مشكلة لوحده من الاهل

**أحلى مسقط** · 02/02/2015 05:34 PM

السلام عليكم

لدي ابنة خال نعتبرها من بعيد هي مقربه مني جيدا وهي تعاني من مشكله وددت طرحها للمشاركه والتفاعل

هي الله يحفظها فقدت ابويها اتوفوا علي كبر ووفاه طبيعيه اولا خالي الله يرحمه مريض ومن ثم زوجته بعد عده سنوات

تقولوا شومشكلتها مشكلتها الوحده فهي بالثلاثينات ولم تتزوج للان ولكن مابس هالشي تخبرني تقول بعد وفاه والديها تقول ماحد يسال يهتم فيها هي تسكن ببيت والديها مع ولد اخوها وزوجته
حيث انه كل خوانها خواتها متزوجون وكل حد مستقر ببيته

هي تتوق لرؤيتهم وتبي منهم سوال اهتمام لانه هي الوحيده غير متزوجه

بس تقول ماحد يسال منهم الا اخ وحيد يزورها احيانا البقيه لا حد مهتم ولا يسال عنها تفتقد الحنان وحب الاهل هي تحب جمعتهم تروح لهم احيانا بس هم ابد مايفكروابها تقول شوفايده خوان خوات لوماسند لي بهالحياه بعد والديها الله يرحمهم

وافكار توديها وتجيبها ودوم مهمومه حزينه بس ماحد متهم لها حتي خواتها نلتقي فيهم مناسبات زيارات بس كل حد مشغول ببيته اهله عياله مثل خوانها

انا اسمعها احس بالاسي والحزن عليها واخاف انه تتهور ولا تسوي بنفسها شي من الحزن والوحده بس دوم اكلمها وانصحها

وهي تقول بعد نصيبها اتاخر وكبرت وماتزوجت تفكرتحاتي من المستقبل خاصه انها بقت وحيده بدون اهلها ولا حد يهتم فيها

شو رايكم وشو نصايحكم لها

شكرا جميع والله يوفقكم

**طيورالسلام** · 02/02/2015 05:44 PM

سبحان الله
الله يعينها ويصبرها على فقدها والدينها
صدقت الوحدة صعبة
لوتشغل نفسها بالاذكار وقراءت القران
وتدعو الله يرزقها بالزوج الصالح
والله يرزقها بالزوج الصالج والله يحنن قلب أخوانها عليها

**maryam oman** · 02/02/2015 06:02 PM

سبحان الله
ربي يكون بعونها..ومشكله الاخوه والاخوات ليش مايوقفوا مع اختهم ..ربي يرزقها بالزوج الصالح ويرزقها بأطفال

**عزف الوتر** · 03/02/2015 12:37 AM

ليش ما تعمل شجاعه وتصارحهم وتخبرهم ما في نفسها مثل ما هي تخبرك وتفتح اسرارها لك

هذه عي المشكله
الاخوة فيهم حنان الدنيا بس عايشين في لهوهم
اذن محتاجه انها تخبرهم ولو برسائل كتابيه اذا تخجل امامهم

ليش تبحث عن الاجانب اللي ما بيدهم يسندوها هل اخوانها واخواتها ما فيهم قلوب مثلا !!

بخبرك قصه صغيره عن شاب
بعد وفات ابويه حس بالوحده وكان هو اخر واحد ومش متزوج
وحس وهذا احساسه هو ان الكل مشغول عنه ما عدا اخت وحده كانت حاسه بيه ومعطتنه القلب والاذن اللي تسمعه بس ما كان كافي
لين فيوم من الايام وقع في مشكله مستعصيه
حس بالتحطم والموت بنفس اللحظه ولانه ما عنده غير اخوانه اللي هم لهم الحق واللي ممكن يساندوه فعلا تقرب منهم فجأة رغم عنه
وهو يشرح مشكلته وكيف نفسيته وهو يحاول يعبر عن تعبه
تصوري كلهم هبوا للوقوف بجانبه

الشاب ما صدق انه عنده اخوة بهالقلوب الكبيره حس بابوتهم له
تعرفي ويش قال
قال ما كنت اعرف ان لي اخوة بهالطيبه والحب
من بعد ذك المشكله وهو يفاتح اخوانه ع كل ضيقه تصيبه ويفرحهم ع كل فرحه تمر عليه
يزور هذا ومره ذاك
زاد ارتباطه بهم وهم حسوا بوجوده

