تجربتي مع التقويم\عيادة عيسى بن ناصر بنـــــزوى

[mary dia]

حبيت اتكلم عن تجربتي فالتقويم وانا من نزوى
ليششش ؟؟؟
لأني دوم ابحث عن مواضيع كذا ولا احصل حد يفيدنا بحاجه فقلت خليني أنا افيد البقية << إن شاء الله لاني تو بس مسوتنه
..~
البآرحة سرت آسوي التقويم عند دكتور Anup ف عيادة عيسى بن ناصر .. إستغرق تقريبا ساعتين .. وانا ما قصرت نمت وهو يسويلي هعع
بس ضحكني لما يقول "افتح سك افتح سك" لحد ما تلخبطت وقمت لما يقول افتح اصكر فمي والعكس ههههههههههه

الدكتور زين وكان صريح معي ويجاوب ع الاسئلة وهو اصلا حبوب ويده خفيفة شوي
فالعيادة مبدئيا مرتاحة ويااارب اكون مرتاحة معاهم ع طوول

الالم .. اول يوم واللي هو امس ما عندي الم بالمرة بس اليوم زاد علي شوي
ولحد الان ما اخذت بنادول << قوية لاه
وترا الاكل مااااشي من امس بس عايشه ع الماااي واكلت موزة مهروسة
والوالدة الغالية سوتلي شوربة اليوم وبلعتها

هو كذا الاكل فترة التقويم اول الايام مثل الاطفال تاكلو الاشيا المهروسة والعصاير والماي وهيك اشيا بس ابتعدو كل البعد عن المكسرات والمشروبات الغازية وحاولو تشربو العصاير بالسترو البيب القصبه الخ

نوع التقويم | اخترت السيراميك اللي هو الشفاف السلك يجي ابيض نفس لون الاسنان والبراكيتس بيضات بعد عشان ما يبين اوين
و قيمته 950
واجد انواع للتقويم بس اقوى حاجه المعدني لو كانت قيمته اقل شي 450 بس انا اخترت الشفاف لاني واااااااااااجد اتضايق من شكل المعدني

الفترة : قال بين سنة ونص لسنتين

عموما انا بسويلكم ابديت كل فترة وفترة مواعيدي و وش يصير وهيك اشيا
وانتو بعد خبروني عن تجاربكم !!! وين صرتو ووين كنتو خلوووونا نستانس شوووي مع بعضض

[بايعنها ومظلوم]

غالي كثير

[alshiblia]

الله يهديشٰ غالي
اعرف كم بنت يسونهٰ بلاش ع طريق ديوان ومشفى الشرطه وعيادات الخاصه مال 400 بس
الحمد الله على نعمه الجمال

[mary dia]

شو اسوي ما عندي حد عسكري
عادي هالعيادة المعدني ب 450 واشوفه ارخص من العيادات الثانية

المهم اليوم ثالث يوم والالم زاد واخذتلي حبة بنادول وراح على طول .. راح اتكلم بعدين كيفية العناية بالاسنان فترة التقويم

وإجازة صيفية سعيدة عليكم

[mary dia]

مرن 6 ايام ع التقويم والحمدلله بديت اتعود عليه واصكر فمي براحتي وبدا يخف التجريح نفس الشي وهم يقولو السيراميك اقل فالتجريح من المعدني وشكله صح الكلام
بس فالبداية جرحني لين قلت بس
الحين الشمع ما استخدمه لان بدا فمي يتعود عليه وما يجرحني كثير
بس مشكلته يخلي الفم كبير ويبرز الفك اكثر

بتفق مع دكتوري يخلي عملية الشد كل 3 اسابيع ع اساس اسرع فالمدة شوي اذا رضى بس ادعولي يرضضضضضضضى

[alshiblia]

شو اسوي ما عندي حد عسكري
عادي هالعيادة المعدني ب 450 واشوفه ارخص من العيادات الثانية

المهم اليوم ثالث يوم والالم زاد واخذتلي حبة بنادول وراح على طول .. راح اتكلم بعدين كيفية العناية بالاسنان فترة التقويم

