هل كل امراه كام تتمنى الولد بعد البنات من الاطفال

[أحلى مسقط]

مرحبا

في موقف مر لاحدى الزميلات حيث انها ام ل 5 بنات وتتوق لولد يكمل فرحتهم مع انه ظروفهم صعبه
وايضا شخص اخر الله رزقه ب10 بنات ويريد يتزوج ع زوجته لعله يرزق بالولد

افكر واقول لما لايرضى الواحد بنصيبه ويقول الحمدلله


وقفه صراحه

انتى ياحواء اذا الله رزقك ببنات كيف موقفك وتفكيرك يكون هل تحاولي جيبي عدد كبير من العيال لربما الله يرزقك بالولد ام لا يفرق معاك
وهل الزوجه تفكر دوم ترضي زوجها تهلك عمرها بالحمل والولاده حتى لا يتزوج عليها تحت عذر تجيب لي ولد

هل مازالت هالعقليات المنتشره تفضيل الولد على البنت
تحت ذريعه ولي العهد ياخذ اسم العيله والسند

مارايك حواء بهالموضوع وبكل صراحه لو الله رزقك بالبنات هل راح تفكري كثير وتحزنى انه مارزقتى باوبالاد

وددت ان اناقش هالموضوع في هالزمن هل مازال التاثير اللي كان بالماضي موجود لاهميه الولد في كل اسره انه هو الاساس ومهم


شكرا ووفقكم الله

[كيان أنثى]

لحظة بس راح أبيّن نقطة
تراه تحديد نوع الجنس يعتمد على الزوج
الزوجة ما إلها دخل أبدااااا ف تحديد نوع جنس الطفل لأن كرموسوماتها الجنسية ثابته ( xx )
فعلى أي أساس يجي الرجل يتكلم يقول بتزوج عشان يجيني ولد ؟!!


-ربما لي عودة بإذن الله -

شكرا لك

[ERHABIA]

فعلا ظاهرة كانت متفشيه واختفت وعادت مجدداً بالظهور للاسف

اشوف كثيرر ف المنتديات النسائية من خلطات وتجارب واشياء كثيرة بدواعي انجاب ولد!!!
والي تهلك نفسها مثل م قلتي بالحمل بداعي انجاب ولد!!!

تو يعني البنات مو فيهن؟!

عن نفسي كأم وكبنت عشت ف اسرة تحترم وتقدر وتدلع البنت ومافي تفريق ولله الحمد وبالعكس ابوي يحب اكثر شي البنات

عكس زوج اختي واهله يفضلوا الاولاد على البنات واختي الله رزقها بنتين حتى العقيقة م سولهن ولا عزيمة ولا عيد ميلاد كنه عزا م بشارة ولادة وهالسنة الله رزقها بولد لكنه يعاني من عيب خلقي فالقلب!!

عن نفسي عندي بنت واحمد ربي واشكره حذاك زوجي مافي فرق عنده الحمدلله اهم شي سليم معافا كامل الخلق والخُلق وقريباً ربي راح يرزقنا ببنوته باذن الله وفرحة التجهيز وفرحة قدومها طبعاً م راح تختلف عن اختها

من رأيي ان الواحد يحمد ربه ويشكره عالنعمة في ناس بس تتمنى تششم ريحة الضنى وذيلا يخربطو نريد ولد م نزيد بنت

[أم لمار]

صحيح هالعقليه المريضه فعلا موجوده وفي ناس يتنافسوا ع الولد
وبالعكس الحين الواحد مايقدر يقول شي ع البنت ..البنت ترفع الراس وتساعد اهلها وتدخل المناصب وتحترم وتبر بوالديها حالها حال الولد اذا ما اكثر
عن نفسي مايفرق عندي
والرجال الي يفكر يتزوج ع زوجته لهالسبب يعتبر مريض لان الزوجه فعلا مالها دخل بتحديد الجنس ..كله رزق من رب العالمين

[MISS LOPEZ]

تخلف وسذاجه ,,,و تفكير غبي
ماعندنا هالشكليات ولا مرت علينا الحمدلله

[أنهار 90]

هو صحيح طبيعة بني ادم تميل ان يكون البكر صبي لكن
الحمدلله اللي اشوفه الحين ان عقلية الآباء والازواج صارت
متفتحه اكثر من السابق ..
مثل ما قالن العضوات ان البنت ترفع راس والديها اكثر من الولد
من ناحية احترامها للوالدين والدراسه وكذاا ..ما اقلل من شأن الصبيان
بس فعلا البنت ترفع راس ابوها وامها ..

