المؤمن لا يلدغ من جحر مرتين :كاشخ: واللي يلدغه الأفعى يخاف من الحبل :ضحك: عند اخوي يعقوب ما شي منه

[ليث الصحراء]

بديت أتشوق اكتبلكم مواضيع

اليوم بتبحر بكم سفينتي إلى قصص شقاوة أخوي يعقوب



أخوي يعقوب عمره ست سنوات وبيدخل المدرسة السنة اللي بتجي أحبه كثير لأنه آخر العنقود وعنده مواقف كثيرة تخلي الواحد يصنع منها أفلام

طبعا أنتو مؤمنين بالمثل اللي يقول المؤمن لا يلدغ من جحر مرتين لكن يعقوب كاسرنه هذا المثل يعني بصريح العبارة محذوف من قاموسه

<>
<>
<>
<>
<>

نبدأ بأول مغامراته وأكتشافاته وكان عمره ثلاث سنوات

كان يعقوب من النوع اذا شاف شي يحاول يقلده وهذا الشي مخوفنا عليه كثير بصراحة لكن مو تسويبه ضرب ونضرب ربط ونربط وما شي فايدة

الموهيم ابو الشباب شايف فالتلفزيون هذلا بو ينطو من فوق أماكن مرتفعة ويربطو حبل وبعدين يتعلقو فالجو ويطلعو فرحانين



وطبعا يروح إلى السطح مسوي عمره شجاع ويربط نفسه بحبل موراد من بطنه ويقول بيكون فخاطره ما شي كاميرات يصورني عشان

أعطيهم هذيك الكشخة بعد ما أنفذ هذي النطة الرهيبة

طبعا تم تنفيذ العملية والحمدلله أنه الحبل كان طويل ولا كان بيشترج فبطنه وبينقطع التنفس وطاح يعقوب من السطح وانكسرت يده ونفجش شوي من عند راسه

وعاد لما رجع البيت من المستشفى نسأله تو ليش سويت كذاك باغي تقتل عمرك قال لا لا باغي انط كماهم بو فوق التلفزيون :

الموهيم عدد الطيحات اللي تلقاها يعقوب 4 طيحات وحدة من فوق السطح وانتين من فوق الجدار ووحدة من فوق الباب مال الحوش ... كسرها القاعدة مثل ما خبرتكم

والاصابات التي لحقت به جراء ذلك كسر فاليد ومرة كسر فالرجل ومرة شنطفت الدغمة والنعفة وشروخ فالراس والامور طيبة


<>
<>
<>
<>
<>


المغامرة الثانية والمشوقة

بعد ما أمر الآمر اللي هو أبوي على الصغار أنهم ينطبجو بعد الغداء راح الجميع إلى غرفهم ينامو وطبعا المخرخش ما يريد ينام ووجه يصير كذا يوم يقولوله روح نام




ولكن فوق راسه تدور أفكار جهنمية واليوم أفكاره تقوله مو رايك تروح هذيك النخلة بو فيها النفتة مال القطي عسب تنشرها وتشرد

راح أخوينا بعد ما ناوص يمين ويسار وحصل الشعب كلهم راقدين وقام يتسلل على صوب الباب كأنه سنور باغي يوكل سمكة

وشردة نحو الخارج وكأنه عصفور خرج من قفصه ....... (وهذي النفتة بو ما يعرفها ) ما أعرفكم انتوه مو تسميوها...




الموهيم يعقوب راح حال النخلة بو فيها ذي النفتة وقام يعقها بحصى من بعيد طشونية وما صابها ويقول بيكون فعقله انا ولا انتيه

اذا ما خليتك طيحي فالارض وتقرب منها واجد وصار تحت النخلة وبينه وبين النخلة بيكون ما يجي متر ويفر عليه بهذيك الحصاه

ويلتم الدبي (الدبابير) فخشمه ويتم يصورخ وينوعق ويخرجله ابوي ويقصفه بقدف فوق الصياح اللي يصيحه

وطبعا عدد اللدغات اللي تلقاها أخوينا ما يقارب عشرين لدغة وصار وجه كأنه نفاخة وعيونه تغطين صار كأنه تشايني..

