهم مال غصب اولى ولا نحنه اللي ذاكرنا واجد وكهسنا اولى وجانا سوادين من المذاكرة والسهر

[Ah89]

اللهم اكتب لنا فرجا قريبا

[همي حسابي]

صبر جميل والله المستعاااان
اللهم لك الحمد حتى ترضى ولك الحمد بعد الرضا

[ورود متفتحة]

مفروض ف هالشهر بينزل لكن ماشي حس!
عسى يعدلوا الشروط لان الشرط مال الاقدميه غير عادل ابدا ����
لحين اللي ما مذاكرين ودرجاتهم مال غصب اولى ولا نحنه اللي ذاكرنا واجد وكهسنا اولى وجانا سوادين من المذاكرة والسهر

حبيبتي ما موضوع مذاكرة
انا كنت اروح مواصلة للجامعة
بس الخدمة المدنية ما تنزل تخصصنا ابدا
وبعد سنتين راجعتهم. ودمجونا مع تخصص اخر
سؤالين او 3 فقط من تخصصنا.. والباقي الله أعلم
انا خريجة من 5 سنوات. بس ما دووم اقدر اسجل
والتسجيل لا يعتمد على الاقدمية.. لانهم ياخذوا من 100 شخص .شخص 1
يعني انا مرتين جبت المركز الثاني.. بس للحين باحثة عن عمل.
وهذا لا يعتمد على التركيز ولا اللي شاد حيله ولا امتياز ولا غيره
ولا تظني اللي ما متوفقين كلهن كسالى او ..... الخ
اللي ما توفقوا.لانهم فقط يطلبوا شخص واحد ..وهذا هو السبب

على العموم كل شخص ومكتوبله رزقه.. بس اتمنى انك تعيدي طريقة تفكيرك
وصدقيني لو رزقك مكتوبلك ومتقدمين 100 شخص..محد يقدر ياخذ رزقك

احنا قبل ايام المظاهرات. وظفوا الاقدمية بدوون اختبارات ومقابلات
وفوق هذا فرحنالهم ودعينا لهم بالخير والتوفيق.. حب لأخيك ما تحب لنفسك
مع انه احنا كنا محدثيين ودووم نارجعهم وكان التوظيف للي محدث بياناته
بس بالاخير تم توظيف الأقدمية. لأنهم اخوانا.ما زعلنا ابد
والسنة اللي بعدها تم توظيف كل الباحثين بمسندم..سواء قديم او حديث
ولأنهم اخوانا ..ما زعلنا . بالعكس فرحنالهم .لانهم بعيدين عن العاصمة
والفرص معهم ضئيلة.
وانتي تظني الباحث القديم ما تعب من البحث ؟؟؟ ما معه ظروف
ما اجتهد ما درس ؟؟ لكن تشوفي حالة الشواغر بالسلطنة

بالتوفيق لك اختي ولي. لكل الباحثين وعسى ان شاء الله
نتوظف كلنا قريب..وربي يسهل الأمور

[romeu]

@ورود متفتحة
ورود متفتحة@

كلام جميل ورده متفتحه ..... وراقي \\

بالتوفيق للجميع باذن الله

[ورود متفتحة]

@ورود متفتحة
ورود متفتحة@

كلام جميل ورده متفتحه ..... وراقي \\

بالتوفيق للجميع باذن الله

آميين يارب.. ربي يوفقنا جميعا
شكرا لك @romeu

[Ah89]

اهلا فيك اختي الفاضلة @ورود متفتحة

"حبيبتي ما موضوع مذاكرة أنا كنت اروح مواصلة للجامعة بس الخدمة المدنية ما تنزل تخصصنا ابدا"

ما موضوع مذاكره كيف عيل نستخدم تخصصنا يوم ما نذاكر كيف نعرف اللي فيه؟!! اذا ما ذاكرنا واستخدمنا اللي نذاكره ف العمل؟
اما الخدمة المدنية ما نزلت التخصص فهذا سوء تدبير و تنسيق بين التعليم العالي و متطلبات سوق العمل او بالأصح شح التعريف بالتخصص تبعكم واحنا نعاني من هالشي اي شخص ف اي جهة اخبره بتخصصي يقولو ايش يعني؟؟ فهذا يعتبر ايش؟ يعتبر قلة وعي عن التخصص ومن المسؤول ؟ التعليم العالي وهالكلام ماله علاقة بالكلام اللي قلته انا من قبل..

