‏خلفان.
شنونه رابي على.
شوفي ع عيوني
ما تجلسي كاك مهنهنه
شنونه..
خلفان في كتمه فلفواد واحس راسي كنه مشبوط بحبل سرد
خلفان.
شنونه جيبي يدش تهجسي فوادي
فيِّ ضيمه نوبه انا فوادي يتلبط عليش
شنونه..
خلفان اعرفك زعلان على من كاك ما رايمه ارابي عليك... كله السوس من شاموه هي بو دهبلت على
‏هي بو قالتلي انك متزوج سعيدوه بنت سالم السرك
خلفان..
وانا كمشي مره قايلك ما تصدقيها شاموه..ذك سوس البلا في الحلة.. ما مبقيه بيت فحاله
شنونه..
يالله يو شحمه الفؤاد انته خلفان
عارفه بعدك مستضيم من كلامي بو عقيته عليك وانا مستغمضه
خلفان..
علوه يو شنونه يسدش ذا الفؤاد بو هادنه حالش

و قايلش لو نبشتيه ولو شطفتيه حزازيز ما اتلقى حد منخش فيه غيرش
شنونه
خلاص خلفان سير جيب التفق ونقع نقعتين
عسب تسمع شاموه النقع وتغيض زيادة
خلفان
لو الشور شوري كنت أهدافها به واخليها تتلبط كما عومه مطلعه من ماي
ذيلا بو ينمن في الخلق ويطلعون بداديع عليهم
ما دواتهن الا كذاك
ولا مو تقولوا يا الي قريتو القصة