الحمدلله رب العالمين ابوي الله يحفظه دايماً يفتخر فينا نحن البنات
ويمدحنا واجد فالبيت وخارج البيت ..

صار معي بنت ربي يحفظها ف عاد االحمل الجاي مستقبلاً اكيد نفسي
تتوق لان يكون معي ولد ..بسسس اذا جت البنت بالعكس بفرح كثيرر
وبحمد ربي عالنعمه ♡

فيه ناس تتمنى يكون معها طفل
وشي ناس تتشرط سبحان الله عقليااات

[صمت الانهيار]

بنت او ولد كله رزق من الله..
ناس تتمنى ريحه طفل وناس تتشرط ..
اخوالي معهم٦ بنات والثاني ٧ ..ومعارفنا واحد معه ٧ والثاني٩ بنات وولد ..

وصديقتي وخواتها ٩ وولد واحد..
وبالعكس ابائهم مدلعينهم ومدلعين زوجاتهم ع الاخر ..

صح الانسان يتمنى بسس انه يتزوج ع زوجته عشان ولد..ايش خلى للي يتزوج ع زوجته لانها ما تنجب..

تفكير عقيم وقديم ايظا ..
وبالعكس احس اهل زوجي يفرحو بالبنت..وع قوله العجايز" البنت فرحه دايما والولد فرحه ساعه"


الحمدلله ع الذريه سواء بنت او ولد كلها ارزاق من الله واهم شي يكون بخير وعافيه وسليم من كل عاهه ..

ربي يرزق كل محروومه ..

[ااالدر المكنون]

واالله هالموضوع يقهر
لان الزوج هو الي بمشيئة الله يتحكم في جنس الجنين سواء ذكر او
انثى باذن الله ..

لاكن للاسف الازواج اغلبهم ما يتقبلو هالشي
ويروحو يتزوجو ع زوجاتهم


واحد من الاهل زوجته جابت بنتين
وبعدين.حملت بولد وتوفا وكل ما تجيب ولد يتوفا
وعاد الزوج ماصدق
بسرعه راح تزوج عليها اوين يريد ولد بسرعه
وسبحان الله والله حملن بثنتيهم
وجابن اولاد
لاكن للاسف طلق زوجته الاولى لاسباب مجهوله
مع انها جابتله الولد السليم المعافى والحين عاد عمره
سبع سنوات...
المفروض الازواج يسكتو ولايناقشو موضوع جنس الجنين
لان الزوجه مالها ذنب في الجنس مال.وتبقا ارادة الله فوق كل شي..

واالله يرزق كل متاخره عن الحمل
بالحمل السليم المعافى
يارب ارحم كل محرومه وكل عقيم
ولا تحرمها من طفل تضمه بين احضانها...

[ريحة مطر]

اشوف الغالب البكر يتمنوا الولد..
حتى انا دايما اقول لاختي ياليت لو كنتي ولد ع الااقل تشلينا هنا وهناك>>ترا انا كله تفكيري ف الدوارة ههههه

لكن ابدااا ما شي تفريق بين البنت والولد
ابوي يشاورنا ف كل شي وحنا نتكلم قبل اخوي

بس احس اغلب النساااء كذااا شوفن الايه..قَالَتْ رَبِّ إِنِّي وَضَعْتُهَا أُنثَى وَاللهُ أَعْلَمُ بِمَا وَضَعَتْ وَلَيْسَ الذَّكَرُ كَالأُنْثَى وَإِنِّي سَمَّيْتُهَا مَرْيَمَ وَإِنِّي أُعِيذُهَا بِكَ وَذُرِّيَّتَهَا مِنْ الشَّيْطَانِ الرَّجِيمِ}

زوجة سيدنا عمران تمنت الولد فجاءت البشرى بالبنت..
تمنت الولد ليكون خادم للمصلين ف البيت المقدس..

مجئ البنت يعتبر بشرى لوالديها ..:واذا بشر احدهم بالانثى ظل وجهه مسودا وهو كظيم:


والسلااااام

[ام طيوف]

موضوع جميل ..