طبعا يعقوب لم يعتبر وتحرش تقريبا في خمس نفتات وكل نفتة تلقى منها لدغة ولدغتان ومرة أخرى يكسر القاعدة في أنه المؤمن لا يلدغ من جحر مرتين


<>
<>
<>
<>
<>


أنزين تو عاد وصلنا فالختام والقصة الأخيرة ونحمد الله على سلامته منها أيضا

وهذي القصة الحمدلله أنها لم تتكرر .... في يوم من الأيام وكان وقت صلاة المغرب وأبوي خارج من البيت رايح عزى ورايح مع شباب وشياب البلد مكان بعيد

وسيارته مخلنها فالبيت طبعا أمي الغالية راحت تصلي واخواني كل حد في مكان دراسته وانا فدوامي...


ويروح مايكل شوماخر حال المفتاح مال سيارة ابوي يدوره من غرفته لأنه متعود يشوفه وين يخليه وحصل المفتاح

وراح السيارة وفتحها وأبوي مسكين ناسي ومخلي السيارة فجير واحد والسيارة مقابلة الدرج مال مدخل البيت وتبعد تقريبا عشرة أمتار

صاحبنا دق السيارة سلف ونطت النطة الأولية وفرح يفكر نفسه راكب فحماره ويضرب سلف ثاني وتنط مرة وهي تتقرب وفرحان ويضربها السلف الثالث وتشتغل

وعلى خطفتها دقدقت الدرج وضاع البنفر واللديتر واشياء واجدة

صاحبنا ما كأنه مسوي شي راح وجلس فالصالة وبكل أحترام ما تكلم ويتابع التلفزيون وحاطله سبيستون ورجل على رجل وعوده بله

بعد ما خلصت أمي مصلية طلعت برى شوي تتنشق بعض الهواء الجميل وتشوف السيارة والحالة اللي مستوية وتقول السيارة مو ستوالها قالت ما حد غيره هذا السلح

قالتله يعقوب ولدي السيارة مكانها حلو عند موقفنها تعال خبرني كيف سويت كذاك والبغام ما يعرف أنه هذا فخ لمعرفة الحقيقة

وطاحت المجمعة فهذاك الظهر لين ما قال بس....... طبعا تكليف تصليح السيارة ما يقارب 250 ريال وبعده لاف عسج من ابوي

طبعا الحمدلله وما شاء الله يعقوب لحين مخلص روضة تمهيدي والحمدلله جايب الأول وتقول أمي أمبونه اللي مخرخش يطلع ذكي

الخلاصة من الموضوع

ما شي خلاصة ولا هم يحزنون كله نوبة انتوه تريدوله خلاصه قصص ترويحية لا غير

أسئلة للنقاش

1-تو انتوه عندكم مثل أخوي يعقوب واذا عندكم عطونا قصة وحدة بس ؟؟

[ليث الصحراء]

حجز حال @الامبراطورة 22

وهذا الموضوع أهداء حالها لأنها داحية مزابلها لأني قلتلها الديو ما زين حال البنات

[الفتاة المحبوبة]

أولاً : اسمهـــــــا نكفه ما نفثـــــــــه
ثــــــــانياً: الموضوع اهداء لحد يعني ما لازمـ نرد
ثالثاً : مـــــوضوع جميل استمتعت في قراءة مغــــــامرات أخيك يعقوب المشاغب


الله يحفظـــــــه من كل شر ...... ما عندي اخوان صغار بس اولاد اختي واخوي ما شاء الله عليهمـ ربشه
حتى الأبواب يكسروهن

أختي تو بانيين بيت سنه بس من جهز عاد يجي ثلاث مرات يغيروا الصبغ مسوينه صبوره للكتابه عليه
مسكتيـــــــــن نعمـ ف الربشه ما اتوقع حد مثلهمـ ....
والبنت الصغيره تجــــــيب درج وتطلع لين المجمع وتبنده دومـ وتنزل تدخل الدرج ولا كــــــأنها مسويه شي
لا واللي يغمـ انهـــــــا تضحك وتقولهمـ بندت الكهــــــرباء

ومـــــــرد طلعت ف الجدار وتجي خبط وانكـــــــسرت ايدها ومـــــــره من التسريحه طـــــــلعت ونوبه انكسرت
لكــــــــن رقعوها رقع بس من يتـــــــوب كله مغامرات .....