"وبعد سنتين راجعتهم. ودمجونا مع تخصص اخر
سؤالين او 3 فقط من تخصصنا.. "

نفس تخصصي بالضبط و نفس معاناتي كذا دمجونا مع ثلاث تخصصات تكنولوجياالتعليم و التعلم و تصميم جرافيكي و وسائط متعدده! وربما تخصصك احداها

"انا خريجة من 5 سنوات. بس ما دووم اقدر اسجل
والتسجيل لا يعتمد على الاقدمية.. لانهم ياخذوا من 100 شخص .شخص واحد"

اقولك لا يا عزيزتي بل حسب الاقدمية و الشرط واضح و موجود في رأس الملحق ضمن الشروط والكل عارف وقاريء للشرط انتي ع الاقل تجربي تدخلي الاختبار و نحنه الملاحق نبى أسماءنا للاختبار تطلع بس ما شي للأسف و مسألة انهم ياخذو من ال١٠٠ شخص واحد انزين ال١٠٠ شخص هذيلا من هم؟؟ ما الاقدمية؟؟ يعني انا اسمي ما يطلع مع ١٠٠ شخص ليش لاني خريجة ٢٠١٢ وهم قبلو لحد٢٠١٠!! فيهم اللي جايب جيد وفيهم اللي جايب مقبول >> الحين من الأولى اللي جايب مقبول و لا اللي جايب ممتاز بغض النظر عن "من الأقدم فيهم؟؟" واذا سألتيني ليش بجاوبك لانه شرط الاقدميه شرط انتي مسيره فيه ما باختيارك بينما معدلك انتي لك فيه كل الاختيار تريدي ترفعيه اجتهدي تريدي تريحي ريحي،، وصل؟؟!

"يعني انا مرتين جبت المركز الثاني.. بس للحين باحثة عن عمل."

وانا عزيزتي نفس الشي اختبرت مرتين في اول ملحقين لما كان ما فيه شرط اقدميه و اسمي مرتين يطلع الثاني وهذا الشي يرجع لذكائك اكثر من اللي يعتمد ع معدلك و بعدين انا ما قلت كذا انا قلت اللي يدخلو الاختبار مفروض الاعلى معدل ف الاقل ما يدخلو الاقدم ف الاحدث فهمتيني؟ وعاد ف الاختبار بتبين الشطاره وخلي المعدل ع صوب

"وهذا لا يعتمد على التركيز ولا اللي شاد حيله ولا امتياز ولا غيره "
>> ما انا عارفه بس ما كذا اختي قصدي الاوادم اللي تدخل الاختبار يكونو من؟ يكونو اللي باختيارهم جابو مراكز ما اللي ولدوهم قبل احق بالوظيفه و هذا اساسا بيرجع للمؤسسه لو يفكرو!

"ولا تظني اللي ما متوفقين كلهن كسالى او ..... الخ"

هههه انا ما قلت شي من هالقبيل لكن قيسي بعقلك الحين كل انسان فيه ذكاء و فاهم وعارف بس هل هم استخدموا ذكاؤهم ام لا؟؟ انا استخدمته كيف؟ اجتهدت بعدين يوم القيامه ترا كلنا مسلمين لكن هل كلنا ندخل الجنة بالدرجة نفسها؟؟ طبعا لا ليش لانه فيه مسلم اجتهد وصام النوافل و قام الليل و تصدق و و و وفيه مسلم ثاني يصلي الفرائض و يصوم الفرائض و يقتر في فعل الخيرات تسأليني الحين من اللي ينال درجة أعلى؟؟ طبعا الجواب واضح و قيسي عليه اللي تخرج بشهادة تميز و اللي تخرج بشهادة مقبول .. وخلي بالك ترا الامتياز ما جبته انا بسهوله جبته حصاد اربع سنوات كهس و كرف وفيه درجات انظلمت فيها الحمدلله على كل حال ولا يضيع الله اجر العاملين

"اللي ما توفقوا.لانهم فقط يطلبوا شخص واحد ..وهذا هو السبب )) " ايوا ترا وما عليه كلام!!