وإجازة صيفية سعيدة عليكم

اكثر الناس ادور ع بلاش من تحت الارض حتى للي عندهم خير

ادري عزيزتي تختلف قيمه التقويم ع حسب للي تختاريه وأفضل عياده حاليا والكثير يمدحها هي الوسن ف القرم

موفقهٰ حبوبه متابعه يمكن افكر اسوي بعدين

[قلب الملاك]

انا بنات عمي مسويات المعدني ومكلفنهم حدود 700 ريال ... يعني هالعياده زينه اسعارها

وعن سالفه المجاني من الديوان والشرطه .. ترا يسسووا ببلاش صح بس بعد مذله وصبر .. وما اي احد يقدر ينتظر

[mary dia]

اكثر الناس ادور ع بلاش من تحت الارض حتى للي عندهم خير

ادري عزيزتي تختلف قيمه التقويم ع حسب للي تختاريه وأفضل عياده حاليا والكثير يمدحها هي الوسن ف القرم

موفقهٰ حبوبه متابعه يمكن افكر اسوي بعدين

ههههههه انا اشتغل صارلي سنة و حوشت لي كمين ريال ف ما يهمني اذا بلاش او لا

كم عمرك ؟؟ لا تأخري التقويم نصيييييييييييحة من قلب اختك مااااري

[mary dia]

انا بنات عمي مسويات المعدني ومكلفنهم حدود 700 ريال ... يعني هالعياده زينه اسعارها

وعن سالفه المجاني من الديوان والشرطه .. ترا يسسووا ببلاش صح بس بعد مذله وصبر .. وما اي احد يقدر ينتظر

ايوا العيادة رخيصصصة صراحة وسمعت الشغل مضبوط
انا بس اخترت السيراميك عشان ما يبين
وبالفعل فاالدوام محد عرف اني مسويته الا لما يقترب كثيررر مني ههههه

شكررررررا قلب الملاك ع الرد
واللي تعرف حد مسوي تقويم خلووونا نسوي تجمع كذا نتولف ونتابع بعضنا واذا شي نصايح وهيك

[منبع الطيبة]

اكثر الناس ادور ع بلاش من تحت الارض حتى للي عندهم خير

ادري عزيزتي تختلف قيمه التقويم ع حسب للي تختاريه وأفضل عياده حاليا والكثير يمدحها هي الوسن ف القرم

موفقهٰ حبوبه متابعه يمكن افكر اسوي بعدين

أختــي عيادة الوسـن الدكاترة اللي فيهـا عراقيين؟
وكـم تكلفة التقويـم عندهم؟

[mary dia]

سمعت عن عيادة الوسن ايواااا بس لان القرم بعيده عني ف ما قدرت اسوي عندهم
الاسعار تقريبا المعدني من 600 ل 700

[sony lover]

حشى عاد ما سعر

[بنت السالم]

يامثبت العقل ثبت عقولنا
كأنج تسوي إعلان للعيادة ؟

[mary dia]

يامثبت العقل ثبت عقولنا
كأنج تسوي إعلان للعيادة ؟

انا ذكرت بالبداية سبب كتابتي للموضوع
بعدين وين الاعلانات اللحين !!!!
اللي ما بيعجبني فالعيادة بقوله هنا تطمني
انا كتبت الموضوع للإفادة فقط

[راعي العزبه]

انا ذكرت بالبداية سبب كتابتي للموضوع
بعدين وين الاعلانات اللحين !!!!
اللي ما بيعجبني فالعيادة بقوله هنا تطمني
انا كتبت الموضوع للإفادة فقط

عجبني ردك بروح طيبه

[مهندس التقنية]

انا صراحة متردد اسوي التقويم لاني احس شكلي احسن طبيعي صح اسناني متباعدة بس هذا من علامات الجمال

[shining flower]

