وظيفة في مازدا هل أروح ولا لأ؟؟؟؟

[tilandy8]

هلا أنا رحت للمقابلة في شركة مازدا لوظيفة تنفيذي مبيعات قطع الغيار ‏‏
ومن فترة قبل 8 أشهر تقريبا نفس الشي سويت مقابلة والمدير قال خلاص أنت مقبول راتبك راح يكون 275 أساسي و50 سكن و 50 نقل خذ السي في لفرع بركا عطيه لمدير الفرع وخذ إستقالتك وتعال بس لما رحت هناك أنا ما ارتحت لكلامهم فقلت لهم إنزين ممكن تعطوني رسالة تعيين عشان أطمئن فرد علي أنا أتصل فيك بكرة بعد كذا بدو كل مرة كلام لين عينو واحد ثاني ولما رحت لهم قالو أوين لأنك شرط لازم تريد رسالة تعيين يعني ما تثق فنياقلت إنزين خلاص ما مشكلة أنا الغلطان مع إنه أنا سألتهم كطلب مو شرط لأني أنا المحتاجراجعتهم اكثر من مرة بدو يقولو أنت ما عندك ليسن إحنا عندنا وظيفة بس لازم ليسنولما طلعت الليسن رحت قالو لي أنتظر تعال يوم فلاني و و و مرة مقابلة مرة إختبار مرة شي لين آخر شي قال أنا بسافر ل أمريكا أرجع بعد 10 أيام بنتصل فيكإتصلو ورحت قالو بنعطيك أساسي 275 وعلاوة سكن مع النقل 50 وغلاء العيشة 50 المجموع 375بس قبل نفس الراتب بدون غلاء المعيشة هذي واحدةوفوق كذا أشتغل اكثر عن شغل مندوب خارجي( يعني للوزارات والشركات والجراجات لأخ ) وفي نفس الوقت الكاش كاونتر ( أبيع حال الزبائن ) وفيسرفس كاونتر(حال الورشة ) أسوي طلب أسعار ( كوتيشن ) سواء حال الزبائن أو وزارات أو شركات أو جراجات أو حتى الورشة وأتابع إذا خذو القطع أو لا و و تعرفو الباقي أتابع القطع إلي ما موجودة أطلبها وأتابعها لين ما توصلوبعد زيادة إذا حد يكون غايب أيا واحد أنا بحل محله ذاك اليوم ‏‏
الحين أنا ما أعرف أروح ولا لأ للعلم أنا متزوج عندي أولاد وعاطل عن العمل حاليا‏
هل تنصحوني أروح ولا لأ؟
إذا رحت أعرف نفسي ما أتم معهم المنطق ما يقبل كلامهم يعني كيف الواحد نشتغل كل هالأشغال؟ وصعب ومع هذا الراتب

[دانة نزوى]

بالتوفيق

[شرير]

وين الأفضل..
تظل عاطل عن العمل
أو تشتغل ؟!!


خصوصا أنك مسؤول عن عائلة

[زهور الفيافي]

استخير ربك وان شاااء الله خير..
..
موفق بإذن الله .

[مهندس صريح]

في الاول / شو المؤهلات والخبرات اللي تمتلكها؟؟؟؟

[tilandy8]

في الاول / شو المؤهلات والخبرات اللي تمتلكها؟؟؟؟

مساعد مبيعات قطع الغيار في بهوان وتنفيذي مبيعات قطع الغيار في هوندا وثانوية عامة

[مهندس صريح]

مساعد مبيعات قطع الغيار في بهوان وتنفيذي مبيعات قطع الغيار في هوندا وثانوية عامة

اذا تريد رائي اقبل بالوظيفة واكتسب مزيد من الخبره ..والله يوفقك ويسهل لك طريقك

[التقوى زادي]

وافق ع الوظيفة افضل م جلوسك كذا وانت عندك اطفال فكر فيهم
ويمكن سبحان الله بتحصل وظيفة احسن ولا يرقيوك ما تعرف العلم عند ربك توكل وروح

[صدى الشارع]

ربي يوفقك باذن الله بجد امر محير بس انت صاحب العمل والقرار بايدك

[عماني 2010]

رووح وفي نفس الوقت دور لك ع شغلة ثانيه

وان شاء الله تحصل

لكن روووح لحد ما تحصل وظيفة ثانيه علشان تعيش اولادك صديقي

عاد الله يساعدك

[بيرنولي]

بس ترى هم من كثرة الطلااب يدل على أنهم ما باغينك

[tilandy8]