لي صديقه أمها أنجبت ١٠ بنات ورا بعض وسبحان الله كل ما تجئ بنت تجيب معها الرزق والخير الوفير لوالديها وبعدين جابوا الولد وانقلبت حياتهم بأول يوم مجي الولد .. الأب كان يتمنى ولد وآلام مسكينه البنات فوقهن فوقهن الأكبر اللي هي صديقتي عمرها ٢٠ سنه يعني تخيلوا الوضع .. تخيلوا وضع الام سنه مربيه وسنه حامل !
ومن جا الولد تغيرت حالتهم .. وبعد الولد جات بنت وتغيرت حالتهم الأفضل بكثييييير عن قبل ،
ومن بعدها عرف الأب قيمة البنات اللي عنده ! وان ما ف فرق بينهم والحين كثير متعلق في بناته ويحترم زوجته ويقدرها ،


انا طبعا لو جاني كله بنات حلاتهن .. البنات زينة البيت :غمزة:
عندي بنت ربي يحفظها وكثير ماليه علينا الحياه
وزوجي طبعا يموووت في البنوتات اكثر ،

بنت او ولد الحمدلله .. غيرنا يتمنوا الذريه ،

[Qoloob]

وأنا أقرأ الموضوع تذكرت هذه القصة.

إتفق زوجان في صباح عرسهما أن لا يفتحا الباب لاي زائر مهما كان !! وبـ الفعل جاء أهل الزوج يطرقون الباب ونظر كل من الزوجين لبعضهما نظره تصميم لتنفيذ الإتفاق ولم يفتحا الباب حتى ذهب أهل الزوج ...
ولم يمض من الوقت إلا قليل حتى جاء أهل الزوجه يطرقون الباب فنظر الزوج الى زوجته ..فإذا بها تذرف الدموع وتقول :
والله ما يهون علي وقوف أبوي وأمي قدام الباب ولا أفتح لهم !!!
سكت الزوج وصعبت عليه زوجته وتركها تفتح الباب لأهلها !!
مضت السنين وقد رزقوا بأربع أولاد صبيان وكانت خامستهم طفلة
فرح بها الأب فرحاً شديداً وذبح الذبائح فسأله الناس متعجبين فرحه الذي غلب فرحته بأولاده الذكور ؟!
.
.
.
.
فأجاب ببساطه : هذه هي التي ستفتح لي الباب

[حروف بعثرها الزمن]

مسكينة الزوجة إذا الله ما رزقها بالذرية كلوها الناس بلسانهم
و إذا جابت بنات قالوا ذي ما تجيب غير البنات كما أمها
و إذا جابت بنات و أولاد قالوا شوفوا فلانه تحتها سمة ولاد
لا من خيرهم و لا من كفاية شرهم... الله المستعان
و الحديث لا ينتهي.... و دايما الزوجة تحت الأنظار..

[ريحة مطر]

مسكينة الزوجة إذا الله ما رزقها بالذرية كلوها الناس بلسانهم
و إذا جابت بنات قالوا ذي ما تجيب غير البنات كما أمها
و إذا جابت بنات و أولاد قالوا شوفوا فلانه تحتها سمة ولاد
لا من خيرهم و لا من كفاية شرهم... الله المستعان
و الحديث لا ينتهي.... و دايما الزوجة تحت الأنظار..

ههههههههههههههههه ضحكني كلامش

[كركديه]

في عقليات للحين تفكر كذا؟

تخلف بصراحه..

الحمدلله هالمكر ما معنا ف العيلة.. ملاحظة الأغلبية يحبوا البنات أكثر خصوصا الآباء :فيس قلوب:

بالعكس أحلى والله وتقدري تكشخيهن وتدلعيهن مثل ما تريدي وفي المستقبل لما يكبرن محد بيفيد الأم غيرهن.. عكس الأولاد أعوذ بالله من صغرهم رباشين ولما يكبروا شي منهم ينسوا أهلهم !!

[الهيئة العامة]

ما أعرف بعدني ما حسيت بهالشعور
يمكن بفكر أني راح أقنع نفسي وزوجي أنه بناتنا هن بيجيبن أولاد
أو أولادنا هم بيجيبوا بنات
ومثل ما يقول المثل ما أعز من الولد إلا ولد الولد

[أحلى مسقط]

لحظة بس راح أبيّن نقطة
تراه تحديد نوع الجنس يعتمد على الزوج
الزوجة ما إلها دخل أبدااااا ف تحديد نوع جنس الطفل لأن كرموسوماتها الجنسية ثابته ( xx )
فعلى أي أساس يجي الرجل يتكلم يقول بتزوج عشان يجيني ولد ؟!!


-ربما لي عودة بإذن الله -

شكرا لك

هلا

شكرا لمشاركتك بالفعل مثل ماقلتي

بس الرجال مايتقينوا ولا يفهموا هالكلام اهم شي ابي ولد ياخذ اسمي والخ من الكلام

واللوم كله يقع للاسف على الزوجه المسكينة

[أحلى مسقط]

فعلا ظاهرة كانت متفشيه واختفت وعادت مجدداً بالظهور للاسف

اشوف كثيرر ف المنتديات النسائية من خلطات وتجارب واشياء كثيرة بدواعي انجاب ولد!!!
والي تهلك نفسها مثل م قلتي بالحمل بداعي انجاب ولد!!!