ليش الصمت !!
الصمت فحالتها ما بيحل شي
هم يفكرها في احسن حال وانها ما تشكوا من باس

هي تأخرت عن الزواج هذا قسمه ونصيب وحسيت من كلامك انها منزويه وغير اجتماعيه
نصحيها تغير من نفسيتها وتشارك اللي حواليها

اتمنى لها التوفيق والراحه والفرح

الله يوفقها

**درس الحياة** · 03/02/2015 08:01 AM

صباح الخير

مثل ما قالت عزف الوتر ما في افضل من المصارحه...
هذا اول الحلول
بالاضافه لذلك هي لازم تكون قويه وتحس بذاتها... فلازم تشغل وقتها بشي
تدرو على وظيفه واي وظيفه المهم انها تشغل وقتها.. (في وظايف ما محتاجه وقت لين تحصلهن)
مثلا تعلم قران للاطفال او النساء الكبار تشارك في الجمعيات او فرق الدعم الصحي وتختلط بالناس وما بتحس بالوحده
في بعد دورات البيماني لتحفيظ القران... من دامها فااضيه وتحس بوحده فرصتها انها تنور حياتها بحفظ القران والله يمكن ما بتحصل افضل من هالفرصه

لما الامل يدخل حياتها مره ثانيه صدقيني راح تتجدد حياتها ويصير الجديد فيها وراح تبرز شخصيتها ويمكن يجيها نصيبها

**قلووب** · 03/02/2015 08:26 AM

الله يهديها ... ليش تحس بالوحدة وفيها اشياء كثيرة ممكن انها تحاول تشغل فيها وقتها
مثلا ممكن تشترك في جمعية خيرية - ممكن تشترك في نادي رياضي - ممكن انها تكمل دراستها - ممكن تقضي وقتها في هواية تحبها - او ممكن تسوي لها تجارة تنفعها
فية واجد اشياء ممكن الانسان يستغل فيها وقتة ...بس للاسف الانسان يضيع ع نفسة وما يعرف يتصرف في الوقت الي معاه
اهم شي انها تعمل شي مفيد تحبة

**أحلى مسقط** · 03/02/2015 08:35 AM

هي تقرا ردودكم خبرتها وعسى تستفيد منها

بس بالنسبه للمصارحه تعبت تخبرهم بس لا حياة لمن تنادي

حتى طلبت منهم تعيش معهم بسبب هالشي بس للاسف كل حد عذر ولا حد عبرها

تو كل اخ واخت تقول بس يفكر بعايلته وعياله مامثل قبل يحاتي ولا يفكر باخته ويقول لي اخت وهو سند لها للاسف

هي تقول ماشي سوال ولاحتى برساله عنها بس يلتقون بتجمعات عائليه بعد فترات طويله

شكرا لنصايح ومعاكم انه عليها تنمي وقتها وتستغله بس هي ماحصلت وظيفه ومامعها خبرات بس معها الثانويه العامه

وماعندها جمعيات قريبه تستغل فيه وقتها

شكرا

**حلاتي في دلالي** · 03/02/2015 08:47 AM

خلها تسوي زيارات كل اسبوع تجلس مع حد من خوانها واخواتها..

وما بتحس بالملل او الحزن..

خلها تروح مع صديقاتها مع جيرانهم تتهجل..

تضبط لها جدول معين.. وتمشي عليه..

تمارس هواياتها..

**شذى الورود** · 03/02/2015 09:22 AM

الله يكون ف عونها ............ والله يرزقها بالزوج الصالح عاجلاً غير آجل

**مذكرات انسانه** · 03/02/2015 09:27 AM

الله يعينها..ويفرج همها..