اذا تريد رائي اقبل بالوظيفة واكتسب مزيد من الخبره ..والله يوفقك ويسهل لك طريقك

المشكلة عندي الحين إنه هم يعطوني أكثر من عمل هالشي مايصير كيف أشتغل في كل الأقسام مرة وحده حتى المدير ما يشتغل كذا
أعطيك مثال
تخيل مدرس يدرس لغة العربية ورياضيات وإنجليزي وكيمياء وألعاب وأخصائي في نفس الوقت ولو حد يغيب يحل محله بعد ممكن؟

[صخراوي]

اعقلها وتوكل

[مهندس صريح]

المشكلة عندي الحين إنه هم يعطوني أكثر من عمل هالشي مايصير كيف أشتغل في كل الأقسام مرة وحده حتى المدير ما يشتغل كذا
أعطيك مثال
تخيل مدرس يدرس لغة العربية ورياضيات وإنجليزي وكيمياء وألعاب وأخصائي في نفس الوقت ولو حد يغيب يحل محله بعد ممكن؟

ما اقولك انه سهل هذا صعب بصراحه بس بنفس الوقت حلو تأخذ خبره من كل الاقسام...هذا يدل انهم يثقوا فيك وفي دقة عملك لهذا يعتمدوا عليك....

[بيرنولي]

ما اقولك انه سهل هذا صعب بصراحه بس بنفس الوقت حلو تأخذ خبره من كل الاقسام...هذا يدل انهم يثقوا فيك وفي دقة عملك لهذا يعتمدوا عليك....

لا حبيبي مثل هالشركات ما يثقوا فحد

هذا يدل على أنهم ما باغينه ومعطينه واجد شغلاات عشان يهرب !

بس أنا من رأي أقبل التحدي أنت ما خسران شئ ما عندك شغل الحين وتذكر أولادك !!! ومع الوقت أطبخ الطبخة

[التقوى زادي]

المشكلة عندي الحين إنه هم يعطوني أكثر من عمل هالشي مايصير كيف أشتغل في كل الأقسام مرة وحده حتى المدير ما يشتغل كذا
أعطيك مثال
تخيل مدرس يدرس لغة العربية ورياضيات وإنجليزي وكيمياء وألعاب وأخصائي في نفس الوقت ولو حد يغيب يحل محله بعد ممكن؟

انت روح وشوف الوضع... لان لو انت ما اشتغلت م ايعيل اسرتك

[tilandy8]

ما اقولك انه سهل هذا صعب بصراحه بس بنفس الوقت حلو تأخذ خبره من كل الاقسام...هذا يدل انهم يثقوا فيك وفي دقة عملك لهذا يعتمدوا عليك....

إذا رحت أشتغل شغلة شغلتين ثلاث بس هم عطوني لست فيه أكثر من 20 مهام ويش ويش بسوي كل قسم فيه أشغال معنية ما تقدر توزع نفسك في كل هالأقسام
كاونتر ورشة شركات وزارات جراجات مخزن قسم الطلبيات

[مهندس صريح]

لا حبيبي مثل هالشركات ما يثقوا فحد

هذا يدل على أنهم ما باغينه ومعطينه واجد شغلاات عشان يهرب !

بس أنا من رأي أقبل التحدي أنت ما خسران شئ ما عندك شغل الحين وتذكر أولادك !!! ومع الوقت أطبخ الطبخة

جائز ليش لا

[tilandy8]

جربت في هوندا ذلوني الواحد ما يطيح مرتين في نفس الحفره

[tilandy8]

وإذا رحت هنا حتى فرص الترشيحات عن طريق وزارة القوى العاملة حال الشركات مثل pdo سهيل بهوان الزبير وغيرها من الشركات بتروح من أيدي

[التقوى زادي]

وإذا رحت هنا حتى فرص الترشيحات عن طريق وزارة القوى العاملة حال الشركات مثل pdo سهيل بهوان الزبير وغيرها من الشركات بتروح من أيدي

انت شوف مصلحتك اذا ما تستفيد ولا فوق طاقتك دور ع وظيفة ثانية

[عمانية إلى الأبد]

يذلوك الهنود عشان يطفروبك
كيف كذاك عمل مندوب خارج وعمل داخل الشركه !!!

[CORVETTE]

انت إيش مسجل وظيفتك فالعقد ؟؟؟؟؟؟؟؟


إذا مسجل مندوب مثلاً إشتغل بس مندوب وإذا قالك بو هنّاد ( روه سوي مناك كوتيشن ) قوله سكّر ثمك لا تسويلي صداع

بيفنشوك يعني إذا ما إشتغلت شغلة غيرك ؟؟؟؟؟؟؟؟ إذا فنشوك ( عباره بدون سبب ) روح اشكي بهم فالقوى العامله ولا توقف عنهم ...

وشوفهم بيردولك حقك ولا لا .... أهم شي انته لا تسويلهم راس ولا ......... فوق راسك (( الله يعزك ويعز السامعين )

[Alshidi-88]

استخير الله