وصول شغالات جديدات من أثيوبيا

**ادريس المعمري** · 08/06/2011 10:12 AM

بحمد الله وفضله

تم صرف الخدامات .

**ادريس المعمري** · 08/06/2011 10:13 AM

صباح الانوار

**ادريس المعمري** · 08/06/2011 10:16 AM

للتواصل يرجى الأتصال

ادريس المعمري : 96595697

سعر الأندونيسي: 850 رع
سعر الفلبيني: 800 رع

**SUWAIQAWI** · 08/06/2011 10:59 AM

موفقين اخي

كيف الاثيوبيات هل جيدات فالعمل والنظافه والامانه

**jelnar** · 08/06/2011 12:46 PM

لو بغيت 2 ماشي تخفيض؟؟؟ وهل توجد مدة للضمان؟

**المصور محمد البادي** · 09/06/2011 12:35 PM

ماشي ضمان ؟؟ وكم نهايتها الاثيوبيه ؟؟

وهل تصلح لتربيه الاولاد والنظافه ؟؟

**ادريس المعمري** · 09/06/2011 06:32 PM

الضمان حتى سنة كاملة ما عندنا أي مشكلة

**SUWAIQAWI** · 09/06/2011 09:25 PM

أرسل أصلا بواسطة ادريس المعمري

الضمان حتى سنة كاملة ما عندنا أي مشكلة

ممكن توضحلي بالتفصيل كيف الضمان

انا اريد مسلمه بس تكون بين 30 الى 35 سنه

**صقر عمان** · 10/06/2011 09:08 AM

شوف الخاص

**فاطمه درويش** · 10/06/2011 11:02 AM

لو سمحت أخوي أنا اريد 2 أو 3

بس كم السعر النهائي؟
وين مكتبكم؟ عشان اجيب المأذونيات

**النسر الوردي** · 10/06/2011 01:04 PM

بالتوفيق ممكن تخبرنا كم اخرك ياليت تنقص اذا يكفيك 300 وياليت توضح كم راتبهن؟ عطني معلومات اكثر لان اريد اجيب شغالتين ويكونن مسلمات وتوضحلنا الضمان

**ماكسيموس أوريليوس** · 10/06/2011 06:24 PM

الحذر الحذر من التعامل مع هذا الشخص

**الهيثم** · 10/06/2011 07:06 PM

الاخ ادريس نرجوا توضيح كلام الاخ عليك

لان هاذي امانه

**الجبل السريع** · 10/06/2011 08:09 PM

وانا اشهد على ما قالوه في ادريس

**SUWAIQAWI** · 10/06/2011 09:17 PM

نطلب منادريس توضيح الامر لان الكثير حذرونا منه وايش مشكلته هل هو نصاب مثلا؟؟؟؟

**ادريس المعمري** · 11/06/2011 10:42 PM

أرسل أصلا بواسطة ماكسيموس أوريليوس

الحذر الحذر من التعامل مع هذا الشخص

من تعامل معنا يعرف من هو الفقير الى الله : ادريس المعمري

الرزق من الله يا عيسى السيابي من بركاء ولأنك عاندت في ارجاع الخدامة الى المكتب فما ذنبنا نحن يا أخي الكريم

كن على حذر من نفسك لأتها تدعوك لتنتصر لها من العبد الضعيف ادريس المعمري

تحياتي لك يا عيسى .

**ادريس المعمري** · 11/06/2011 10:43 PM

أرسل أصلا بواسطة الجبل السريع

وانا اشهد على ما قالوه في ادريس

شهادة باطل تسأل عنها يوم القيامة

**ماكسيموس أوريليوس** · 12/06/2011 12:33 AM

أرسل أصلا بواسطة ادريس المعمري

من تعامل معنا يعرف من هو الفقير الى الله : ادريس المعمري

الرزق من الله يا عيسى السيابي من بركاء ولأنك عاندت في ارجاع الخدامة الى المكتب فما ذنبنا نحن يا أخي الكريم

كن على حذر من نفسك لأتها تدعوك لتنتصر لها من العبد الضعيف ادريس المعمري

تحياتي لك يا عيسى .

الظاهر أنه أهم حاجه عندك أنك تخبر الناس إني عيسى السيابي من بركا!!
ترى عادي ما عندي أي مانع حد يعرف أسمي
لا وبعد تراني مسوي رقمي فالملف الشخصي!

