سويتها و م استوت

**رونق الجمال** · 12/08/2014 09:53 AM

السلام عليكم
كيفكم شخباركم ؟؟
بحكيلكم قصتي ع السريع و اتمنى تفيدوني

في يوم من الايام قررت اسوي عملية ازلة الشعر بالليزر المهم حصلت مركز يسويها و تواصلت معهم قالوا تعالي نعاين و اذا ينفع دفعي مقدم و انحدد موعد للجلسة
و بالفعل رحت و عطوني موعد لجلسة و رحت و سويتها
بعد العملية بساعة تقريبا جلدي بدأ يظهر فيه آثار حروق لين وصلت لمرحلة ما قدرت انام من الألم و كله جالسة فالبراد و رحت عيادة و شخصوة حروق من الدرجة الأولى

مرت الايام و الحالة م تعدلت و الحمد لله مع العلاج الحروق شبة راحت لكن تشوهت كثيرررررر
الحين من مسؤول عن هالتشوة ؟؟؟
من أطالب ؟؟

ما اريد غير كل شي يرجع كما كان

**شذى الورود** · 12/08/2014 12:20 PM

الله يكون ف عونك اختي

**mero0** · 12/08/2014 12:27 PM

ياربي ممكن تكتبي اسم المركز عشاان مانروح في ونتشوه

**نبق بحر** · 12/08/2014 12:31 PM

قدمي شكوى ضدهم ف كل مكان تقدريله
وخبرينا اسم الموكز لكي يتجنبه الاخوة

**times** · 12/08/2014 12:51 PM

الله يعينك
خبرينا اسم الممركز لحيطه

**المعلم222** · 12/08/2014 01:50 PM

اذا عندك تقارير تدينهم اشتكي عليهم وقدمي الاثبات للجهات المسؤولة

**الممثل الإعلامي** · 12/08/2014 02:14 PM

أرسل أصلا بواسطة رونق الجمال

السلام عليكم
كيفكم شخباركم ؟؟
بحكيلكم قصتي ع السريع و اتمنى تفيدوني

في يوم من الايام قررت اسوي عملية ازلة الشعر بالليزر المهم حصلت مركز يسويها و تواصلت معهم قالوا تعالي نعاين و اذا ينفع دفعي مقدم و انحدد موعد للجلسة
و بالفعل رحت و عطوني موعد لجلسة و رحت و سويتها
بعد العملية بساعة تقريبا جلدي بدأ يظهر فيه آثار حروق لين وصلت لمرحلة ما قدرت انام من الألم و كله جالسة فالبراد و رحت عيادة و شخصوة حروق من الدرجة الأولى

مرت الايام و الحالة م تعدلت و الحمد لله مع العلاج الحروق شبة راحت لكن تشوهت كثيرررررر
الحين من مسؤول عن هالتشوة ؟؟؟
من أطالب ؟؟

ما اريد غير كل شي يرجع كما كان

نشكر لك تواصلك :نقترح تقدم الشكوى لوزارة الصحة لاتخاذ اللازم.

**رونق الجمال** · 12/08/2014 05:19 PM

أرسل أصلا بواسطة الممثل الإعلامي

نشكر لك تواصلك :نقترح تقدم الشكوى لوزارة الصحة لاتخاذ اللازم.

للأسف رحت المستشفى و شخصوة حرق من الدرجة الأولى و لما طلبت من الدكتور تقرير اني تشوهت قال انا ما اقدر اقول تشوهت لانه الحرق جديد و ما نعرف اذا بيرجع الجلد كما اول او لا

انا م بذكر اسم المركز
بس انصح اللي يريد يسوي ليزر ما يروح الا عيادات متخصصه مثل الامارات الطبي او كايا سكن من تجربة شخصية

**مبارك بن لندن** · 12/08/2014 09:42 PM

نقولها لكي بصريح العبارة وبالفم المليان ، هنا في عُمان لن تجدي أحد ياخذ لكي حقك ...

**الأسد الأخضر** · 13/08/2014 12:02 AM

لا حول ولا قوة إلا بالله ...
...
...
الحين ما يفيد البكاء على اللبن المسكوب ...
...
...
لكن نصحيتي لك ...
في المستشفى ما عطوك تقرير بالتشوه لأنه ما متأكدين إنه بيختفي أو لأ ...
لكن بالتأكيد إنهم بيعطوك تقرير بالحروق المثبته أثناء الفحص والمعاينة ...
خذي تقرير إثبات الحروق من الدرجة الأولى اللي تكلمتي عنها ...
وبعدين إثبات علامات التشوه موجود في وجهك يعني ما يحتاج تقارير عن التشوه ...
إشتكي بهم وطالبيهم يصححوا غلطهم بعلاج طبي و يعوضوك بغرامة مالية عن الأضرار النفسية وعسى خير ...
يمكن وزارة الصحة مكان الشكوى أو الإدعاء ، الله أعلم ...

**ابوسميرالبلوشي** · 13/08/2014 07:27 AM

ليش ما تذكري اسم المركز

**حلاتي في دلالي** · 13/08/2014 12:10 PM

تشوهتي..

الله يعينك.. لا تسكتي عن حقك.. بس بالمقابل انتي رحتي ما هم عرضو عليك الفكرة..