**أحلى مسقط** · 03/02/2015 10:11 AM

أرسل أصلا بواسطة طيورالسلام

سبحان الله
الله يعينها ويصبرها على فقدها والدينها
صدقت الوحدة صعبة
لوتشغل نفسها بالاذكار وقراءت القران
وتدعو الله يرزقها بالزوج الصالح
والله يرزقها بالزوج الصالج والله يحنن قلب أخوانها عليها

امين

أرسل أصلا بواسطة maryam oman

سبحان الله
ربي يكون بعونها..ومشكله الاخوه والاخوات ليش مايوقفوا مع اختهم ..ربي يرزقها بالزوج الصالح ويرزقها بأطفال

امين

أرسل أصلا بواسطة عزف الوتر

ليش ما تعمل شجاعه وتصارحهم وتخبرهم ما في نفسها مثل ما هي تخبرك وتفتح اسرارها لك

هذه عي المشكله
الاخوة فيهم حنان الدنيا بس عايشين في لهوهم
اذن محتاجه انها تخبرهم ولو برسائل كتابيه اذا تخجل امامهم

ليش تبحث عن الاجانب اللي ما بيدهم يسندوها هل اخوانها واخواتها ما فيهم قلوب مثلا !!

بخبرك قصه صغيره عن شاب
بعد وفات ابويه حس بالوحده وكان هو اخر واحد ومش متزوج
وحس وهذا احساسه هو ان الكل مشغول عنه ما عدا اخت وحده كانت حاسه بيه ومعطتنه القلب والاذن اللي تسمعه بس ما كان كافي
لين فيوم من الايام وقع في مشكله مستعصيه
حس بالتحطم والموت بنفس اللحظه ولانه ما عنده غير اخوانه اللي هم لهم الحق واللي ممكن يساندوه فعلا تقرب منهم فجأة رغم عنه
وهو يشرح مشكلته وكيف نفسيته وهو يحاول يعبر عن تعبه
تصوري كلهم هبوا للوقوف بجانبه

الشاب ما صدق انه عنده اخوة بهالقلوب الكبيره حس بابوتهم له
تعرفي ويش قال
قال ما كنت اعرف ان لي اخوة بهالطيبه والحب
من بعد ذك المشكله وهو يفاتح اخوانه ع كل ضيقه تصيبه ويفرحهم ع كل فرحه تمر عليه
يزور هذا ومره ذاك
زاد ارتباطه بهم وهم حسوا بوجوده

ليش الصمت !!
الصمت فحالتها ما بيحل شي
هم يفكرها في احسن حال وانها ما تشكوا من باس

هي تأخرت عن الزواج هذا قسمه ونصيب وحسيت من كلامك انها منزويه وغير اجتماعيه
نصحيها تغير من نفسيتها وتشارك اللي حواليها

اتمنى لها التوفيق والراحه والفرح

الله يوفقها

قصه زينه بس ياختي ماكل الاخوان اخوات زي بعض بالفعل في اخوان اخوات حتى مايعرفوا اخوانهم ولا عيالهم مايسالوا عنهم خاصه بعد وفاة الوالدين اللي كان يربطهم
وكل حد ملتهي بحياته واسرته ومشاغله حتى ماتحصله يسال برساله عن اخوه او اخته

شكرا على الرد

**أحلى مسقط** · 03/02/2015 10:15 AM

أرسل أصلا بواسطة درس الحياة

صباح الخير

مثل ما قالت عزف الوتر ما في افضل من المصارحه...
هذا اول الحلول
بالاضافه لذلك هي لازم تكون قويه وتحس بذاتها... فلازم تشغل وقتها بشي
تدرو على وظيفه واي وظيفه المهم انها تشغل وقتها.. (في وظايف ما محتاجه وقت لين تحصلهن)
مثلا تعلم قران للاطفال او النساء الكبار تشارك في الجمعيات او فرق الدعم الصحي وتختلط بالناس وما بتحس بالوحده
في بعد دورات البيماني لتحفيظ القران... من دامها فااضيه وتحس بوحده فرصتها انها تنور حياتها بحفظ القران والله يمكن ما بتحصل افضل من هالفرصه

لما الامل يدخل حياتها مره ثانيه صدقيني راح تتجدد حياتها ويصير الجديد فيها وراح تبرز شخصيتها ويمكن يجيها نصيبها

شكرا على الرد
صارحتهم برسايل وطلبت بس ماشي رد كل حد يطنش ولا يسال موفاضيين تقول حتى بالرد عليها
والله زين انصحها دوم تشغل وقت الفراغ بس هم وقتها طويل مافي شي يسليها فيه وماحصلت وظيفه للان بسبب انه فقط معها ثانويه وماتقدر تتشغل بعيد ماعندهاسياره شي
واتعودت ع البيت الانطواائيه الوحده تخبرني حتى انا اخبرها تطلع معانا ماتطلع تقول صارت حياتي كئيبه
وين هاذي دورات البيماني وهل في للنساء عساها تتوفق ويرتاح قلبها

