نهايتها خيانة !!

[بسكات]

السلام عليكم ورحمة الله وبركاته ..


بنات حريم صاحبات الخبرة في الحياة اريد مشورتكم في موضوع ترددت كثير اني طرحه .. بس اخيرا قررت اكتبه واعرف رايكم فيه !!

في بنت من البنات .. من 5 او 6 سنوات حبت انسان تعرف عنه الاخلاق العالية والدين وشخص يربي اخوانه اللي اصغر منه معتمد على نفسه يشتغل في عمل خاص به يجيب له دخل مريحنه ويلبي طلبات اهله لو في يوم احتاجووا له ..



هذا الانسان ابن الجيران .. اللي وعد البنت انه اول ما الله يوفقه ويشتغل راح يتقدم لخطبتها .. انتظرت البنت وخلصت دراستها وهي على ثقة انه بيجي يتقدم لها .. تاخر الوقت الى 5 سنوات البنت كل ما احد يتقدم لها ترفض .. لما وصل الخبر عنده راح واخيرا .. تقدم لها ووافقت عليها ..

بعد الخطووبه والفترة الطويله .. فترة الانتظار الطويل .. تغيرت مشاعر البنت بس قالت اكيد من البعد واول ما نتزوج كل شي راح يتغير

من اول ما عرفته البنت وهو انسان عنيد .. متسلط .. اريد بنت ما تشتغل .. اريد بنت ما تسوق .. وووووو

المهم .. البنت حبها عماها ووافقت على كل شروطه بهدف تعيش معه عيشه حلوووة بس للاسف ما كأنه انسان خاطب فالشهر يروح بيتهم مرة واحدة بس .. ويطالبها تسال عنه وعن احواله بس اذا هي ما سالت هو ما يسال!! اهمال في اهمال وبرود خلى مشاعر البنت تتغير ناحيته مع هذا قالت انا بين الناس معروف انتظر هذا الشخص من زمان واهلي واهله سمن على عسل


بعد فترة .. وصلت للبنت رسايل انه خطيبك على علاقات وانه وانه .. كلام كثير

سالته عن الموضوع نفى هالشي كله .. قالت له طيب ليش هالناس قالوا عنك كذا قال لها (( انسي الموووضوع ))

بدأت تشك فيه اكيد في شي صاير راح يفصلنا عن بعض علشان كذا خايف تقووول

المهم حاولت ترجع معه وتسمع كلامه وتنسى .. جاها يريد يقدم الزوواج ووافقت بس تاجل من ناحيته

وبعد شهر رسل لها رساله يعتذر لها عن خيانته لها .. ويريد منها تسامحه على العلم انه خانها بعد الخطوبه الرسميه وبعد ما سلم المهر لها !!

هالمرة رفضت وواجهت اهلها وخبرتهم السالفة .. اللي نصحها يمكن يتوب واللي يقولها لا توافقي

البنت استخارة الله وابدا ما ارتاحت .. بس الحين اهله الخطيب يريدوا تسامح ولدهم وترجع له وزعلانين عليها وانه نحنا نريدك وولدنا بيتغير .. وهي ما حاسه انه راح يتغير ابد ولا مرتاحة .. وش تسوي بعد 6 سنوات ؟؟

تتراجع عن قرارها ؟؟ ولا الكرامة اهم شي ؟؟ يمكن الله يكتب لها افضل منه!!


اسفة جدا على الاطالة.. بس اريد الحل وحبيت اوضح الصورة مثل ما هي وتوضحت تقريبااا


احترامي

[غربة فتاه]

اذا صلت استخاره وما ارتاحت واذا هذي كل افعاله

أفضللها تنساه ولا تستمع لاي شخص على حساب سعادتها

و6سنوات جايز ما كانت حب من طرفه يمكن تعود عليها ع اساس جيران

وبعدها طلع للدنيا وشاف بنات وايد ولعب بذيله

الله يعينها ويعوضها بالافضل

وبالنهايه محد يآخذ الا نصيبه

[تأملات الماضي]

وعليكم السلام ورحمة الله وبركاته .
6 سنوات انتظار |||
ربي يعينها بصراحة . أختي خليها تبتعد وإذا على سالفة الأهل والجيران مع الوقت راح ينسوا
أما أنها تكمل مسلسل التضحيه على حساب راحتها فهذا مو من صالحها ابداً .
هم بعدهم في بداية المشوار . الأفضل تنفصل وبيكتب الله لها الخير بإذنه تعالى .
وهو يشوف له بنت ثانية يكمل حياته معها

