حادث وفاة بسبب المطبات الي ف المعبيله

**أنا الزدجالي** · 23/07/2011 05:09 AM

اليوم الساعه تقريبا 2:50ص انا و الشباب كنا جالسين ف سوق الحراميه كالعاده ..
و فجأه نسمع صوت سياره تنقلب .. و ظنينا ان الحادث صار في منحنى الموت ..
بس الحادث كان عند مدرسة البنات من بعد الاشارات .. تخيلو الصوت وصل لحد سوق الحراميه ..
و سبب الحادث (مسوين مطب على شارع العام وما واضح ومكانها اصلا غلط والسرعه 100 )..
كانت المركبه شاحنه 7طن ومحمله ف الخلف اخشاب ثقيله و4 اشخاص ..
اول ما تقحم الشاحنه ع المطب كل الخشب يطيح ع التشخاص الي جالسين ف الخلف .. وسبب وفاة 1 واصابة 3

( مصختوها المعبيله كلها مطبات بحجم الجبل

.. بس ناقص تسوو مطب داخل البيوت

)

**طموحة دوم** · 23/07/2011 05:11 AM

الله يرحمه يا رب .. ويشفي البقية
لازم يجدوا حل لهالمطبات ..

**THE Challenger** · 23/07/2011 05:11 AM

لا حولة ولاقوة الا بالله العلي العظيم

الله يرحم من توفى والله يعافي المصابيين

من متى مسواي هالمطب... وهل هو مخطط؟

**أنا الزدجالي** · 23/07/2011 05:12 AM

لا حد يقول المطبات عشان محد يسرع .. اول شوفو اماكن الطبات و احكمو بانفسكم
اصلا المطبات مسوينها لانهم ما قادرين يمسكو الي منزلين سياراتهم و قالو يسوو مطبات لتسهيل المهمه

**أنا الزدجالي** · 23/07/2011 05:14 AM

أرسل أصلا بواسطة THE Challenger

لا حولة ولاقوة الا بالله العلي العظيم

الله يرحم من توفى والله يعافي المصابيين

من متى مسواي هالمطب... وهل هو مخطط؟

الحين قبل 5 او 6 ايام
ومكان المطب غلط 200/200

**°ღ°♥ بنت قابوس ♥°ღ°** · 23/07/2011 05:17 AM

لآحوله ولآ قوة إلآ بآلله

**اللواء 22** · 23/07/2011 05:17 AM

الله يرحمة

**أنا الزدجالي** · 23/07/2011 05:17 AM

و مسوين مطبات قدام مدرسة حسن بن هاشم .. الحين هذي مكان حد يسو مطب !!
اريد اعرف هالموقع ليش مسوين مطب ؟؟؟!!!

**THE Challenger** · 23/07/2011 05:17 AM

ناااس تطالب بمطبات من زمااان في بعض الحواير وماحد عبرهم..

راحوا يسويهن في اماكن ماتستاهل

مااحسن يسوي واحد بالخط السريع

**صاحب السمو989** · 23/07/2011 05:18 AM

الله يرحمهم

**أنا الزدجالي** · 23/07/2011 05:21 AM

ما يكفيهم دامرين الشوارع مع الصرف الصحي .. والحين زادونا مطبات .. مسكينه السياره تشتكي من الشوارع .. مره تطيح ف حفره و مره تقحم مطب .. الله يعين الي بيجي بعدين

**جفون الصبر** · 23/07/2011 05:25 AM

شو الحاله
الله المستعان بس

**أنا الزدجالي** · 23/07/2011 05:27 AM

بعده بيجي خط الغاز .. غاااابت عمان بيفجروها

**دمعة شوق** · 23/07/2011 05:28 AM

حسبي الله ونعم الوكيل
الله يرحمهم جميعا

**يحيـى** · 23/07/2011 05:29 AM

لا حول و لا قوة الا بالله ,’

**حلم الشهادة** · 23/07/2011 05:32 AM

إنا للــه وإنا إليــه راجعــون...

**شاعر مبدع ومتميز** · 23/07/2011 05:34 AM

نفسها الحركة صارت في سوق السيب
مطبات ماشفناهن أنا ووالدي

وأبوي مال فجأة انتزق وشخطه بريك سبيشال
عاد لأن الله رحمنا ما تشقلبنا

بلدية السيب يبغالها شخطين حمرات

**لحظة غيابك** · 23/07/2011 05:36 AM

صح والله مصخوها هم و مطباتهم
الله يرحم المتوفي
والله يشفي المصابين

**بقداد** · 23/07/2011 05:41 AM

لا حولة ولاقوة الا بالله العلي العظيم

**أنا الزدجالي** · 23/07/2011 05:43 AM

قاصرنا مطبات ف خط مسقط السريع .. و رادارات على سرعة 80 .. و دوريه عند كل دوار تخالف الي ما مغسل سيارته .. و و و و و ..

