احسن وسيلة للمباعدة

**هو الله** · 25/12/2011 12:56 PM

انا على وشك ولادة وناوية اسوي مباعدة بس ما عارفة بأي وسيلة !!! الحمد لله عندي 4 ومن قبل سويت مباعدة بالواقي الذكوري والحمد لله نجحت المسألة لمدة 5 سنوات بس المشكلة زوجي مل من هذي الوسيلة...والحين افكر في اللولب او الإبرة... وماااااا اريييييييد اقترب من الحبوب لأنه الكل صراحة يذم مفعولها وبلاويها ...ارجوووكم اريد وحدة مجربة والطبيبة الي ركبت لها اللولب او عطتها الإبرة...ارجووكم ضرووري...

**MOPR** · 25/12/2011 01:20 PM

طبيعي احسن

**هو الله** · 25/12/2011 01:22 PM

أرسل أصلا بواسطة MOPR

طبيعي احسن

بس ما ممكن تجازفي....ياما حريم جربوها وحملن

**MOPR** · 25/12/2011 01:37 PM

اختي طبيعي
بدون القذف داخل الرحم
ان شا الله ما يحصل حمل

**سليمه الزئبقية** · 25/12/2011 01:39 PM

اللولب

**الرويناء** · 25/12/2011 09:18 PM

ما شي افضل من اللولب
ما ياثر على الجسم ابد

**إمراة وفية** · 26/12/2011 09:34 AM

لا تجازفي أبد بالطبيعي
معظم بنات اهلي تورطن بيها واسلم طريقة الواقي وتخوف من الابر واللولب

أرسل أصلا بواسطة هو الله

بس ما ممكن تجازفي....ياما حريم جربوها وحملن

**البسمة الدائمة** · 26/12/2011 09:43 AM

أرسل أصلا بواسطة إمراة وفية

لا تجازفي أبد بالطبيعي
معظم بنات اهلي تورطن بيها واسلم طريقة الواقي وتخوف من الابر واللولب

بالفعل الطبيعي ما مضمون كثير حريم حملن من الطبيعي ...

ومثل ما قلتي اسم طريقة الواقي وبتكون الامور طيبة الحمدلله بس الابر والحبوب واللولب تخوووووووف .......

**ضي2009** · 26/12/2011 09:51 AM

والله ع حسب انا اسوي طبيعي واموري الحمد لله تمام لحين ولدي عمرة ثلاث سنوات ومعظم الاهل يستخدموا هاذي الطريقه والكل امورهم طيبه

**هو الله** · 26/12/2011 10:34 AM

ياحبيباتي الواقي زوجي مل منها وانتو عارفين طبع الأزواج...إلي مجربة اللولب ممكن تقول لي هل يألم وقت ما يدخلوه في المهبل ؟؟ ومن أحسن طبيبة تركبه؟؟ وكيف بالنسبة للإبر ومفعولها ؟؟؟ ارجوكم لازم اقرر بسرعة...

**Suaira** · 26/12/2011 10:41 AM

عزيزتي راجعي المركز الصحي اللي تعالجين عنده وهما يعطوك تفاصيل عن الأبر وعن اللولب بس أعتقد اللولب أأمن من الإبر وفي نفس الوقت الإثنين لهم سلبيات وإيجابيات
أنا عن نفسي سويت مباعدة طبيعية لمدة 3 سنوات والحمد لله نجحت معاي

**سماسم** · 26/12/2011 10:45 AM

أرسل أصلا بواسطة ضي2009

والله ع حسب انا اسوي طبيعي واموري الحمد لله تمام لحين ولدي عمرة ثلاث سنوات ومعظم الاهل يستخدموا هاذي الطريقه والكل امورهم طيبه

فعلا نفس الشي عندنا الطبيعية فقط مافيه وحده استخدمتها وما ضبطت معاها
المباعده الطبيعية ماتضبط لما تكون بالحساب اقصد يعني القذف خارج الرحم في
ايام التبويض ما في كل الايام بس اذا كان القذف خارج الرحم في جميع الايام بدون استثناء إن شاء الله بتضبط

**هو الله** · 26/12/2011 11:34 AM

في فترة قرأت عن لاصق يحطوه على الكتف ياخي ماعرف كيف مفعوله ؟؟؟ وهل يوجد عندنا ؟؟؟ بالنسبة للقذف خارج الرحم تراني حملت هالمرة بهذي الطريقة في رجال ما يتحكمو بنفسهم