تو يعني البنات مو فيهن؟!

عن نفسي كأم وكبنت عشت ف اسرة تحترم وتقدر وتدلع البنت ومافي تفريق ولله الحمد وبالعكس ابوي يحب اكثر شي البنات

عكس زوج اختي واهله يفضلوا الاولاد على البنات واختي الله رزقها بنتين حتى العقيقة م سولهن ولا عزيمة ولا عيد ميلاد كنه عزا م بشارة ولادة وهالسنة الله رزقها بولد لكنه يعاني من عيب خلقي فالقلب!!

عن نفسي عندي بنت واحمد ربي واشكره حذاك زوجي مافي فرق عنده الحمدلله اهم شي سليم معافا كامل الخلق والخُلق وقريباً ربي راح يرزقنا ببنوته باذن الله وفرحة التجهيز وفرحة قدومها طبعاً م راح تختلف عن اختها

من رأيي ان الواحد يحمد ربه ويشكره عالنعمة في ناس بس تتمنى تششم ريحة الضنى وذيلا يخربطو نريد ولد م نزيد بنت

مرحب بمشاركتك

ظاهره للان متفشيه
وحتى مؤخرا رحنا عرس اتبين المعرس متزوج بس عنده 3 بنات واتزوج عشان يجيب الولد
واقول ف نفسي لو ماجابت له الولد بعدين


ترى مجتمعنا مجتمع ذكوري تشوفيه اكثر لذا يفضلون الذكر

مع انه اشوف البنت نعمه كبيره وخاصه لاهلها تحبهم تداريهم وتطبطب عليهم وتحن اكثر من الولد

بس وقفه صراحه انتي مدام عندك بنت

كنتي تفضلي الطفل الثاني ولد واكيد زوجك

كل وحده بتقول لا عادي ومايفرق والخ من الكلام بس بداخلها اكيد تتوق للولد

اولا لتكمله الفرحه وعشان الاب يفرح وعشان الناس المجتمع واهل الزوج والخ

شكرا لك

[أحلى مسقط]

تخلف وسذاجه ,,,و تفكير غبي
ماعندنا هالشكليات ولا مرت علينا الحمدلله

مثل ماقلتي للان تخلف

ولكن هذا شي واقعي للاسف ومجتمعنا فيه هالشي للان وماينتهي
لابد من نشر الوعي وايضا توضيح فكره انه البنات نعمه كبيره وانه الرجل من يتحكم بجنس الطفل

ولكن من يفهم بعض الرجال اللي تقول من العصر الحجري

ذكرتيني ببنت اعرفها اتزوجت وحملت وكانت خايفه تقول اريد ولد عايله زوجي يبون ولد الى ماسبحان الله الله روقها بولد ارتاحت وثبتت نفسها بعيلتهم بتفكيرها انه جابت الولد
وجابت الثاني ولد وفرحه اكبر لها ولزوجها ولاهله كونهم يفضلون الاولاد

سبحان الله

[أحلى مسقط]

هو صحيح طبيعة بني ادم تميل ان يكون البكر صبي لكن
الحمدلله اللي اشوفه الحين ان عقلية الآباء والازواج صارت
متفتحه اكثر من السابق ..
مثل ما قالن العضوات ان البنت ترفع راس والديها اكثر من الولد
من ناحية احترامها للوالدين والدراسه وكذاا ..ما اقلل من شأن الصبيان
بس فعلا البنت ترفع راس ابوها وامها ..

الحمدلله رب العالمين ابوي الله يحفظه دايماً يفتخر فينا نحن البنات
ويمدحنا واجد فالبيت وخارج البيت ..

