هل تفضل الأجر ام الردع

[مواطن يغار على وطنه]

السلام عليكم اخواني
حبيت اناقشكم في ظاهرة بدأت تنتشر بشكل كبير في بلادنا و هي ظاهرة التسول
قبل شهر تقريبا كنت اراجع مديرية الاسكان وانا طالع لفت نظري عامل يشوف علي و شكلة مسكين يجمع علب المشروبات الغازية و شفقت عليه و مديتله مبلغ طلبا للأجر
و لكن امس و نفس المكان لمحة نفس العامل يحوط عند موقف السيارات و كل ما يشوف احد راكب سيارته راح قدامه و يجلس يطالع عليه ,, طبعا ينتظر احد يمدله بمبلغ
يعني صاحبنا جاي من بلادة بمهنة متسول و دخله يمكن يكون اكثر من المساكين الي يكدو ليل و نهار
ف سوالي : ويش هو موقفك من هذه الفئة؟ هل تتصدق عليه و تكسب الاجر . او تبلغ عليه عشان تحد من هذة الظاهرة
انتظر اقتراحتكم.....

[ابو ذراع]

التسول ضاهره عالمية....
لكن مد يد المساعدة هي من تقدير الشخص نفسة على الحالة ...
ونرى العديد من الناس تبيع ادوات بسيطه تكسب منها دخل جيد ...... بدلا من مد اليد ( التسول).
وشكرا

[همس الفيافي]

فيه ناس محتاجه صح ، تكسر خاطري حرمه عمانية كبييره ف السن سمراء دايما اشوفها فالخوير صوب كنتاكي والله تكسر الخاطر تعور القلب يوم تشوفها هالاسبوع جلست اكلمها شوي سئلتها خالوه انتي وين قالت من بركاء مسكينه تجي من بركاء والله ترحموها حرمه كبيره ف عز شمس الله يرزقها يارب و يفتح عليها

[الوافي]

عن نفسي ما أتعاطف مع هالناس
المحتاج عمره مايمد أييـده للناس
وجهة نظر لا أكثر -
مره شفت متسوله بحوش المسجد
من جمعت الفلوس جاء واحد راعي
كامري أخر موديل أخذها وهي تتلفت
يمين يسار لاحد يشوفها - تسلم أخـي

[حكاية حياه]

أبلغ عليه ..
دام كذا السالفة ..!
لأنه بكذا أولاً يشوه المنظر العام للبلاد ..
ونفس الشيء مطلوب منا الإبلاغ عن مثل هالمواقف ..

[Forgot forget]

وأما السائل فلا تنهر
هذولا متغربين ويرتحموا

مرة كنت في مطرح
ولد ماشاء الله عليه يمكن في عمر 10 سنوات وعلى سيكل
ويبين عليه حسن الهندام
نزل من سيكله
سيدة بدون مقدمات وبإرتجال غريب :باغي نص ريال

فيه ناس ترتحم فعلا وتحاول تساعدها
وفيه من الصغيرين تعطيهم من هالصوب وقدامك سيدة الدكان يشتري

[Forgot forget]

عن نفسي ما أتعاطف مع هالناس
المحتاج عمره مايمد أييـده للناس
وجهة نظر لا أكثر -
مره شفت متسوله بحوش المسجد
من جمعت الفلوس جاء واحد راعي
كامري أخر موديل أخذها وهي تتلفت
يمين يسار لاحد يشوفها - تسلم أخـي

ماكل الناس والمحتاجين من هالصنف أخي الوافي

[مواطن يغار على وطنه]

تسلمو اخواني على المشاركة
وانا وجهة نظري ان التصدق لهذي الفئة يزيد من حجم المشكلة و بالاخص اذا كانو من العمالة الوافدة
اشوف الافضل ان نحسن و نتعاطف مع العامل الي تشقى و تتعب و اجورهم بسيطه
و بخصوص العمانيين اظن الحكومة و الجمعيات الخيرية ما مقصرة

[همس الفيافي]

تسلمو اخواني على المشاركة
وانا وجهة نظري ان التصدق لهذي الفئة يزيد من حجم المشكلة و بالاخص اذا كانو من العمالة الوافدة
اشوف الافضل ان نحسن و نتعاطف مع العامل الي تشقى و تتعب و اجورهم بسيطه
و بخصوص العمانيين اظن الحكومة و الجمعيات الخيرية ما مقصرة

ارجووووك اخوووي
يسدك اتصال الوالد علي ع قناة الوصال بعده هذا رجال وشو ع بالك اذا كانت جرمه تربى يتامى وتاخذ راتب من الشؤون 200 ولا 100 ريال شو يسويلك

[HARDTARGET]

نستطيع أن نفرق بين الإنسان المحتاج والمتسول ..

أما المحتاج فأمد له يد المساعده قدر الإمكان ..

وأما المتسول فأمد له خيزران أو التايروب من السيارة وغلى مركز الشرطة ..

[البيت الحنون]

من الصعب التمييز بين المتسول والمحتاج

لكن من يعمل في مهنه براتب مادي بسيط هو من يستحق ان تمد له يد العون

لكن من يتسول وهو قادر على العمل ولا يعمل ايعقل ان نساعده في التسول ؟

[ماستر كارد]

يعتمد حسب المتسول وجنسه وعمره ولباسه وهندامه وأسلوب كلامه