شكرا

أرسل أصلا بواسطة قلووب

الله يهديها ... ليش تحس بالوحدة وفيها اشياء كثيرة ممكن انها تحاول تشغل فيها وقتها
مثلا ممكن تشترك في جمعية خيرية - ممكن تشترك في نادي رياضي - ممكن انها تكمل دراستها - ممكن تقضي وقتها في هواية تحبها - او ممكن تسوي لها تجارة تنفعها
فية واجد اشياء ممكن الانسان يستغل فيها وقتة ...بس للاسف الانسان يضيع ع نفسة وما يعرف يتصرف في الوقت الي معاه
اهم شي انها تعمل شي مفيد تحبة

شكرا ع الرد
مثل ماقلتي واجد اشيا بس هالاشيا ماتعوض حب وحنان الاهل ووجودهم وسوالهم عنها يبقى شي تفتقده وهل ممكن حد يعيش وحيد بلا اهل ولا عزوة براي
اتمنى انه ينسيها هالهوايات هالشعور

أرسل أصلا بواسطة حلاتي في دلالي

خلها تسوي زيارات كل اسبوع تجلس مع حد من خوانها واخواتها..

وما بتحس بالملل او الحزن..

خلها تروح مع صديقاتها مع جيرانهم تتهجل..

تضبط لها جدول معين.. وتمشي عليه..

تمارس هواياتها..

جميل الاراء
هي تروح بعد فترات حسب لو التقوا
ومامن النوع اللي تطلع ولا تعرف الجيران تخاف ماترتاح زين انه تتقي فينا

شكرا

**أحلى مسقط** · 03/02/2015 10:16 AM

أرسل أصلا بواسطة شذى الورود

الله يكون ف عونها ............ والله يرزقها بالزوج الصالح عاجلاً غير آجل

امين ويرزقها الذريه الصالحه

أرسل أصلا بواسطة مذكرات انسانه

الله يعينها..ويفرج همها..

امين
شكرا جميعا

**البسمه** · 03/02/2015 11:16 AM

أختي لو هي تسوي جروب واتس وكل جمعه ترسلهم ان يتجمعوا فالبيت عندها تضبطلهم غداء
الجمعه إلي بعدها ترسلهم ان جمعه مره ثانيه وتجيب أدعيه عشان يدعيوا للمتوفين
تحاول تجيب تواريخ ميلاد اولادهم تسويلهم اجواء حلوة
وقت مولد النبوي او الاسراء والمعراج تجمعهم تسوي مسابقات دينية

هي شكلها محزنه نفسها ومكئبه بحياتها ويمكن اخوانها يشوفوها ممله
لكن لماتسويلهم اجواء حلوة وتضبطلهم جمعات أكيد يحبوا يزوروها

**عاطفة الربيع** · 03/02/2015 12:43 PM

الله يفرج همها ويرزقها بزوج صالح انتي حاولي تسألي حريم اذا يعرفو خطابة ثقة تدورلها زوج و تتزوج لان الوحدة صعبة فعلا خاصة محد يسأل عنها

**MISS LOPEZ** · 03/02/2015 05:26 PM

تحاول تشغل نفسها ب اي شي
الفراغ بيخليها كئيبة اكثر واكثر
الله يوفقها

**الفرعونة كليوبترا** · 03/02/2015 11:21 PM

انا ما عندي نصيحة

لكن اقول ربي يرزقك بالزوج الصالح يعوضك عن الحنان و الاهتمام الي فقدتيه و اعلمي يا اختي بعد الصبر يأتي الفرج
قلبي معك

**عيون الجرناس** · 04/02/2015 08:18 AM

هكذا هم الاشخاص ...
عندما يدخلون الحياة الجديدة ... يقل اهتمامهم ... وان وضعنا بنفس المكان ربما سنكون امثالهم ..!!
الاحساس بالوحدة ... هو قد يكون اقرب ما يكون ... كثرة وقت الفراغ الذي لا لم يستغل ..
وقد يكون هو الميل ان تكوين العائلة الحب ..الزواج .. الامومة

جميعها افكار تتركز ف عقولنا ... وقتما يتسلل الينا ذاك الفراغ !!

