|||| قانون هديب الثاني عشر |||| |||| جلابينيـــو ||||

**الشيخ ولــيــام** · 13/02/2017 12:42 PM

مساء الخير

نخش في الموضوع دوغري

خلفان : بردان خدجدج ودفتي متلقلقه من البرد :بوضروسه يداقن داداداداداد:

خدجدج : مالك يو الغلا تهتز

خلفان : عمالي اليوم كاك مستوي أهجس عمري ما برابر نعم :داداداداددادادا:

خدجدج : أقوم أبوي أسويلك شاي وجولة عسل عشان تسخن دفتك شويه

خلفان : عمالش أنتيه نوبه خدجدج كيه ما مربيه تسويلي جوله وعسل
وبعدين الشاي في سكر والجوله فيها عسل والسكر + العسل ما يوالمني أحس كبادي تتناطح داخل
بس والله ما أردش سوي يــو الغالية ما تهوني على أشوفك نشيطة وباغية طعريني من الصبح عسل :دادادادادداداد:

وعندما دخلت خديجة للمطبخ دغر الولد علي على أباه

علي : يوباه

خلفان : موفيك

علي : جوخوه جايه عندنا وشكلها ناوية على شر

خلفان : قرعه تقرعكم انته واياها والله فوادي في جوله وعسل تو ذي تشم الطعران واموه
اقولك شي علي ناولني ذاك المصر والجاكيت

علي : باه ذا جاكيت ولا بدله

خلفان : مو دراك أنته في الملابس كبش طالع على امك خلا دهدايه طلعنا قبل لا توصل المقورفه بيبيتك
وتهلكنا جيب شغاله جيب شغاله وكأن الشغالة ببلاش يجيبوها ما كأنه بألف ريال يجيبوها و200 ريال
تخليص معاملتها

لحظه ولدي قرالي ذا المساج مال الواتس مو مكتوب فيه

علي : هذا ثني ود عامر يقول باغنك في سالفه تعال السبلة

خلفان : خلا عجب

ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــ

في السبلة

ثني ود عامر : هينك خلفان ونحن ندورك من أمس

خلفان : مو عندكم اليوم

ثني : اليوم الدكتور هديب عنده نظريه وباغي يطبقها علينا وقبل لا يطبقها يريد يعمل اختبار

خلفان : بيحشرها عجب هديب اليوم
أقولك ثني قرالي باه ذا المساج مو مكتوب في

ثني : هذي حرمتك كاتبتلك أمها جايبه هريس حالك هين غبت انته

خلفان : تعرف تسويلها بلوك سويلها تغيب هي وامها ولا أقولك كتبلها تفيقلي في الترمس الصفرا
احتياط يمكن يجي فوادي على الهريس بعدين

د. هديب : سلام عليكم جماعه وجودمورنج ايفري بدي
انا بجلس خارج السبلة عند ذاك الجدار ويوم اخلص بقولكم نظريتي الجديدة
وارجوكم اللي يجي عندكم لا تخبروه على هذا الاتفاق قولوا بس ما نعرف

خلفان : مو باغي تسويلنا قانون جديد دختور

د. هديب : نو كومنت خلفان بعدين بخبركم سي يو

خلفان : تو ماله ذا ربيعك ثني مجينينه ما صاحي البر

ثني : ما عليك منه اليوم بيبهرنا بنظريته الجديدة

خلفان : أوين نظرية ويقعي عمره حيت الجدار عجب شبعنا نحن أبوي ما كاك
بو باغي يسوي نظريه روح علوى هناك جبال واشجار ويمكن يشوفه ضبع ويشله معاه ويريحنا منه نعم

بعد ربع ساعة وصول باقي أفراد الجلسة

ودشنون : قبل السلام
تو ماله دكتور هديب جالس هناك وحده لا يكون داحله شمبريشه أمس وناقعات كباده