والزواج على كل حال قسمه ونصيب |~

[روح التميز]

وعليكم السلام ورحمة الله وبركاته .
6 سنوات انتظار |||
ربي يعينها بصراحة . أختي خليها تبتعد وإذا على سالفة الأهل والجيران مع الوقت راح ينسوا
أما أنها تكمل مسلسل التضحيه على حساب راحتها فهذا مو من صالحها ابداً .
هم بعدهم في بداية المشوار . الأفضل تنفصل وبيكتب الله لها الخير بإذنه تعالى .
وهو يشوف له بنت ثانية يكمل حياته معها

والزواج على كل حال قسمه ونصيب |~

100% كلام سليم

[بسكات]

غربة فتاة اشكرك على ابدأ رايك ..

[ياسمين العود]

من الافضل تبتعد عنه
اذا هذا حاله قبل الزواج وفي فتره الملكه اللي هيه احلى ايام العمر فكيف حاله بعد الزواج راح يكون

هذه وجهة نظري ولو كنت في مكانها مستحيل اقبل فيه ولو كنت انتظره العمر كله

تحياتي

[AmoOoN143]

أنا مكانها مستحيل أرضى اعيش مع انسان هذي سوالفه

وماأشوف صدر منه تصرف يدل على ندمه ولا تغييره للافضل

الي مايتغير الحين ماراح يتغير بعدين

الهداية من رب العالمين مو من البشر عشان يتزوج ويصطلح حاله

[أكسجين الحياة]

دام انها استخارة وما مرتاحة له
الله يعوضها بلي احسن منه
والله يهديه يارب

[افااااا]

انتو فهتمو السالفه؟

اني مافهمت شي

[الكحل]

.’,. حبيتي دامك صلاتي استخارة وما ارتحتي ف أبتعدي عنه أحسنلك .,

.,’.أذا كانت المشاكل من بداية الخطوبة بينكم ف شوه تتوقعي منه !!

[شقاوي]

من البدايه هي غلطانه سمعانه عنه بأنه شويه متعصب ((البنت ما تسوق ...البنت ما تشتغل))
وليش ما صلت الاستخارة قبل عقد القرآن حتى لو كانت تحبه المفروض تصلي ف البدايه ما عاد الحين من قدم المهر وكلمته وسولفت معه وسهرهااا وسهرته طول الليل...

[ساعة صمت]

اذا صلت وما ارتاحت يمكن الله بيعوضها عنه

[Alsadia]

اكيد لا تاخذه لانه لاعاب من البداية
واكيد الله بيرزقها بثاني احسن منه

[نخلاوية]

اذا استخارت و ماارتاحت خلاص ترفض :|
واللي يخون مرة بيخون الف مرة ..
مسكينة والله يعووضها..

[بسكات]

خواتي العزيزات اشكركم جميعا على النصيحة ..

الله يعينها ويصبرها وعسى يثبتها على القرار اللي اتخذته اخيرا.. واانا اقول انه كان مفروض من اول سالفة تتركه لان صبرها وسكوتها خلوه يتعبرها بلا كرامة .. وان حبها راح يغفر له اول ما يطلب السماح منها ..


الله يكتب اللي فيه الخير..



تحياتي واحترامي لكم

[البسمه]

تصلي إستخارة مرة ثانية ويكون قرارها بناءً على الإستخارة

[بلوشيه عز وفخر]

تودره دامهم ع البر << بيخونها اكثر مع الوقت

[غفوة الحلم]

احسن تبتعد من الحين

[ريحانة الباطنة]

أنا أقول تتركه ولا تسمع كلام أحد أبدا
والله محد مستاهل تضحي بحياتها وسعادتها عشانه

[التاجرة شوق]

وفق الله .. الجميع .. لكل ما هو خير ..

[مميزة بطبعي أنا]

والله جاااني لوعان من ذا الخطيب ... الخيره فيما إختاااره الله ... دامها صلت الاستخااارة وماارتاااحت تقوله مع السلاااامه وتسكر السالفة وتريح دماااغها والله يرزقها بإبن الحلال الصالح والذريه الصالحة

[شذى الورود]

تتركه من البداية احسن ...
وبعدين ما بيفيد الندم