"على العموم كل شخص ومكتوبله رزقه.. بس اتمنى انك تعيدي طريقة تفكيرك
وصدقيني لو رزقك مكتوبلك ومتقدمين 100 شخص..محد يقدر ياخذ رزقك "

اختي ورود طريقة تفكيري لا عيب فيها واللي عاش معاناتي ولا زلت اعيشها ما بيقول هالكلام اكيد رزقي في السماء مع رب كل شي واي شي بس الواحد ياخذ بالاسباب و يطالب بحقه انا ادعي في سجودي و في اوقات الاستجابة انه الله يفرجها لاني محتاجة بشدة للوظيفة و الحمدلله أُحسن الظن بربي و اعمل اللي علي من اعمال حره اسد بها حاجاتي حتى يفرجها ربي..

"احنا قبل ايام المظاهرات. وظفوا الاقدمية بدوون اختبارات ومقابلات
وفوق هذا فرحنالهم ودعينا لهم بالخير والتوفيق.. حب لأخيك ما تحب لنفسك"

انا اطالب بإلغاء شرط الأقدمية ما معناته انه ما احب الخير لهم بالعكس هذاك رزقهم و نصيبهم و انا ما اعترضت طريقهم او تمنيت الشر لهم!! انا اعتراضي للخدمة المدنية و شرطها هذا لانه شرط مش اختياري .. يعني هل يعقل اني انتظر سنوات بشي مش من اختياري .. ياخي اللي يريد شي يسعى له وبالله التوفيق..

"مع انه احنا كنا محدثيين ودووم نارجعهم وكان التوظيف للي محدث بياناته
بس بالاخير تم توظيف الأقدمية. لأنهم اخوانا.ما زعلنا ابد"

ما زعلت عشان وظفوا الاقدم عزيزتي زعلت عشان الشرط مش عااادل لانه شي غير اختياري..ع الاقل يدخلونا الاختبار وهناك اذا قبلوا الاقدم منا قولي لا تزعلي ما زعلي ع الشخص اللي توظف زعلت ع الشرط اللي خبرتك غير عادل اكرر (لانه اجباري ليس اختياريا عشان نجتهد للوصول له

"والسنة اللي بعدها تم توظيف كل الباحثين بمسندم..سواء قديم او حديث
ولأنهم اخوانا ..ما زعلنا . بالعكس فرحنالهم .لانهم بعيدين عن العاصمة
والفرص معهم ضئيلة. الحمدلله ""

كل امنياتي لهم بالتوفيق والسعادة ما اعترضت اطلاقا ولا حق لي بذلك!! ولا تحطيني ف موقف قد يثير حساسيات بيني وبين ناس ما ذكرتهم بشي بس عشان قلت الخدمة المدنيه شرطها ماعادل!!

"وانتي تظني الباحث القديم ما تعب من البحث ؟؟؟ ما معه ظروف
ما اجتهد ما درس ؟؟ لكن تشوفي حالة الشواغر بالسلطنة"

وانتي تظني انه اللي معدله (مقبول) اجتهد اكثر من ( الامتياز) ما هي درجات و لكل مجتهد نصيب و بقدر اجتهادك مفروض تلقي نصيبك "لو الشرط عادل" كلنا يا عزيزتي تعبنا واشهد انهم تعبوا لكن انا في الماضي ليش اجتهدت ما عشان احصل وظيفة زينه وبأسرع وقت؟!! ليش تظنوا اني طماعه و اتمنى الشر للباحثين الثانيين؟!!! انا ما قلت شي ضدهم الله وفقهم و اصطفاهم هم بالوظيفة والحمدلله نصيبهم - انا محور اهتمامي احصل وظيفه بس كيف احصلها؟؟ احصلها لو بس حذفوا شرط الاقدميه اللي هو ما اقدر عليه لانه مش باختياري انا..او بتتضاعف فرصة الحصول ع وظيفة بالنسبة لي