خلفان : مجينينه مو يجي منه

ناصور النبقة : احساسي ومشاعري يقولن أنه هو وحرمته متضاربين

خصيب : أنا سمعت والله أعلم أنه أمس راح المدرسة وحصل ولده مضروب وما عجبه وجلس يضارب المعلمه
لحد ما فصلوه ولده

خلفان : استغفر

حميد : لا لا ما كذاك السالفة حبوب هذا أوين زعلان من جاره يعق الوسخ برع الدرام
وتو معصب عليه يقولوا ولاد الجيران نوبه قاحفيله ليت البيت وهو تو معصب وباغي يلاقيه قدام البيت

خلفان : ما رامو يقحفوله عينه ويريحونه منه

بعد ساعة من جلسه دكتور هديب بالخارج

صار المكان مزحوم من الناس وكلها تسأل عن سبب جلوسه واللي يتعب من الوقفة يدخل السبلة
ويسأل ليش هديب جالس بعيد عنكم أيش فيه وليش مزعلينه وكل واحد يشوف على الثاني
وقصص أنواع وأشكال تخترع ضد هديب وبقيه الشيوبه اللي داخل السبلة

خلفان : شوف اللي يريد يعرف سبب جلوس الدختور هناك يدفع 5 ريال ونخبركم ليش
مو الوازي يوم ماشي غوازي يغيب شيه يجلس حيت يبغى وأنا مالي

بعد ساعتين قام هديب من مكانه والناس تشوف عليه وما قال ولا كلمة دخل السبلة
ومشيت الناس وهي تتقمقم وفي ظرف دقايق صار المكان فاضي

د.هديب : آي ميسيو جايس

خلفان : تمسمسن سيقانك هلكتنا خليت الناس تقشبنا وماشي شي ما طلعوه علينا وعليك
لاتجلس قباله يوم غايته غيب فوق الجبل بعيد عنا ايش من نظريه عندك تو

د.هديب: ما قالوا السكوت من ذهب
أنا ساكت شفتوا شيء ذهب

خلفان : أستغفر

د.هديب: شوفوا يا جماعة أنا جلست بسكوتي كم قصة سمعتوا عني وكم إشاعة طلعت عني
حد يقول طلق حرمته وحد يقول ضارب جاري وحد يقول سارق بنك الخ ....

ثني: والزبده دكتور أن السكوت ليس من ذهب

د.هديب : نظريتي تقول السكوت يولد اشاعات وفتن مالها أول ولا تالي بس هذا سكوتي أنا وفي وضعي
و سكوت الغير هو من ذهب يعني شفتوا شيء في غير موضعه المعتاد ما شرط تتكلموا عنه
مرو مرور الكرام وخلوا عنكم القيل والقال لأنه ما يأكل عيش

خلفان: تو نته عمالك كاك هديب داقتنك الشمس واموه كذاك كالف على عمرك
وعاد دغمتك كلها زرارير ما شويه بو خاطف عليك

د.هديب: سمعوا قانوني الثاني عشر

لكل سكوت فلوس أدفع لتعرف السبب جيبك هو هدفنا

خلفان : يعني أنت تو تقصد لازم ندفعلك فلوس عشان نعرف سبب وقوفك في الشمس

د.هديب: الحين نعم ما تدفع بس بعدين بتدفع ويا خبر اليوم ببلاش بكره تدفعله فلوس

ثني : نعم صدقك يا دكتور
نحن نخترع القوانين وبعدها ندفع نحن واجيالنا القادمة وياليتنا ندفع حال شيء مفيد
نحن ضحيه القوانين والسبب اللي اخترع مثل هذي القانون

خلفان : نعم والله تو الفلوس بو نجلس ندفعهن حال الشغالة من اخترعهن ومن يزيدهن
وحاموه يوم يطيرن ندفعلهن نوبه عشان نسفرهن مالنا تو نحن كذاك حوسين ما كما غيرنا
أقول ثني قرالي ذي المساج

