اريد أرائكن بنات

**سافرت عكس الهوا** · 15/03/2015 11:55 PM

السلام عليكم
.
.
اولا حبيت أطرح هذا الموضوع لأني أريد أخذ أرائكن ..
.
.
أولا : هي قصة بنت هي أكبر أخوانها ..
طبعا البنت تدرس ف أحد الجامعات .. وبعد فترة ولد عمها
قرر أنه يتقدم لها ويبي ردها هي موافقة او لا ...
.
طبعا هنا البنت حتارت بتوافق لولد عمها وتبدا حياة زوجيه معاه .
أو أنها تكمل دراستها لأفضل عشان تساعد أهلها ..
أتمتى المساعده بما انه البعض عندهن فكره .. وسدحن أرائكن .. ولكن جزيل الشكر والتوفيق...

**جنة فؤادي** · 16/03/2015 12:28 AM

أذا هي عندها الرغبة بالزواج وموافقة
عادي تتزوج وتكمل دراستها ف نفس الوقت
وتشتغل وتقدر تساعد أهلها
تراه يصير الوحده تتزوج وتساعد أهلها

ولكن يفضل الوحده تنتظر لحد ماتخلص دراستها وبعدين تتزوج
لان الدراسة تعب كثير ؛؛؛؛
و ممكن هي توافق على الشخص بس تخبرهم لحد ماأخلص الدراسة
نعمل العرس

**مفردة لا تقبل الإنحناء** · 16/03/2015 01:49 AM

الدراسة أولى..

**عصافير بلا أجنحة** · 16/03/2015 03:55 AM

وعليكم السلام
..
الرد مرتبط بطموحها وهدفها بالحياه
لو سألتيني انا كنت برفض بدون تفكير
لانه الشهادة من أولويات حياتي ..
وما راح تجي الا لما اخلص دراستي واكون متفرغة لها بدون ارتباطي بمسؤوليات آخري ..
واذا تشوف انها قادره ع الزواج ومتابعة دراستها فتتوكل ع الله
ف النهاية القرار راجع لها وتحط ف بالها كل الاحتمالات اللي ممكن تصير بعد الزواج ف حالة انها وافقت ..
بالتوفيق

**عيون الجرناس** · 16/03/2015 08:17 AM

الزواج لن يكون عائق لمن رغبت ان تساعد اهلها ...

ان ترى في نفسها الميول له ... وتراه الشخص المناسب ...خلقا وديناً
ف رأي فلتتوكل على الله ...

الكثير من الاخوات ... تزوجن ...وهن على مقاعد الدراسة ...واستطعن تكملة تعليمهن ... ورزقهن الله بالوظيفة..
كل الامر يحتاج الى استيعاب الممسؤولية ..والموازنة بين مسؤولية الزواج ..وحمل الدراسة ..

وربي يوفقها ...

**فرانشيسكا** · 16/03/2015 08:47 AM

لازم تكمل الدراسة احسن
وبالتالي اذا تريد تزوج عادي يصير وهي تدرس ,معنا بنات كثير كذا يدرسن ومتزوجات

موفقه

**شموخ عمان22** · 16/03/2015 11:20 AM

@سافرت عكس الهوا
تستخير ربها ’ الأفضل إنها تصلي صلاة الإستخاره
و بعد كذا هي بنفسها بتقرر القرار الصائب

**أم فراس ونبراس** · 16/03/2015 11:28 AM

الزواج ما لازم يكون عائق يا ما حريم يكملن دراستهن وحوامل بعد
اللي عنده طموح بيدرس مهما واجهه من صعوبات
اهم شي هي وين تشوف نفسها تقدر او لا

**سافرت عكس الهوا** · 16/03/2015 11:58 AM

تسلملي ع ردودكم وارائكن عين العقل .. يسلموا

**عزف الوتر** · 16/03/2015 12:33 PM

فهالزمن احسن تكمل دراستها اذا تريد تنفع اهلها ونفسها
الزواج مسؤوليات ورعايه فوق طاقتها

**alshiblia** · 16/03/2015 05:17 PM

الأحسن تكمل دراستها إذا كانت لا تستطيع التوافق بين الزواج ومستقبلها الدراسي
وأما مساعدة البنت لأهلها لا يكون عائق إذا تزوجت عادي تقدر تقسم راتبها إذا توظفت وتساعدهم او حتى من مصروفها (اكثر الأزواج يعطوا زوجاتهم مبلغ كِـ مصروف وحقها) إذا كانت لا تعمل

**MISS LOPEZ** · 16/03/2015 05:42 PM

الدراسه ما تنتعوض والمستقبل اذا راح انتهيتي
الزوج يروح ويجي 10 بداله
بالتوفيق

**الجنراله المتأمله** · 17/03/2015 09:51 AM

هل تقدر توفق بين الزواج والدراسه؟؟؟

وهي بعد الزواج يمكن ما بتقدر تصرف ع أهلها بنفس الطريقة لو ما تزوجت

**maryam oman** · 18/03/2015 05:06 PM

بعض الفرص ماتكرر..إذا هي حاسه حالها تقدر توفق بين الأثنين والشخص زين ومناسب.فتستخير

**ضي الفيافي** · 19/03/2015 07:03 AM

وعليكم السلام والرحمه

أخر شي تفكر فيه انها تخلي دراستها... لا تظيع الفرصه من ايديها ابدا.
وعادي م شرط ترفض الزواج اذا هي مقتنعه فيه..
- تمتلك وتخلي العرس لين تخلص..لان الي تزوج وتدرس بتكون فضغط كبير م بتقدر توفق بينهن خصوصا اذا حملت وجابت اولاد..بتضطر انها تأجل دراستها

- او انها تعرس ..وتأجل الحمل لقرب تخلص... وهذا احسن اذا ضامنه انها م بتحمل خلال الدراسه.

والله يسهلها كل خيير يارب،،

**يمامة22** · 25/03/2015 10:11 PM

انا تزوجت وكنت ادرس وحملت وولدت وكملت دراستي والحين متوظفه من سنتين ولله الحمد بالطموح نحقق اي شي نريده.

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: اريد أرائكن بنات

أدوات الموضوع

البحث في الموضوع

نمط العرض

اريد أرائكن بنات

مواضيع مشابهه

بنات أريد آرائكن ومشورتكن ف قصتي

حالات أود معرفة آرائكن فيهن

حابة آرائكن الطيبة ف المكياج

قواعد المشاركة