"بالتوفيق لك اختي ولي. لكل الباحثين وعسى ان شاء الله نتوظف كلنا قريب..وربي يسهل الأمور "
اللهم آمين
وشكرا جزيلا لك على المبادرة بالنصيحة وع تقديم الدعاء لي بالدعاء لنفسك..
بس أتمنى محد يفهمني غلط انا اطالب او بمعنى اصح انا اتمنى يلغى شرط الاقدمية وهذا مش طمع و شجع و غيرة وحسد .. هذا مطالبة بحق واللي ذاق مرارة التعب والسهر ع جهاز اللابتوب ونصبح مصدعين وفوق هذا يصبح علينا اختبارين دسمات و ضحينا بالراحة والنوم ويجيك بعدين عائق كبير يأخرك عن التوظيف وانا في أمسّ الحاجة للوظيفة هذا ما تعب ؟؟ تغربنا و كلفنا اهالينا الكثير الم يحن الوقت لرد الجميل؟؟ ما طلبت وظيفة عشان العب و اشتري ما لذ و طاب انا طلبت وظيفة نعيش منها انا و اسرتي حياة كريمه و حلمي اقضي كل ديوني و ديون اقرب الناس لي .. و نسأل الله فرجا قريبا لكل من سعى و اجتهد لينال ما يطلب..

[ام نوارة]

ااختيAH89
كلناا عانيناا وتعبنا...وتراة ع فكرة واايد معدلاتهم مرتفعة...ونحن منهم....
ولكن كل وااحد رزقه عند رب العالمين.....الشروط كل يووم تتغير....
اول القطاع الخاص مايدخلو وينافسونا...وكان التوظيف واقف عندنا 2010...لكن بسبب السماح لهم نحن صارنا ما نقدر ننافس ف الامتحانات......

صدقيني كله خير......ورب العالمين كاتبلك شي ااحسن وافضل........

اكثرو من الاستغفار.......
ربي يوفقك ويوفق الجميع.......

[Ah89]

ااختيAH89
كلناا عانيناا وتعبنا...وتراة ع فكرة واايد معدلاتهم مرتفعة...ونحن منهم....
ولكن كل وااحد رزقه عند رب العالمين.....الشروط كل يووم تتغير....
اول القطاع الخاص مايدخلو وينافسونا...وكان التوظيف واقف عندنا 2010...لكن بسبب السماح لهم نحن صارنا ما نقدر ننافس ف الامتحانات......

صدقيني كله خير......ورب العالمين كاتبلك شي ااحسن وافضل........

اكثرو من الاستغفار.......
ربي يوفقك ويوفق الجميع.......

شكرا لك عزيزتي أم نواره .. أكيد كل اللي كتبه الله تعالى خير ..اللهم لا اعتراض والحمدلله من قبل و من بعد

[ورود متفتحة]

الغالية انتي ما فاهمتني ابد
الشواغر قليلة.. يعني يمكن كل سنة يقبلوا 10 بالكثير
من كل تخصص.. والبقية يرجعون البيت. يعني مهما ذاكرتي
راح يقبلوا بس 1 ... فاهمتني ؟؟؟
يعني انا من 5 سنوات ما قدرت اسجل غير 3 مرات فقط
مره ما منزلين تخصص.. ومره مدموج مع تخصص اخر
وعاد اخر سنتين.. الشرط اما ذكر.. او شرط الولاية
يعني من سنتين انا ما سجلت بهذا الملحق .. فهمتي علي ألحين؟