امـــــــا اخوها اذا سمع ابوه او امه طـــــــالعه يدخل وراء السيت الخلفي ينخش
وف نص الطريق يطلع لهم مثل الجني مره ف الليل سواها وطـــــــشت اختي روحها كانت وحدها تسوق

ومــــره جاي هندي يصلح بيب مال الماي ومخلي تلفونه ف الرف وما درى وعلم الا التلفون مختفي وجلسوا يدوروه
وابوه سواله اتصال طــــــلع الولد خاش التلفون ف مخــــــــبأ أبوه ..... بس يسمعوا الاتصال وخجل الاب ما حاس يومـ دخله
لكــــــــــن فاش فيه الرقع هذيك اليومـ رحمته نعم لكن من يتوب

والله واجد سوالف لو جلست احكيهن ما اخلص

بس الأشقياء دائمـــــاً أذكياء ربي يحرسه من كل شر ....... ديروا بالكم عليه لانه خطر ف سنه كذا

[ليث الصحراء]

ما ارد ما حجزولي كرسي

ابوي ردي صاها الامبراطورة داحية مزابلها علينا

وقلت اراضيها بهذا الموضوع الفنتكي

[أفواق الوصف]

جنون درجه اولى
البعض الشقين يجيوا ذكين


أختي البلجاء مثل عمر اخوك يعقوب

مجنونه في البيت بشكل وانا علي الضرب
الله يهديها تتعلم حراكات وافعال حصه وتجي تسويها في البيت
وانازعها وهي ما تستجيب


لكن ما شاء الله عليها تجيب ف امتحانات الاول
والشهاده كلها الف

[كالشموس أشرقي]

كل هذااا عنوان


صبر اقرأ الموضوع


بس قبل عق كمين ريااال عسب ارد
@ليث الصحراء

[حلا المسكري]

ماشاء الله على يعقوب

اخاف يخترع اختراع وانتو ماحاسين بأهميته

[السحاري122]

ولدي حمد .. مسمينه إعصار جونو .. والحين الأولاد يعرفوه بس إسم جونو .. حتى لما بغينا ندخله المدرسة .. مودينه المستشفى علشان الفحص الطبي .. كل الأولاد اللي يدرسوا معاه بالروضه هربوا لما شافوه جاي جنو جاي جنو .. وطبعاً فحصوه هو أول واحد ..
ومن كثر جنونه معنا عجال وينحطن وهو ماشاء الله عليه يركب فوق ظهورهن ..
وما مبقي شي ما يسويه ..

[thefinalrelief]

السلام عليكم ورحمة الله وبركاته



أسعد الله صباحكم



والله يحفظ يعقوب ..

[أفواق الوصف]

ولدي حمد .. مسمينه إعصار جونو .. والحين الأولاد يعرفوه بس إسم جونو .. حتى لما بغينا ندخله المدرسة .. مودينه المستشفى علشان الفحص الطبي .. كل الأولاد اللي يدرسوا معاه بالروضه هربوا لما شافوه جاي جنو جاي جنو .. وطبعاً فحصوه هو أول واحد ..
ومن كثر جنونه معنا عجال وينحطن وهو ماشاء الله عليه يركب فوق ظهورهن ..
وما مبقي شي ما يسويه ..

طالع على من

[thefinalrelief]

ابوي ردي صاها الامبراطورة داحية مزابلها علينا

وقلت اراضيها بهذا الموضوع الفنتكي

اسمنك يوم بغيت تبلي عمرك ما تعايت وحدك جبت ح عمرك

[كالشموس أشرقي]

ههههههههه

يعقوب صدق انه مخرخش
لكن لازم تنتبهوا عليه محد يعلم ويش بيسوي ع غفله منكم تراااا مشكله التقليد عندهم

الله يحفظه من كل شر

[االملاح الأزوري]

عادي طالع عليك ليثوه صاه الظفر ما يطلع من اللحم

يعني نته لما كنت تتون صاير مثل اولاد لبنان كيوت ميتين ميتين منشق راسك والجزم ضارب لحد ركعك ومنزحط ف الفلج وشامخنك السنور

[السحاري122]

طالع على من

طالع مثل يعقوب لاه

[السحاري122]

عادي طالع عليك ليثوه صاه الظفر ما يطلع من اللحم

يعني نته لما كنت تتون صاير مثل اولاد لبنان كيوت ميتين ميتين منشق راسك والجزم ضارب لحد ركعك ومنزحط ف الفلج وشامخنك السنور

ههههههههههههههههههههه
كيف عرفت باه ......