**أريزونا** · 26/12/2011 12:39 PM

أرسل أصلا بواسطة هو الله

في فترة قرأت عن لاصق يحطوه على الكتف ياخي ماعرف كيف مفعوله ؟؟؟ وهل يوجد عندنا ؟؟؟ بالنسبة للقذف خارج الرحم تراني حملت هالمرة بهذي الطريقة في رجال ما يتحكمو بنفسهم

كأني سمعت إنه موجود ف مستشفى الديوان

**ابتسامة صمت** · 26/12/2011 06:44 PM

أرسل أصلا بواسطة هو الله

في فترة قرأت عن لاصق يحطوه على الكتف ياخي ماعرف كيف مفعوله ؟؟؟ وهل يوجد عندنا ؟؟؟ بالنسبة للقذف خارج الرحم تراني حملت هالمرة بهذي الطريقة في رجال ما يتحكمو بنفسهم

أول مره أسمع عنه

ممكن توضحي أختي أكثر عشان نستفيد

**الورد الطيب** · 26/12/2011 09:16 PM

الابر بعد مضره والطبيعي مومضمونه وماجربت الحبوب بس بالواقي احسن شي استمرو عليه

**Youniza** · 26/12/2011 09:26 PM

أرسل أصلا بواسطة هو الله

ياحبيباتي الواقي زوجي مل منها وانتو عارفين طبع الأزواج...إلي مجربة اللولب ممكن تقول لي هل يألم وقت ما يدخلوه في المهبل ؟؟ ومن أحسن طبيبة تركبه؟؟ وكيف بالنسبة للإبر ومفعولها ؟؟؟ ارجوكم لازم اقرر بسرعة...

عزيزتي ما عليج شر..جربي اللولب دام انت مضطرة ..واذا حسيتي بشي ممكن راح تشيليه عادي..والابرة كذلك لو حسيتي بشي ممكن ما تستمري عليها..ممكن الطريقتين يناسبوج لو جربتي ..يعني ماشرط لو مانفعت مع غيرج ماتنفع معاج..(خاصة بو الشباب ينتظر الفرج) روحي قشن اللي بالخوض سمعت الطبيبة شطورة.بس ما عندي فكرة عن الاسعار.بالتوفيق

**عطر الخليج** · 26/12/2011 09:32 PM

أنا جربت أبر مده خمس سنوات وتركتها من سنه ولحين حامل في شهر التاسع ولله الحمد

**الورد الطيب** · 26/12/2011 10:20 PM

بس سمعت ان الابره تلعوز الدوره ولها مضار
انا حملت مرتين واجهضت

**ابجديه** · 27/12/2011 12:01 AM

انا ستخدم ابر والحين توقفت عنهن من استخدمتهن لين الحين سنتين الدوره ما نزلتلي بس كل شهر يستويلي الم فضيع مثل الم الدوره وما ينزلي شي
وبطني منتفخ كاني حامل بصراحم ما انصحش
بس اللولب احسه افضل وسيله اجابياته اقل من سلبياته

**هو الله** · 27/12/2011 08:47 AM

أرسل أصلا بواسطة الورد الطيب

بس سمعت ان الابره تلعوز الدوره ولها مضار
انا حملت مرتين واجهضت

اختي قصدش حملتي اثناء فترة المباعدة ؟؟؟ يعني خذيتي الإبرة وفوق هذا حملتي ولا كيف؟؟؟؟

**هو الله** · 27/12/2011 08:48 AM

أرسل أصلا بواسطة ابجديه

انا ستخدم ابر والحين توقفت عنهن من استخدمتهن لين الحين سنتين الدوره ما نزلتلي بس كل شهر يستويلي الم فضيع مثل الم الدوره وما ينزلي شي
وبطني منتفخ كاني حامل بصراحم ما انصحش
بس اللولب احسه افضل وسيله اجابياته اقل من سلبياته

الله يعافيش اختي خوفتيني اذا كانت كذا أعراض الإبرة

**هو الله** · 27/12/2011 08:49 AM

أرسل أصلا بواسطة عطر الخليج

أنا جربت أبر مده خمس سنوات وتركتها من سنه ولحين حامل في شهر التاسع ولله الحمد

انزين كيف كان مفعولها ؟؟؟يعني في مضاعفات ؟؟؟ووين خذتيها الإبرة؟؟؟

**هو الله** · 27/12/2011 08:53 AM

أرسل أصلا بواسطة ابتسامة صمت

أول مره أسمع عنه

ممكن توضحي أختي أكثر عشان نستفيد

هذا اللاصق شكله مثل لاصق الجروح صغير وينحط في اي منطقة بالجسم انا قرأت عنه ف النت....ويعتبر وسيلة جديدة للمباعدة