صار معي بنت ربي يحفظها ف عاد االحمل الجاي مستقبلاً اكيد نفسي
تتوق لان يكون معي ولد ..بسسس اذا جت البنت بالعكس بفرح كثيرر
وبحمد ربي عالنعمه ♡

فيه ناس تتمنى يكون معها طفل
وشي ناس تتشرط سبحان الله عقليااات

يسعدني مشاركتك

بالفعل مثل ماقلتى المتعارف عليه منذ القدم الولد هو اساس البيت والاهم والسند وووو
ذا للان في عقليات تفكر كذا اجيب ولد ياخذ اسم العيله والسند ووو
ولكن الحين الزمن تغير البنت صارت مثل الولد تقوم بالاشغال واعمال وتشتغل وتدرس وتسوق كل شي مثلها مثل الولد
اي نعم في اعمال لا تقدر عليها كون طبيعتها لكن معظم الاشيا قادره عليها

الحمدلله والشكر

[umreem13]

شوفي اختي انا ولله الحمد ام لبنتين
الاولى 5 سنين والثانية 7 اشهر

الاطفال بحد داتهم نعمة سواء ولد او بنت
و ما تفرق معي والله حتى لو رزقت بعدد كبير من البنات هدا فضل من رب العالمين
ابيتزوج عليي عشان يجيه ولد؟؟
يسمحلي اقوله ان تفكيره غير منطقي و محدود لان اللي رزقه مني البنت هو وحده القادر يرزقه مني ولد ادا مكتوبله
يروح يتزوج و يتوكل ع الرحمن بس ينساني لانه مش مومن بارادة ربه





و فديت البنات مافي احلى منهم وفديت ابوهم اللي راضي بقسمة ربه

[البسمه]

سبحان الله
الحمدلله عندي بنت وولد
فعايلتنا عااااادي بنات او اولاد واحس امهاتنا الله يخليهن كله يحبن الاولاد وأبائنا ربي يحفظهم يحبوا البنات واجد

[الغبيراء أرضي]

ما عندي كلآم أكثر ممآ قيل //

عن جابر بْنَ عَبْدِ اللَّهِ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : (( مَنْ كُنَّ لَهُ ثَلاثُ بَنَاتٍ يُؤْوِيهِنَّ وَيَرْحَمُهُنَّ وَيَكْفُلُهُنَّ وَجَبَتْ لَهُ الْجَنَّةُ الْبَتَّةَ ،
قَالَ قِيلَ : يَا رَسُولَ اللَّهِ فَإِنْ كَانَتْ اثْنَتَيْنِ ؟ قَالَ : وَإِنْ كَانَتْ اثْنَتَيْنِ ، قَالَ : فَرَأَى بَعْضُ الْقَوْمِ أَنْ لَوْ قَالُوا لَهُ وَاحِدَةً لَقَالَ وَاحِدَةً ))[15]

البنتُ جنة لوآلديها ..

[kel alwid]

فعلا هالشي موجود بس الواحد لازم يرضى بنصيبه من الله وكله خير من الله تعالى سواء ولد ولا بنت

والمضحك اللي يروح يتزوج ثانيه عشان تجيبله الولد واساسا الزوج هو اللي يحدد جنس الجنين

[فجر الهدى]

سبحان الله استغرب من هالفئة من الناس
الناي تتمني الذرية وهم يتشرطوا

عن نفسي الولد والبنت كله واحد
وحتى زوجي أهم شي صحتهم وعافيتهم

والله يرزقني بالذرية الصالحة المعافاة^_^

[ابتسامة التحدي]

الاطفال بنين او بنات ليسوا سوى زينة الحياة الدنيا
ولاتدري ايهم اقرب نفعا..يمكن البنت بتنفع الوالدين اكثر من الولد
وهذا واقع معاش
اهم شي الرضا بكل مايهبه الله للانسان...ومع الرضا والقناعة يعيش
الانسان في راحة

[روح الزهور]

فيه عقليآت متخلفه في مجتمعنآ وربي يعآفينآ من التفكير ..
إحنآ بالعيله عآدي عندنآ رزق أخوي بأربع أولاد والسنة
المآضية رزق ببنت ..! وامآ أخوي الثآني عندة أربع بنآت
بس نفسة في ولد بس مع ذآلكـ يحب بنآتة ومدلعنهن
وفي النهآية كله خيرة أهم شيء إنهم بخير وعآفية ..^ـ^ ..

أمآ عن نفسي أحب البنآآت كثير ربي يرزقني ببنوتة قمر
بس عآد مآ أدري متى

[امار عمان]

متابعة بصمت

[سيدة الشرق]

سبحان الله
الله يعين الحريم على ها العقليه من الرجال
الله يخلي الوالد يقول اللي يجي من عند الله حياه الله

[عاطفة الربيع]

الرجال هو من يحدد جنس الطفل واذا تزوج على زوجته لانها تنجب اناث هذا الظلم بعينه صراحة جبت ولد وحاليا حامل اهم شي اتمنى اولد بالسلامة وجنس الطفل ما يهمني ابدا
الله يعين الزوجات اللي تفكير ازواجهم كذا المفروض يكون عنده خلفية في مثل هالمواضيع