] الحكاية الشعبية في التراث العماني

[العذراء الحزين]

طبعا هذا الموضوع جاء اقتراح من أخوكم ومشرفكم
@Mr.Me حفاظ على حكاياتنا وليستفيد منها الأجيال القادمه
لما شاف أنه حبوتكم عذروه عندها قصص كثيره منهن




القصص الي كانت تتحدث عن المعاق
http://avb.s-oman.net/showthread.php...735&highlight=

القصة إلى تحدثت عن زوجة الاب الشريرة وبناوتها
http://avb.s-oman.net/showthread.php...534&highlight=

فقال موه يسكتها ذي غير انه نخليها ترصهن كلهن في موضوع واحد وعاد بالمرة انا ما صدقت نوبه وافقت تعرفوا شيه صاني عشان ما تجلسوا كل يوم تطلبوا قصه فقلت نزين ولدي موافقه يالله خليكم أذان صاغيه وقلوب منشرحه ونجي للجد بلا لعب صغيرين




اهتم المجتمع العماني كغيره من المجتمعات بالحكايات الشعبية حيث كانت الجدة او الام تلقي هذه القصص بأسلوب شيق ويجذب الجميع للجلوس حولها ليستمعوا بما تلقيه من قصص مشوقه. فكان لكل حكاية غاية وهدف. ولكل حكاية بطل.
فبعض الحكايات كانت تهتم بالجانب الأخلاقي مثل قصة والبعض بالخيال وقصص تحكي عن السحر وأخرى عن الرومانسية وعن الشرف ، وعن المشكال بين الضرائر والكثير من القصص التي تتعدد اهادفها ونستفيد من دروسها ومغازيها.






اليكم قصه خرافية طبعا فيها وتحكي كثير من الخيال، تحكي أشياء لا يصدقها عقل ولكن أحادثها جميل تخلينا نسرح معها

قصة بنت عويد الفجل.
كان هناك رجل وزوجته يعشوا في بيت صغير ويحبوا بعضهم حب صادق وعميق ، وكان الرجال يتمنى أنه الله سبحانه وتعالى يرزقه من زوجته بنت جميله مثلها لان زوجته كان جميله جمال ما ينوصف على قول لعجائز ولكن
توفت الزوجة مسكينه وبقى الرجال وحيد يبكي وينوح على الأطلال ويسامر النجوم ويتذكر زوجته . كان عنده هذا الرجال جاره عجوز وساحره حاولت هذي الجارة انها تتودد للرجل عشان يتزوجها غير هو ما كان معطنها وجهه .
مرت الليالي والأيام والرجل على حزنه وكان عنده عابيه صغيره (أرض) قدام بيته فعشان يتسلى قرر أنه يزرع هذي الأرض فجل عشان يشغل نفسه عن التفكير ويخف ما به من شوق وحنين المهم زرع الرجل الأرض بالفجل وحان موعد الجني وكان الكل مستغرب من جودة الفجل ، في يوم من الأيام كان الرجال يتمشى في مزرعته وشاهد عود فجل كبير وأخذه وأكله وكان طعمه لذيذ بعكس عن باقي الفجل من حس الرجال انه بطنه بداْ ينتفخ وكل يوم ينتفخ أكثر أتاريه الرجال حامل انحبس ارجل فب لبيت لين ما ولد وجاب بنت جميله جمال وقرر الرجال انه يحبس البنت في قلعه كانت موجود في بلادهم وما حد يزورها وكان يروح يشل لها الاكل كل يوم في مبدع وهي تتناوله بحبل ومن تخلص تنزل المبدع. جارتهم الساحرة شافته وهو يشل الالك كل يوم وقررت إنها تراقبه المهم شافت البنت وعجبتها وكانت عند الساحرة بنت بشعة فقررت الساحرة تبادل بنتها بنت عويد الفجل، وخططت ونفذت ولما جاء الرجال في اليوم الثاني مثل العادة شل الاكل ونادى للبنت انها تنزل الحبل لكن ماشي فأيده وجلس كم يوم على ذي الحالة قرر انه يخبر أحد من الأشخاص ولو أنه السالفة تنتشر ويضحكوا علبه واصلا ما يصدقوها لان كيف نوبه رجال ويحمل، المهم انتشرت السالفة وقالهم روحوا أعلى القلعة وعطاهم مواصفات بنته إنها هي خفيفة مثل عويد الفجل واذا مشت على البض ما ينكسر ، وقالهم اذا ما حصلتوها مثل ما وصفتها دفنوني تحت الباب ،عاد الناس هنا تتراكض بو رايم بو ما رايم يريد يشوف العجب العجاب ولما وصلوا فوق ليقوا بنت بشعه والصغيرين الصغار فزعوها ، نزلوا الناس البت وخلوها تمشي على بيض وتفقش البيض، ورجعت بنت الساحرة لبنتها والرجل دفنوه تحت الباب لأنه ما وجدوا البنت ، ومن دفنوا الرجال بنت عويد الفجل تحولت حمامه بيضاء وراحت لمزرعة أبوها وحصلت هناك صديقه وسالته ايش صار بأبوها وخبرها انه أبوها دفنوه لأنه تحداهم انه البنت تمشي على لبيض وما ينقش، تمت الحمامة تصيح ليل نهار وفي يوم من الأيام مر السلطان عند مزرعة الفجل وسمع الصائح بس ما عرف مصدر وتم يروح كل يوم المزرعة بس ما يعرف من وين الصائح إلى في يوم شاف حمامه وستقرب منها وسألها وخبرته بقصتها وأن أبوها مدفون تحت باب بيتهم ولازم حد يساعده، قرر السلطان يساعد الرجال وطلع من قبره وفي نفس اللحظة تحولت الحمامة إلى بنت جميله أبهر بجمالها السلطان وقرر يتزوجها .