[فينوسة]

ولدي حمد .. مسمينه إعصار جونو .. والحين الأولاد يعرفوه بس إسم جونو .. حتى لما بغينا ندخله المدرسة .. مودينه المستشفى علشان الفحص الطبي .. كل الأولاد اللي يدرسوا معاه بالروضه هربوا لما شافوه جاي جنو جاي جنو .. وطبعاً فحصوه هو أول واحد ..
ومن كثر جنونه معنا عجال وينحطن وهو ماشاء الله عليه يركب فوق ظهورهن ..
وما مبقي شي ما يسويه ..

ماشا الله عليه طالع عفريت نفس ابوه

[ابتسامه حنونه]

@ليث الصحراء قبضني يعقوب اسبوع وان شاء الله بيعقل

الحمدلله عيالي هاديين كماي ما مال تخرخيشه وخبال

اهم شي فيصل ما يطلع كما عمه

موضوع جميل ومواقف اجمل ..يسلموا ليثون

[ابتسامه حنونه]

ولدي حمد .. مسمينه إعصار جونو .. والحين الأولاد يعرفوه بس إسم جونو .. حتى لما بغينا ندخله المدرسة .. مودينه المستشفى علشان الفحص الطبي .. كل الأولاد اللي يدرسوا معاه بالروضه هربوا لما شافوه جاي جنو جاي جنو .. وطبعاً فحصوه هو أول واحد ..
ومن كثر جنونه معنا عجال وينحطن وهو ماشاء الله عليه يركب فوق ظهورهن ..
وما مبقي شي ما يسويه ..

من شابه اباه فما ظلم
@السحاري122

[السحاري122]

ماشا الله عليه طالع عفريت نفس ابوه

مسكين أبوه لا يهش ولا ينش

[السحاري122]

من شابه اباه فما ظلم
@السحاري122

ههههههههههههههههههههه
أبوه طيب وحبوب لاه

[التراب الطيب]

ما شاء الله .. الله يخليه لأبوه ..

[الامبراطورة 22]

هههههههه مسكين
سويت نفس قصته مال النفته مرتين يوم صغيره
المرة الأولى والوحيدة لدغني دبي ف يدي وورمت
المره الثانية رمت اطير و م صابني باس بس لدغ بنت خالي

ههههه الله يحفظه
بعدني زعلانه تراه بس رديت عشان يعقوب
انزين خوز اريد ردي اول رد

[السحاري122]

هههههههه مسكين
سويت نفس قصته مال النفته مرتين يوم صغيره
المرة الأولى والوحيدة لدغني دبي ف يدي وورمت
المره الثانية رمت اطير و م صابني باس بس لدغ بنت خالي

ههههه الله يحفظه
بعدني زعلانه تراه بس رديت عشان يعقوب
انزين خوز اريد ردي اول رد

أتاريك مجنونه من يوم صغيره

[ربيع الأندلس]

ما شاء الله

المهم الولد ذكي ما دمير كماك

ربي يحفظه يعقوب

[زين سويت]

يستحق التقيم موضوع رائع

[الامبراطورة 22]

أتاريك مجنونه من يوم صغيره

هههههه عاد م واجد بس تجينا حالات مرات
احيانا نحطم

[سعيد زجارا]

بجمه = فلعة الطيبين


ابويي شي وشي .. ادابوووو

[سعيد زجارا]

خوضر جبينها يوم اندقت الطيبه وطلعتلها بجمه

[سعيد زجارا]

غدا تيييييم وامهوووو

[الامبراطورة 22]

@عاشقة عيون البدر @الرجوع من الماضي @ابتسامه حنونه @تعابير تائهة @أهلا هلا بك @زين ابوها @جحا 10 @اللواء 22 @أريج الخليج @ورد وزهور @أحلام نرجسية @مولم صوار @مهيرة @لصمتي رواية @الداخلية داري همس العيون