الحل ..
ان يكون هناك طرف ثالث .. يتحدثمع اؤلئك الاخوة والاخوات ... بأنه لازال هناك من يفتقد حنانكم واهتمامكم ....
فلا تحرمونه ... وانه هناك شخص ... لا يزال عازباً ... فهو بحاجة الى شطره الاخر ... ليكمل مسيرة حياته .. فلابد من التدخل ...
ولا اعتقد ف الامر عيب .. بأن يبحث الستر لأخته او اخوه ...

الصمت ... لن يجدي .. والطرف الثالث يحفظ ماء الوجهة

**بوح الطير** · 04/02/2015 03:03 PM

الله يفرح قلبها تروح كل اسبوع فبيت احد من اخوانها واخواتها وتجلس معهم ....او تكمل دراستها

تشغل وقتها بالاذكار والقران اذا كان اللي اعلى صعب عليها....الله يوفقها ويسعدها

**ألماس الشرق** · 04/02/2015 04:01 PM

مساء الخير..

تحاول تشغل نفسها بشي..

تشوف نفسها تميل لشو مثلا الطبخ ،، تطبخ وتاخذ وتسوي طلبيات سوا حلويات او اكلات..

او تميل للاشغال اليدوية الخياطة او تزيين تاخذ طلبيات ،وتفتح حساب في انستجرام عشان تسوي لنفسها دعاية..

واذا لها ميول بس تريد تعرف اكثر ، ممكن تشارك في نادي او تدخل النت وتتعلم،، عشان تحترف..

او في المكياج بعد في دروس للي تحب تتعلم..

او اذا تعرف تجويد ، في البيت تاخذ كذا طفل من الحارة تعطيهم حصص في التجويد وقراءة القرآن..

او هي تروح لحصص فالمساجد للتجويد..

او تشارك في نادي للرياضة او منتدى يخص النساء..

وممكن تسوي او تشارك في اكثر من شي في اليوم الواحد..

وربي يرزقها الزوج والذرية الصالحة يارب..

**طهارة قلب** · 05/02/2015 12:39 AM

لا تشكي لناس لازم تشكي لله بس
تكثر استغفار والأذكار
وتقرأ سورة البقرة كل يوم بتحس براحه وايد
وتبحث عن فضلها بالنت يمكن تكون سبب بسعه رزقها بإذن الله
فقط تبحث عن القرب من الله وبشوف الدنيا حلوه بقربه

**جنة المشتاق** · 05/02/2015 02:00 AM

صباح الخير

مسكينه والله شي اخوات واخوان كذا
تو الحرمه تقولكم ترسللهم ومايعبروها لحد متى تذل عمرها بعد تقولو تسير كل اسبوع عند حد مو بالغصب تقحم بيوتهم وهم كذا اسلوبهم مابترتاح

الحل تتعلم مثلا خياطه او تدخل جمعيه تتعلم شي وتشغل نفسها فالبيت تسوي تجاره
وتغير من نفسها تداخل الجيران تطلع تروح وتجي ماتحبس عمرها والايام يمرن وتنتظر يحسنو عليها

ولو تقدر تكمل دراستها كليه مثلا بعد زين بتستفيد واجد

**صمت الانهيار** · 09/02/2015 10:12 AM

صباح الورد

بعدني ما قريت كل ردود الاخوات ..

المهم
اذا انتي تشتغلي ..ساعديها ماديا ممكن تسوي بزنس يشغلها ..ومنها تتعرف ع الناس وممكن تلاقي نصيبها ..

وشوفي لها للزواج حد من اقاربك ..
اخوانك او اولاد عمومتك ..اذا تحسي الرجال كفوء وممكن يسعدها ..

العمر يمضي وكل انثى تحلم بالزواج للامومه..
..
وطبعا دايما خليج معها وكل اسبوع من تتجمعي مع خواتك خليها تجي معاكم واذا تروحو رحلات خذوها معاكم
تقضي وقت وتغير جوو ..

والاهم من هذا انها ما تحكر تفكيرها اني وحيده ومحد معي ..
الحمدلله دام تاكل وتشرب وتنام وفيها الصحه والعافيه هذي نعمه كبيره من الله عزوجل ..
ولابد ف يوم بتعيش مثل ما تتمنى اذا كان خير لها ..