**مــرســى الأحــزان** · 17/08/2014 08:39 AM

الحمدلله ع سلامتك بالاول

اختي انا عملت تحديد اللحية باليرز لاني كنت اعاني لما احلق يصير حبوب عند الرقبه وكذلك اعاني اني الشعر ينمو ع طول
يعني اذا حلقت الصباح عاد بليل الشعر طالع كأني من يوم متحلق

بس الحمدلله رحت مركز الامارات الطبي وعملت جلسات
الحين الحمدلله مافي حبوب ابدا والجلد اصبح ناعم واتحلق فقط في العشر الايام مره وحده بس

كنت في الاسبوع مرتين

**مستر إكس** · 17/08/2014 11:17 AM

كان الله في عونك

**naceri** · 27/08/2014 07:27 PM

أرسل أصلا بواسطة مــرســى الأحــزان

الحمدلله ع سلامتك بالاول

اختي انا عملت تحديد اللحية باليرز لاني كنت اعاني لما احلق يصير حبوب عند الرقبه وكذلك اعاني اني الشعر ينمو ع طول
يعني اذا حلقت الصباح عاد بليل الشعر طالع كأني من يوم متحلق

بس الحمدلله رحت مركز الامارات الطبي وعملت جلسات
الحين الحمدلله مافي حبوب ابدا والجلد اصبح ناعم واتحلق فقط في العشر الايام مره وحده بس

كنت في الاسبوع مرتين

بنسبة لي عادي انا ف 3 ايام اتحلق مرة وحده

**MISS LOPEZ** · 27/08/2014 07:52 PM

الله المستعان !!

**الإتحاد الثلاثي الذهبي** · 29/08/2014 09:26 AM

أختي تقدمي بطلب التقرير هذا من حقك وقدمي شكوى في حماية المستهلك

**أزاهير عمان** · 02/09/2014 10:56 AM

الله يعينك هم مسؤلين بس هامنهم الفلوس

**الفيلق المرهق** · 02/09/2014 10:18 PM

اذكري اسم الموقع لو سمحتي

عشان يتحذر الجميع منها وتفيدي البقيه

**مهندس صريح** · 03/09/2014 01:11 AM

بصراحة انصحك لاتقدمي بشكوى ولاشي دام انتي خائفة انك تذكري اسم المركز اللي سببوا لك هذي الحروقات

**نبق بحر** · 03/09/2014 01:44 AM

حارقين وجهها وما تذكر اسم المركز بعد

**ألتيما** · 04/09/2014 09:46 PM

انا مكانك بقلب المركز ع راسهم

تحركي تو وشوفي موضوعك حتى ما تندمي لما الناس تجلس تسألك ايش سبب التشوه
ويمكن بالوقت المتأخر تعرفي انه ضمن حقوقك يعطوك تعويض

لا تتنازلي عن حقك

**حشيمة** · 04/09/2014 11:09 PM

الله يشفيج

وقولي اسم المركز وسوي فينا خير

وشسالفه عنوان الموضوع ههه

**ملف المستقبل** · 05/09/2014 08:06 AM

اكثر المستشفيات عندنا الخاصه اصبحت بلا جوده اطلاقا..

انا قبل اسبوع ذهبت ل مستشفى الرفاعه فرع الخوض لاتعالج من مرض بسيط.

فالاستقبال موظف عماني الجنسيه للاسف...

سالني تفضل وش بغيت؟
قتله اعالج عند طبيب عام

قالي شو عندك؟

قتله مشكله جلديه

قالي وين بالضبط هالمشكله؟؟

وين مكانها ف جسمك؟؟

يعني امام الناس وفالاستقبال وهو موظف فقط تسجيل يريد يشخص حالتي
ويسالني اسئله محرجه ولو كان طبيب ما بيسالني اياها قدام الناس

فانا خبرته ليش تسالني هالاسئله انته تشخص المرضى هنا؟؟

قال لا بس عشان اعرف اي دكتور بيعالجك!!!!!!!

طيب تراك سالتني وانا خبرتك اريد طبيب عام..
لان الوقت بعد ساعه 9 ليل مافي اختصاصي انا اعرف هالشي.

وعادي وش فيها لو نقول اسم المستنتشفى دام السالفه صحيحه وما فيها تلفيق لهم.

المفترض تذكر الاخت اسم المركز هذا عشان الكل يعرف عنه وعن علاجهم ما نريد احد من اخواتنا يصيرلها نفس الشي

**لولو مرجان** · 09/09/2014 08:56 PM

وابوي

عجب عمتي نوبة حصل معها نفس ما حصل لصاحبة الموضوع ... ومن يومها تابت متتعامل مع الصوالين والمراكز العادية حال الليزر

بس السؤال من أعطى حق وترخيص لبعض المراكز والصوالين لاستخدام هذه التقنيات التي لابد ان يكون من يستخدمها ممرض او طبيب؟؟؟؟

عمتي يوم انحرق وجهها راحت لهم ثاني يوم خبروها اعلى ما في خيلك اركبيه!!!! مع انها كانت تسال ايش الحل؟؟؟ قالوا ما عندك شي يثبت نحن سوينا لك الليزر ثم محد ضرب ع ايدك تجي عندنا!!!!

وراحت العيادة دفعت حال العلاج
اسم الصالون ( الفن الراقي) اللي سوت لها وحدة لبنانية اسمها رجاء ع ما اعتقد

**هادئ جدا** · 11/09/2014 12:36 PM

الليزر ما لعبه والمفروض يستعمل فقط للضروره القصوى

**سكيب الحب** · 15/09/2014 11:08 AM

وش كالفنك تروحي .. ماراضية بخلقت ربك ؟

أستغفر الله بس

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: سويتها و م استوت

أدوات الموضوع

البحث في الموضوع

نمط العرض

سويتها و م استوت

مواضيع مشابهه

سويتها ولا لا

سويتها يا الفيس بوك

هل الحركة هذة استوت عندكم ؟

ببدا كلامي بقصه استوت قبل يومين فمسقط

قواعد المشاركة