**عطر الخليج** · 27/12/2011 01:09 PM

أرسل أصلا بواسطة هو الله

انزين كيف كان مفعولها ؟؟؟يعني في مضاعفات ؟؟؟ووين خذتيها الإبرة؟؟؟

ماكل الحريم تناسبهن
فتره الاولى جاني نزيف بس رحت عياده وصفولي دواء ونقطع بعدها لكن مره ظهري ورجولي أللام
كانت الدوره تجيني كل شهرين تقريبا مده سنه ونتظمت وبعدها جتني كل شهر
وكن أروح المستشفى وأحيانا أروح عياده

ولحين بعد مفكره أضرب بعد الولاده

**آهه المظلوم** · 27/12/2011 03:08 PM

هلا اختي انا حاليا عندي طفل عمرة سنه وثلاثه شهور
مستمرة على الواقي الذكري ...بس هالفترة قررت اعمل لولب
لان بدا يعمل لي التهابات

اللي اعرفه اذا حبيتي تركبي لولب روحي
مجمع الزهراء الطبي فالقرم
وعندك مركز الثريا فالمصنعه
ومركز الفاروق موجود فبركاء

تقريبا اغلب زميلاتي عملن فهالاماكن
انا مقررة اروح هالشهر

طبيعه تركيبه اللولب ما تاخذ الا 5 دقايق اواقل .. ما تحسي بشي
اهم شي الفحص المستمر كل سته اشهر

**هو الله** · 28/12/2011 10:35 AM

أرسل أصلا بواسطة what ever123

اختي تو مالك مرتبشه ومكبره الموضوع،،وتعقدي نفسك بملصقات ما مضمونه وما نعرف عنها...
سوي لولب وخلصت السالفه،
بلا معاناة ابر ولا حبوب ولا طبيعي اللي ما مامضمون،،
تو سألي وين احسن دكتوره شاطره ف هالموضوع والسلام،،
وعذرا

أختي ...انا ما مكبرة الموضوع بس حبيت اعرف رأي الأغلبية ف احسن وسيلة لأني ما جربت غير الواقي...والمشكلة انه اغلب الوسائل لها مضاعفات....

**سليمه الزئبقية** · 28/12/2011 11:06 AM

أفضل طريقة واضمن هي اللولب ولا تسوى في مشتشفيات حكوميه

**NENA26** · 28/12/2011 11:57 AM

أرسل أصلا بواسطة what ever123

اختي تو مالك مرتبشه ومكبره الموضوع،،وتعقدي نفسك بملصقات ما مضمونه وما نعرف عنها...
سوي لولب وخلصت السالفه،
بلا معاناة ابر ولا حبوب ولا طبيعي اللي ما مامضمون،،
تو سألي وين احسن دكتوره شاطره ف هالموضوع والسلام،،
وعذرا

مرحبا عزيزاتي

صحيح في الطريقه الجديده عن طريق الااصق يحطو على اعلى اليد هو مو لاصق بلمعنى الاصح هو يجي كانه حطبه صغيره لانه سبحان الله في الكتف في عرق صغير متصل برحم
فيربطوها عن طريق هذه الحطبه الصغيره --- الطريقه واااااااااااجد حلوه ما تضر أبد الرحم ولا تجيب الانهابات لانه بعيد جدا هن هذا الموقع - وهذا الكلام لانه أختي مسوية وزوجة أخوي جلست فيه 5
سنوات ولما بغت تحمل طلعته والحمدلله وبإرادة الرحمان ع طول بعد 3 أشهر حملت - والشي الحلو انك ممكن تتاكدي بوجوده بنفسك لانه تحسين من بعيد اذا مسكتي مكان الموضع المحطوط
بس للاسف مافي في عمان - أخواتي سوها في تنزانيا بس الحين سمعت في في دبي

بتوفيق -
بس الاكييييد مهما سويتي أذ الله كتبلك تحملي راح تحملي
بس أحنا حريم غيييير

**IGnorant** · 28/12/2011 02:11 PM

ما عندي فكره صراحه

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: احسن وسيلة للمباعدة

أدوات الموضوع

البحث في الموضوع

نمط العرض

احسن وسيلة للمباعدة

مواضيع مشابهه

أفضل طريقة أمنة للمباعدة بين الولادات

وين احسن؟,,,,,,,,,,,,,,,,,,,,,

[ معروض ] احسن وسيلة نقل ادخل منت خسران

سؤال للي استخدمن الحبوب للمباعدة ؟

قواعد المشاركة