وانا ما اقصد انه ماله دخل المذاكرة
اكيد الواحد لازم بيجتهد ويذاكر ويشد حيله
بس بالنهاية القبول لشخص واحد فقط .وعشان كذا
تشوفي ناس قدامى تسجل..
اساسا لو فتحوا المجال للخريجين الجدد. القاعه ما راح تكفيهم
وانا كخريجة قديمة..ابد ما عندي مانع انه خريج ينافسني
بالنهاية كلها ارزاق .. وكل شخص ما بيموت غير ماخذ رزقه
حتى لو شربة ماي..
نحن لما زمانا كنا خريجين جدد..ووظفوا اللي متخرجين قدامى
بدون اختبارات ولا حتى مقابلات ومع هذا ما اعترضنا.. بالعكس اخوانا
ويستاهلوا كل خير .وكلنا عمانيين واخوة ومسلمين
ونحب لأخوانا اللي نحبه لأنفسنا

لما تتمنى الخير لغيرك..صدقيني ربي بيوفقك
وبيفتحلك ابواب رزقه..وعسى تتوظفي قريب
وانا ابد ما متضايقه من كلامك ، بس حبيت اوضحلك
انه المشكلة ما من المذاكرة ولا الباحثين.المشكلة شح الشواغر
واتمنى فهمتيني الغالية ..وبالتوفيق للجميع

[ورود متفتحة]

وبالنسبة للظروف.. صدقيني كلهم ظروفهم جدا صعبه
ومحتاجين أمس الحاجة للوظيفة. وتعرفي رواتب الاسر العمانية
انتي منا وفينا..
انا تغربت 5 سنوات خارج عمان بعثة من الوزارة . تصدقي احيانا حتى الماي ما أحصله
والنوم ما اذوقه. حتى أهلي ما يدرون بهالشي
بس صبرت وتحملت..
ولما رجعت عمان. ما بقيت مكان ما رحتله
لو عددتلك الاماكن مستحيل تصدقي
بس انا موكله امري لله . هو خلقنا ويتدبر امرنا

ولما كنت اقدر اسجل بالخدمة المدنية
كنت اراجع عدة تخصصات وعندي دفترين مجمعة فيهم
المعلومات ومن غير ملفات بالكمبيوتر وملفات بالموبايل . بس الأخر نصيب
والحمدلله رب العالمين.وعسى ان شاء الله نتوظف كلنا قريب

[أمير القلب]

ان شاء الله...ربي يوفقكن..ويسهل عليكن..
وان شاء الله عليكن بالصبر..وكلنا صابرررين.وبأذن الله بنتوظف قريب...
لا تيااأسي......

[ورود متفتحة]

ان شاء الله تعالى.. متفائلين
وربي يوفقنا جميعا

[عمان2009]

ان شاء الله ربي بيوفق الجميع
كلام رائع وردة متفتحة انعجبت بكلامه ماقصرتي كلام يدخل العقل تسلمي ع المجهود الجميل والتوضيح للكل .

[Ah89]

أكيد عزيزتي ما أعارض كلامك من ناحية انهم يستاهلو أكييد ١٠٠٪ يستاهلو و هذا نصيبهم و الله يوفقهم و يسعدهم يارب و يشوفو كل الخير ف وظايفهم

بس أعيد مره و أكرر إنه شرط الأقدميه حتى لو كنت أقدم دفعة بعده ما يعجبني لأنه غير عادل( اكيد مليتو انا وحدي مليت خخخ) لأنه الفرز بياخذ الأقدم ما الأجدر ( بالمنطق يعني) بغض النظر عن قد يكون مجتهد وهو جايب مقبول بس منطقيا الأجدر للوظيفه هو أولى بها ،،
وما أختلف معاكم ف الظروف المعيشيه اللي تعيشها أسر كثيره منا والمعاناه
وانا عمري ما تمنيت الشر لأحد بالعكس يسعدني أشوف كل حد فرحان و راضي باللي حصله .. أما كوني باحثه من ٣ سنوات وشي فقدر الله و ما شاء فعل و رزقنا على الله

.. لكن نسعى عسى تتعقربنا وظيفه

[Ah89]

والشواغر ايوا قليله بس أنا قصدي "الأجدر أولى بالوظيفه" قد يكون اختبار الخدمة المدنيه مقياس عادل لكن المشكله في بداية الفرز وهو الاقدميه اللي هو مقياس "غير عادل" وهذي هي النقطه اللي يرتكز عليها موضوعي من البدايه.. و شكرا لگِ و دمتي بود