ثني : هذي حرمتك تقولك مو سويت بخصوص الشغالة

خلفان: احيدني قايلك سويلها بلوك

ثني :أمزح معاك هذي رسالة من البلدية غرامه أوين ما دافع فلوس الموقف قيمتها 10 ريال
ورسالة ثانية لقد استهلكت بيانات الانترنت 90%

خلفان : وافقري تو من ذا بو يخترع ذي القوانين

**نور الهدى 11** · 13/02/2017 01:59 PM

عجبني يوم يتنافض خلفان

:دادادادادادادادادادا:

انا فهمت السالفة م اقول اني م فهمت .. بس ترا الفلوس تروح و ترجع

**الشيخ ولــيــام** · 14/02/2017 12:23 PM

أرسل أصلا بواسطة نور الهدى 11

عجبني يوم يتنافض خلفان

:دادادادادادادادادادا:

انا فهمت السالفة م اقول اني م فهمت .. بس ترا الفلوس تروح و ترجع

شكلها هذي المره تروح بدون رجعه

**شواطئ الذكريات** · 13/02/2017 05:31 PM

السلام عليكم ورحمة الله وبركاته الشيخ وليام
موه الاخبار وعجبتني بو اداداداد.. يبالنا نسمعها صوتي

..خلا سوي

::نخش دغري ونجاوب::
كنك واجد مصعبنها ع الصغيرين

..موه ذي الهرجة بو فيها قوم الجهات العليا..صاه بعدنا ما نفهم بو واجد واجد

,
,,

::ف بعض الاحيان سكوت الانسان يولد ف دواخل الاخرين نوع من الشكوك قد تكون شكوك طفيفة او من العيار الثقيل..::
::صحيح الانسان غير مجبر ع الرد لكلام ود النبقة ولا ود شنون..بس لازم في بعض الاحيان نتكلم ولو كلام قليل

::
جزء من النص مفقود

بو خنقتها العبرة,,وهذا الكلام ب الابيض
::يوم اقرأ موضوعك ..يجيني وسواس بو مغلين ع الفقير ف ذا البترول

تو مالها البيسة تجي بعد طلوع الجبل مرتين ويجي بو قانون البترول يسحبوه منه ف ثانية:بو تتنصخ الصعداء:::
::ما عليك م الكلام بو فوق بس هذيان بيكونشي::

صح جوابي وا موه.. !#
وكم تعطيني من 10

@الشيخ ولــيــام

**الشيخ ولــيــام** · 14/02/2017 12:26 PM

أرسل أصلا بواسطة شواطئ الذكريات

السلام عليكم ورحمة الله وبركاته الشيخ وليام
موه الاخبار وعجبتني بو اداداداد.. يبالنا نسمعها صوتي

..خلا سوي

::نخش دغري ونجاوب::
كنك واجد مصعبنها ع الصغيرين

..موه ذي الهرجة بو فيها قوم الجهات العليا..صاه بعدنا ما نفهم بو واجد واجد

,
,,

::ف بعض الاحيان سكوت الانسان يولد ف دواخل الاخرين نوع من الشكوك قد تكون شكوك طفيفة او من العيار الثقيل..::
::صحيح الانسان غير مجبر ع الرد لكلام ود النبقة ولا ود شنون..بس لازم في بعض الاحيان نتكلم ولو كلام قليل

::
جزء من النص مفقود

بو خنقتها العبرة,,وهذا الكلام ب الابيض
::يوم اقرأ موضوعك ..يجيني وسواس بو مغلين ع الفقير ف ذا البترول

تو مالها البيسة تجي بعد طلوع الجبل مرتين ويجي بو قانون البترول يسحبوه منه ف ثانية:بو تتنصخ الصعداء:::
::ما عليك م الكلام بو فوق بس هذيان بيكونشي::