أنا سويت بحساب الحكومه بس أغراض التقويم من عندي وهم عليهم التركيب
تقريبا بعدك باسبوع
والحمدلله أبدا ما أخذت بندول
والاموار طيبه بس الاسبوع الاول تعذبت بالاكل كل شي أهرسه وأقطعه صغير صغير
بس بعدها كل شي صار تمام وكوووول وتو كل شي أكله الا المكسرات
وأنا حاطه المعدني بس وايد ناس قالولي ما وايد مبين والاموار طيبة

[مهندس التقنية]

أنا سويت بحساب الحكومه بس أغراض التقويم من عندي وهم عليهم التركيب
تقريبا بعدك باسبوع
والحمدلله أبدا ما أخذت بندول
والاموار طيبه بس الاسبوع الاول تعذبت بالاكل كل شي أهرسه وأقطعه صغير صغير
بس بعدها كل شي صار تمام وكوووول وتو كل شي أكله الا المكسرات
وأنا حاطه المعدني بس وايد ناس قالولي ما وايد مبين والاموار طيبة

اي مستشفى سويتي وكم انتظرتي؟؟

[mary dia]

عجبني ردك بروح طيبه

@راعي العزبه

تشكر اخي واذا مسوي تقويم او عندك معلومات حياااك معانا

[mary dia]

انا صراحة متردد اسوي التقويم لاني احس شكلي احسن طبيعي صح اسناني متباعدة بس هذا من علامات الجمال

@مهندس التقنية


اذا راضي عن شكلك وما مسولك اي تشوه ف ليش تسوي التقويم ؟؟؟

الا اذا كان يضايقك وقت الاكل يدخل بين الاسنان او حاجه
لانه زوج صديقتي بعد اسنانه متباعده ووقت الاكل يتضايق من هالشي ف راح سوى تقويم وتو مرتاح

ف انت لو ما عندك اي مشكلة نصيحة لا تحط
التقويم تعب

[mary dia]

أنا سويت بحساب الحكومه بس أغراض التقويم من عندي وهم عليهم التركيب
تقريبا بعدك باسبوع
والحمدلله أبدا ما أخذت بندول
والاموار طيبه بس الاسبوع الاول تعذبت بالاكل كل شي أهرسه وأقطعه صغير صغير
بس بعدها كل شي صار تمام وكوووول وتو كل شي أكله الا المكسرات
وأنا حاطه المعدني بس وايد ناس قالولي ما وايد مبين والاموار طيبة

حلوووو الحمدلله عيل انا وانتي خلينا دايم مع بعض مساااندة ههههه
كم عمرك ؟؟ انا 24

[mary dia]

اليوووم رحت الموعد متحمسة اول وحده داخله العيادة

ودخلت عند الدكتور راح غير السلك والمطاط
هالمرة قلتله مابا شفاف
يقلب لونه اصفر

قال انا ما حاطلك شفاف اول حاط لك لونه ابيض بس شوي باهت
قلت خلاص نغير
اريد ازرق فاتح جدااااا لدرجة انه ما يبين قال لا بحط لك سلك ابيض هههههه
قلتله حط بنشوف يقلب او لا قال اوكي

وخلصص الموعد
طبعا لاحظت الدكتور ما يشد لي لا اول مرة ولا هالمرة
ما اعرف ليش !!!
بس على ما اعتقد ينتظر لبعد العيد عشان يخلع الاسنان الاربعه ويبدا الشد الحقيقي << العيادة تغلق ف رمضان
اللحين بس يريد يخلي الاسنان تتحرك شوي عشان يسهل الخلع
هذا والله اعلم

بخبركم ايششش يصير معي ف مواعيدي الجاية ودعواتكم لي اخلصصصص بسرعة طفشت << وهذا وانا باول شهر

[mary dia]

بنات و شباب لو تعرفو حد مركب تقويم خبروهم عن الموضوع حلو نتولف هنا ونستفيد من خبراتنا وايش يسو معنا دكاترتنا وكذا

[ليت الوجع طير]

مبروووك خيتو ماري
ياعيني طالعه غاويه تو لما تكشخي ههه
.
.
انا ابا اسوي
اسناني الحمدلله بشكل عام تقدري تقولي حالتهن ممتازة
لكن قمت اشيل الاكل من بينهن بخيط
واحس شوي صارن متباعدات الانياب
صح مو مبين كثير لكن خاطري اعدلهن
اذا بغيت اسوي ب اي نوع تنصحيني؟؟