ولما جبتلك أياها صحار مو قلتلي؟؟
انا فالبريمي وما حسبتك تجي!!
يعني انا جاي من بركا لحد صحار بجي أشوفك مثلا؟؟

ولأ أخبرهم لما خليتني أنتظر فصحار 3ساعات من 9 إلى 12 الظهر
وجدال عقيم بيني وبينك
وفكل مره أنا اتصل وانت ما مهتم؟؟

وفالنهاية خليت ولدك يجي يستلم الشغاله

واليوم الثاني لما وصلت الشغاله عند التكاسي وخليتها ترجع من صحار إلى مسقط!
وتقولي انا المسؤول لأني ما سلمتك أياها بيدك!!
وش هالكلام وش هالسوالف

وانت أول ما شفتني جلست تكلمني عن الأمانه
وكيف الرجال اللي كنت تنتظره ما جاك!!

هذ الأمانه اللي عندك؟؟
هذا الضمير اللي تمتلكه؟؟

أسألك .. كيف قادر تتعايش فحياتك وأنت تدخل على أهلك فلوس حرام؟
يعني ذيلاك الـ 800 اللي خذيتهن من عندي بيعيشنك طول العمر؟
ولأ بيزيدن فعمرك؟؟

أتقي الله فنفسك يا رجال

وبعدك جاي اليوم ترسلي تقولي حد يريد الشغاله؟؟
تراني خبرتك أنها مريضه
وتقارير مستشفى العين -اللي نسيتهن عندها- موجوده لحد الحين معي
والتقرير من بدر السماء الطبي موجود

وإذا انا أفتري عليك .. ما أعتقد بدر السماء يفتري عليك

لا وبعده مغير المعرف ماله
وجالس يضحك على الناس
يعطيعهم شغالات مسترجعات!ّ!

تراني عرفت سالفتك أنت ومحمود الفلسطيني متأخر للأسف
ومكتبكم اللي فالعين خبروني عنه ناس كثيرين حصلتهم فالسفاره

وبعدك تتكلم عن الظلم..

**القلم الفضي** · 15/08/2011 05:06 PM

عذرا اخواني فقط اريد فقط انبهكم من الشغالات الاثيوبيات خااااصة كلمة الحق تنقال وانا صائم والله شاهد على ما اقول الشغاله الاثيوبية مهما كان قيمتها رخيصة لجلبها شخصيا جبت شغاله اثيوبيه من مكتب واحة المرجان لجلب الايدي العاملة في البداية كان الكلام من اعسل ما يكون وضمان 3 اشهر واختار المواصفات اللي تريدها ولما وصلت مطار مسقط اتصل وقال تعال استلمها من المطار وهو طبعا اخذ المبلغ كامل 450 ريااال طبعا الشغاله وصلت منتصف الليل ولما اصبحنا الصبح الشغاله هاربه ما موجودة ولما اتصلت فيه تغير الكلام قال انا عطيتك ضمان في الشغاله وليس في هروب الشغاله والحييييين لازم اقدم بلاغ هروبها روح سوي اعلان في الجريدة وطبعا كل اللي سويته بفلوس اعلان في الجريدة ومن ثم طباعة استمارة هروب عامل ولما خلصت قالولي روح خذ هذي الاستمارة الى بنك مسقط عشان تدفع قيمة تذكرتها حال رجوعها وانا شفتها او جلست عندي عشان ادفع كل هذا قالولي هذا القانون زين كم ادفع 246 ريال هذا فقط تذكرة رجوعها طبعا من غير المأذونية 141 ومن غير فلوس المكتب 450 ومن غير اعلان الجريدة 15 ريال لليوم الواحد فقط ومع تذكرة رجوعها 246 والشغالة ما كملت 6 ساعات عندي ومن تحمل كل هذا هل صاحب المكتب هل وزارة القوى العاملة هل الشرطة محد يتحمل هذا غيرك يا مواطن لذلك الحين لو يجيني واحد ويقول لي عندي شغالة للتنازل 100 ريال والله وايد عليهم و راتبها 20 ريال والله وايد ما يستاهلن لانه ماشئ ضمان عندما تحرب تبقى انت تركض وتدفع وتركض وتدفع وتركض وجيب غيرها ونفس الحالة وأسف جدا على الاطاااااااالة

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: وصول شغالات جديدات من أثيوبيا

أدوات الموضوع

البحث في الموضوع

نمط العرض

وصول شغالات جديدات من أثيوبيا

موجود شغالات من أندونيسيا والفلبين

مواضيع مشابهه

للحجز: وصول خادمات من أثيوبيا

معروض: خدامات من أثيوبيا

وصول ثلاث شغالات من أثيوبيا

[[[[ وصول طلبات شغالات جديدة من بنجلاديش ادخل وشوف ]]]]

قواعد المشاركة