**THE Challenger** · 23/07/2011 05:47 AM

بس صدقني فكره حلوة مطب بخط مسقط السريع كل يوم ضحايا لاه خخخخخ

**أبو سيف المحروقي** · 23/07/2011 07:43 AM

انا ما ادري شو صاير في المعبيلة
فجأة ومن دون مقدمات أشوف الدنيا كل مطبات
وأكثرها من دون أي لوائح إرشادية أو حتى أضواء تحذيرية
أول أمس الصباح مريت على شارع داخلي بخير وعافية
أمس العصر مريت إلا والمطب قدامي
بسم الله
من هين طلع ؟؟
متى حطوة ؟؟
وين اللوحات ؟؟
يأخي قبل حتى ما تعملوا المطبات حطوا أول لوحات تحذيرية
حياة الناس مو لعبة بين إيدينكم
مصخرة والله

كل هذا بسبب ضعف وسوء الرقابة
لا بارك الله في المسئولين المهملين

**جحفان** · 23/07/2011 08:14 AM

تعالو نزوى وراح تشوفو العجب

مطبات فى كل مكان

حتى انه الان يجينى شور ابيع سيارتى رحمة بها من هالمطبات

جانى وجع ظهر من هالمطبات

الله ينتقم من كان السبب فى انشائها

**أومول** · 23/07/2011 08:37 AM

انا لله وانا اليه لراجعوووون
الله يرحم الميت ويصفيه م الخطايا كما يصفى الثوب الابيض م الدنس اللهم نسالك الرحمه له والعافيه للمصابين ولكل سقيم اللهم امين
بس مطبات يمكن ف اطفال صغار وبعدين السرعه وقله الانتباه م اهم اسباب الحوادث كلما سرعت قله زاويه الرؤيا مفروض يكون ثقافه مروريه وتشديد كبير جدا ف العقوبات

**BIGKHARUSI** · 23/07/2011 08:44 AM

حسبي الله ونعم الوكيل
حتى انا ما سلمت منه هذا المطب
تخيلو اني سبحان الله كانهم زااااارعين نخلة جاهزة هى ورطبها
ومطلع سيارة من الوكاله جدديدة
وكل يوم امر ع المكان وذيك اليوم اتفاجأء ب هذا المطب
وشوي وسوي حادث بس قدرا لرحمن الرحيم
شعرة بيني وبين السيارة اللى قدامي

**حكيم الاقزام** · 23/07/2011 09:48 AM

الحين انت تريد تقول ان المطبات هى السبب ولا السائق لى اصلا مراكب اربع اشخاص واصلا ممنوع
وطبات علشان ناس تحول ان تتخفف السرعه ومكان الحادث قبله ب 50 مترا فى اشارة مطب

**alsrmd** · 23/07/2011 09:57 AM

لاحول ولا قوه الا بالله

**برج البروج** · 23/07/2011 10:05 AM

أرسل أصلا بواسطة أنا الزدجالي

قاصرنا مطبات ف خط مسقط السريع .. و رادارات على سرعة 80 .. و دوريه عند كل دوار تخالف الي ما مغسل سيارته .. و و و و و ..

وقبل لا تغلق الباب تكون لابس حزام الامان... والتعتيم إذا وصل20 % يخالف عليه ... وإذا شي من انوار السياره عطلان وانت ما عندك خبر اصلا ع طول تخالف عليه...و و و و و ..

**أبو سيف المحروقي** · 23/07/2011 10:30 AM

أرسل أصلا بواسطة حكيم الاقزام

الحين انت تريد تقول ان المطبات هى السبب ولا السائق لى اصلا مراكب اربع اشخاص واصلا ممنوع
وطبات علشان ناس تحول ان تتخفف السرعه ومكان الحادث قبله ب 50 مترا فى اشارة مطب

طيب تعال المعبيلة
وأريدك توريني وين الاشارة اللي قبل المطب ب 50 متر

**إنسانه قبل لا اكون بنت** · 23/07/2011 10:45 AM

وجود المطبـآت ضروري ..
لكن الخطـأ هـو عدم وضع لـآفتـآت لتنبيه السـآئقين ..
وبآرك الله فيك

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: حادث وفاة بسبب المطبات الي ف المعبيله

أدوات الموضوع

البحث في الموضوع

نمط العرض

حادث وفاة بسبب المطبات الي ف المعبيله

مواضيع مشابهه

وفاة 4 أشخاص في حادث سير في بركاء

وفاة رجل وابنه في حادث سير بسبب تدهور مركبتهم في منحدر خطير بجبال قرية عمق الرباخ بولاية قريات

19 وفاة في 150 حادث سير.. الأسبوع الماضي

وفاة طالب في حادث غرق ببركاء

وفاة طالب في حادث غرق ببركاء

قواعد المشاركة