صح جوابي وا موه.. !#
وكم تعطيني من 10

@الشيخ ولــيــام

تستاهلي 4 من 10

**ابتسامة الشمس** · 13/02/2017 07:08 PM

السلام عليكم
يسعد مساؤكم جميعا
.
.
تو من ذا يخترع ذي القوانين

السكوت من ذهب

المقوله ما لازم تكون 100% تطبق في كل الاوقات
التوقيع اللي كاتبته انسب

نعم كم اشاعه طلعوها ههههه

الموضوع وفكرته راقت لي ويالله الحمد لله ع كل حال

بوركت بالطرح اخي الكريم

**صمود** · 13/02/2017 09:50 PM

:: مسلخير ::

:: مصطلحات قحية جدا .. "احلى شيء" .. والاجمل الحكم اللي صارت اخر الحوارات ::

:: السكوت من ذهب .. راقت لي ترجمتها .. ::

@الشيخ ولــيــام

**الشيخ ولــيــام** · 14/02/2017 12:30 PM

أرسل أصلا بواسطة صمود

:: مسلخير ::

:: مصطلحات قحية جدا .. "احلى شيء" .. والاجمل الحكم اللي صارت اخر الحوارات ::

:: السكوت من ذهب .. راقت لي ترجمتها .. ::

@الشيخ ولــيــام

مسانور وشكرا للورده

هذي الكلمات ولا شيء بعدهن يبغالكم زيادة

**الشيخ ولــيــام** · 14/02/2017 12:27 PM

أرسل أصلا بواسطة ابتسامة الشمس

السلام عليكم
يسعد مساؤكم جميعا
.
.
تو من ذا يخترع ذي القوانين

السكوت من ذهب

المقوله ما لازم تكون 100% تطبق في كل الاوقات
التوقيع اللي كاتبته انسب

نعم كم اشاعه طلعوها ههههه

الموضوع وفكرته راقت لي ويالله الحمد لله ع كل حال

بوركت بالطرح اخي الكريم

كل الشكر

الناس فاضيه في استخراج الأسباب بدون سبب

**قلم مختلف** · 14/02/2017 01:38 AM

الموضوع يشمل عدة نقاط بس تو الراس متصندر ماجاهز للنقاش
السكوت من ذهب حلو في بعض المواقف كي لايزل اللسان
وفيه مواقف مايصلح تسكت وتفك ثمك كقول الحقيقه والدفاع عن نفسك أو عن أي شخص

**الشيخ ولــيــام** · 14/02/2017 12:32 PM

أرسل أصلا بواسطة قلم مختلف

الموضوع يشمل عدة نقاط بس تو الراس متصندر ماجاهز للنقاش
السكوت من ذهب حلو في بعض المواقف كي لايزل اللسان
وفيه مواقف مايصلح تسكت وتفك ثمك كقول الحقيقه والدفاع عن نفسك أو عن أي شخص

ما كل الأوقات نقدر نقول الحقيقة للاسف

**فاقد الوعي** · 14/02/2017 09:33 AM

خلفان : مو دراك أنته في الملابس كبش طالع على امك خلا دهدايه طلعنا قبل لا توصل المقورفه بيبيتك

مدري ياتني رحمه ع ذيك الفقيرة وسايرة تسويله يوله وا هيش ذيك اسمها وعسل ويسبها

ما شاء الله عليك شنجوب موضوع جدا جميل بصراحه منظم وافكارة حلوه ومغزاه جدا مفيد ، اتسائل عن قله وجودك في الساحه الترويحيه خصوصا وان لك تاريخ جميل في ترويح القلوب ؟

**الشيخ ولــيــام** · 14/02/2017 12:34 PM

أرسل أصلا بواسطة فاقد الوعي

مدري ياتني رحمه ع ذيك الفقيرة وسايرة تسويله يوله وا هيش ذيك اسمها وعسل ويسبها

ما شاء الله عليك شنجوب موضوع جدا جميل بصراحه منظم وافكارة حلوه ومغزاه جدا مفيد ، اتسائل عن قله وجودك في الساحه الترويحيه خصوصا وان لك تاريخ جميل في ترويح القلوب ؟