[mary dia]

مبروووك خيتو ماري
ياعيني طالعه غاويه تو لما تكشخي ههه
.
.
انا ابا اسوي
اسناني الحمدلله بشكل عام تقدري تقولي حالتهن ممتازة
لكن قمت اشيل الاكل من بينهن بخيط
واحس شوي صارن متباعدات الانياب
صح مو مبين كثير لكن خاطري اعدلهن
اذا بغيت اسوي ب اي نوع تنصحيني؟؟

الله يبارك فيك حبيبتي
ههههههه صراحة انا بس افرح لما اجلس انتظر دوري بالعيادة والبنات يسالوني " انتي جاية تركبي تقويم" ههههه اقولهن مركبة خلاااص ما يبين ابدا احلاااا شي

همممم انا بقولك من تو ان التقويم يحتاجله صبر خصوصا اول شهر او شهرين << انا توني فاول شهر هع بس كل حد يقول لي كذا
اذا بالصدق متضايقة من هالشي ف انا انصحك تسوي نوع تقويم اسمه damon braces وللامانة هذا ما اعرف سعره بس اتوقع اغلا عن العادي ولكن ارخص عن الشفاف مالي
<< ما كنت اعرف عنه الا لما ركبت التقويم والا كان بحطه

مميزات هالتقويم انه سريع جدا فالعلاج البراكيتس صغيرة ما واجد بينفخ فمك وشفايفك وتصيري كويتيه
وبعد الشد كل شهرين مو كل شهر يعني ما يحتاج زيارات واجد العيادة لانه قوي
اررررررررريح شي
وبعد ما بيقلعولك ولا سن واصلا انتي ما محتاجه بس شي دكاترة غصصصب يقلعو
وبما انه عندك بس هالمشكلة ما اظن بياخذ اكثر من 6 اشهر

بس استخيري قبل كل شي موفقه اختي

[ليت الوجع طير]

والله حلووو
انا بمجرد ما طرحت الفكره بالبيت حصلت نزاعه اون اسناني ما محتاجه
بس لسه الفكره موجوده وما برتاح الا لما اسويه
طيب اسئلك الممثله هيا الشعيبي شو اسم التقويم مالها اذا كنتي شايفتنها؟
عجبني كثير اسنانها

انا خاطري كذا مثلها تكون اسناني متساويه بنفس الطول وبيضا كثير

[mary dia]

والله حلووو
انا بمجرد ما طرحت الفكره بالبيت حصلت نزاعه اون اسناني ما محتاجه
بس لسه الفكره موجوده وما برتاح الا لما اسويه
طيب اسئلك الممثله هيا الشعيبي شو اسم التقويم مالها اذا كنتي شايفتنها؟
عجبني كثير اسنانها

انا خاطري كذا مثلها تكون اسناني متساويه بنفس الطول وبيضا كثير

وابوي هههههههههه ما كثير اتابع الفنانيين
بس يمكن ما مسوية تقويم
انتي شفتيها بتقويم ؟؟؟

انا اللي اعرفه ان الفنانيين يسويو " ابتسامة هوليود" بحثي عنها ف اليوتيوب او جوجل او حشوات تجميلية
صح اختي انتي حاولي تشوفي حلول اخرى غير التقويم ترا والله متعب

روحي عيادة اسنان زينة واستشيريهم ف طريقة لحل مشكلتك واذا مافي غير التقويم خلاص حطي


>> انا راااااااااايحة اشوف هيووونة ههههههههه

[عيون الجرناس]

انا مسوية تقويم ....
عندي مشكلةة وحدة...واهي الاسنان اللي ف الامام متفرقين ..
ولاحظت بدأت تزيد المساحة... ...قلت اتواحي ع عمري واروح للتقويم ...
خفت عن يزيد ...ويزيد ....ويزيد .....
حتى استحي ابتسم ...

الحين من سويته هذا سادس شهر ...

