فقط للعائلات بيت ف بركاء

[البيت الكبير]

يوجد بيت نظيف و الحمدالله للايجار ب 160 ريال غير قابل للتخفيض انا ساكن فيه لمدة سنة و حاليا بطلع منه لان بيتي جاهز البيت و صاحب البيت للامانة قمة الاخلاق لم اشتكي لا من البيت شيء ومن الجيران ولا من صاحب البيت
طبعا بدون شيكات بدون عقد ايجار اللهم مقدم كل شهر .

مواصفات البيت .

غرفتين كبيرتين جدا + صالة كبيرة + حماممين + مطبخ كبير جدا + حوش تدخل سيارتك فيه .

المنطقة الصومحان .

انا حبيت بس اساعد لي يريد يستاجر وليس لي فيه لا ناقة ولا جمل . واي استفسار مستعد .

دمتم بود . للعلم راح اطلع من البيت تاريخ 15 من هذا شهر

[فوق العلالي]

السلام ع
ارجو التواصل انا ابحث على منزل للإيجار

[عذبة الكلام]

موفق يا رب

[مدربة كومبيوتر]

السلام عليكم بارك الله فيك اخي والله انا محتاجة بيت ضروري ممكن اعرف موقع البيت بلا امر عليك وكيف ممكن نشوفه ممكن تعطيني رقم تلفونك حتى نتواصل معاك بخصوص البيت وشكرا الك

[Big Block]

اذا العرض مستمر تواصل معي

[لحن الخلود 89]

يعني لاحاط رقم ولا حتى واصف المكان كيف تبى ناس تستاجر لبيت

[لحن الخلود 89]

انت اصلن لو صدق في بيت للاجار كان حطيت رقمك. ناس تافهه

[الحب وما هو إلا]

الله يهديك لحن
هذا الاعلان بشهر 2 والحين احنا نهاية شهر 5 يعني قريب يمر عليه 4 اشهر
الحين جاية تغدقي بعمرك

ثانيا انا تواصلت خاص معه ورسل رقمه بس للاسف كان البيت محجوز بعد ما عطاني صاحب البيت

وما قصر بعده خبرني اروح لمكتب العقارات وشافلي بيت ثاني عود
بيت فيه 3 غرف ومجلس وصاله ومطبخ وقيمته 180 بس ما بغيته لانه واجد علي فكبره .. الا انا وزوجتي بس
ومن غير الحوش قدام ل4 سيارات وزيادة وحوش الخلف

والبيت موجود فصومحان جنوب مقابل الملعب داخل لونه ابيض
ما اعرف اذا تأجر او لا
لان هالكلام من 3 اشهر

ولا تسيئي الظن فالناس
ترى بعض الظن إثم

ودمتي بود

[لحن الخلود 89]

وانا اتواصلت عنده ماردعلي والمفروض اي واحد يعرض شقه او بيت يحط رقمه عشان ناس تتواصل عندهم يعني ليش كل هذي تعقيدات