ضحك انته حبوب

والله الوقت ما مثل قبل ومشاغل الدنيا ماخذه وقتنا
بس كل ما نفضى نكتب

**غصات وأنين** · 14/02/2017 12:15 PM

جميييل جميييل براااافووو برافووووو

المفردات سهله النطق والفهم صراحه

بواسطه الدكشنري

**الشيخ ولــيــام** · 14/02/2017 12:35 PM

أرسل أصلا بواسطة غصات وأنين

جميييل جميييل براااافووو برافووووو

المفردات سهله النطق والفهم صراحه

بواسطه الدكشنري

عادي بنترجملش اياهن انتي سألي بس

**أنا تو مخلص صايح** · 14/02/2017 12:51 PM

حلو اسلوبك فناني

تعال اكتب كل يوم

**عاشقة الظل** · 14/02/2017 07:55 PM

موضوع ترويحي مميز

**ms queen** · 16/02/2017 03:04 PM

نعم انه لا ترتاح يوم تتكلم ولا يوم تسكت و يطلعوا عنك كلام ف كلا الحالتين

لكن امشي ع عبارة و اللي ما يطول العنب حامضن عنه يقول

شكرا عمو وليام ع الموضوع

@الشيخ ولــيــام

**Professor Moriarty** · 16/02/2017 03:51 PM

صارلي فترة ما امر عالمواضيع هنا
بس موضوعك مختلف تماما وليام لانه ممتاز جدا

تستحق ال5 بكل جدارة

**NITRO** · 17/02/2017 03:27 PM

سبحان الله

شوف هذا دليل انه الناس توكل لحوم البشر ,حتى بالاشاعات وتبتكر كلام من معها عن الشخص
حتى لو ماصحيح ,مقابل سكوت او حدث صار للشخص

فالسكوت في المشاكل احيانا مامنه فايدة ,لانه يزيد الطين بلة ,لانه الناس بيقولو صحيح دامه مارد بشي
لانه البعض يقول دع الايام تفعل ماتشاء وعما قريب بتبان الحقيقة بس هو كاك ختأ
ف الافضل في نظري المواجهة لما تبرد السالفة والاعصاب تكون ممسوكة
اما في ذيك الحينة ماشي فايدة لانه تولد المشاكل والتفرقة

ماقصرت ابا الشباب وابدعت صاك
واليوم الععشى عليك

**حياة النور** · 28/02/2017 05:41 PM

افتراضي
@الموثقف @حياة النور كيفك ماشي كتاب تقترحه نقراءه
ياخي ملل وباغيه اقراء،شي وما عارفه ويش اقراء
ما اريد روايه ولا اريد كتب تنمية الذات

قري رواية العنكبوت @العذراء الحزين
مصطفى محمود..

....

ولا قري لـ أوشو

..
لكن اوشو يعني...
تراه ما مسلم.
بس شئ من افكاره مناسبة
وشي افكاره!!!
قبل لا تقري كتبه
قري عنه او استمعي له
@العذراء الحزين

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: |||| قانون هديب الثاني عشر |||| |||| جلابينيـــو ||||

أدوات الموضوع

البحث في الموضوع

نمط العرض

عرض هجين

|||| قانون هديب الثاني عشر |||| |||| جلابينيـــو ||||

مواضيع مشابهه

[ تصميم ] اعلان (قانون الارادة ) المستوى الثاني

|||| قانون هديب الأول |||| |||| جلابينيـــو ||||

ارجو من الناس الي يردو يهدو هدية يجب ان تكون الهدية صالحة بمعنى ليست مغشوشة والشيئ الثاني الي يحجز

|||| من بعد سقوط خلفان بن علي |||| |||| جلابينيـــو ||||

|||| معالي خلفان بن علي |||| |||| جلابينيـــو ||||

قواعد المشاركة