انا اخترت عيادة بدر السماء....
رحت ثلاث عيادات .... وحدة 1200
والاثنين الغيرهم ...ب 850
وف بدر السماء 750 ... فاعتمدت بدر السماء

سمعت ف عيادات اخرى... بس اخترت الاضل من كون المستشفى ... والقرب ....
اخذت التقويم المعدني ... لانه الافعل بينهم ... وقال بسوي لك لاسنان العلوية والسفلية... حتى يكون اكثر تناسقا مع التغير ... عشان يضرب الفلوس...


من ناحية الالم ..
في الم ... وفي تجريح بالفم ... .. ف ثلاثة الايام الاولى
بس لحد اليوم... ما لجأت للبندول ... استحمل ..والهي نفسي بالقرأة ... او اعمال اخرى...
بس شكلي ببدأ اخذ كونه الالم كل جلسه يزيد... لانه بيشد السلك اكثر ....

لحد الحين اللي باغتنهم يتحركوا من الاسنان ...ما وصلنا عندهم ...
اوين ما تستعجلي ...!!

نشوف من اللي تخلص قبل ... @mary dia

[ليت الوجع طير]

وابوي هههههههههه ما كثير اتابع الفنانيين
بس يمكن ما مسوية تقويم
انتي شفتيها بتقويم ؟؟؟

انا اللي اعرفه ان الفنانيين يسويو " ابتسامة هوليود" بحثي عنها ف اليوتيوب او جوجل او حشوات تجميلية
صح اختي انتي حاولي تشوفي حلول اخرى غير التقويم ترا والله متعب

روحي عيادة اسنان زينة واستشيريهم ف طريقة لحل مشكلتك واذا مافي غير التقويم خلاص حطي


>> انا راااااااااايحة اشوف هيووونة ههههههههه

لا مو تقويم اعتقد
مسويه سراميك ولا شو يسموه !!
ما اعرف شو بالضبط
بس اسنانها صارت صفه وحده
هذه احسه احسن عن التقويم بس اتوقع انه له مدة معينه ويروح بعدها اسنانك ترجع نفس ما كانت عكس التقويم

[mary dia]

انا مسوية تقويم ....
عندي مشكلةة وحدة...واهي الاسنان اللي ف الامام متفرقين ..
ولاحظت بدأت تزيد المساحة... ...قلت اتواحي ع عمري واروح للتقويم ...
خفت عن يزيد ...ويزيد ....ويزيد .....
حتى استحي ابتسم ...

الحين من سويته هذا سادس شهر ...

انا اخترت عيادة بدر السماء....
رحت ثلاث عيادات .... وحدة 1200
والاثنين الغيرهم ...ب 850
وف بدر السماء 750 ... فاعتمدت بدر السماء

سمعت ف عيادات اخرى... بس اخترت الاضل من كون المستشفى ... والقرب ....
اخذت التقويم المعدني ... لانه الافعل بينهم ... وقال بسوي لك لاسنان العلوية والسفلية... حتى يكون اكثر تناسقا مع التغير ... عشان يضرب الفلوس...


من ناحية الالم ..
في الم ... وفي تجريح بالفم ... .. ف ثلاثة الايام الاولى
بس لحد اليوم... ما لجأت للبندول ... استحمل ..والهي نفسي بالقرأة ... او اعمال اخرى...
بس شكلي ببدأ اخذ كونه الالم كل جلسه يزيد... لانه بيشد السلك اكثر ....

لحد الحين اللي باغتنهم يتحركوا من الاسنان ...ما وصلنا عندهم ...
اوين ما تستعجلي ...!!

نشوف من اللي تخلص قبل ... @mary dia

هلاااا والله الجرناس
واخيررررررررررا حد شاركني بتجربته

هههههههه طيب انتي سابقتني بوووواجد عاد
مشكلتك فراغات بس وهذي ما يحتاجلها واجد ان شاء الله اقل من سنة ويشيله لك
بدر السماء اللي فمسقط ؟

انا لسه مشواري طووويل يحتاج خلع وبيخلع بعد العيد