خليها تكثر من الصلاه والاستغفاار دون كلل ولا ملل..
رحمه الله عظيمه وواسعه ..خليها تدعي وتخلص الدعاء لوجه الله ..وتبعد عن نفسها الحزن والضيقه..
لتتفآئل وبتتغير للاحسن ان شاء الله..

..
اتمنى لها السعاده وان شاء الله تتزوج شخص يقدرها ويعيشها احسن عيشه ويرزقها عيال يملو عليها حياتها ..
ياارب ..

**صمت الانهيار** · 09/02/2015 10:12 AM

صباح الورد

بعدني ما قريت كل ردود الاخوات ..

المهم
اذا انتي تشتغلي ..ساعديها ماديا ممكن تسوي بزنس يشغلها ..ومنها تتعرف ع الناس وممكن تلاقي نصيبها ..

وشوفي لها للزواج حد من اقاربك ..
اخوانك او اولاد عمومتك ..اذا تحسي الرجال كفوء وممكن يسعدها ..

العمر يمضي وكل انثى تحلم بالزواج للامومه..
..
وطبعا دايما خليج معها وكل اسبوع من تتجمعي مع خواتك خليها تجي معاكم واذا تروحو رحلات خذوها معاكم
تقضي وقت وتغير جوو ..

والاهم من هذا انها ما تحكر تفكيرها اني وحيده ومحد معي ..
الحمدلله دام تاكل وتشرب وتنام وفيها الصحه والعافيه هذي نعمه كبيره من الله عزوجل ..
ولابد ف يوم بتعيش مثل ما تتمنى اذا كان خير لها ..

خليها تكثر من الصلاه والاستغفاار دون كلل ولا ملل..
رحمه الله عظيمه وواسعه ..خليها تدعي وتخلص الدعاء لوجه الله ..وتبعد عن نفسها الحزن والضيقه..
لتتفآئل وبتتغير للاحسن ان شاء الله..

..
اتمنى لها السعاده وان شاء الله تتزوج شخص يقدرها ويعيشها احسن عيشه ويرزقها عيال يملو عليها حياتها ..
ياارب ..

**تيما** · 09/02/2015 08:56 PM

انا اعرف شعور الوحدة ليش ما تحالو تشوف لها زوج صالح تمدحوها عند ناس وكذا ترا ماعيب

جمعية القرم حاليا عندهم دورة خياطة ب 15 ريال واجد مستفيدات

**الورد لمين بدو ينحني** · 19/02/2015 12:13 PM

افضل لها تلهي نفسها في مشروع تجاري وراح تنسى مشاكلها وبالعكس راح يزورنها الناس ويحبوها اكثر

**شجون اللي** · 19/02/2015 12:39 PM

سبحان الله لهؤلاء الاخوة والاخوات

أسأل لهم الهدايه

عندي طلب صغيرووون من البنت

خليها تستغفر بنيه الله يرزقها بالزوج الصالح

وتبدي من اليوم تستغفر الف مره ف اليوم

ما صعب الف مره خلال 5 دقائق تقريباً

رح تخلص وكل يوم تزيد شوي وهكذا

متأكده وضعها رح يتعدل ورح يكثروو الخطاطيب

ورح نسمع عما قريب بالبشاره

ربك كريم وما ينسى عباده بس الاهم العبد ما ينسى ربه

وعطيني الجديد خلال اسبوع

**عزف الوتر** · 22/02/2015 11:53 AM

يغلق بطلب من صاحبة الطرح
وشكرا لكل من تفاعل فالموضوع

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: مشكلة لوحده من الاهل

أدوات الموضوع

البحث في الموضوع

نمط العرض

مشكلة لوحده من الاهل

مواضيع مشابهه

بريطانية تتصور مع.. ابنة ابنة ابنة ابنة.. ابنتها! - صوره

. بــريطانيــة تتــصور مـــع (..ابنة ابنة ابنة ابنة ابنتها..) .

ابنة ابنة ابنة ابنة.. ابنتها ‎( توجد صورة )

ابنت خالتي والحب..

سبحان الله...هذي حالتي...هل من شخص يفيد حالتي..

قواعد المشاركة