من فضلكم احنا طلبنا عاملة نيبالية من مكتب فلبريمي وخبرناه انها تكون مسلمة أومسحية وتكون اخلاقها زينة وصلت العاملة طبعا هي ماسبق لها اشتغلت على حد قول المكتب وقلت انا بعلمها مامشكلة الحين صار لها أربع شهور عندي وانا أعلم وهي تستهبل لما أخليها تسوي شي لحالها ياتحرقه يإما تسويه بطريقة غلط ويكون مصيره الزبالة الله يكرمكم وتفاحأت مرة طلعت وتركتها لحالها فلبيت لما رجعت دخلت عي ماحست وقت دخولي حصلتها مجهزة عشا لنفسها ومضبطة الأمور وماشي محروق ولأكل لكانت مسوياه انا لكنت اعملها اياه بعد كم يوم خليتها تسوي نفس الوصفة طبختها زي العلقم لاشكل ولاطعم ولما سألتها ليش بتسوي كذي قالت انا ماعرف المهم هذي نقطة النقطة الثانية حصلتها لابسة ملابسي مال النوم وحاطة من الميكاب مالي وطبعا لما صارخت عليها قالت سوري وبس وكأن عادي الشي الأخر ضربت ابني كم مرة واخر مرة صفعته على وجهه ماعندها قلب ابدا على اليهال الصغار علما أن ابني مسكين مو من اليهال الأشقياء وهذا الضرب طبعا انا موجودة فلبيت وتضربه تخيلو الجرأة غير بعض التصرفات لقليلة الأدب صدرت منها طالعة من الحمام متسبحة بفوطة بس على جسمها وكان بس زوجي وأولادي لموجودين علما انها العادة دائما دخل ملابسها معاها وانا موجودة لكن فعدم وجودي تصرفت بهالقدارة الشي الأخير طلعت بودية مو مسيحية والمكتب عطينا ضمان ستة أشهر لما طلبنا يغير لنا اياها قال بتدفعو مأذونية من جديد قلنا مامشكلة بعدها بنتصل مايرد اول أمس رد علينا وقال حتى البطاقة مال القوى العاملة بتدفعو من جديد وتنتظرو اسبوعين ولما وافقنا رد قال وتنتظرو لين هالعاملة ياخدها شخص تاني عشان نقدر نحط عاملة جديدة على كفالتنا بالله عليكم شو هالكلام الحين لو مايباها حد لازم انتظر كم شهر لين يحصلولها مكان تشتغل فيه وين حق الضمان والكلام والقانون لبينقال ليش مايطبق وشو نسوي مع هالمكتب انا صرت اخاف على أولادي منها بروحي تعبانة وبدخل أسوي عملية بعد اسبوع فأبي أفتك منها لأنها لاتصلح تكون عاملة وغير أمينة وجريئة المرجو حد يفيدني كيف نتصرف خصوصا أن زوجي طول الوقت مشغول